ਕਬਾੜ ਦੇ ਗੋਦਾਮ 'ਚ ਲੱਗੀ ਅੱਗ, ਮੱਚ ਗਏ ਅੱਗ ਦੇ ਭਾਂਬੜ; ਇਲਾਕੇ 'ਚ ਸਹਿਮ ਦਾ ਮਾਹੌਲ
Jalandhar News: ਜਲੰਧਰ ਦੇ ਪੱਛਮੀ ਹਲਕੇ ਅਧੀਨ ਆਉਂਦੇ ਨਾਹਲਾਂ ਪਿੰਡ ਵਿੱਚ ਇੱਕ ਕਬਾੜ ਦੇ ਗੋਦਾਮ ਵਿੱਚ ਅੱਗ ਲੱਗ ਗਈ।
Jalandhar News: ਜਲੰਧਰ ਦੇ ਪੱਛਮੀ ਹਲਕੇ ਅਧੀਨ ਆਉਂਦੇ ਨਾਹਲਾਂ ਪਿੰਡ ਵਿੱਚ ਇੱਕ ਕਬਾੜ ਦੇ ਗੋਦਾਮ ਵਿੱਚ ਅੱਗ ਲੱਗ ਗਈ। ਕਿਉਂਕਿ ਗੋਦਾਮ ਰਿਹਾਇਸ਼ੀ ਖੇਤਰ ਵਿੱਚ ਸਥਿਤ ਸੀ, ਇਸ ਲਈ ਲੋਕ ਡਰ ਗਏ ਅਤੇ ਫਾਇਰ ਬ੍ਰਿਗੇਡ ਨੂੰ ਸੂਚਿਤ ਕੀਤਾ। ਅੱਗ ਦੀਆਂ ਲਪਟਾਂ ਕਾਰਨ ਨੇੜਲੇ ਘਰਾਂ ਦੀਆਂ ਕੰਧਾਂ ਵਿੱਚ ਵੀ ਤਰੇੜਾਂ ਆ ਗਈਆਂ ਹਨ। ਮੌਕੇ 'ਤੇ ਪਹੁੰਚੀ ਫਾਇਰ ਬ੍ਰਿਗੇਡ ਅੱਗ ਬੁਝਾਉਣ ਦੀ ਕੋਸ਼ਿਸ਼ ਕਰ ਰਹੀ ਹੈ।
ਕਬਾੜ ਕੱਟਣ ਕਰਕੇ ਲੱਗੀ ਅੱਗ
ਅੱਗ ਲੱਗਣ ਦਾ ਕਾਰਨ ਕਬਾੜ ਕੱਟਣਾ (Scrap Cutting) ਦੱਸਿਆ ਜਾ ਰਿਹਾ ਹੈ। ਲੋਕਾਂ ਦਾ ਕਹਿਣਾ ਹੈ ਕਿ ਲੋਹੇ ਦੀ ਕਟਾਈ ਦੌਰਾਨ ਪੈਦਾ ਹੋਈ ਚੰਗਿਆੜੀ ਕਾਰਨ ਅੰਦਰ ਸੁੱਟੇ ਗਏ ਚਮੜੇ ਅਤੇ ਗੱਤੇ ਦੇ ਕਬਾੜ ਨੂੰ ਅੱਗ ਲੱਗ ਗਈ। ਹਵਾ ਕਾਰਨ ਅੱਗ ਫੈਲ ਗਈ। ਲੋਕਾਂ ਨੇ ਗੋਦਾਮ ਨੂੰ ਲੈਕੇ ਵੀ ਲੋਕਾਂ ਵਿੱਚ ਗੁੱਸਾ ਹੈ। ਲੋਕਾਂ ਦਾ ਕਹਿਣਾ ਹੈ ਕਿ ਗੋਦਾਮ ਨੂੰ ਇੱਥੋਂ ਦੂਜੀ ਜਗ੍ਹਾ ਲਿਜਾਣ ਲਈ ਕਈ ਵਾਰ ਅਪੀਲਾਂ ਕੀਤੀਆਂ ਗਈਆਂ ਹਨ, ਪਰ ਕੋਈ ਕਾਰਵਾਈ ਨਹੀਂ ਕੀਤੀ ਜਾ ਰਹੀ ਹੈ।
ਅੱਗ 'ਤੇ ਕਾਬੂ ਪਾਉਣ ਲਈ ਤਿੰਨ ਫਾਇਰ ਬ੍ਰਿਗੇਡ ਗੱਡੀਆਂ ਕੀਤੀਆਂ ਗਈਆਂ ਤਾਇਨਾਤ
ਫਾਇਰ ਬ੍ਰਿਗੇਡ ਅਧਿਕਾਰੀ ਰਾਜਿੰਦਰ ਕੁਮਾਰ ਸਹੋਤਾ ਨੇ ਦੱਸਿਆ ਕਿ ਇੱਕ ਸਕ੍ਰੈਪ ਗੋਦਾਮ ਵਿੱਚ ਅੱਗ ਲੱਗਣ ਦੀ ਸੂਚਨਾ ਮਿਲੀ ਸੀ। ਅੱਗ ਬਹੁਤ ਜ਼ਿਆਦਾ ਸੀ। ਗੱਤੇ ਦੇ ਅੰਦਰ ਹੀ ਗੱਤੇ ਸਟੋਰ ਕੀਤੇ ਗਏ ਸਨ। ਹੁਣ ਤੱਕ ਤਿੰਨ ਪਾਣੀ ਵਾਲੀਆਂ ਗੱਡੀਆਂ ਤਾਇਨਾਤ ਕੀਤੀਆਂ ਗਈਆਂ ਹਨ। ਹੋਰ ਗੱਡੀਆਂ ਬੁਲਾਈਆਂ ਗਈਆਂ ਹਨ। ਇੱਕ ਸਥਾਨਕ ਵਿਅਕਤੀ ਨੇ ਦੱਸਿਆ ਕਿ ਗੋਦਾਮ ਵਿੱਚ ਕਟਰ ਨਾਲ ਸਕ੍ਰੈਪ ਕੱਟਿਆ ਜਾ ਰਿਹਾ ਸੀ, ਅਤੇ ਇੱਕ ਚੰਗਿਆੜੀ ਨੇ ਗੱਤੇ ਅਤੇ ਕਾਗਜ਼ ਨੂੰ ਅੱਗ ਲਗਾ ਦਿੱਤੀ।
ਗੋਦਾਮ ਇੱਕ ਡੇਅਰੀ ਮਾਲਕ ਦੇ ਪਲਾਟ 'ਤੇ ਸਥਿਤ ਸੀ
ਸਥਾਨਕ ਲੋਕਾਂ ਨੇ ਦੱਸਿਆ ਕਿ ਇੱਕ ਡੇਅਰੀ ਮਾਲਕ ਨੇ ਉਹ ਪਲਾਟ ਕਿਰਾਏ 'ਤੇ ਲਿਆ ਸੀ ਜਿੱਥੇ ਗੋਦਾਮ ਬਣਾਇਆ ਹੋਇਆ ਸੀ। ਦੱਸਿਆ ਜਾ ਰਿਹਾ ਹੈ ਕਿ ਗੋਦਾਮ ਵਿੱਚ ਚਮੜੇ ਦੇ ਜੁੱਤੀਆਂ ਦਾ ਕੂੜਾ ਵੀ ਸਟੋਰ ਕੀਤਾ ਗਿਆ ਸੀ, ਜਿਸ ਕੇ ਅੱਗ ਹੋਰ ਭੜਕ ਗਈ। ਘਟਨਾ ਦੀ ਸੂਚਨਾ ਮਿਲਣ 'ਤੇ ਬਸਤੀ ਥਾਣੇ ਦੀ ਪੁਲਿਸ ਮੌਕੇ 'ਤੇ ਪਹੁੰਚੀ ਅਤੇ ਲੋਕਾਂ ਨੂੰ ਮੌਕੇ ਤੋਂ ਬਾਹਰ ਕੱਢ ਰਹੀ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
