Jalandhar 'ਚ ਧੁੰਦ ਕਾਰਨ ਵਾਪਰਿਆ ਭਿਆਨਕ ਹਾਦਸਾ, ਡੂੰਘੇ ਟੋਏ 'ਚ ਪਲਟੀ ਕਾਰ, ਮੱਚਿਆ ਚੀਕ-ਚੀਹਾੜਾ
Jalandhar News: ਬੀਤੀ ਦੇਰ ਰਾਤ ਭਾਰੀ ਧੁੰਦ ਕਰਕੇ ਜਲੰਧਰ ਦੇ ਖੁਰਦਪੁਰ ਪਿੰਡ ਵਿੱਚ ਹੁਸ਼ਿਆਰਪੁਰ-ਜਲੰਧਰ ਸੜਕ 'ਤੇ ਇੱਕ ਅਧੂਰੇ ਪੁਲ ਦੀ ਉਸਾਰੀ ਲਈ ਪੁੱਟੇ ਗਏ ਟੋਏ ਵਿੱਚ ਇੱਕ ਕਾਰ ਡਿੱਗ ਗਈ।
Jalandhar News: ਬੀਤੀ ਦੇਰ ਰਾਤ ਭਾਰੀ ਧੁੰਦ ਕਰਕੇ ਜਲੰਧਰ ਦੇ ਖੁਰਦਪੁਰ ਪਿੰਡ ਵਿੱਚ ਹੁਸ਼ਿਆਰਪੁਰ-ਜਲੰਧਰ ਸੜਕ 'ਤੇ ਇੱਕ ਅਧੂਰੇ ਪੁਲ ਦੀ ਉਸਾਰੀ ਲਈ ਪੁੱਟੇ ਗਏ ਟੋਏ ਵਿੱਚ ਇੱਕ ਕਾਰ ਡਿੱਗ ਗਈ।
ਇਸ ਹਾਦਸੇ ਵਿੱਚ ਕਾਰ ਦਾ ਕਾਫੀ ਨੁਕਸਾਨ ਹੋਇਆ। ਹਾਲਾਂਕਿ, ਡਰਾਈਵਰ ਹਾਦਸੇ ਵਿੱਚ ਬਚ ਗਿਆ। ਉਸ ਨੂੰ ਮਾਮੂਲੀ ਸੱਟਾਂ ਲੱਗੀਆਂ। ਉਹ ਹੁਸ਼ਿਆਰਪੁਰ ਵਿੱਚ ਇੱਕ ਨਿੱਜੀ ਕੰਪਨੀ ਵਿੱਚ ਕੰਮ ਕਰਦਾ ਹੈ ਅਤੇ ਜਦੋਂ ਇਹ ਹਾਦਸਾ ਵਾਪਰਿਆ ਤਾਂ ਰਾਮਾ ਮੰਡੀ ਵਾਪਸ ਘਰ ਆ ਰਿਹਾ ਸੀ।
ਜਾਣਕਾਰੀ ਮੁਤਾਬਕ, ਖੁਰਦਪੁਰ ਪਿੰਡ ਵਿੱਚ ਪੁਲ ਦੀ ਉਸਾਰੀ ਕਈ ਸਾਲਾਂ ਤੋਂ ਅਧੂਰੀ ਹੈ। ਪੁਲ ਦੀ ਉਸਾਰੀ ਲਈ ਸੜਕ ਦੇ ਵਿਚਕਾਰ ਟੋਏ ਪੁੱਟੇ ਗਏ ਸਨ, ਜਿਨ੍ਹਾਂ ਵਿੱਚ ਲੋਹੇ ਦੀਆਂ ਰਾਡਾਂ ਅਤੇ ਬੀਮ ਲੱਗੇ ਹੋਏ ਸਨ। ਬੀਤੀ ਦੇਰ ਰਾਤ ਭਾਰੀ ਧੁੰਦ ਕਰਕੇ ਡਰਾਈਵਰ ਨੂੰ ਟੋਏ ਨਜ਼ਰ ਨਹੀਂ ਆਇਆ ਅਤੇ ਉਸ ਦੀ ਕਾਰ ਸਿੱਧਾ ਟੋਏ ਵਿੱਚ ਜਾ ਡਿੱਗੀ।
ਉੱਥੇ ਮੌਜੂਦ ਲੋਕਾਂ ਨੇ ਦੱਸਿਆ ਕਿ ਕਾਰ ਚਾਲਕ ਨੂੰ ਬਚਾ ਲਿਆ ਗਿਆ ਅਤੇ ਉਸ ਨੂੰ ਮਾਮੂਲੀ ਸੱਟਾਂ ਲੱਗੀਆਂ। ਲੋਕਾਂ ਨੇ ਦੱਸਿਆ ਕਿ ਕਾਰ ਚਾਲਕ ਹੁਸ਼ਿਆਰਪੁਰ ਵਿੱਚ ਇੱਕ ਨਿੱਜੀ ਕੰਪਨੀ ਵਿੱਚ ਕੰਮ ਕਰਦਾ ਹੈ ਅਤੇ ਇਸ ਸੜਕ ਤੋਂ ਹੀ ਰੋਜ਼ ਲੰਘਦਾ ਹੈ। ਹਾਲਾਂਕਿ, ਧੁੰਦ ਕਾਰਨ ਉਸ ਨੂੰ ਟੋਇਆ ਨਜ਼ਰ ਨਹੀਂ ਆਇਆ।
ਉਸਨੇ ਕਿਹਾ ਕਿ ਧੁੰਦ ਕਾਰਨ ਕਾਰ ਬਹੁਤ ਹੌਲੀ ਚੱਲ ਰਹੀ ਸੀ। ਇਸ ਦੇ ਬਾਵਜੂਦ, ਕਾਰ ਪਲਟ ਗਈ। ਉੱਥੇ ਮੌਜੂਦ ਲੋਕਾਂ ਨੇ ਕਾਰ ਚਾਲਕ ਨੂੰ ਕਾਰ ਵਿੱਚੋਂ ਬਾਹਰ ਕੱਢਿਆ। ਲੋਕਾਂ ਨੇ ਕਿਹਾ ਕਿ ਜੇਕਰ ਕਾਰ ਦੀ ਸਪੀਡ ਤੇਜ਼ ਹੁੰਦੀ ਤਾਂ ਡਰਾਈਵਰ ਦੀ ਜਾਨ ਜਾ ਸਕਦੀ ਸੀ।
ਹੁਸ਼ਿਆਰਪੁਰ ਤੋਂ ਜਲੰਧਰ ਆਉਣ ਵੇਲੇ ਕਠਹਾਰ ਤੋਂ ਬਾਅਦ, ਸੜਕ ਪਿੰਡ ਖੁਰਦਪੁਰ ਤੋਂ ਸ਼ੁਰੂ ਹੁੰਦੀ ਹੈ ਅਤੇ ਦੋ ਹਿੱਸਿਆਂ ਵਿੱਚ ਵੰਡੀ ਜਾਂਦੀ ਹੈ। ਪੁਲ ਲਈ ਪਿਲਰਾਂ ਦਾ ਕੰਮ ਅਧੂਰਾ ਪਿਆ ਹੋਇਆ। ਜਿਹੜਾ ਪਹਿਲੀ ਵਾਰ ਉੱਥੇ ਜਾਂਦਾ ਹੈ, ਉਸ ਨੂੰ ਪਤਾ ਨਹੀਂ ਲੱਗਦਾ ਅਤੇ ਉਹ ਸਿੱਧਾ ਟੋਏ ਵਿੱਚ ਡਿੱਗਦਾ ਹੈ। ਇੱਥੇ ਰਾਤ ਨੂੰ ਹਰ ਰੋਜ਼ ਹਾਦਸੇ ਹੁੰਦੇ ਹਨ।
ਲੋਕਾਂ ਨੇ ਪ੍ਰਸ਼ਾਸਨ ਤੋਂ ਮੰਗ ਕੀਤੀ ਹੈ ਕਿ ਅਧੂਰੇ ਪੁਲ 'ਤੇ ਕੰਮ ਜਲਦੀ ਪੂਰਾ ਕੀਤਾ ਜਾਵੇ ਜਾਂ ਘੱਟੋ ਘੱਟ ਉੱਥੇ ਚੇਤਾਵਨੀ ਬੋਰਡ, ਰਿਫਲੈਕਟਰ ਅਤੇ ਲਾਈਟਾਂ ਲਗਾਈਆਂ ਜਾਣ, ਤਾਂ ਜੋ ਵਾਹਨ ਚਾਲਕ ਰਾਤ ਨੂੰ ਅਤੇ ਧੁੰਦ ਦੌਰਾਨ ਸੜਕ ਨੂੰ ਸਾਫ਼-ਸਾਫ਼ ਦੇਖ ਸਕਣ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
