Chandigarh Cashier Murder Case : SI ਸਮੇਤ 5 ਪੁਲਿਸ ਕਰਮਚਾਰੀ ਸਸਪੈਂਡ, ਜਾਂਚ 'ਚ ਲਾਪਰਵਾਹੀ ਆਈ ਸਾਹਮਣੇ
Chandigarh Cashier Murder Case : ਚੰਡੀਗੜ੍ਹ ਦੇ ਸੈਕਟਰ-11 ਸਥਿਤ ਸ੍ਰੀ ਕੁਮਾਰ ਮੈਡੀਕਲ ਸਟੋਰ ਦੇ ਕੈਸ਼ੀਅਰ ਜਾਨਕੀ ਦਾਸ ਦੇ ਕਤਲ ਮਾਮਲੇ ਵਿੱਚ ਵੱਡੀ ਕਾਰਵਾਈ ਕਰਦਿਆਂ ਚੰਡੀਗੜ੍ਹ ਪੁਲਿਸ ਨੇ 5 ਪੁਲਿਸ ਕਰਮਚਾਰੀਆਂ ਨੂੰ ਸਸਪੈਂਡ ਕਰ ਦਿੱਤਾ ਹੈ
Chandigarh Cashier Murder Case : ਚੰਡੀਗੜ੍ਹ ਦੇ ਸੈਕਟਰ-11 ਸਥਿਤ ਸ੍ਰੀ ਕੁਮਾਰ ਮੈਡੀਕਲ ਸਟੋਰ ਦੇ ਕੈਸ਼ੀਅਰ ਜਾਨਕੀ ਦਾਸ ਦੇ ਕਤਲ ਮਾਮਲੇ ਵਿੱਚ ਵੱਡੀ ਕਾਰਵਾਈ ਕਰਦਿਆਂ ਚੰਡੀਗੜ੍ਹ ਪੁਲਿਸ ਨੇ 5 ਪੁਲਿਸ ਕਰਮਚਾਰੀਆਂ ਨੂੰ ਸਸਪੈਂਡ ਕਰ ਦਿੱਤਾ ਹੈ। ਸਸਪੈਂਡ ਕੀਤੇ ਗਏ ਕਰਮਚਾਰੀਆਂ ਵਿੱਚ SI ਬਚਿੱਤਰ ਸਿੰਘ, ਲੇਡੀ ਕਾਂਸਟੇਬਲ ਸੁਮਨ, ਸੀਨੀਅਰ ਕਾਂਸਟੇਬਲ ਰੌਬਿਨ, ਲੇਡੀ ਕਾਂਸਟੇਬਲ ਦੀਕਸ਼ਾ ਅਤੇ ਸੀਨੀਅਰ ਲੇਡੀ ਕਾਂਸਟੇਬਲ ਜਸਪਾਲ ਕੌਰ ਸ਼ਾਮਲ ਹਨ।
ਐਸਐਸਪੀ ਸੁਮੇਰ ਪ੍ਰਤਾਪ ਸਿੰਘ ਵੱਲੋਂ ਜਾਰੀ ਹੁਕਮਾਂ ਅਨੁਸਾਰ ਜਾਂਚ ਵਿੱਚ ਸਾਹਮਣੇ ਆਇਆ ਕਿ ਨਾਕਿਆਂ 'ਤੇ ਤਾਇਨਾਤ ਇਨ੍ਹਾਂ ਕਰਮਚਾਰੀਆਂ ਨੇ ਚੈਕਿੰਗ ਦੌਰਾਨ ਲਾਪਰਵਾਹੀ ਕੀਤੀ, ਜਿਸ ਕਾਰਨ ਗੋਲੀਬਾਰੀ ਦੇ ਆਰੋਪੀ ਫਰਾਰ ਹੋਣ ਵਿੱਚ ਕਾਮਯਾਬ ਰਹੇ।
ਅਸਲ ਨਿਸ਼ਾਨਾ ਕੋਈ ਹੋਰ ਸੀ
ਪੁਲਿਸ ਜਾਂਚ ਮੁਤਾਬਕ ਸ਼ੂਟਰਾਂ ਦਾ ਨਿਸ਼ਾਨਾ ਕੈਸ਼ੀਅਰ ਜਾਨਕੀ ਦਾਸ ਨਹੀਂ, ਸਗੋਂ ਸੈਕਟਰ-11 ਦਾ ਇੱਕ ਵੱਡਾ ਕੈਮਿਸਟ ਸੀ। ਫਿਰੋਜ਼ਪੁਰ ਦੇ ਇੱਕ ਵਿਅਕਤੀ ਨੇ ਉਸ ਕੈਮਿਸਟ ਨੂੰ ਮਾਰਨ ਲਈ ਸੁਪਾਰੀ ਦਿੱਤੀ ਸੀ। ਸੈਕਟਰ-11 ਵਿੱਚ "ਕੁਮਾਰ" ਨਾਮ ਨਾਲ ਜੁੜੀਆਂ 6 ਮੈਡੀਕਲ ਦੁਕਾਨਾਂ ਹੋਣ ਕਾਰਨ ਸ਼ੂਟਰ ਗਲਤਫਹਿਮੀ ਦਾ ਸ਼ਿਕਾਰ ਹੋ ਗਏ ਅਤੇ ਜਾਨਕੀ ਦਾਸ ਨੂੰ ਟਾਰਗੇਟ ਸਮਝ ਕੇ ਗੋਲੀਆਂ ਮਾਰ ਦਿੱਤੀਆਂ।
ਖਰੜ ਅਤੇ ਜੰਮੂ-ਕਸ਼ਮੀਰ ਨਾਲ ਜੁੜੇ ਤਾਰ
ਜਾਂਚ ਦੌਰਾਨ ਸ਼ੂਟਰਾਂ ਦੇ ਮੋਹਾਲੀ ਦੇ ਖਰੜ ਨਾਲ ਵੀ ਸੰਬੰਧ ਸਾਹਮਣੇ ਆਏ ਹਨ। ਵਾਰਦਾਤ ਤੋਂ ਬਾਅਦ ਆਰੋਪੀ ਬੱਸ ਰਾਹੀਂ ਦਿੱਲੀ ਅਤੇ ਫਿਰ ਰੇਲਗੱਡੀ ਰਾਹੀਂ ਜੰਮੂ-ਕਸ਼ਮੀਰ ਪਹੁੰਚੇ ਤਾਂ ਜੋ ਸ਼ੱਕ ਤੋਂ ਬਚ ਸਕਣ।ਪੁਲਿਸ ਨੇ ਜੰਮੂ ਦੇ ਸਾਂਬਾ ਇਲਾਕੇ ਤੋਂ ਅਜੈ ਕੁਮਾਰ, ਓਮਕਾਰ ਅਤੇ ਵਿਵੇਕ ਮਹਿਰਾ ਨੂੰ ਹਿਰਾਸਤ ਵਿੱਚ ਲਿਆ ਹੈ। ਜਾਂਚ ਵਿੱਚ ਸਾਹਮਣੇ ਆਇਆ ਹੈ ਕਿ ਇਹ ਤਿੰਨੇ ਸ਼ੂਟਰਾਂ ਦੇ ਲਗਾਤਾਰ ਸੰਪਰਕ ਵਿੱਚ ਸਨ ਅਤੇ ਵਾਰਦਾਤ ਤੋਂ ਪਹਿਲਾਂ ਅਤੇ ਬਾਅਦ ਵੀ ਉਨ੍ਹਾਂ ਨਾਲ ਫੋਨ 'ਤੇ ਗੱਲਬਾਤ ਕਰਦੇ ਰਹੇ।
AGTF ਅਤੇ ਚੰਡੀਗੜ੍ਹ ਪੁਲਿਸ ਦੀ ਤਲਾਸ਼ ਜਾਰੀ
ਚੰਡੀਗੜ੍ਹ ਪੁਲਿਸ, ਕਰਾਈਮ ਬ੍ਰਾਂਚ ਅਤੇ ਪੰਜਾਬ ਦੀ AGTF ਦੀਆਂ ਟੀਮਾਂ ਦਿੱਲੀ, ਨੋਇਡਾ, ਗ੍ਰੇਟਰ ਨੋਇਡਾ, ਹਰਿਆਣਾ ਅਤੇ ਜੰਮੂ-ਕਸ਼ਮੀਰ ਵਿੱਚ ਛਾਪੇਮਾਰੀ ਕਰ ਰਹੀਆਂ ਹਨ। ਮੁੱਖ ਸ਼ੂਟਰ ਆਦਿਲ, ਸੰਨੀ ਮਹਿਰਾ ਅਤੇ ਰਾਹੁਲ ਚੌਹਾਨ ਅਜੇ ਵੀ ਫਰਾਰ ਹਨ, ਪਰ ਜਾਂਚ ਏਜੰਸੀਆਂ ਦਾ ਦਾਅਵਾ ਹੈ ਕਿ ਉਹ ਦੋਸ਼ੀਆਂ ਦੇ ਕਾਫੀ ਨੇੜੇ ਪਹੁੰਚ ਚੁੱਕੀਆਂ ਹਨ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਅਤੇ ਡੇਲੀਹੰਟ 'ਤੇ ਵੀ ਫੋਲੋ ਕਰ ਸਕਦੇ ਹੋ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
