Punjab News: ਪੰਜਾਬ ਦੇ ਅੰਮ੍ਰਿਤਸਰ 'ਚ ਇੱਕ ਆਦੀ ਈ-ਰਿਕਸ਼ਾ ਚਾਲਕ ਦੀ ਵੀਡੀਓ ਵਾਇਰਲ ਹੋ ਰਹੀ ਹੈ। ਰਿਕਸ਼ਾ ਚਾਲਕ ਨੇ ਸ਼ਰਾਬ ਪੀਤੀ ਹੋਈ ਸੀ ਅਤੇ ਰਿਕਸ਼ਾ ਪੈਦਲ ਚੱਲਣ ਵਾਲਿਆਂ ਅਤੇ ਬਾਈਕ ਅਤੇ ਸਾਈਕਲ ਸਵਾਰ ਲੋਕਾਂ ਨੂੰ ਟੱਕਰ ਮਾਰਦਾ ਹੋਇਆ ਭੱਜ ਗਿਆ। ਇਸ ਈ-ਰਿਕਸ਼ਾ ਚਾਲਕ ਦਾ ਪੁਲਿਸ ਦਾ ਕਰੀਬ 6 ਕਿਲੋਮੀਟਰ ਤੱਕ ਪਿੱਛਾ ਕੀਤਾ। ਇਸ ਦੇ ਬਾਵਜੂਦ ਉਹ ਪੁਲਿਸ ਵਾਲਿਆਂ ਦੇ ਹੱਥ ਨਹੀਂ ਲੱਗਿਆ।
ਦਰਅਸਲ, ਇਹ ਘਟਨਾ ਅੰਮ੍ਰਿਤਸਰ ਦੇ ਲਾਰੈਂਸ ਰੋਡ ਚੌਕ ਤੋਂ ਸ਼ੁਰੂ ਹੋਈ। ਇੱਥੇ ਇੱਕ ਬਜ਼ੁਰਗ ਜੋੜੇ ਨੇ ਚੌਕ 'ਚ ਖੜ੍ਹੇ ਪੁਲਿਸ ਮੁਲਾਜ਼ਮ ਨੂੰ ਨਸ਼ੇੜੀ ਰਿਕਸ਼ਾ ਚਾਲਕ ਬਾਰੇ ਦੱਸਿਆ। ਰਿਕਸ਼ਾ ਚਾਲਕ ਨੇ ਜੋੜੇ ਨੂੰ ਗ੍ਰੀਨ ਐਵੇਨਿਊ ਲਿਜਾਣਾ ਸੀ, ਪਰ ਪਰ ਉਹ ਸ਼ਰਾਬੀ ਹਾਲਤ 'ਚ ਲਾਰੈਂਸ ਰੋਡ 'ਤੇ ਘੁਮਾਉਂਦਾ ਰਿਹਾ। ਜਦੋਂ ਪੁਲਿਸ ਮੁਲਾਜ਼ਮ ਰਿਕਸ਼ਾ ਚਾਲਕ ਨੂੰ ਫੜਨ ਲੱਗੇ ਤਾਂ ਉਸ ਨੇ ਪੁਲਿਸ ਮੁਲਾਜ਼ਮ ਨੂੰ ਵੀ ਟੱਕਰ ਮਾਰੀ ਅਤੇ ਫਰਾਰ ਹੋ ਗਿਆ। ਇਸ ਤੋਂ ਬਾਅਦ ਪੁਲਿਸ ਮੁਲਾਜ਼ਮ ਨੇ ਦੱਸਿਆ ਕਿ ਰਿਕਸ਼ਾ ਚਾਲਕ ਨੇ ਸ਼ਰਾਬ ਪੀਤੀ ਹੋਈ ਸੀ। ਇਸ ਤੋਂ ਬਦਬੂ ਆ ਰਹੀ ਸੀ। ਕਿਸੇ ਵੱਡੇ ਹਾਦਸੇ ਤੋਂ ਬਚਣ ਲਈ ਉਸ ਨੂੰ ਰੋਕਣ ਦੀ ਕੋਸ਼ਿਸ਼ ਕੀਤੀ ਪਰ ਉਹ ਭੱਜ ਗਿਆ। ਫਿਰ ਮੋਟਰਸਾਈਕਲ ਸਵਾਰ ਦੀ ਮਦਦ ਨਾਲ ਉਸ ਦਾ ਪਿੱਛਾ ਕੀਤਾ। ਪੁਲਿਸ ਤੋਂ ਭੱਜਦੇ ਹੋਏ ਰਿਕਸ਼ਾ ਚਾਲਕ ਨੇ ਰਸਤੇ 'ਚ ਕਈ ਲੋਕਾਂ ਨੂੰ ਟੱਕਰ ਮਾਰੀ।
ਪੁਲਿਸ ਨੇ ਰਿਕਸ਼ਾ ਕਬਜ਼ੇ 'ਚ ਲਿਆ
ਦੂਜੇ ਪਾਸੇ ਮੁਲਜ਼ਮ ਰਿਕਸ਼ਾ ਚਾਲਕ ਨੇ ਪੂਰੀ ਰਫਤਾਰ ਨਾਲ ਰਿਕਸ਼ਾ ਭਜਾਉਣਾ ਸ਼ੁਰੂ ਕਰ ਦਿੱਤਾ ਅਤੇ ਮੋਹਣੀ ਪਾਰਕ ਨੇੜੇ ਪਹੁੰਚਦੇ ਹੀ ਰਿਕਸ਼ਾ ਕੰਧ ਨਾਲ ਟਕਰਾ ਕੇ ਪਲਟ ਗਿਆ ਅਤੇ ਰਿਕਸ਼ਾ ਚਾਲਕ ਭੱਜ ਗਿਆ। ਇਸ ਦੇ ਨਾਲ ਹੀ ਪੁਲਿਸ ਨੇ ਈ-ਰਿਕਸ਼ਾ ਕਬਜ਼ੇ 'ਚ ਲੈ ਲਿਆ, ਪਰ ਰਿਕਸ਼ਾ ਚਾਲਕ ਫ਼ਰਾਰ ਹੋਣ 'ਚ ਕਾਮਯਾਬ ਹੋ ਗਿਆ। ਰਿਕਸ਼ਾ ਦੀ ਮਦਦ ਨਾਲ ਚਾਲਕ ਦੀ ਪਛਾਣ ਕੀਤੀ ਜਾ ਰਹੀ ਹੈ। ਪੁਲਿਸ ਦਾ ਕਹਿਣਾ ਹੈ ਕਿ ਜਲਦ ਹੀ ਮੁਲਜ਼ਮ ਖ਼ਿਲਾਫ਼ ਕਾਰਵਾਈ ਕੀਤੀ ਜਾਵੇਗੀ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ।ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਅਤੇ ਡੇਲੀਹੰਟ 'ਤੇ ਵੀ ਫੋਲੋ ਕਰ ਸਕਦੇ ਹੋ।