Chandigarh Liquor Auction: ਚੰਡੀਗੜ੍ਹ 'ਚ ਸ਼ਰਾਬ ਠੇਕਿਆਂ ਦੀ ਨੀਲਾਮੀ ਨੂੰ ਲੈ ਕੇ ਵੱਡਾ ਅਪਡੇਟ, 7 ਵੱਡੇ ਵਪਾਰੀ ਬਲੈਕਲਿਸਟ, ਹੁਣ ਤੱਕ 606 ਕਰੋੜ ਦੀ ਆਮਦਨ
ਚੰਡੀਗੜ੍ਹ 'ਚ ਸ਼ਰਾਬ ਠੇਕਿਆਂ ਦੀ ਨੀਲਾਮੀ ਨੂੰ ਲੈ ਕੇ ਵਿਵਾਦ ਅਤੇ ਕਾਰਵਾਈ ਦੋਵੇਂ ਜਾਰੀ ਹਨ। ਐਕਸਾਈਜ਼ ਅਤੇ ਟੈਕਸੇਸ਼ਨ ਵਿਭਾਗ ਹੁਣ 19 ਮਈ ਨੂੰ ਬਚੇ ਹੋਏ 11 ਸ਼ਰਾਬ ਠੇਕਿਆਂ ਦੀ ਨੀਲਾਮੀ ਕਰੇਗਾ।
Chandigarh Liquor Auction: ਚੰਡੀਗੜ੍ਹ 'ਚ ਸ਼ਰਾਬ ਠੇਕਿਆਂ ਦੀ ਨੀਲਾਮੀ ਨੂੰ ਲੈ ਕੇ ਵਿਵਾਦ ਅਤੇ ਕਾਰਵਾਈ ਦੋਵੇਂ ਜਾਰੀ ਹਨ। ਐਕਸਾਈਜ਼ ਅਤੇ ਟੈਕਸੇਸ਼ਨ ਵਿਭਾਗ ਹੁਣ 19 ਮਈ ਨੂੰ ਬਚੇ ਹੋਏ 11 ਸ਼ਰਾਬ ਠੇਕਿਆਂ ਦੀ ਨੀਲਾਮੀ ਕਰੇਗਾ। ਇਸ ਤੋਂ ਪਹਿਲਾਂ 14 ਮਈ ਨੂੰ ਹੋਈ ਨੀਲਾਮੀ ਵਿੱਚ 17 ਵਿਚੋਂ ਸਿਰਫ 6 ਠੇਕੇ ਹੀ ਵਿਕ ਸਕੇ ਸਨ। ਇਨ੍ਹਾਂ ਠੇਕਿਆਂ ਤੋਂ ਵਿਭਾਗ ਨੂੰ 24.32 ਕਰੋੜ ਦੀ ਨਿਸ਼ਚਿਤ ਕੀਮਤ ਦੇ ਮੁਕਾਬਲੇ 39.60 ਕਰੋੜ ਰੁਪਏ ਦੀ ਆਮਦਨ ਹੋਈ।
8 ਮਈ ਦੀ ਨੀਲਾਮੀ ਦੌਰਾਨ 21 ਵਿੱਚੋਂ 11 ਸ਼ਰਾਬ ਦੇ ਠੇਕੇ ਨੀਲਾਮ ਹੋਏ ਸਨ ਅਤੇ ਵਿਭਾਗ ਨੂੰ 47.97 ਕਰੋੜ ਰੁਪਏ ਦੀ ਰਾਖਵੀਂ ਕੀਮਤ ਦੇ ਮੁਕਾਬਲੇ 60.76 ਕਰੋੜ ਰੁਪਏ ਦੀ ਆਮਦਨ ਹੋਈ।
ਇਨ੍ਹਾਂ ਸ਼ਰਾਬ ਕਾਰੋਬਾਰੀਆਂ ਨੂੰ ਕੀਤਾ ਗਿਆ ਬਲੈਕਲਿਸਟ
ਇਸ ਦੌਰਾਨ ਵਿਭਾਗ ਵੱਲੋਂ ਸਖ਼ਤ ਕਦਮ ਚੁੱਕਦਿਆਂ 7 ਵੱਡੇ ਸ਼ਰਾਬ ਕਾਰੋਬਾਰੀਆਂ ਨੂੰ ਬਲੈਕਲਿਸਟ ਕਰ ਦਿੱਤਾ ਗਿਆ ਹੈ। ਇਹ ਕਾਰੋਬਾਰੀ ਨਿਰਧਾਰਤ ਸਮੇਂ ਤੱਕ ਸਿਕਿਊਰਿਟੀ ਰਕਮ ਜਮ੍ਹਾਂ ਨਹੀਂ ਕਰ ਸਕੇ। ਜਿਨ੍ਹਾਂ ਠੇਕਿਆਂ ਦੇ ਲਾਇਸੈਂਸ ਰੱਦ ਕੀਤੇ ਗਏ ਹਨ, ਉਹ ਸੈਕਟਰ-20ਡੀ (ਵਿਜੇਂਦਰ), ਸੈਕਟਰ-22ਬੀ ਵਿੱਚ 2 ਠੇਕੇ (ਕਮਲ ਕਾਰਕੀ, ਅਜੈ ਮਹਰਾ), ਸੈਕਟਰ-22ਸੀ ਵਿੱਚ 2 ਠੇਕੇ (ਕਮਲ ਕਾਰਕੀ, ਅਜੈ ਮਹਰਾ), ਇੰਡਸਟਰੀਅਲ ਏਰੀਆ ਫੇਜ਼-1 (ਨਿਸ਼ਾ ਕਾਰਕੀ) ਅਤੇ ਮਨੀਮਾਜਰਾ ਸ਼ਿਵਾਲਿਕ ਗਾਰਡਨ ਦੇ ਸਾਹਮਣੇ (ਨੀਰਜ ਸ਼ਰਮਾ) ਸਥਿਤ ਹਨ। ਇਨ੍ਹਾਂ ਸਾਰੇ ਠੇਕਿਆਂ ਨੂੰ ਹੁਣ ਦੁਬਾਰਾ ਨੀਲਾਮੀ ਵਿੱਚ ਸ਼ਾਮਲ ਕੀਤਾ ਜਾਵੇਗਾ।
ਬਕਾਇਆ ਰਕਮ ਵਸੂਲਣ ਦੇ ਆਦੇਸ਼
ਵਿਭਾਗ ਨੇ ਸਾਫ਼ ਕੀਤਾ ਹੈ ਕਿ ਇਹ ਗ਼ੈਰ-ਜਿੰਮੇਵਾਰਾਨਾ ਰਵੱਈਆ ਨੀਲਾਮੀ ਪ੍ਰਕਿਰਿਆ ਨੂੰ ਪ੍ਰਭਾਵਿਤ ਕਰਦਾ ਹੈ ਅਤੇ ਬੋਲੀ ਦੀ ਪਾਰਦਰਸ਼ਤਾ 'ਤੇ ਸਵਾਲ ਖੜੇ ਕਰਦਾ ਹੈ। ਇਸੀ ਕਾਰਨ, ਇਨ੍ਹਾਂ ਕਾਰੋਬਾਰੀਆਂ ਨੂੰ ਭਵਿੱਖ ਵਿੱਚ ਕਿਸੇ ਵੀ ਨੀਲਾਮੀ ਵਿੱਚ ਹਿੱਸਾ ਲੈਣ ਤੋਂ ਰੋਕ ਦਿੱਤਾ ਗਿਆ ਹੈ। ਇਸ ਦੇ ਇਲਾਵਾ, ਹੋਰ ਰਾਜਾਂ ਅਤੇ ਕੇਂਦਰ ਸ਼ਾਸਤ ਪ੍ਰਦੇਸ਼ਾਂ ਨੂੰ ਵੀ ਇਨ੍ਹਾਂ ਕਾਰੋਬਾਰੀਆਂ ਨੂੰ ਬਲੈਕਲਿਸਟ ਕਰਨ ਅਤੇ ਬਕਾਇਆ ਰਕਮ ਵਸੂਲਣ ਦੇ ਆਦੇਸ਼ ਜਾਰੀ ਕੀਤੇ ਗਏ ਹਨ।
ਇਸ ਤੋਂ ਪਹਿਲਾਂ 29 ਅਪਰੈਲ ਨੂੰ ਹੋਈ ਤੀਜੀ ਨੀਲਾਮੀ ਵਿੱਚ 28 ਵਿੱਚੋਂ ਸਿਰਫ਼ 7 ਹੀ ਠੇਕੇ ਨੀਲਾਮ ਹੋ ਸਕੇ ਸਨ। ਓਥੇ ਹੀ 21 ਅਪਰੈਲ ਨੂੰ 48 ਠੇਕਿਆਂ ਦੀ ਨੀਲਾਮੀ ਰੱਖੀ ਗਈ ਸੀ, ਜਿਨ੍ਹਾਂ ਦੇ ਲਾਇਸੈਂਸ ਬੈਂਕ ਗਾਰੰਟੀ ਨਾ ਜਮ੍ਹਾ ਕਰਨ ਕਾਰਨ ਰੱਦ ਕਰ ਦਿੱਤੇ ਗਏ ਸਨ, ਪਰ ਤਦ ਵੀ ਸਿਰਫ਼ 20 ਠੇਕੇ ਹੀ ਵਿਕੇ। 21 ਮਾਰਚ ਨੂੰ ਹੋਈ ਸਭ ਤੋਂ ਵੱਡੀ ਨੀਲਾਮੀ ਵਿੱਚ 97 ਵਿੱਚੋਂ 96 ਠੇਕਿਆਂ ਦੀ ਨੀਲਾਮੀ ਸਫਲ ਰਹੀ ਸੀ, ਜਿਸ ਰਾਹੀਂ ਸਰਕਾਰ ਨੂੰ 606 ਕਰੋੜ ਰੁਪਏ ਦੀ ਆਮਦਨ ਹੋਈ ਸੀ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
