ਚੰਡੀਗੜ੍ਹ 'ਚ ਦੋ ਦਿਨ ਬੰਦ ਰਹੇਗੀ ਵਾਟਰ ਸਪਲਾਈ, ਇਨ੍ਹਾਂ ਸੈਕਟਰਾਂ 'ਚ ਨਹੀਂ ਆਵੇਗਾ ਪਾਣੀ
Chandigarh News: ਚੰਡੀਗੜ੍ਹ ਵਿੱਚ ਦੋ ਦਿਨਾਂ ਲਈ ਪਾਣੀ ਦੀ ਸਪਲਾਈ ਨਹੀਂ ਰਹੇਗੀ। 7 ਜਨਵਰੀ ਤੋਂ 8 ਜਨਵਰੀ, 2026 ਤੱਕ 24 ਘੰਟੇ ਪਾਣੀ ਦੀ ਸਪਲਾਈ ਠੱਪ ਰਹੇਗੀ।
Chandigarh News: ਚੰਡੀਗੜ੍ਹ ਵਿੱਚ ਦੋ ਦਿਨਾਂ ਲਈ ਪਾਣੀ ਦੀ ਸਪਲਾਈ ਨਹੀਂ ਰਹੇਗੀ। 7 ਜਨਵਰੀ ਤੋਂ 8 ਜਨਵਰੀ, 2026 ਤੱਕ 24 ਘੰਟੇ ਪਾਣੀ ਦੀ ਸਪਲਾਈ ਠੱਪ ਰਹੇਗੀ, ਕਿਉਂਕਿ 1000 ਮਿਲੀਮੀਟਰ ਵਿਆਸ ਵਾਲੀ PSC ਪਾਈਪਲਾਈਨ ਨੂੰ MS ਪਾਈਪਲਾਈਨ ਨਾਲ ਬਦਲਿਆ ਗਿਆ ਹੈ।
ਇਹ ਕੰਮ ਸੈਕਟਰ 39 ਵਾਟਰ ਵਰਕਰਜ਼ ਤੋਂ ਸੈਕਟਰ 52 ਅਤੇ ਸੈਕਟਰ 32 ਤੱਕ ਨਿਰਵਿਘਨ ਸਾਫ਼ ਪਾਣੀ ਦੀ ਸਪਲਾਈ ਬਣਾਈ ਰੱਖਣ ਲਈ ਕੀਤਾ ਜਾ ਰਿਹਾ ਹੈ। ਇਸ ਦੌਰਾਨ, ਸੈਕਟਰ 52 ਵਿੱਚ ਪਾਣੀ ਦੀ ਪੰਪਿੰਗ ਪੂਰੀ ਤਰ੍ਹਾਂ ਬੰਦ ਕਰ ਦਿੱਤੀ ਜਾਵੇਗੀ, ਜਦੋਂ ਕਿ ਸੈਕਟਰ 32 ਵਿੱਚ ਪਾਣੀ ਦੀ ਸਪਲਾਈ ਅੰਸ਼ਕ ਤੌਰ 'ਤੇ ਦਿੱਤੀ ਜਾਵੇਗੀ।
ਇਸ ਨਾਲ ਸ਼ਹਿਰ ਦੇ ਕਈ ਸੈਕਟਰਾਂ ਵਿੱਚ ਪਾਣੀ ਦੀ ਸਪਲਾਈ ਪ੍ਰਭਾਵਿਤ ਹੋਵੇਗੀ। ਨਗਰ ਨਿਗਮ ਨੇ ਨਾਗਰਿਕਾਂ ਨੂੰ ਅਪੀਲ ਕੀਤੀ ਹੈ ਕਿ ਉਹ ਲੋੜ ਅਨੁਸਾਰ ਪਹਿਲਾਂ ਤੋਂ ਪਾਣੀ ਦਾ ਭੰਡਾਰ ਕਰਨ ਅਤੇ ਇਸ ਜ਼ਰੂਰੀ ਰੱਖ-ਰਖਾਅ ਦੇ ਕੰਮ ਦੌਰਾਨ ਹੋਣ ਵਾਲੀ ਕਿਸੇ ਵੀ ਅਸੁਵਿਧਾ ਵਿੱਚ ਸਹਿਯੋਗ ਕਰਨ।
ਇਨ੍ਹਾਂ ਸੈਕਟਰਾਂ 'ਚ ਨਹੀਂ ਆਵੇਗਾ ਪਾਣੀ
7 ਜਨਵਰੀ, 2026 (ਬੁੱਧਵਾਰ) ਨੂੰ ਸਵੇਰੇ ਪਾਣੀ ਦੀ ਸਪਲਾਈ ਆਮ ਰਹੇਗੀ, ਜਦੋਂ ਕਿ ਸ਼ਾਮ ਨੂੰ ਸੈਕਟਰ 44, 45, 48 ਤੋਂ 56, 61 ਅਤੇ 63 ਵਿੱਚ ਪਾਣੀ ਦੀ ਸਪਲਾਈ ਪੂਰੀ ਤਰ੍ਹਾਂ ਬੰਦ ਰਹੇਗੀ। ਇਸ ਤੋਂ ਇਲਾਵਾ, ਸੈਕਟਰ 20 ਸੀ ਅਤੇ ਡੀ, 21 ਸੀ ਐਂਡ ਡੀ, 31 ਤੋਂ 34, 44 ਤੋਂ 47, ਇੰਡਸਟਰੀਅਲ ਏਰੀਆ ਫੇਜ਼-1 ਅਤੇ 2, ਅਤੇ ਰਾਮ ਦਰਬਾਰ ਵਿੱਚ ਸਵੇਰੇ 6 ਵਜੇ ਤੋਂ ਸਵੇਰੇ 8 ਵਜੇ ਤੱਕ ਪਾਣੀ ਦੀ ਸਪਲਾਈ ਘੱਟ ਦਬਾਅ 'ਤੇ ਰਹੇਗੀ।
8 ਜਨਵਰੀ, 2026 (ਵੀਰਵਾਰ) ਨੂੰ ਸੈਕਟਰ 44, 45, 48 ਤੋਂ 56, 61 ਅਤੇ 63 ਵਿੱਚ ਸਵੇਰੇ 5 ਵਜੇ ਤੋਂ ਸਵੇਰੇ 9 ਵਜੇ ਤੱਕ ਪਾਣੀ ਦੀ ਸਪਲਾਈ ਆਮ ਰਹੇਗੀ। ਜਦੋਂ ਕਿ ਚੰਡੀਗੜ੍ਹ ਦੇ ਬਾਕੀ ਹਿੱਸਿਆਂ ਵਿੱਚ ਸਵੇਰੇ 3:30 ਵਜੇ ਤੋਂ ਸਵੇਰੇ 9:00 ਵਜੇ ਤੱਕ ਆਮ ਪਾਣੀ ਦੀ ਸਪਲਾਈ ਦਿੱਤੀ ਜਾਵੇਗੀ।
ਸ਼ਾਮ ਨੂੰ, ਸੈਕਟਰ 44 ਤੋਂ 56, 61, 63, 20 ਸੀ ਐਂਡ ਡੀ, 21 ਸੀ ਐਂਡ ਡੀ, 31 ਤੋਂ 34, ਇੰਡਸਟਰੀਅਲ ਏਰੀਆ ਫੇਜ਼ 1 ਅਤੇ 2, ਅਤੇ ਰਾਮ ਦਰਬਾਰ ਵਿੱਚ ਸ਼ਾਮ 6:00 ਵਜੇ ਤੋਂ ਰਾਤ 8:30 ਵਜੇ ਤੱਕ ਆਮ ਪਾਣੀ ਦੀ ਸਪਲਾਈ ਰਹੇਗੀ। ਸ਼ਹਿਰ ਦੇ ਹੋਰ ਹਿੱਸਿਆਂ ਵਿੱਚ ਆਮ ਪਾਣੀ ਦੀ ਸਪਲਾਈ ਸ਼ਾਮ 5:00 ਵਜੇ ਤੋਂ ਰਾਤ 9:00 ਵਜੇ ਤੱਕ ਰਹੇਗੀ।
ਪੰਜਾਬ ਵਿੱਚ 2027 ਵਿੱਚ ਵਿਧਾਨਸਭਾ ਚੋਣਾਂ ਹੋਣੀਆਂ ਹਨ, ਜਿਸ ਤੋਂ ਪਹਿਲਾਂ ਹੀ ਸਿਆਸੀ ਪਾਰਟੀਆਂ ਵਿੱਚ ਸ਼ਬਦੀਵਾਰ ਸ਼ੁਰੂ ਹੋ ਗਿਆ ਹੈ। ਉੱਥੇ ਹੀ ਪੰਜਾਬ ਕਾਂਗਰਸ ਦੇ ਪ੍ਰਧਾਨ ਅਮਰਿੰਦਰ ਸਿੰਘ ਰਾਜਾ ਵੜਿੰਗ ਨੇ ਸ਼੍ਰੋਮਣੀ ਅਕਾਲੀ ਦਲ ਦੇ ਪ੍ਰਧਾਨ ਸੁਖਬੀਰ ਬਾਦਲ ਨੂੰ ਚੁਣੌਤੀ ਦਿੱਤੀ ਹੈ। ਉਨ੍ਹਾਂ ਕਿਹਾ ਕਿ ਸ.ਸੁਖਬੀਰ ਸਿੰਘ ਬਾਦਲ ਜੀ ਐਵੇਂ ਗੱਲਾਂ ਨਾ ਮਾਰੀ ਜਾਓ! ਜੇਕਰ ਚੋਣਾਂ ਲੜਨੀਆਂ ਹਨ ਤਾਂ ਆਓ ਗਿੱਦੜਬਾਹਾ ਤੋਂ ਲੜੋ, ਫੇਰ ਵੇਖ ਲਵਾਂਗੇ! ਇੱਕੋ ਵਾਰੀ ਵਿੱਚ ਸਾਰਾ ਕੱਟਾ ਕੱਟੀ ਕੱਢ ਦਿਆਂਗੇ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
