Ludhiana News: ਨੇਪਾਲੀ ਨੌਕਰਾਣੀ ਨੇ ਪਰਿਵਾਰ ਦੇ ਖਾਣੇ 'ਚ ਮਿਲਾਇਆ ਨਸ਼ਾ..ਫਿਰ ਕੀਤਾ ਖਤਰਨਾਕ ਕਾਰਾ, ਸੀਸੀਟੀਵੀ ਵੇਖ ਉਡ ਗਏ ਹੋਸ਼
Ludhiana News: ਤਿੰਨ ਦਿਨ ਪਹਿਲਾਂ ਸੈਕਟਰ-32 ਸਥਿਤ ਐਮਆਈਜੀ ਫਲੈਟ ਵਿੱਚ ਮਹਿਲਾ ਨੇ ਉਸ ਨੂੰ ਬੇਬੀ ਕੇਅਰ ਟੇਕਰ ਵਜੋਂ ਨੌਕਰੀ ’ਤੇ ਰੱਖਿਆ ਸੀ। ਜਦੋਂ ਉਨ੍ਹਾਂ ਨੇ ਪੁਲਿਸ ਵੈਰੀਫਿਕੇਸ਼ਨ ਲਈ ਨੌਕਰਾਣੀ ਦਾ ਪਛਾਣ ਪੱਤਰ ਮੰਗਿਆ ਤਾਂ ਉਹ ਡਰਾਮਾ ਕਰਨ ਲੱਗੀ।
Ludhiana News: ਲੁਧਿਆਣਾ 'ਚ ਨੇਪਾਲੀ ਨੌਕਰਾਣੀ ਨੇ ਖਤਰਨਾਕ ਕਾਰਾ ਕੀਤਾ ਹੈ। ਉਸ ਦੀ ਇਹ ਹਰਕਤ ਸੀਸੀਟੀਵੀ ਕੈਮਰੇ ਵਿੱਚ ਕੈਦ ਹੋ ਗਈ ਹੈ। ਨੌਕਰਾਣੀ ਨੇ ਪਹਿਲਾਂ ਪਰਿਵਾਰ ਦੇ ਖਾਣੇ 'ਚ ਨਸ਼ੀਲਾ ਪਦਾਰਥ ਮਿਲਾਇਆ ਤੇ ਫਿਰ ਫਰਾਰ ਹੋ ਗਈ। ਤਿੰਨ ਦਿਨ ਪਹਿਲਾਂ ਸੈਕਟਰ-32 ਸਥਿਤ ਐਮਆਈਜੀ ਫਲੈਟ ਵਿੱਚ ਮਹਿਲਾ ਨੇ ਉਸ ਨੂੰ ਬੇਬੀ ਕੇਅਰ ਟੇਕਰ ਵਜੋਂ ਨੌਕਰੀ ’ਤੇ ਰੱਖਿਆ ਸੀ। ਜਦੋਂ ਉਨ੍ਹਾਂ ਨੇ ਪੁਲਿਸ ਵੈਰੀਫਿਕੇਸ਼ਨ ਲਈ ਨੌਕਰਾਣੀ ਦਾ ਪਛਾਣ ਪੱਤਰ ਮੰਗਿਆ ਤਾਂ ਉਹ ਡਰਾਮਾ ਕਰਨ ਲੱਗੀ। ਲੜਕੀ ਨੇ ਆਪਣਾ ਨਾਂ ਮਾਇਆ ਦੱਸਿਆ ਸੀ।
ਇਸ ਤੋਂ ਬਾਅਦ ਘਰ ਦੇ ਮਾਲਕ ਕਾਰੋਬਾਰੀ ਆਸ਼ੀਸ਼ ਨੇ ਆਪਣੀ ਪਤਨੀ ਗੁੰਜਨ ਨੂੰ ਨੌਕਰਾਣੀ ਮਾਇਆ 'ਤੇ ਨਜ਼ਰ ਰੱਖਣ ਲਈ ਕਿਹਾ। ਆਸ਼ੀਸ਼ ਅਨੁਸਾਰ ਜਦੋਂ ਉਸ ਦੀ ਪਤਨੀ ਨੇ ਸੀਸੀਟੀਵੀ ਕੈਮਰੇ ਚੈੱਕ ਕੀਤੇ ਤਾਂ ਉਸ ਨੂੰ ਨੌਕਰਾਣੀ ਦੀਆਂ ਹਰਕਤਾਂ 'ਤੇ ਸ਼ੱਕ ਹੋਇਆ। ਉਨ੍ਹਾਂ ਦੇਖਿਆ ਕਿ ਉਹ ਭੋਜਨ ਵਿੱਚ ਕੁਝ ਮਿਲਾ ਰਹੀ ਸੀ। ਉਨ੍ਹਾਂ ਦਾ ਰਸੋਈਏ, ਇੱਕ ਨੌਕਰਾਣੀ ਤੇ ਗੁਆਂਢੀ ਔਰਤ ਬੇਸੁੱਧ ਮਿਲੇ। ਬੇਹੋਸ਼ ਹੋਏ ਤਿੰਨ ਲੋਕਾਂ ਦੀ ਪਛਾਣ ਸ਼ਮਾ, ਕਰਨ ਤੇ ਸੱਤਿਆ ਵਜੋਂ ਹੋਈ ਹੈ।
Ludhiana News: ਲੁਧਿਆਣਾ ਤੋਂ ਦਿਲ ਦਹਿਲਾਉਣ ਵਾਲੀ ਵੀਡੀਓ, ਚਾਰ ਸਾਲ ਦੀ ਬੱਚੀ ਨੂੰ ਕੁੱਤਿਆਂ ਨੇ ਬੁਰੀ ਤਰ੍ਹਾਂ ਨੋਚਿਆ
ਗੁੰਜਨ ਨੇ ਦੱਸਿਆ ਕਿ ਉਸ ਨੂੰ ਨੌਕਰਾਣੀ ਦੀ ਹਰਕਤ ਸ਼ੱਕੀ ਲੱਗੀ। ਉਸ ਨੇ ਤੁਰੰਤ ਆਪਣੇ ਗੁਆਂਢੀਆਂ ਨੂੰ 5 ਮਿੰਟ ਵਿੱਚ ਘਰ ਜਾਣ ਲਈ ਕਿਹਾ। ਘਰ 'ਚ ਗੁਆਂਢੀਆਂ ਨੂੰ ਆਉਂਦਾ ਦੇਖ ਕੇ ਨੇਪਾਲੀ ਨੌਕਰਾਣੀ ਮਾਇਆ ਤੁਰੰਤ ਮੌਕੇ ਦਾ ਫਾਇਦਾ ਉਠਾਉਂਦਿਆਂ ਬੱਚੇ ਨੂੰ ਪਿੱਛੇ ਛੱਡ ਬੈਗ ਲੈ ਕੇ ਭੱਜ ਗਈ। ਦੌੜਦੀ ਨੌਕਰਾਣੀ ਸੀਸੀਟੀਵੀ ਵਿੱਚ ਕੈਦ ਹੋ ਗਈ।
ਗੁੰਜਨ ਨੇ ਦੱਸਿਆ ਕਿ ਸੀਸੀਟੀਵੀ ਕੈਮਰਿਆਂ ਦੀ ਮਦਦ ਨਾਲ ਉਹ ਆਪਣੇ ਘਰ ਵਿੱਚ ਨੌਕਰਾਣੀ ਦੀਆਂ ਗਤੀਵਿਧੀਆਂ ਦੇਖ ਸਕਦੇ ਸੀ, ਨਹੀਂ ਤਾਂ ਉਹ ਉਸ ਦੇ ਬੱਚੇ ਨੂੰ ਵੀ ਅਗਵਾ ਕਰ ਸਕਦਾ ਸੀ। ਗੁੰਜਨ ਨੇ ਦੱਸਿਆ ਕਿ ਹੁਣ ਤੱਕ ਦੀ ਜਾਂਚ ਤੋਂ ਪਤਾ ਲੱਗਾ ਹੈ ਕਿ ਨੌਕਰਾਣੀ ਮਾਇਆ ਨੇ ਸਾਰਿਆਂ ਨੂੰ ਨੀਂਦ ਦੀਆਂ ਗੋਲੀਆਂ ਦਿੱਤੀਆਂ ਸਨ। ਗੁੰਜਨ ਅਨੁਸਾਰ ਉਸ ਨੇ ਇਸ ਮਾਮਲੇ ਦੀ ਸ਼ਿਕਾਇਤ ਥਾਣਾ ਡਿਵੀਜ਼ਨ ਨੰਬਰ 7 ਨੂੰ ਦਿੱਤੀ ਹੈ। ਇਸ ਮਾਮਲੇ ਵਿੱਚ ਪੁਲਿਸ ਨੇ ਉਨ੍ਹਾਂ ਨੂੰ ਭਰੋਸਾ ਦਿੱਤਾ ਹੈ ਕਿ ਨੇਪਾਲੀ ਨੌਕਰਾਣੀ ਨੂੰ ਜਲਦੀ ਹੀ ਫੜ ਲਿਆ ਜਾਵੇਗਾ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
