Big News: ਵੱਡੀ ਖਬਰ, ਬਿਲਡਰਾਂ ਖ਼ਿਲਾਫ਼ ਸਖ਼ਤ ਐਕਸ਼ਨ, ਨਵੇਂ ਪ੍ਰੋਜੈਕਟਾਂ ਅਤੇ ਅਪਰੂਵਲ 'ਤੇ ਲੱਗੀ ਰੋਕ; ਕਈ ਸਿਆਸੀ ਆਗੂਆਂ ਨਾਲ ਜੁੜੀਆਂ ਕੰਪਨੀਆਂ ਵੀ ਸ਼ਾਮਲ: ਲਿਸਟ ਆਈ ਸਾਹਮਣੇ...
Mohali News: ਗ੍ਰੇਟਰ ਮੋਹਾਲੀ ਏਰੀਆ ਡਿਵੈਲਪਮੈਂਟ ਅਥਾਰਟੀ (ਗਮਾਡਾ) ਨੇ ਬਕਾਇਆ ਰਕਮ ਜਮ੍ਹਾਂ ਨਾ ਕਰਵਾਉਣ ਵਾਲੇ ਬਿਲਡਰਾਂ ਖ਼ਿਲਾਫ਼ ਸਖ਼ਤ ਕਦਮ ਚੁੱਕਿਆ ਹੈ। ਇਸ ਤਹਿਤ 20 ਬਿਲਡਰਾਂ ਦੇ ਨਵੇਂ ਪ੍ਰੋਜੈਕਟਾਂ ਅਤੇ ਮਨਜ਼ੂਰੀਆਂ...
Mohali News: ਗ੍ਰੇਟਰ ਮੋਹਾਲੀ ਏਰੀਆ ਡਿਵੈਲਪਮੈਂਟ ਅਥਾਰਟੀ (ਗਮਾਡਾ) ਨੇ ਬਕਾਇਆ ਰਕਮ ਜਮ੍ਹਾਂ ਨਾ ਕਰਵਾਉਣ ਵਾਲੇ ਬਿਲਡਰਾਂ ਖ਼ਿਲਾਫ਼ ਸਖ਼ਤ ਕਦਮ ਚੁੱਕਿਆ ਹੈ। ਇਸ ਤਹਿਤ 20 ਬਿਲਡਰਾਂ ਦੇ ਨਵੇਂ ਪ੍ਰੋਜੈਕਟਾਂ ਅਤੇ ਮਨਜ਼ੂਰੀਆਂ 'ਤੇ ਉਸ ਸਮੇਂ ਤੱਕ ਰੋਕ ਲਗਾ ਦਿੱਤੀ ਗਈ ਹੈ, ਜਦੋਂ ਤੱਕ ਉਹ ਆਪਣਾ ਪੁਰਾਣਾ ਬਕਾਇਆ ਅਦਾ ਨਹੀਂ ਕਰਦੇ। ਇਹ ਰਕਮ ਐਕਸਟਰਨਲ ਡਿਵੈਲਪਮੈਂਟ ਚਾਰਜ (EDC) , ਲਾਇਸੈਂਸ ਫੀਸ (LF) ਅਤੇ ਸੋਸ਼ਲ ਇੰਫਰਾਸਟ੍ਰਕਚਰ ਫੰਡ ਦੇ ਤਹਿਤ ਵਸੂਲ ਕੀਤੀ ਜਾਣੀ ਸੀ।
ਕਈ ਸਿਆਸੀ ਆਗੂਆਂ ਨਾਲ ਜੁੜੀਆਂ ਕੰਪਨੀਆਂ ਵੀ ਸ਼ਾਮਲ
ਇਸ ਕਾਰਵਾਈ ਤੋਂ ਬਾਅਦ ਗਿਲਕੋ ਰੀਅਲ ਐਸਟੇਟ ਗਰੁੱਪ ਨੇ 57 ਲੱਖ ਰੁਪਏ ਜਮ੍ਹਾਂ ਕਰਵਾ ਦਿੱਤੇ ਹਨ। ਡਿਫਾਲਟਰਾਂ ਦੀ ਸੂਚੀ ਵਿੱਚ ਕਈ ਸਿਆਸੀ ਆਗੂਆਂ ਨਾਲ ਜੁੜੀਆਂ ਕੰਪਨੀਆਂ ਵੀ ਸ਼ਾਮਲ ਹਨ। ਕੁਝ ਦਿਨ ਪਹਿਲਾਂ ਜਿਸ ਸਨਟੇਕ ਗਰੁੱਪ ਦੇ ਪ੍ਰਬੰਧਕਾਂ 'ਤੇ ਐਨਫੋਰਸਮੈਂਟ ਡਾਇਰੈਕਟੋਰੇਟ (ED) ਵੱਲੋਂ ਛਾਪੇ ਮਾਰੇ ਗਏ ਸਨ, ਉਹ ਕੰਪਨੀ ਵੀ ਇਸ ਲਿਸਟ ਵਿੱਚ ਹੈ।
ਗਮਾਡਾ ਦੇ ਮੁੱਖ ਪ੍ਰਸ਼ਾਸਕ ਸੰਦੀਪ ਕੁਮਾਰ ਨੇ ਹੁਕਮ ਜਾਰੀ ਕਰਦਿਆਂ ਕਿਹਾ ਕਿ ਬਿਲਡਰਾਂ ਉੱਤੇ ਵੱਡੀ ਮਾਤਰਾ ਵਿੱਚ ਬਕਾਇਆ ਰਕਮ ਪੈਂਡਿੰਗ ਹੈ। ਇਸ ਦੀ ਵਸੂਲੀ ਲਈ ਡਿਫਾਲਟਰਾਂ ਦੀ ਸੂਚੀ ਤਿਆਰ ਕਰਕੇ ਉਨ੍ਹਾਂ ਦੇ ਸਾਰੇ ਨਵੇਂ ਪ੍ਰੋਜੈਕਟਾਂ ਦੀ ਮਨਜ਼ੂਰੀ 'ਤੇ ਰੋਕ ਲਗਾਈ ਗਈ ਹੈ।
ਬਾਜਵਾ ਡਿਵੈਲਪਰਜ਼ 'ਤੇ ਸਭ ਤੋਂ ਵੱਧ ਬਕਾਇਆ
ਗਮਾਡਾ ਅਨੁਸਾਰ, ਪੰਜਾਬ ਅਪਾਰਟਮੈਂਟ ਐਂਡ ਪ੍ਰਾਪਰਟੀ ਰੈਗੂਲੇਸ਼ਨ ਐਕਟ (PAPRA) ਹੇਠ ਮਨਜ਼ੂਰ 13 ਕਾਲੋਨੀਆਂ ਨਾਲ ਸਬੰਧਤ ਡਿਵੈਲਪਰਾਂ ਤੋਂ ਲੈਣੀ ਜਾਣ ਵਾਲੀ ਫੀਸ ਦਾ ਕੁੱਲ ਬਕਾਇਆ 312 ਕਰੋੜ ਰੁਪਏ ਹੈ।
ਇਸ ਸੂਚੀ ਵਿੱਚ ਸਭ ਤੋਂ ਵੱਧ ਬਕਾਇਆ ਮੈਸਰਜ਼ ਬਾਜਵਾ ਡਿਵੈਲਪਰਜ਼ ਉੱਤੇ ਹੈ, ਜਿਸ ਦੇ ਦੋ ਮੇਗਾ ਪ੍ਰੋਜੈਕਟਾਂ ਉੱਤੇ ਲਗਭਗ 150 ਕਰੋੜ ਰੁਪਏ ਬਕਾਇਆ ਹਨ।
ਇਸ ਤੋਂ ਇਲਾਵਾ: ਚੰਡੀਗੜ੍ਹ ਰਾਇਲ ਸਿਟੀ ਪ੍ਰਮੋਟਰਜ਼ – 47 ਕਰੋੜ ਰੁਪਏ, RKM ਹਾਊਸਿੰਗ – 31 ਕਰੋੜ ਰੁਪਏ , ਸ਼ਿਵਾਲਿਕ ਸਾਈਟ ਪਲਾਨਰਜ਼ – 36 ਕਰੋੜ ਰੁਪਏ , ਗੀਤੂ ਕਨਸਟਰਕਸ਼ਨਜ਼– 14 ਕਰੋੜ ਰੁਪਏ , ਮੈਜੈਸਟਿਕ ਪ੍ਰਾਪਰਟੀਜ਼ – 7.5 ਕਰੋੜ ਰੁਪਏ ਤੋਂ ਵੱਧ
ਕਰੋੜਾਂ ਦੀਆਂ ਬੋਲੀਆਂ ਲਗਾਉਣ ਵਾਲੇ ਵੀ ਪਿੱਛੇ
ਗਮਾਡਾ ਦੀ ਡਿਫਾਲਟਰ ਸੂਚੀ ਵਿੱਚ ਮੇਗਾ ਪ੍ਰੋਜੈਕਟ ਸਭ ਤੋਂ ਉੱਪਰ ਹਨ। ਇਨ੍ਹਾਂ ਕੰਪਨੀਆਂ ਨੇ ਕਰੋੜਾਂ ਰੁਪਏ ਦੀਆਂ ਬੋਲੀਆਂ ਲਗਾ ਕੇ ਜ਼ਮੀਨ ਅਤੇ ਪ੍ਰਾਪਰਟੀਆਂ ਖਰੀਦੀਆਂ ਸਨ, ਪਰ ਹੁਣ ਭੁਗਤਾਨ ਨਹੀਂ ਕਰ ਰਹੀਆਂ। ਸੱਤ ਮੇਗਾ ਪ੍ਰੋਜੈਕਟਾਂ ਤੋਂ ਗਮਾਡਾ ਨੂੰ 701 ਕਰੋੜ ਰੁਪਏ ਤੋਂ ਵੱਧ ਦੀ ਰਕਮ ਲੈਣੀ ਹੈ। ਬਾਜਵਾ ਡਿਵੈਲਪਰਜ਼ (ਮੇਗਾ ਪ੍ਰੋਜੈਕਟ-1) – 209 ਕਰੋੜ ਰੁਪਏ , ਬਾਜਵਾ ਡਿਵੈਲਪਰਜ਼ (ਮੇਗਾ ਪ੍ਰੋਜੈਕਟ-2) – 168 ਕਰੋੜ ਰੁਪਏ , ਜਨਤਾ ਲੈਂਡ ਪ੍ਰਮੋਟਰਜ਼ (ਸੈਕਟਰ 82, 90, 91) – 152 ਕਰੋੜ ਰੁਪਏ , ਸੁਖਮ ਇੰਫਰਾਸਟ੍ਰਕਚਰ (ਸੈਕਟਰ 66A) – 69 ਕਰੋੜ ਰੁਪਏ
ਇਨ੍ਹਾਂ ਬਿਲਡਰਾਂ ਉੱਤੇ ਬਕਾਇਆ ਰਕਮ
ਮੈਸਰਜ਼ ਬਾਜਵਾ ਡਿਵੈਲਪਰਜ਼ (ਮੇਗਾ ਪ੍ਰੋਜੈਕਟ-1) - ₹209.30 ਕਰੋੜ ਮੈਸਰਜ਼ ਬਾਜਵਾ ਡਿਵੈਲਪਰਜ਼ (ਮੇਗਾ ਪ੍ਰੋਜੈਕਟ-2)- ₹168.61 ਕਰੋੜ
ਮੈਸਰਜ਼ ਜਨਤਾ ਲੈਂਡ ਪ੍ਰਮੋਟਰਜ਼ (ਸੈਕਟਰ 82, 90, 91) -₹152.12 ਕਰੋੜ
ਮੈਸਰਜ਼ ਬਾਜਵਾ ਡਿਵੈਲਪਰਜ਼ (ਲਾਇਸੈਂਸ 22/2014) -₹127.19 ਕਰੋੜ |
ਮੈਸਰਜ਼ ਸੁਖਮ ਇੰਫਰਾਸਟ੍ਰਕਚਰ (ਸੈਕਟਰ 66A) - ₹69.06 ਕਰੋੜ
ਮੈਸਰਜ਼ ਚੰਡੀਗੜ੍ਹ ਰਾਇਲ ਸਿਟੀ ਪ੍ਰਮੋਟਰਜ਼ - ₹47.89 ਕਰੋੜ
ਮੈਸਰਜ਼ ਐਚ.ਪੀ. ਸਿੰਘ ਐਂਡ ਅਦਰਜ਼ (ਸੈਕਟਰ 122) ₹45.78 ਕਰੋੜ
ਗਲੋਬਲਜ਼ ਪ੍ਰੋਜੈਕਟਸ (ਸੈਕਟਰ 66A) - ₹34.52 ਕਰੋੜ
RKM ਹਾਊਸਿੰਗ (ਸੈਕਟਰ 111-112) - ₹31.07 ਕਰੋੜ
ਮੈਸਰਜ਼ ਬਾਜਵਾ ਡਿਵੈਲਪਰਜ਼ (ਲਾਇਸੈਂਸ 20/2014) - ₹23.40 ਕਰੋੜ
ਪ੍ਰੀਤ ਲੈਂਡ ਪ੍ਰਮੋਟਰ (ਸੈਕਟਰ 86) -₹22.14 ਕਰੋੜ
ਮੈਸਰਜ਼ ਸ਼ਿਵਾਲਿਕ ਸਾਈਟ ਪਲਾਨਰਜ਼ -₹20.55 ਕਰੋੜ
ਮੈਸਰਜ਼ ਸ਼ਿਵਾਲਿਕ ਸਾਈਟ ਪਲਾਨਰਜ਼ (ਕਾਸਾ ਐਸਪਾਨ) - ₹15.60 ਕਰੋੜ |
ਮੈਸਰਜ਼ ਗੀਤੂ ਕਨਸਟਰਕਸ਼ਨਜ਼ - ₹14.79 ਕਰੋੜ |
ਦ ਇੰਡਿਅਨ ਕੋਆਪਰੇਟਿਵ ਹਾਊਸਿੰਗ ਬਿਲਡਿੰਗ ਸੋਸਾਇਟੀ ਸਨਟੇਕ - ₹11.47 ਕਰੋੜ
ਮੈਸਰਜ਼ ਬਾਜਵਾ ਦਾਮਿਨੀ ਡਿਵੈਲਪਰਜ਼ -₹10.65 ਕਰੋੜ
ਮੈਸਰਜ਼ ਮੈਜੈਸਟਿਕ ਪ੍ਰਾਪਰਟੀਜ਼ -₹7.13 ਕਰੋੜ
ਮੈਸਰਜ਼ ਨੌਰਥਏਜ ਡਿਵੈਲਪਰਜ਼ - ₹1.11 ਕਰੋੜ
ਮੈਸਰਜ਼ ਰਾਈਜ਼ਿੰਗ ਸਟਾਰ ਇੰਫਰਾਸਟ੍ਰਕਚਰ - ₹0.99 ਕਰੋੜ
ਮੈਸਰਜ਼ ਗਿਲਕੋ ਡਿਵੈਲਪਰਜ਼ ਐਂਡ ਬਿਲਡਰਜ਼ - ₹0.57 ਕਰੋੜ
ਗਮਾਡਾ ਦਾ ਕਹਿਣਾ ਹੈ ਕਿ ਜਦ ਤੱਕ ਇਹ ਬਿਲਡਰ ਆਪਣਾ ਬਕਾਇਆ ਅਦਾ ਨਹੀਂ ਕਰਦੇ, ਉਨ੍ਹਾਂ ਦੇ ਕਿਸੇ ਵੀ ਨਵੇਂ ਪ੍ਰੋਜੈਕਟ ਜਾਂ ਮਨਜ਼ੂਰੀ ਨੂੰ ਹਰੀ ਝੰਡੀ ਨਹੀਂ ਦਿੱਤੀ ਜਾਵੇਗੀ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
