ਬਿੱਗ ਬੌਸ-13 ਦੇ ਖ਼ਤਮ ਹੁੰਦਿਆਂ ਹੀ ਸੁਰਖੀਆਂ 'ਚ ਆਸਿਮ, ਸੁਨਾਹਾ ਨਾਲ ਫ਼ਿਲਮ 'ਚ ਆਉਣ 'ਤੇ ਕਰਨ ਜੌਹਰ ਦਾ ਰਿਐਕਸ਼ਨ

ਆਸੀਮ ਰਿਆਜ਼ ਨੂੰ ਮਿਲਿਆ ਵੱਡਾ ਆਫਰ। ਰਿਪੋਰਟਾਂ 'ਚ ਕਿਹਾ ਜਾ ਰਿਹਾ ਹੈ ਕਿ ਬਾਲੀਵੁੱਡ ਦੇ ਗੌਡਫਾਦਰ ਬਣਦੇ ਜਾ ਰਹੇ ਕਰਨ ਜੌਹਰ ਸ਼ਾਈਦ ਆਸੀਮ ਰਿਆਜ਼ ਨੂੰ ਲਾਂਚ ਕਰਨ ਜਾ ਰਹੇ ਹਨ।

ਮੁੰਬਈ: ਕੁਝ ਸਮੇਂ ਤੋਂ ਅਜਿਹੀਆਂ ਖਬਰਾਂ ਆ ਰਹੀਆਂ ਹਨ ਕਿ ਕਰਨ ਜੌਹਰ ਫ਼ਿਲਮ 'ਸਟੂਡੈਂਟ ਆਫ ਦ ਈਅਰ' ਦਾ ਤੀਜਾ ਪਾਰਟ ਬਣਾਉਣ ਜਾ ਰਹੇ ਹਨ। ਹੁਣ ਇਹ ਕਿਹਾ ਜਾ ਰਿਹਾ ਹੈ ਕਿ ਕਰਨ ਜੌਹਰ ਨੇ ਇਸ ਫ਼ਿਲਮ ਦੀ ਕਾਸਟਿੰਗ ਨੂੰ ਫਾਈਨਲ ਕਰ ਦਿੱਤਾ ਹੈ। ਰਿਪੋਰਟਾਂ ਦਾ ਦਾਅਵਾ ਹੈ ਕਿ ਇਸ ਫ਼ਿਲਮ 'ਚ ਅਸੀਮ ਰਿਆਜ਼ ਤੇ ਸੁਹਾਨਾ ਖਾਨ ਇਕੱਠੇ ਨਜ਼ਰ ਆਉਣਗੇ। ਹੁਣ ਇਨ੍ਹਾਂ ਖਬਰਾਂ 'ਤੇ ਖ਼ੁਦ ਕਰਨ ਜੌਹਰ ਦਾ ਬਿਆਨ ਸਾਹਮਣੇ ਆਇਆ ਹੈ। ਕਰਨ ਜੌਹਰ ਨੇ ਟਵੀਟ ਕਰਕੇ ਇਨ੍ਹਾਂ ਸਾਰੀਆਂ ਖਬਰਾਂ 'ਤੇ ਰੋਕ ਲਾ ਦਿੱਤੀ ਹੈ।

Absolutely baseless stories making the rounds of SOTY3 !!!! My request to everyone publishing this fabrication is to kindly Stop! Please!🙏

— Karan Johar (@karanjohar) February 18, 2020

ਕਰਨ ਜੌਹਰ ਦੇ ਇਸ ਟਵੀਟ ਤੋਂ ਬਾਅਦ ਇਹ ਸਾਫ ਹੋ ਗਿਆ ਹੈ ਕਿ ਉਹ ਫਿਲਹਾਲ ਨਾ ਤਾਂ ਅਸੀਮ ਰਿਆਜ਼ ਨੂੰ ਤੇ ਨਾ ਹੀ ਸੁਹਾਨਾ ਖ਼ਾਨ ਨੂੰ ਲਾਂਚ ਕਰਨ ਦੇ ਮੂਡ ਵਿੱਚ ਹਨ। ਹਾਲਾਂਕਿ, ਲੰਬੇ ਸਮੇਂ ਤੋਂ ਅਜਿਹੀਆਂ ਖ਼ਬਰਾਂ ਆ ਰਹੀਆਂ ਹਨ ਕਿ ਕਰਨ ਜੌਹਰ, ਸੁਹਾਨਾ ਨੂੰ ਲਾਂਚ ਕਰਨਾ ਚਾਹੁੰਦੇ ਹਨ ਪਰ ਸ਼ਾਹਰੁਖ ਖ਼ਾਨ ਦਾ ਕਹਿਣਾ ਹੈ ਕਿ ਸੁਹਾਨਾ ਆਪਣੀ ਪੜ੍ਹਾਈ ਪੂਰੀ ਕਰਨ ਤੋਂ ਬਾਅਦ ਹੀ ਫ਼ਿਲਮਾਂ 'ਚ ਕਦਮ ਰੱਖੇਗੀ।