Punjab Crime News: ਫਿਲਮੀ ਸਟੋਰੀ ਤੋਂ ਘੱਟ ਨਹੀਂ ਇਹ ਕਤਲ ਦੀ ਵਾਰਦਾਤ, ਖ਼ੁਦ ਨੂੰ ਮਰਿਆ ਹੋਇਆ ਸਾਬਿਤ ਕਰਨ ਲਈ ਰਚੀ ਇਹ ਸਾਜ਼ਿਸ਼, ਜਾਣ ਕੇ ਕੰਬ ਜਾਵੇਗੀ ਰੂਹ
ਲੁਧਿਆਣਾ ਵਿੱਚ ਸਿਰ ਕੱਟੀ ਲਾਸ਼ ਮਿਲਣ ਦੇ ਮਾਮਲੇ ਵਿੱਚ ਖੁਲਾਸਾ ਹੋਇਆ ਹੈ। ਪੁਲਿਸ ਨੇ ਪਤੀ-ਪਤਨੀ ਨੂੰ ਗ੍ਰਿਫਤਾਰ ਕੀਤਾ ਹੈ। ਦੋਸ਼ੀ 10 ਸਾਲ ਤੋਂ ਫਰਾਰ ਸੀ। ਉਸ ਖ਼ਿਲਾਫ਼ ਵੱਖ-ਵੱਖ ਸੂਬਿਆਂ ਵਿੱਚ 5 ਕਤਲ ਮਾਮਲੇ ਦਰਜ ਹਨ।
Punjab News: ਲੁਧਿਆਣਾ ਤੋਂ ਇੱਕ ਦਿਲ ਦਹਿਲਾ ਦੇਣ ਵਾਲੀ ਘਟਨਾ ਸਾਹਮਣੇ ਆਈ ਹੈ। ਜਿੱਥੇ ਇੱਕ ਵਿਅਕਤੀ ਨੇ ਆਪਣੇ ਆਪ ਨੂੰ ਮ੍ਰਿਤਕ ਸਾਬਤ ਕਰਨ ਲਈ ਇੱਕ ਵਿਅਕਤੀ ਦਾ ਕਤਲ ਕਰ ਕੇ ਆਪਣਾ ਪਛਾਣ ਪੱਤਰ ਉਸ ਦੀ ਜੇਬ ਵਿੱਚ ਪਾ ਦਿੱਤਾ ਅਤੇ ਉਸ ਦੀ ਲਾਸ਼ ਦੇ ਟੁਕੜੇ-ਟੁਕੜੇ ਕਰਕੇ ਵੱਖ-ਵੱਖ ਥਾਵਾਂ 'ਤੇ ਸੁੱਟ ਦਿੱਤੇ। ਇੱਥੇ ਇਸ ਕੰਮ ਵਿੱਚ ਮੁਲਜ਼ਮ ਦੀ ਪਤਨੀ ਨੇ ਵੀ ਉਸ ਦਾ ਸਾਥ ਦਿੱਤਾ ਤਾਂ ਦੋਵੇਂ ਲਾਸ਼ਾਂ ਦੇ ਟੁਕੜਿਆਂ ਨੂੰ ਬੋਰੀ ਵਿੱਚ ਪਾ ਕੇ ਛੁਪਾਉਣ ਲਈ ਸਕੂਟੀ ’ਤੇ ਨਿਕਲ ਗਏ ਪਰ ਜਦੋਂ ਉਹ ਸੀਸੀਟੀਵੀ ਵਿੱਚ ਕੈਦ ਹੋ ਗਏ ਤਾਂ ਉਹਨਾਂ ਦਾ ਸਾਰਾ ਰਾਜ਼ ਖੁੱਲ੍ਹ ਗਿਆ।
ਕਈ ਸੂਬਿਆਂ ਦਾ ਮੋਸਟ ਵਾਂਟੇਡ ਹੈ ਦੋਸ਼ੀ ਪੰਕਜ
ਲੁਧਿਆਣਾ ਦੇ ਆਦਰਸ਼ ਨਗਰ ਵਿੱਚ ਇੱਕ ਸਿਰ ਕੱਟੀ ਲਾਸ਼ ਬਰਾਮਦ ਹੋਈ ਸੀ। ਜਿਸਦੇ ਚਲਦੇ ਪੁਲਿਸ ਨੇ ਪਤੀ-ਪਤਨੀ ਨੂੰ ਗ੍ਰਿਫਤਾਰ ਕਰ ਲਿਆ ਹੈ। ਦੋਸ਼ੀ ਦਾ ਨਾਂ ਪੰਕਜ ਹੈ, ਉਹ ਕਈ ਸੂਬਿਆਂ ਦਾ ਮੋਸਟ ਵਾਂਟੇਡ ਅਪਰਾਧੀ ਹੈ। ਆਪਣੀ ਪਛਾਣ ਮਿਟਾਉਣ ਲਈ ਉਸ ਨੇ ਇਕ ਵਿਅਕਤੀ ਦਾ ਕਤਲ ਕਰਕੇ ਆਪਣਾ ਪਛਾਣ ਪੱਤਰ ਉਸ ਦੀ ਜੇਬ ਵਿੱਚ ਪਾ ਦਿੱਤਾ ਤਾਂ ਕਿ ਲੋਕ ਉਸ ਨੂੰ ਉਸ ਦੀ ਲਾਸ਼ ਸਮਝਣ। ਪ੍ਰੈੱਸ ਕਾਨਫਰੰਸ ਦੌਰਾਨ ਜਾਣਕਾਰੀ ਦਿੰਦੇ ਹੋਏ ਕਮਿਸ਼ਨਰ ਮਨਦੀਪ ਸਿੱਧੂ ਨੇ ਦੱਸਿਆ ਕਿ ਪੰਕਜ ਨਾਂ ਦੇ ਇਸ ਅਪਰਾਧੀ ਨੇ ਉਕਤ ਵਿਅਕਤੀ ਦਾ ਗਲਾ ਅਤੇ ਉਂਗਲਾਂ ਕੱਟ ਕੇ ਬੋਰੀ 'ਚ ਪਾ ਕੇ ਧੜ ਨੂੰ ਵੱਖਰੀ ਬੋਰੀ 'ਚ ਪਾ ਰੱਖਿਆ ਸੀ, ਜਿਸ ਤੋਂ ਬਾਅਦ ਐਕਟਿਵਾ ਉੱਤੇ ਸਵਾਰ ਉਸ ਦੀ ਪਤਨੀ ਬੋਰੀ ਲੈ ਕੇ ਬੈਠ ਗਈ ਤੇ ਲਾਸ਼ ਨੂੰ ਕਿਸੇ ਖਾਲੀ ਜਗ੍ਹਾ ਉੱਤੇ ਸੁੱਟ ਦਿੱਤਾ। ਪੁਲਿਸ ਨੇ ਜਾਂਚ ਸ਼ੁਰੂ ਕੀਤੀ ਤਾਂ ਦੋਵੇਂ ਪਤੀ-ਪਤਨੀ ਸੀਸੀਟੀਵੀ 'ਚ ਨਜ਼ਰ ਆਏ, ਜਿਸ ਤੋਂ ਬਾਅਦ ਪੁਲਿਸ ਗੰਭੀਰਤਾ ਦਿਖਾਉਂਦੇ ਹੋਏ ਦੋਸ਼ੀ ਤੱਕ ਪਹੁੰਚ ਗਈ।
ਇੰਝ ਕੀਤੀ ਰਾਮ ਪ੍ਰਸਾਦ ਦੀ ਹੱਤਿਆ
ਦੋਸ਼ੀ ਪੰਕਜ ਮੂਲ ਰੂਪ ਤੋਂ ਬਿਹਾਰ ਦਾ ਰਹਿਣ ਵਾਲਾ ਹੈ। ਉਹ ਇਸ ਸਮੇਂ ਆਦਰਸ਼ ਨਗਰ ਲੁਧਿਆਣਾ ਵਿੱਚ ਰਹਿ ਰਿਹਾ ਸੀ। ਇੱਥੇ ਉਸ ਨੇ ਆਪਣੀ ਦਿੱਖ ਵਾਲੇ ਵਿਅਕਤੀ ਦੀ ਤਲਾਸ਼ ਕੀਤੀ ਜਿਸ ਦਾ ਨਾਮ ਰਾਮ ਪ੍ਰਸਾਦ ਸੀ, ਉਸ ਨੇ ਪਹਿਲਾਂ ਰਾਮ ਪ੍ਰਸਾਦ ਨਾਲ ਦੋਸਤੀ ਕੀਤੀ ਤੇ ਫਿਰ ਉਸ ਨੂੰ ਸ਼ਰਾਬ ਪਿਲਾਉਣੀ ਸ਼ੁਰੂ ਕਰ ਦਿੱਤੀ। ਫਿਰ ਇੱਕ ਦਿਨ ਸ਼ਰਾਬ ਦੇ ਨਸ਼ੇ ਵਿੱਚ ਕਾਤਲ ਪੰਕਜ ਨੇ ਰਾਮ ਪ੍ਰਸਾਦ ਦਾ ਗਲਾ ਵੱਢ ਦਿੱਤਾ। ਫਿਰ ਉਸ ਨੇ ਲਾਸ਼ ਨੂੰ ਕੱਟ ਕੇ ਉਸ ਨੂੰ ਸੁੱਟਣ ਦੀ ਯੋਜਨਾ ਬਣਾਈ। ਦੋਸ਼ੀ ਪੰਕਜ ਪਿਛਲੇ 10 ਸਾਲਾਂ ਤੋਂ ਫਰਾਰ ਸੀ। ਉਸ ਖ਼ਿਲਾਫ਼ ਵੱਖ-ਵੱਖ ਸੂਬਿਆਂ ਵਿੱਚ ਕਤਲ ਦੇ 5 ਮਾਮਲੇ ਦਰਜ ਹਨ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
