Patiala News: 5 ਹਲਕਿਆਂ ਤੋਂ ਹਾਰੀ ਕਾਂਗਰਸ ਫਿਰ ਵੀ ਜਿੱਤੇ ਡਾ. ਧਰਮਵੀਰ ਗਾਂਧੀ ? 9 ਵਿਧਾਇਕ ਹੋਣ ਦੇ ਬਾਵਜੂਦ ਹਾਰੀ ਆਪ, ਜਾਣੋ ਕਿਵੇਂ ਪਲਟੀ ਬਾਜ਼ੀ ?

Patiala Result: ਇਸ ਵੇਲੇ ‘ਆਪ’ ਦੇ ਸਾਰੇ ਹਲਕਿਆਂ ਵਿੱਚ ਵਿਧਾਇਕ ਹਨ। ਡਾ ਗਾਂਧੀ ਨੂੰ ਕੁੱਲ 3,05,616 ਵੋਟਾਂ ਮਿਲੀਆਂ। ਇਨ੍ਹਾਂ ਵਿੱਚ 3,04,672 ਈਵੀਐਮ ਵੋਟਾਂ ਅਤੇ 944 ਪੋਸਟਲ ਬੈਲਟ ਵੋਟਾਂ ਸ਼ਾਮਲ ਹਨ। ਜਦੋਂਕਿ ‘ਆਪ’ ਦੇ ਡਾ: ਬਲਬੀਰ ਸਿੰਘ ਨੂੰ ਕੁੱਲ 290785 ਵੋਟਾਂ ਮਿਲੀਆਂ

ਡਾ. ਧਰਮਵੀਰ ਗਾਂਧੀ

Patiala Election Result: ਪਟਿਆਲਾ ਤੋਂ ਮਜ਼ਬੂਤ ​​ਦਾਅਵੇਦਾਰ ਮੰਨੀ ਜਾਂਦੀ ਪਰਨੀਤ ਕੌਰ (Preneet Kaur) ਨੂੰ ਲੋਕ ਸਭਾ ਚੋਣਾਂ ਵਿੱਚ ਦੂਜੀ ਵਾਰ ਕਾਂਗਰਸ ਦੇ ਡਾ: ਧਰਮਵੀਰ ਗਾਂਧੀ ਹੱਥੋਂ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਇਸ ਤੋਂ ਪਹਿਲਾਂ 2014 'ਚ ਵੀ 'ਆਪ' ਵੱਲੋਂ ਚੋਣ ਲੜ ਚੁੱਕੇ ਡਾ: ਗਾਂਧੀ (Dr. Dharamvira Gandhi)  ਨੇ ਪ੍ਰਨੀਤ ਨੂੰ ਹਰਾਇਆ ਸੀ।

ਖਾਸ ਗੱਲ ਇਹ ਹੈ ਕਿ ਡਾ: ਗਾਂਧੀ ਨੂੰ ਪਟਿਆਲਾ ਦੇ ਨੌਂ ਵਿਧਾਨ ਸਭਾ ਹਲਕਿਆਂ ਵਿੱਚੋਂ ਪੰਜ ਵਿੱਚ ਹਾਰ ਦਾ ਮੂੰਹ ਦੇਖਣਾ ਪਿਆ ਹੈ। ਇਨ੍ਹਾਂ ਵਿੱਚ ਪਟਿਆਲਾ (ਦਿਹਾਤੀ), ਪਟਿਆਲਾ (ਸ਼ਹਿਰੀ), ਸਨੌਰ, ਸਮਾਣਾ ਅਤੇ ਸ਼ੁਤਰਾਣਾ ਸਰਕਲ ਸ਼ਾਮਲ ਹਨ। ਇਸ ਦੇ ਬਾਵਜੂਦ ਬਹੁਤ ਹੀ ਕਰੀਬੀ ਮੁਕਾਬਲੇ 'ਚ ਡਾ: ਗਾਂਧੀ 'ਆਪ' ਦੇ ਡਾ: ਬਲਬੀਰ ਸਿੰਘ(Dr Balbir Singh) ਨੂੰ 14831 ਵੋਟਾਂ ਦੇ ਫਰਕ ਨਾਲ ਹਰਾਉਣ 'ਚ ਕਾਮਯਾਬ ਰਹੇ |

ਜ਼ਿਕਰ ਕਰ ਦਈਏ ਕਿ ਇਸ ਵੇਲੇ ‘ਆਪ’ ਦੇ ਸਾਰੇ ਹਲਕਿਆਂ ਵਿੱਚ ਵਿਧਾਇਕ ਹਨ। ਡਾ ਗਾਂਧੀ ਨੂੰ ਕੁੱਲ 3,05,616 ਵੋਟਾਂ ਮਿਲੀਆਂ। ਇਨ੍ਹਾਂ ਵਿੱਚ 3,04,672 ਈਵੀਐਮ ਵੋਟਾਂ ਅਤੇ 944 ਪੋਸਟਲ ਬੈਲਟ ਵੋਟਾਂ ਸ਼ਾਮਲ ਹਨ। ਜਦੋਂਕਿ ‘ਆਪ’ ਦੇ ਡਾ: ਬਲਬੀਰ ਸਿੰਘ ਨੂੰ ਕੁੱਲ 290785 ਵੋਟਾਂ ਮਿਲੀਆਂ। ਤੀਜੇ ਨੰਬਰ 'ਤੇ ਰਹੀ ਭਾਜਪਾ ਦੀ ਪ੍ਰਨੀਤ ਕੌਰ ਨੂੰ 288998 ਵੋਟਾਂ ਮਿਲੀਆਂ।

ਹਲਕਿਆਂ ਦੇ ਹਿਸਾਬ ਨਾਲ ਕਿਵੇਂ ਜਿੱਤੀ ਕਾਂਗਰਸ

ਜੇਕਰ ਹਲਕਿਆਂ ਦੇ ਹਿਸਾਬ ਨਾਲ ਦੇਖਿਆ ਜਾਵੇ ਤਾਂ ਡਾ: ਧਰਮਵੀਰ ਗਾਂਧੀ ਨਾਭਾ ਸਰਕਲ ਪਟਿਆਲਾ ਸੀਟ ਤੋਂ 36230 ਵੋਟਾਂ ਲੈ ਕੇ ਜੇਤੂ ਰਹੇ ਹਨ ਪਰ ਡਾ: ਗਾਂਧੀ ਪਟਿਆਲਾ ਦਿਹਾਤੀ ਹਲਕੇ ਤੋਂ ਹਾਰ ਗਏ ਹਨ ਜਿੱਥੇ 'ਆਪ' ਦੇ ਡਾ: ਬਲਬੀਰ ਸਿੰਘ ਵਿਧਾਇਕ ਹਨ। ਇੱਥੇ ਡਾ: ਬਲਬੀਰ ਸਿੰਘ ਜੇਤੂ ਰਹੇ ਹਨ। ਇਸੇ ਤਰ੍ਹਾਂ ਰਾਜਪੁਰਾ ਤੋਂ ਪ੍ਰਨੀਤ ਕੌਰ ਨੇ ਡਾ: ਗਾਂਧੀ ਨੂੰ ਹਰਾਇਆ ਹੈ। ਪ੍ਰਨੀਤ ਕੌਰ ਨੂੰ 37340 ਅਤੇ ਡਾ: ਗਾਂਧੀ ਨੂੰ 32032 ਵੋਟਾਂ ਮਿਲੀਆਂ।ਡੇਰਾਬੱਸੀ ਹਲਕੇ ਵਿੱਚ ਵੀ ਡਾ: ਗਾਂਧੀ ਨੂੰ ਪ੍ਰਨੀਤ ਹੱਥੋਂ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਇੱਥੇ ਪ੍ਰਨੀਤ ਕੌਰ ਨੂੰ 65742 ਅਤੇ ਡਾ: ਗਾਂਧੀ ਨੂੰ 46621 ਵੋਟਾਂ ਮਿਲੀਆਂ ਪਰ ਘਨੌਰ ਵਿੱਚ ਪ੍ਰਨੀਤ ਕੌਰ ਨੂੰ ਕਰਾਰੀ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਇੱਥੋਂ ਉਨ੍ਹਾਂ ਨੂੰ ਸਿਰਫ਼ 14764 ਵੋਟਾਂ ਮਿਲੀਆਂ, ਜਦਕਿ ਡਾ: ਗਾਂਧੀ 37633 ਵੋਟਾਂ ਹਾਸਲ ਕਰਕੇ ਜੇਤੂ ਰਹੇ। ਸਨੌਰ ਹਲਕੇ ਤੋਂ 'ਆਪ' ਦੇ ਡਾ: ਬਲਬੀਰ ਸਿੰਘ 43048 ਵੋਟਾਂ ਲੈ ਕੇ ਜੇਤੂ ਰਹੇ ਅਤੇ ਡਾ: ਗਾਂਧੀ ਨੂੰ 37846 ਵੋਟਾਂ ਮਿਲੀਆਂ।

ਇਸੇ ਤਰ੍ਹਾਂ ਪਟਿਆਲਾ ਸ਼ਹਿਰੀ ਹਲਕੇ ਤੋਂ ਪ੍ਰਨੀਤ ਕੌਰ 41548 ਵੋਟਾਂ ਲੈ ਕੇ ਜੇਤੂ ਰਹੀ ਹੈ। ਇੱਥੋਂ ਡਾ: ਗਾਂਧੀ ਨੂੰ 23035 ਵੋਟਾਂ ਮਿਲੀਆਂ ਹਨ। ਸਮਾਣਾ ਤੋਂ 'ਆਪ' ਦੇ ਡਾ: ਬਲਬੀਰ ਸਿੰਘ 36141 ਵੋਟਾਂ ਲੈ ਕੇ ਜੇਤੂ ਰਹੇ ਅਤੇ ਡਾ: ਗਾਂਧੀ ਨੂੰ 28937 ਵੋਟਾਂ ਮਿਲੀਆਂ। ਸ਼ੁਤਰਾਣਾ ਹਲਕੇ ਤੋਂ ਵੀ 'ਆਪ' ਦੇ ਡਾ: ਬਲਬੀਰ ਸਿੰਘ 32499 ਵੋਟਾਂ ਨਾਲ ਜੇਤੂ ਰਹੇ ਹਨ ਅਤੇ ਡਾ: ਗਾਂਧੀ ਨੂੰ 27353 ਵੋਟਾਂ ਮਿਲੀਆਂ ਹਨ। ਇਨ੍ਹਾਂ ਅੰਕੜਿਆਂ ਤੋਂ ਸਪੱਸ਼ਟ ਹੈ ਕਿ ਚਾਰ ਵਾਰ ਸੰਸਦ ਮੈਂਬਰ ਪ੍ਰਨੀਤ ਕੌਰ ਸਿਰਫ਼ ਦੋ ਹਲਕਿਆਂ ਰਾਜਪੁਰਾ ਅਤੇ ਪਟਿਆਲਾ ਸ਼ਹਿਰੀ ਤੋਂ ਹੀ ਜਿੱਤ ਸਕੀ।