Patiala News: ਕੈਦੂਪੁਰ ਦੇ ਸਰਪੰਚ ਦੀਦਾਰ ਸਿੰਘ ਵੱਲੋਂ ਖ਼ੁਦਕੁਸ਼ੀ, ਜੇਈ ਤੇ ਪੰਚਾਇਤ ਸਕੱਤਰ 'ਤੇ ਤੰਗ ਕਰਨ ਦਾ ਇਲਜ਼ਾਮ
ਬਲਾਕ ਪਟਿਆਲਾ (ਦਿਹਾਤੀ) ਅਧੀਨ ਪੈਂਦੇ ਪਿੰਡ ਕੈਦੂਪੁਰ ਦੇ ਅਕਾਲੀ ਪੱਖੀ ਸਰਪੰਚ ਦੀਦਾਰ ਸਿੰਘ ਵੱਲੋਂ ਖ਼ੁਦਕੁਸ਼ੀ ਕਰਨ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਪਰਿਵਾਰ ਦਾ ਤਰਕ ਹੈ ਕਿ ਉਸ ਨੇ ਇਹ ਘਾਤਕ ਕਦਮ ਪੰਚਾਇਤੀ ਵਿਭਾਗ ਦੇ ਇੱਕ ਜੇਈ ਤੇ ਪੰਚਾਇਤ ਸਕੱਤਰ...
Patiala News: ਬਲਾਕ ਪਟਿਆਲਾ (ਦਿਹਾਤੀ) ਅਧੀਨ ਪੈਂਦੇ ਪਿੰਡ ਕੈਦੂਪੁਰ ਦੇ ਅਕਾਲੀ ਪੱਖੀ ਸਰਪੰਚ ਦੀਦਾਰ ਸਿੰਘ ਵੱਲੋਂ ਖ਼ੁਦਕੁਸ਼ੀ ਕਰਨ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਪਰਿਵਾਰ ਦਾ ਤਰਕ ਹੈ ਕਿ ਉਸ ਨੇ ਇਹ ਘਾਤਕ ਕਦਮ ਪੰਚਾਇਤੀ ਵਿਭਾਗ ਦੇ ਇੱਕ ਜੇਈ ਤੇ ਪੰਚਾਇਤ ਸਕੱਤਰ ਤੋਂ ਤੰਗ ਆ ਕੇ ਚੁੱਕਿਆ ਹੈ।
ਮ੍ਰਿਤਕ ਦੇ ਭਰਾ ਧਰਮ ਸਿੰਘ ਤੇ ਹੋਰ ਪਰਿਵਾਰਕ ਮੈਂਬਰਾਂ ਮੁਤਾਬਕ ਪੰਚਾਇਤ ਵਿਭਾਗ ਦੇ ਇਨ੍ਹਾਂ ਦੋ ਨੁਮਾਇੰਦਿਆਂ ਨੇ ਸਰਪੰਚ ਕੋਲੋਂ ਖਾਲੀ ਚੈੱਕਾਂ ’ਤੇ ਕਥਿਤ ਰੂਪ ਵਿੱਚ ਦਸਤਖ਼ਤ ਕਰਵਾ ਲਏ ਸਨ। ਇਨ੍ਹਾਂ ਚੈਕਾਂ ਰਾਹੀਂ ਕਢਵਾਏ ਗਏ ਪੰਜ ਲੱਖ ਰੁਪਏ ਦੇ ਗਬਨ ਦੇ ਦੋਸ਼ ਸਰਪੰਚ ’ਤੇ ਆ ਪਏ। ਸਰਪੰਚ ਅਜਿਹੀ ਬਦਨਾਮੀ ਨਾ ਸਹਾਰ ਸਕਿਆ ਤੇ ਉਹ ਮਾਨਸਿਕ ਤੌਰ ’ਤੇ ਪ੍ਰੇਸ਼ਾਨ ਹੋ ਗਿਆ ਤੇ ਉਸ ਨੇ ਖੁਦਕੁਸ਼ੀ ਦਾ ਰਾਹ ਅਖਤਿਆਰ ਕਰ ਲਿਆ।
ਜੇਈ ਤੇ ਪੰਚਾਇਤ ਸਕੱਤਰ ਖ਼ਿਲਾਫ਼ ਖੁਦਕੁਸ਼ੀ ਲਈ ਮਜਬੂਰ ਕਰਨ ਦੀ ਧਾਰਾ 306 ਤਹਿਤ ਕੇਸ ਦਰਜ ਕਰਨ ਦੀ ਮੰਗ ਨੂੰ ਲੈ ਕੇ ਹੀ ਮ੍ਰਿਤਕ ਸਰਪੰਚ ਦੇ ਪਰਿਵਾਰਕ ਮੈਂਬਰਾਂ, ਉਸ ਦੇ ਹਮਾਇਤੀਆਂ ਤੇ ਹੋਰਨਾਂ ਵੱਲੋਂ ਇਥੇ ਭਵਾਨੀਗੜ੍ਹ ਰੋਡ ’ਤੇ ਸਥਿਤ ਥਾਣਾ ਪਸਿਆਣਾ ਸਾਹਮਣੇ ਧਰਨਾ ਦਿੱਤਾ ਗਿਆ।
ਜ਼ਿਕਰਯੋਗ ਹੈ ਕਿ ਅਕਾਲੀ ਦਲ ਨਾਲ ਸਬੰਧਤ ਰਿਹਾ ਦੀਦਾਰ ਸਿੰਘ 2019 ’ਚ ਕਾਂਗਰਸ ਦੀ ਸਰਕਾਰ ਦੌਰਾਨ ਪਿੰਡ ਕੈਦੂਪੁਰ ਦਾ ਸਰਪੰਚ ਚੁਣਿਆ ਗਿਆ ਸੀ। ਉਸ ਦੀ ਲਾਸ਼ ਥਾਣਾ ਪਸਿਆਣਾ ਦੇ ਖੇਤਰ ਵਿੱਚੋਂ ਭਾਖੜਾ ਨਹਿਰ ਵਿੱਚੋਂ ਮਿਲੀ। ਇਸ ਸਬੰਧੀ ਮ੍ਰਿਤਕ ਦੇ ਭਰਾ ਧਰਮ ਸਿੰਘ ਤੇ ਹੋਰਨਾਂ ਪਤਵੰਤਿਆਂ ਦਾ ਤਰਕ ਹੈ ਕਿ ਸਰਪੰਚ ਨੇ ਅਜਿਹਾ ਕਦਮ ਮਾਨਸਿਕ ਤਣਾਅ ’ਚ ਰਹਿੰਦਿਆਂ ਚੁੱਕਿਆ।
ਪੰਚਾਇਤ ਵਿਭਾਗ ਦੇ ਦੋ ਸਰਕਾਰੀ ਨੁਮਾਇੰਦਿਆਂ ਨੇ ਦੀਦਾਰ ਸਿੰਘ ਨੂੰ ਭਰੋਸੇ ’ਚ ਲੈ ਕੇ ਖਾਲੀ ਚੈੱਕਾਂ ’ਤੇ ਦਸਤਖ਼ਤ ਕਰਵਾ ਕੇ ਪੰਚਾਇਤੀ ਫੰਡ/ਗਰਾਂਟ ਵਾਲੀ ਰਾਸ਼ੀ ਵਿੱਚੋਂ 4 ਤੋਂ 5 ਲੱਖ ਰੁਪਏ ਕਢਵਾ ਲਏ ਸਨ। ਜਾਂਚ ਪੜਤਾਲ ਦੌਰਾਨ ਇਸ ਰਾਸ਼ੀ ਸਬੰਧੀ ਸਰਪੰਚ ’ਤੇ ਗਬਨ ਦੇ ਕਥਿਤ ਦੋਸ਼ ਲੱਗੇ। ਉਹ ਇਮਾਨਦਾਰ ਤੇ ਸਾਂਝੇ ਕੰਮਾਂ ਲਈ ਆਪਣੇ ਕੋਲੋਂ ਪੈਸੇ ਖਰਚ ਕਰਨ ਵਾਲਾ ਸ਼ਖ਼ਸ ਸੀ। ਇਸ ਕਰਕੇ ਪੰਚਾਇਤੀ ਫੰਡਾਂ ’ਚ ਹੇਰਫੇਰ ਦੇ ਦੋਸ਼ਾਂ ਨੂੰ ਨਾ ਸਹਾਰਦਿਆਂ ਉਸ ਨੇ ਖੁਦਕੁਸ਼ੀ ਕਰ ਲਈ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ।ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਅਤੇ ਡੇਲੀਹੰਟ 'ਤੇ ਵੀ ਫੋਲੋ ਕਰ ਸਕਦੇ ਹੋ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
