Anupama: ਅਨੁਜ ਦੇ ਠੁਕਰਾਉਣ ਤੋਂ ਖੁਦਕੁਸ਼ੀ ਦੀ ਕੋਸ਼ਿਸ਼ ਕਰੇਗੀ ਅਨੁਪਮਾ! ਅਨੁਪਮਾ ਦੀ ਮਾਂ ਮਾਇਆ ਨੂੰ ਸੁਣਾਵੇਗੀ ਖਰੀਆਂ-ਖਰੀਆਂ
Anupamaa Spoiler Alert: ਟੀਵੀ ਸ਼ੋਅ 'ਅਨੁਪਮਾ' ਵਿੱਚ ਅਨੁਜ ਨੇ ਆਪਣੀ ਪਤਨੀ ਕੋਲ ਵਾਪਸ ਆਉਣ ਤੋਂ ਸਾਫ਼ ਇਨਕਾਰ ਕਰ ਦਿੱਤਾ ਸੀ। ਜਦੋਂ ਕਾਂਤਾ ਨੇ ਅਨੁ ਨੂੰ ਅਨੁਜ ਬਾਰੇ ਦੱਸਿਆ ਤਾਂ ਉਹ ਪੂਰੀ ਤਰ੍ਹਾਂ ਹਿੱਲ ਗਈ।
Anupama Spoiler Alert: ਰੂਪਾਲੀ ਗਾਂਗੁਲੀ ਅਤੇ ਗੌਰਵ ਖੰਨਾ ਸਟਾਰਰ ਸ਼ੋਅ 'ਅਨੁਪਮਾ' ਟੀਵੀ 'ਤੇ ਨੰਬਰ ਵਨ ਸ਼ੋਅ ਹੈ। ਸ਼ੋਅ ਦਾ ਨਵਾਂ ਟ੍ਰੈਕ ਅਨੁਪਮਾ ਅਤੇ ਅਨੁਜ ਦੀ ਬਰਬਾਦ ਹੋਈ ਜ਼ਿੰਦਗੀ ਦੇ ਆਲੇ-ਦੁਆਲੇ ਘੁੰਮਦਾ ਹੈ। ਅਨੁਜ ਛੋਟੀ ਅਨੂ ਲਈ ਮਾਇਆ ਕੋਲ ਚਲਾ ਗਿਆ ਹੈ ਅਤੇ ਅਨੁਪਮਾ ਆਪਣੇ ਦੂਜੇ ਟੁੱਟੇ ਹੋਏ ਵਿਆਹ ਤੋਂ ਟੁੱਟ ਗਈ ਹੈ। ਜਦੋਂ ਅਨੁਪਮਾ ਦੀ ਮਾਂ ਅਨੁਜ ਨੂੰ ਮਨਾਉਣ ਜਾਂਦੀ ਹੈ ਤਾਂ ਉਹ ਵਾਪਸ ਜਾਣ ਤੋਂ ਇਨਕਾਰ ਕਰ ਦਿੰਦਾ ਹੈ। ਉਹ ਅਨੁਪਮਾ ਨੂੰ ਉਸ ਨੂੰ ਕੋਈ ਉਮੀਦ ਨਾ ਦੇਣ ਲਈ ਕਹਿੰਦਾ ਹੈ ਅਤੇ ਕਹਿੰਦਾ ਹੈ ਕਿ ਉਹ ਛੋਟੀ ਅਨੂ ਨੂੰ ਪਿੱਛੇ ਛੱਡ ਕੇ ਨਹੀਂ ਆਵੇਗਾ।
ਇਹ ਵੀ ਪੜ੍ਹੋ: ਪਰਿਣੀਤੀ ਚੋਪੜਾ ਤੇ ਰਾਘਵ ਚੱਢਾ ਇਸੇ ਹਫਤੇ ਕਰ ਸਕਦੇ ਹਨ ਮੰਗਣੀ! ਦਿੱਲੀ 'ਚ ਚੱਲ ਰਹੀਆਂ ਤਿਆਰੀਆਂ
ਕਾਂਤਾ ਮਾਇਆ ਨੂੰ ਸਿਖਾਉਂਦੀ ਹੈ ਸਬਕ
ਅੱਜ ਦੇ ਐਪੀਸੋਡ ਵਿੱਚ ਦਿਖਾਇਆ ਜਾਵੇਗਾ ਕਿ ਮਾਇਆ ਕਾਂਤਾ ਨੂੰ ਕਹਿੰਦੀ ਹੈ ਕਿ ਹੁਣ ਅਨੁਜ ਵਾਪਸ ਅਨੁਪਮਾ ਕੋਲ ਨਹੀਂ ਜਾਵੇਗਾ। ਉਹ ਤਿੰਨੋਂ ਇਸ ਘਰ ਵਿੱਚ ਖੁਸ਼ੀ-ਖੁਸ਼ੀ ਰਹਿ ਰਹੇ ਹਨ। ਇਸ 'ਤੇ ਕਾਂਤਾ ਮਾਇਆ ਨੂੰ ਸਬਕ ਸਿਖਾਉਂਦੀ ਹੈ ਅਤੇ ਕਹਿੰਦੀ ਹੈ ਕਿ ਅਨੁਜ ਕਦੇ ਵੀ ਉਸਦਾ ਨਹੀਂ ਹੋਵੇਗਾ। ਅਨੁਜ ਦੇ ਦਿਲ 'ਚ ਅਨੁਪਮਾ ਹੈ ਜਾਂ ਨਹੀਂ, ਫਿਰ ਵੀ ਉਹ ਕਿਸੇ ਹੋਰ ਨੂੰ ਜਗ੍ਹਾ ਨਹੀਂ ਦੇਵੇਗਾ। ਉਹ ਸਿਰਫ ਅਨੁਪਮਾ ਨੂੰ ਪਿਆਰ ਕਰਦਾ ਹੈ ਅਤੇ ਇਕ ਦਿਨ ਦੋਵੇਂ ਜ਼ਰੂਰ ਮਿਲ ਜਾਣਗੇ। ਇਹ ਸੁਣ ਕੇ ਮਾਇਆ ਨੂੰ ਬੁਰਾ ਲੱਗਦਾ ਹੈ। ਜਦੋਂ ਕਾਂਤਾ ਜੀ ਦੇ ਜਾਣ ਤੋਂ ਬਾਅਦ ਮਾਇਆ ਵਾਪਸ ਮੁੜਦੀ ਹੈ, ਤਾਂ ਅਨੁਜ ਉੱਥੇ ਖੜ੍ਹਾ ਹੁੰਦਾ ਹੈ। ਮਾਇਆ ਸੋਚਦੀ ਹੈ ਕਿ ਅਨੁਜ ਨੇ ਉਸ ਦੀ ਗੱਲ ਸੁਣ ਲਈ ਹੈ, ਪਰ ਅਜਿਹਾ ਨਹੀਂ ਹੁੰਦਾ। ਉਹ ਵੀ ਉਥੋਂ ਚਲਾ ਜਾਂਦਾ ਹੈ।
ਮਰਨਾ ਚਾਹੁੰਦੀ ਹੈ ਅਨੁਪਮਾ
ਕਾਂਤਾ ਆ ਕੇ ਅਨੁਪਮਾ ਨੂੰ ਕਹਿੰਦੀ ਹੈ ਕਿ ਅਨੁਜ ਕਦੇ ਵੀ ਉਸ ਕੋਲ ਵਾਪਸ ਨਹੀਂ ਆਵੇਗਾ। ਉਹ ਛੋਟੀ ਅਨੂ ਨਾਲ ਰਹਿਣਾ ਚਾਹੁੰਦਾ ਹੈ। ਇਸ ਲਈ ਅਨੁਪਮਾ ਉਸਦੀ ਉਡੀਕ ਨਾ ਕਰੇ। ਇਹ ਗੱਲਾਂ ਸੁਣ ਕੇ ਅਨੁਪਮਾ ਟੁੱਟ ਜਾਂਦੀ ਹੈ ਅਤੇ ਫੁੱਟ-ਫੁੱਟ ਕੇ ਰੋਣ ਲੱਗ ਜਾਂਦੀ ਹੈ। ਇਸ ਤੋਂ ਬਾਅਦ ਉਸ ਨੇ ਖੁਦ ਨੂੰ ਕਮਰੇ 'ਚ ਬੰਦ ਕਰ ਲਿਆ। ਕਾਂਤਾ ਜੀ ਦਾ ਕਹਿਣਾ ਹੈ ਕਿ ਉਸਨੇ ਅਨੁਪਮਾ ਨੂੰ ਸਿਰਫ ਅਨੁਜ ਦੀਆਂ ਗੱਲਾਂ ਹੀ ਦੱਸੀਆਂ ਹਨ, ਪਰ ਉਹ ਨਹੀਂ ਜੋ ਉਸਦੀ ਅੱਖਾਂ ਕਹਿ ਰਹੀਆਂ ਹਨ। ਉਸ ਦਾ ਕਹਿਣਾ ਹੈ ਕਿ ਅਨੁਜ ਅਜੇ ਵੀ ਅਨੁਪਮਾ ਨੂੰ ਬਹੁਤ ਪਿਆਰ ਕਰਦਾ ਹੈ। ਜਦੋਂ ਅਨੁਪਮਾ ਦਾ ਭਰਾ ਪੁੱਛਦਾ ਹੈ ਕਿ ਉਸਨੇ ਉਸਨੂੰ ਇਹ ਗੱਲਾਂ ਕਿਉਂ ਨਹੀਂ ਦੱਸੀਆਂ, ਤਾਂ ਉਹ ਕਹਿੰਦੀ ਹੈ ਕਿ ਉਹ ਨਹੀਂ ਚਾਹੁੰਦੀ ਕਿ ਅਨੁਪਮਾ ਸਾਰੀ ਉਮਰ ਅਨੁਜ ਦੀ ਉਡੀਕ ਵਿੱਚ ਹਰ ਰੋਜ਼ ਟੁੱਟੇ। ਦੂਜੇ ਪਾਸੇ ਕਾਫੀ ਦੇਰ ਤੱਕ ਦਰਵਾਜ਼ਾ ਨਾ ਖੋਲ੍ਹਣ 'ਤੇ ਉਸ ਦਾ ਭਰਾ ਦਰਵਾਜ਼ਾ ਤੋੜਦਾ ਹੈ ਅਤੇ ਅੰਦਰ ਜਾਣ ਤੋਂ ਬਾਅਦ ਅਨੁਪਮਾ ਡਾਇਰੀ 'ਚ ਲਿਖਦੀ ਹੈ ਕਿ ਉਹ ਹੁਣ ਜੀਣਾ ਨਹੀਂ ਚਾਹੁੰਦੀ। ਉਹ ਮਰਨਾ ਚਾਹੁੰਦੀ ਹੈ। ਉਹ ਆਪਣੇ ਆਪ ਨੂੰ ਦੋਸ਼ੀ ਠਹਿਰਾਉਂਦੀ ਹੈ ਕਿ ਉਸ ਵਿਚ ਕੋਈ ਕਮੀ ਹੈ, ਜਿਸ ਕਾਰਨ ਉਸ ਦੇ ਪਹਿਲੇ ਅਤੇ ਦੂਜੇ ਦੋਵੇਂ ਵਿਆਹ ਟੁੱਟ ਗਏ। ਦੋਵਾਂ ਨੇ ਉਸਨੂੰ ਛੱਡ ਦਿੱਤਾ।
View this post on Instagram
ਬਾਪੂ ਜੀ ਨੇ ਵਣਰਾਜ ਨੂੰ ਦਿੱਤੀ ਚੇਤਾਵਨੀ
ਸ਼ਾਹ ਹਾਊਸ ਵਿੱਚ ਹਰ ਕੋਈ ਅਨੁਪਮਾ ਲਈ ਫਿਕਰਮੰਦ ਹੋ ਜਾਂਦਾ ਹੈ। ਬਾਪੂ ਜੀ ਨੇ ਕਿੰਜਲ ਨੂੰ ਅਨੁਪਮਾ ਨੂੰ ਫ਼ੋਨ ਕਰਨ ਲਈ ਕਿਹਾ, ਪਰ ਕੋਈ ਫ਼ੋਨ ਨਹੀਂ ਚੁੱਕਦਾ। ਹਰ ਕੋਈ ਡਰ ਜਾਂਦਾ ਹੈ ਅਤੇ ਫਿਰ ਵਨਰਾਜ ਕਹਿੰਦਾ ਹੈ ਕਿ ਅਨੁਜ ਦੇ ਜਾਣ ਤੋਂ ਬਾਅਦ ਅਨੁਪਮਾ ਪੂਰੀ ਤਰ੍ਹਾਂ ਸਦਮੇ ;ਚ ਆ ਗਈ ਹੈ। ਜਦੋਂ ਹਰ ਕੋਈ ਉਸ ਨੂੰ ਪੁੱਛਦਾ ਹੈ ਕਿ ਉਹ ਕਿਵੇਂ ਜਾਣਦਾ ਸੀ, ਤਾਂ ਉਹ ਕਹਿੰਦਾ ਹੈ ਕਿ ਉਹ ਉਸ ਨੂੰ ਮਿਲਣ ਗਿਆ ਸੀ। ਉਸ ਦਾ ਕਹਿਣਾ ਹੈ ਕਿ ਉਸ ਦੀ ਹਾਲਤ ਅਜਿਹੀ ਸੀ ਕਿ ਉਹ ਕੁਝ ਨਹੀਂ ਕਰ ਸਕਦਾ ਸੀ। ਵਣਰਾਜ ਦਾ ਕਹਿਣਾ ਹੈ ਕਿ ਉਹ ਇਸ ਔਖੇ ਸਮੇਂ ਵਿੱਚ ਅਨੁਪਮਾ ਦੇ ਨਾਲ ਰਹਿਣਾ ਚਾਹੁੰਦਾ ਹੈ ਅਤੇ ਉਹ ਉਸ ਨੂੰ ਲੈ ਕੇ ਚਿੰਤਤ ਹੈ। ਉਹ ਬੇਸਹਾਰਾ ਅਤੇ ਇਕੱਲੀ ਹੈ। ਫਿਰ ਬਾਪੂ ਜੀ ਵਣਰਾਜ ਨੂੰ ਰੋਕਦੇ ਹਨ ਅਤੇ ਕਹਿੰਦੇ ਹਨ ਕਿ ਅਨੁਪਮਾ ਨਾ ਤਾਂ ਬੇਸਹਾਰਾ ਹੈ ਅਤੇ ਨਾ ਹੀ ਇਕੱਲੀ। ਜੇ ਉਹ ਉਸ ਲਈ ਕੁਝ ਕਰਨਾ ਚਾਹੁੰਦਾ ਹੈ ਤਾਂ ਕੁਝ ਨਾ ਕਰੇ। ਬਾਪੂ ਜੀ ਇਹ ਵੀ ਕਹਿੰਦੇ ਹਨ ਕਿ ਵਣਰਾਜ ਨੂੰ ਅਨੁਪਮਾ ਤੋਂ ਦੂਰ ਰਹਿਣਾ ਚਾਹੀਦਾ ਹੈ ਅਤੇ ਉਸ ਬਾਰੇ ਸੋਚਣਾ ਛੱਡ ਦੇਣਾ ਚਾਹੀਦਾ ਹੈ। ਹਾਲਾਂਕਿ ਵਨਰਾਜ ਦਾ ਕਹਿਣਾ ਹੈ ਕਿ ਉਹ ਅਜਿਹਾ ਕਦੇ ਨਹੀਂ ਕਰ ਸਕਦਾ।
ਅਨੁਪਮਾ ਕਰੇਗੀ ਨਵੀਂ ਸ਼ੁਰੂਆਤ
ਤਾਜ਼ਾ ਪ੍ਰੋਮੋ ਵਿੱਚ ਦਿਖਾਇਆ ਗਿਆ ਸੀ ਕਿ ਕਾਂਤਾ ਜੀ ਅਨੁਪਮਾ ਨੂੰ ਜ਼ਿੰਦਗੀ ਦੇ ਅਰਥ ਸਿਖਾਉਂਦੀਆਂ ਹਨ ਅਤੇ ਉਨ੍ਹਾਂ ਲੋਕਾਂ ਨਾਲ ਜਾਣੂ ਕਰਵਾਉਂਦੀਆਂ ਹਨ ਜੋ ਜ਼ਿੰਦਗੀ ਅਤੇ ਮੌਤ ਦੀ ਲੜਾਈ ਲੜ ਰਹੇ ਹਨ। ਫਿਰ ਅਨੁਪਮਾ ਕਹਿੰਦੀ ਹੈ ਕਿ ਹੁਣ ਉਹ ਵੀ ਨਵੀਂ ਜ਼ਿੰਦਗੀ ਸ਼ੁਰੂ ਕਰੇਗੀ। ਹੁਣ ਦੇਖਣਾ ਹੋਵੇਗਾ ਕਿ ਆਉਣ ਵਾਲੇ ਦਿਨਾਂ 'ਚ ਸਾਨੂੰ ਕਿਹੜੀ ਅਨੁਪਮਾ ਦੇਖਣ ਨੂੰ ਮਿਲਦੀ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
