Ludhiana News: ਗ੍ਰੇਟਰ ਲੁਧਿਆਣਾ ਏਰੀਆ ਡਿਵੈਲਪਮੈਂਟ ਅਥਾਰਟੀ (ਗਲਾਡਾ) ਨੇ 22 ਕਲੋਨੀਆਂ ਵਿੱਚ ਰਜਿਸਟਰੀ 'ਤੇ ਰੋਕ ਲਾ ਦਿੱਤੀ ਹੈ। ਇਸ ਨਾਲ ਲੋਕਾਂ ਵਿੱਚ ਹਾਹਾਕਾਰ ਮੱਚ ਗਈ ਹੈ। ਬੇਸ਼ੱਕ ਇਹ ਰੋਕ ਈਡਬਲਯੂਐਸ ਸ਼੍ਰੇਣੀਆਂ ਲਈ ਰਾਖਵੀਂ ਜ਼ਮੀਨ ਰਾਜ ਸਰਕਾਰ ਨੂੰ ਤਬਦੀਲ ਕਰਨ ਕਰਕੇ ਲਾਈ ਹੈ ਪਰ ਇਸ ਨਾਲ ਲੋਕ ਪ੍ਰੇਸ਼ਾਨ ਹੋਣ ਲੱਗੇ ਹਨ। ਰਜਿਸਟਰੀਆਂ 'ਤੇ ਰੋਕ ਲੱਗਣ ਕਰਕੇ ਲੋਕਾਂ ਅੰਦਰ ਸਹਿਮ ਹੈ।
ਉਧਰ, ਗਲਾਡਾ ਦੇ ਮੁੱਖ ਪ੍ਰਸ਼ਾਸਕ ਸਾਗਰ ਸੇਤੀਆ ਨੇ ਦੱਸਿਆ ਕਿ ਅਥਾਰਿਟੀ ਵੱਲੋਂ ਸਰਕਾਰੀ ਹਦਾਇਤਾਂ ਅਨੁਸਾਰ ਆਰਥਿਕ ਤੌਰ ’ਤੇ ਕਮਜ਼ੋਰ ਵਰਗਾਂ (ਈਡਬਲਯੂਐਸ) ਲਈ ਰਾਖਵੀਂ ਜ਼ਮੀਨ ਦਾ ਤਬਾਦਲਾ ਨਾ ਕਰਨ ਲਈ ਇਸ ਦੇ ਅਧਿਕਾਰ ਖੇਤਰ ਵਿੱਚ ਆਉਂਦੀਆਂ 22 ਕਲੋਨੀਆਂ ਵਿੱਚ ਜਾਇਦਾਦ ਦੀ ਰਜਿਸਟ੍ਰੇਸ਼ਨ ’ਤੇ ਪਾਬੰਦੀ ਲਾਈ ਹੈ।
ਮੁੱਖ ਪ੍ਰਸ਼ਾਸਕ ਸਾਗਰ ਸੇਤੀਆ ਨੇ ਅੱਗੇ ਕਿਹਾ ਕਿ ਗਲਾਡਾ ਨੇ ਇਨ੍ਹਾਂ 22 ਕਲੋਨੀਆਂ ਦੇ ਪ੍ਰਮੋਟਰਾਂ ਨੂੰ ਈਡਬਲਯੂਐਸ ਸ਼੍ਰੇਣੀਆਂ ਲਈ ਰਾਖਵੀਂ ਜ਼ਮੀਨ ਰਾਜ ਸਰਕਾਰ ਨੂੰ ਤਬਦੀਲ ਕਰਨ ਦੇ ਨਿਰਦੇਸ਼ ਦਿੱਤੇ ਸਨ ਪਰ ਉਨ੍ਹਾਂ ਸਰਕਾਰ ਦੇ ਹੁਕਮਾਂ ਨੂੰ ਅੱਖੋਂ ਪਰੋਖੇ ਕੀਤਾ ਹੈ। ਇਸ ਤੋਂ ਬਾਅਦ ਅਥਾਰਟੀ ਨੇ ਪਾਪਰਾ ਐਕਟ ਦੀਆਂ ਧਾਰਾਵਾਂ ਤਹਿਤ ਇਨ੍ਹਾਂ ਕਲੋਨੀਆਂ ਵਿੱਚ ਜਾਇਦਾਦ ਦੀ ਰਜਿਸਟ੍ਰੇਸ਼ਨ ’ਤੇ ਪਾਬੰਦੀ ਲਗਾ ਦਿੱਤੀ ਹੈ।
ਉਨ੍ਹਾਂ ਕਿਹਾ ਕਿ ਸਬੰਧਤ ਖੇਤਰਾਂ ਦੇ ਸਬ ਰਜਿਸਟਰਾਰਾਂ ਨੂੰ ਇਨ੍ਹਾਂ ਹੁਕਮਾਂ ਨੂੰ ਆਪੋ-ਆਪਣੇ ਅਧਿਕਾਰ ਖੇਤਰਾਂ ਵਿੱਚ ਸਖ਼ਤੀ ਨਾਲ ਲਾਗੂ ਕਰਨ ਲਈ ਕਿਹਾ ਗਿਆ ਹੈ। ਮੁੱਖ ਪ੍ਰਸ਼ਾਸਕ ਗਲਾਡਾ ਨੇ ਦੱਸਿਆ ਕਿ ਨੀਤੀ ਦੇ ਅਨੁਸਾਰ ਪ੍ਰਮੋਟਰਾਂ ਨੂੰ ਈ.ਡਬਲਯੂਐਸ ਸ਼੍ਰੇਣੀ ਲਈ ਪੰਜ ਫੀਸਦ ਜ਼ਮੀਨ ਰਾਖਵੀਂ ਰੱਖਣੀ ਪੈਂਦੀ ਹੈ ਜੋ ਰਾਜ ਸਰਕਾਰ ਨੂੰ ਟਰਾਂਸਫਰ ਕੀਤੀ ਜਾਂਦੀ ਹੈ।
22 ਕਲੋਨੀਆਂ ਦੀ ਲਿਸਟ
ਹੁਕਮਾਂ ਦੀ ਪਾਲਣਾ ਕਰਨ ਵਿੱਚ ਅਸਫਲ ਰਹਿਣ ਵਾਲੀਆਂ ਕਲੋਨੀਆਂ ਵਿੱਚ ਕਰਾਊਨ ਟਾਊਨ, ਪਿੰਡ ਲਲਤੋਂ ਕਲਾਂ ਰਾਜਗੜ੍ਹ ਅਸਟੇਟ, ਫੇਸ-1, ਐਕਸਟੈਂਸ਼ਨ-1, ਪਿੰਡ ਬੀਰਮੀ, ਲੁਧਿਆਣਾ ਗ੍ਰੀਨ, ਪਿੰਡ ਜੈਨਪੁਰ ਪਾਮ ਐਨਕਲੇਵ, ਪਿੰਡ ਬੁਲਾਰਾ ਗੀਤਿਕਾ ਵੈਲੀ, ਪਿੰਡ ਸੰਗੋਵਾਲ, ਕਾਰਲਟਨ ਵੁੱਡ ਹੋਮਜ਼-2, ਪਿੰਡ ਇਆਲੀ ਖੁਰਦ, ਪਲੈਟੀਨਮ ਸਿਟੀ, ਪਿੰਡ ਮਨਸੂਰਾਂ, ਰਾਮ ਰਾਜ ਐਨਕਲੇਵ ਪਿੰਡ ਮਾਜਰਾ, ਤਹਿਸੀਲ ਖੰਨਾ ਗ੍ਰੀਨ ਵੈਲੀ ਪਿੰਡ ਅਗਵਾਰ ਗੁਜਰਾਂ-ਤਹਿ ਜਗਰਾਉਂ ਮਹਾਰਾਜਾ ਅਗਰਸੇਨ ਐਨਕਲੇਵ, ਪਿੰਡ ਖਾਨਪੁਰ ਗੁਲਮੋਹਰ ਗ੍ਰੀਨਾ, ਪਿੰਡ ਜੋਧਾਂ ਰਤਨ ਏਕਤਾ ਵਿਹਾਰ ਐਕਸਟੈਨ-1 ਪਿੰਡ ਧਾਂਦਰਾ ਲੁਧਿਆਣਾ, ਗੋਲਡਸਟ ਟਾਊਨਸ਼ਿਪ, ਪਿੰਡ ਆਲਮਗੀਰ, ਸੋਲੀਟੇਅਰ ਹੋਮਜ਼ ਪਿੰਡ ਦਾਦ ਅਤੇ ਥਰੀਕੇ, ਅੰਬੇਰਾ ਹੋਮਜ ਪਿੰਡ ਭਨੋਹੜ, ਦ ਰਿਵਰ ਹਾਈਟਸ ਪਿੰਡ ਬੀਰਮੀ, ਗਰੁੱਪ ਹਾਊਸਿੰਗ ਪ੍ਰੋਜੈਕਟ ਪੈਲੇਸ ਐਨਕਲੇਵ ਪਿੰਡ ਅਗਵਾਰ ਗੁੱਜਰਾਂ-2, ਜਗਰਾਉ ਓਜ਼ੋਨ ਕਾਉਂਟੀ ਪਿੰਡ ਬੁੱਘੀਪੁਰਾ ਅਤੇ ਤਲਵੰਡੀ ਭਗੇਰੀਆਂ ਮੋਗਾ, ਗ੍ਰੀਨ ਸਿਟੀ ਪਿੰਡ ਘੱਲ ਕਲਾਂ ਤੇ ਢੱਟ ਮੋਗਾ, ਓਜ਼ੋਨ ਕਾਉਂਟੀ ਐਕਸਟੈਂਸ਼ਨ-1 ਬੁੱਗੀਪੁਰੇ ਤੇ ਤਲਵੰਡੀ ਭਗੇਰੀਆ ਮੋਗਾ, ਭੁਪਿੰਦਰਾ ਅਸਟੇਟ ਪਿੰਡ ਵਿਰਕ ਤੇ ਪਾਰਕ ਐਵੇਨਿਊ ਪਿੰਡ ਸੇਖਵਾਂ, ਤਹਿਸੀਲ ਜ਼ੀਰਾ ਸ਼ਾਮਲ ਹਨ।