Animal: 'ਐਨੀਮਲ' ਨੇ ਰਿਲੀਜ਼ ਦੇ ਪਹਿਲੇ ਦਿਨ ਹੀ ਕੱਢ ਲਿਆ ਆਪਣਾ ਬਜਟ, ਰਣਬੀਰ ਦੀ ਫਿਲਮ ਦੋ ਦਿਨਾਂ 'ਚ ਕੀਤੀ ਦੁੱਗਣੀ ਕਮਾਈ, ਜਾਣੋ ਕਲੈਕਸ਼ਨ
Animal Box Office Collection Day 2 Worldwide: ਰਣਬੀਰ ਕਪੂਰ ਦੀ ਫਿਲਮ 'ਐਨੀਮਲ' ਬਾਕਸ ਆਫਿਸ 'ਤੇ ਜ਼ਬਰਦਸਤ ਕਮਾਈ ਕਰ ਰਹੀ ਹੈ। ਫਿਲਮ ਨੇ 2 ਦਿਨਾਂ ਵਿੱਚ ਦੁੱਗਣੀ ਲਾਗਤ ਇਕੱਠੀ ਕਰ ਲਈ ਹੈ।
Animal Box Office Collection Day 2 Worldwide: ਰਣਬੀਰ ਕਪੂਰ ਦੀ ਫਿਲਮ 'ਐਨੀਮਲ' ਨੇ ਆਪਣੀ ਰਿਲੀਜ਼ ਤੋਂ ਬਾਅਦ ਬਾਕਸ ਆਫਿਸ 'ਤੇ ਦਬਦਬਾ ਬਣਾ ਲਿਆ ਹੈ ਅਤੇ ਭਾਰੀ ਕਮਾਈ ਕਰ ਰਹੀ ਹੈ। ਪਹਿਲੇ ਹੀ ਦਿਨ 'ਐਨੀਮਲ' ਨੇ ਦੁਨੀਆ ਭਰ 'ਚ 100 ਕਰੋੜ ਰੁਪਏ ਦਾ ਅੰਕੜਾ ਪਾਰ ਕਰ ਲਿਆ ਹੈ। ਦਿਲਚਸਪ ਗੱਲ ਇਹ ਹੈ ਕਿ 'ਐਨੀਮਲ' ਨੇ ਰਿਲੀਜ਼ ਵਾਲੇ ਦਿਨ ਹੀ ਆਪਣੀ ਲਾਗਤ ਵਸੂਲ ਲਈ ਸੀ ਅਤੇ ਹੁਣ ਜੋ ਵੀ ਆਮਦਨ ਹੋਵੇਗੀ, ਉਸ ਦਾ ਸਿੱਧਾ ਲਾਭ ਨਿਰਮਾਤਾਵਾਂ ਨੂੰ ਹੀ ਹੋਵੇਗਾ। ਇਸ ਦੌਰਾਨ ਫਿਲਮ ਦੇ ਵਿਸ਼ਵਵਿਆਪੀ ਕਲੈਕਸ਼ਨ ਦੇ ਅੰਕੜੇ ਵੀ ਸਾਹਮਣੇ ਆਏ ਹਨ।
ਇਹ ਵੀ ਪੜ੍ਹੋ: ਦਿਲਜੀਤ ਦੋਸਾਂਝ ਨੇ ਰਚਿਆ ਇਤਿਹਾਸ, ਹੁਣ ਵੈਨਕੂਵਰ ਬਣਾਇਆ ਨਵਾਂ ਰਿਕਾਰਡ, ਜਾਨਣ ਲਈ ਦੇਖੋ ਇਹ ਵੀਡੀਓ
'ਐਨੀਮਲ' ਨੇ ਰਿਲੀਜ਼ ਦੇ ਪਹਿਲੇ ਦਿਨ ਹੀ ਕੱਢ ਲਿਆ ਆਪਣਾ ਬਜਟ
ਖਬਰਾਂ ਮੁਤਾਬਕ ਰਣਬੀਰ ਕਪੂਰ ਦੀ ਫਿਲਮ 'ਐਨੀਮਲ' 100 ਕਰੋੜ ਦੇ ਬਜਟ ਨਾਲ ਬਣੀ ਹੈ। ਪਹਿਲੇ ਦਿਨ ਫਿਲਮ ਦਾ ਵਰਲਡ ਵਾਈਡ ਕਲੈਕਸ਼ਨ 116 ਕਰੋੜ ਰੁਪਏ ਸੀ। ਇਸ ਤੋਂ ਸਾਫ਼ ਪਤਾ ਲੱਗਦਾ ਹੈ ਕਿ ਫ਼ਿਲਮ ਨੇ ਆਪਣੀ ਲਾਗਤ ਵਸੂਲ ਲਈ ਹੈ। ਟ੍ਰੇਡ ਐਨਾਲਿਸਟ ਰਮੇਸ਼ ਬਾਲਾ ਨੇ ਸੋਸ਼ਲ ਮੀਡੀਆ ਪਲੇਟਫਾਰਮ X 'ਤੇ ਫਿਲਮ ਦੇ ਵਰਲਡ ਵਾਈਡ ਕਲੈਕਸ਼ਨ ਬਾਰੇ ਜਾਣਕਾਰੀ ਦਿੰਦੇ ਹੋਏ ਇੱਕ ਪੋਸਟ ਸ਼ੇਅਰ ਕੀਤੀ ਹੈ। ਉਨ੍ਹਾਂ ਦੱਸਿਆ ਕਿ ਫਿਲਮ ਨੇ ਸਿਰਫ ਦੋ ਦਿਨਾਂ ਵਿੱਚ 230 ਕਰੋੜ ਰੁਪਏ ਤੋਂ ਵੱਧ ਦੀ ਕਮਾਈ ਕਰ ਲਈ ਹੈ।
ਭਾਰਤ 'ਚ 150 ਕਰੋੜ ਰੁਪਏ ਦੇ ਕਰੀਬ ਪਹੁੰਚੀ ਫਿਲਮ
ਟ੍ਰੇਡ ਐਨਾਲਿਸਟ ਤਰਣ ਆਦਰਸ਼ ਮੁਤਾਬਕ ਰਣਬੀਰ ਕਪੂਰ ਦੀ ਫਿਲਮ 'ਐਨੀਮਲ' ਨੇ ਦੂਜੇ ਦਿਨ ਯਾਨੀ ਸ਼ਨੀਵਾਰ ਨੂੰ ਭਾਰਤ 'ਚ 58.37 ਕਰੋੜ ਰੁਪਏ ਦੀ ਕਮਾਈ ਕੀਤੀ ਹੈ। ਦੱਖਣ ਭਾਸ਼ਾਵਾਂ 'ਚ ਫਿਲਮ ਦਾ ਕਲੈਕਸ਼ਨ 8.90 ਕਰੋੜ ਰਿਹਾ ਹੈ। ਇਸ ਤਰ੍ਹਾਂ ਫਿਲਮ ਨੇ ਦੂਜੇ ਦਿਨ ਕੁੱਲ 67.27 ਕਰੋੜ ਰੁਪਏ ਦਾ ਕਾਰੋਬਾਰ ਕਰ ਲਿਆ ਹੈ। ਇਸ ਦੇ ਨਾਲ ਹੀ ਫਿਲਮ ਦੀ ਪਹਿਲੇ ਦਿਨ (ਸ਼ੁੱਕਰਵਾਰ) ਦੀ ਕਮਾਈ 63.8 ਕਰੋੜ ਰੁਪਏ ਰਹੀ। ਇਸ ਤਰ੍ਹਾਂ 'ਐਨੀਮਲ' ਨੇ ਸਿਰਫ ਦੋ ਦਿਨਾਂ 'ਚ 131.07 ਕਰੋੜ ਰੁਪਏ ਕਮਾ ਲਏ ਹਨ।
'ਐਨੀਮਲ' 'ਚ ਛਾ ਗਏ ਰਣਬੀਰ ਕਪੂਰ ਤੇ ਬੌਬੀ ਦਿਓਲ
ਦੱਸਿਆ ਜਾ ਰਿਹਾ ਹੈ ਕਿ 'ਐਨੀਮਲ' ਜਲਦ ਹੀ ਦੁਨੀਆ ਭਰ 'ਚ 300 ਕਰੋੜ ਰੁਪਏ ਦਾ ਅੰਕੜਾ ਪਾਰ ਕਰ ਲਵੇਗੀ। ਫਿਲਮ 'ਚ ਰਣਬੀਰ ਕਪੂਰ ਦੇ ਐਕਸ਼ਨ ਅਵਤਾਰ ਨੂੰ ਕਾਫੀ ਪਸੰਦ ਕੀਤਾ ਜਾ ਰਿਹਾ ਹੈ। ਇਸ ਦੇ ਨਾਲ ਹੀ ਬੌਬੀ ਦਿਓਲ ਖਲਨਾਇਕ ਵਜੋਂ ਮਸ਼ਹੂਰ ਹੋ ਗਏ ਹਨ। ਫਿਲਮ 'ਚ ਦੋਵਾਂ ਸਟਾਰਸ ਦੀ ਐਕਟਿੰਗ ਦੀ ਕਾਫੀ ਤਾਰੀਫ ਹੋ ਰਹੀ ਹੈ। 'ਐਨੀਮਲ' 'ਚ ਅਨਿਲ ਕਪੂਰ ਅਤੇ ਰਸ਼ਮਿਕਾ ਮੰਡਨਾ ਨੇ ਵੀ ਅਹਿਮ ਭੂਮਿਕਾਵਾਂ ਨਿਭਾਈਆਂ ਹਨ। ਫਿਲਮ ਦੇ ਨਿਰਦੇਸ਼ਕ ਸੰਦੀਪ ਰੈਡੀ ਵਾਂਗਾ ਹਨ, ਜੋ ਇਸ ਤੋਂ ਪਹਿਲਾਂ 'ਕਬੀਰ ਸਿੰਘ' ਵਰਗੀਆਂ ਬਲਾਕਬਸਟਰ ਫਿਲਮਾਂ ਦੇ ਚੁੱਕੇ ਹਨ। ਇਸ ਫਿਲਮ 'ਚ ਸ਼ਾਹਿਦ ਕਪੂਰ ਨੇ ਮੁੱਖ ਭੂਮਿਕਾ ਨਿਭਾਈ ਸੀ।
ਇਹ ਵੀ ਪੜ੍ਹੋ: ਗਾਇਕਾ ਅਫਸਾਨਾ ਖਾਨ ਦੀ ਨਵੀਂ ਵੀਡੀਓ ਚਰਚਾ 'ਚ, ਸੋਨੇ ਦੇ ਗਹਿਣਿਆਂ ਨਾਲ ਲੱਦੀ ਆਈ ਨਜ਼ਰ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
