ਹਿਮਾਂਸ਼ੀ ਖੁਰਾਣਾ ਤੋਂ ਬਾਅਦ ਅਸੀਮ ਰਿਆਜ਼ 'ਤੇ ਹਮਲਾ, ਬਾਹਾਂ ਤੇ ਲੱਤਾਂ 'ਤੇ ਲੱਗੀਆਂ ਗੰਭੀਰ ਸੱਟਾਂ, ਦੇਖੋ ਵੀਡੀਓ

ਅਸੀਮ ਰਿਆਜ਼ 'ਤੇ ਬਾਈਕ ਸਵਾਰਾਂ ਨੇ ਹਮਲਾ ਕੀਤਾ ਹੈ। ਅਸੀਮ ਨੇ ਖੁਦ ਵੀਡੀਓ ਜ਼ਰੀਏ ਇਹ ਜਾਣਕਾਰੀ ਦਿੱਤੀ। ਦੱਸ ਦੇਈਏ ਕਿ ਪਿਛਲੇ ਮਹੀਨੇ ਹਿਮਾਂਸ਼ੀ ਖੁਰਾਣਾ ‘ਤੇ ਹਮਲੇ ਦੀ ਖ਼ਬਰ ਵੀ ਆਈ ਸੀ।

ਮੁੰਬਈ: 'ਬਿੱਗ ਬੌਸ 13' ਦੇ ਪਸੰਦੀਦਾ ਕੰਟੈਸਟੈਂਟ ਅਸੀਮ ਰਿਆਜ਼ ਇੱਕ ਵਾਰ ਫਿਰ ਸੁਰਖੀਆਂ 'ਚ ਹਨ। ਖ਼ਬਰ ਹੈ ਕਿ ਦੇਰ ਰਾਤ ਕੁਝ ਅਣਪਛਾਤੇ ਵਿਅਕਤੀਆਂ ਨੇ ਉਸ 'ਤੇ ਹਮਲਾ ਕੀਤਾ ਸੀ। ਅਸੀਮ ਰਿਆਜ਼ ਨੇ ਖੁਦ ਇੱਕ ਵੀਡੀਓ ਜ਼ਰੀਏ ਇਸ ਹਾਦਸੇ ਦੀ ਜਾਣਕਾਰੀ ਦਿੱਤੀ ਹੈ। ਅਸੀਮ ਰਿਆਜ਼ ਨੇ ਇਸ ਵੀਡੀਓ ਨੂੰ ਆਪਣੇ ਇੰਸਟਾਗ੍ਰਾਮ ਅਕਾਉਂਟ 'ਤੇ ਸ਼ੇਅਰ ਕੀਤਾ ਹੈ। ਇਸ ਵੀਡੀਓ ਵਿੱਚ ਅਸੀਮ ਦੱਸ ਰਿਹਾ ਹੈ ਕਿ ਜਦੋਂ ਉਹ ਸਾਈਕਲ ਚਲਾ ਰਿਹਾ ਸੀ ਤਾਂ ਬਾਈਕ ਸਵਾਰਾਂ ਨੇ ਉਸ ਨੂੰ ਪਿੱਛੇ ਤੋਂ ਮਾਰਿਆ। ਉਸ ਨੇ ਇਸ ਹਾਦਸੇ ਵਿੱਚ ਲੱਗੀਆਂ ਸੱਟਾਂ ਆਪਣੇ ਫੈਨਸ ਨੂੰ ਦਿਖਾਈਆਂ ਹਨ। ਅਸੀਮ ਦੇ ਮੋਢੇ, ਬਾਹਾਂ ਤੇ ਲੱਤਾਂ 'ਤੇ ਸੱਟਾਂ ਲੱਗੀਆਂ ਹਨ।

View this post on Instagram

 

Bad news for #asimriaz fans. He was attacked by someone while he was cycling. Dont know who they were and what was their motive 💔 #asimriaz #asimriazfever

A post shared by ❤عبد الرحمان😇 (@ar_0143) on Aug 5, 2020 at 9:13pm PDT

ਅਸੀਮ ਰਿਆਜ਼ ਦੇ ਸੱਟਾਂ ਲੱਗਣ ਦੀ ਖ਼ਬਰ ਮਿਲਣ ਤੋਂ ਬਾਅਦ ਪ੍ਰਸ਼ੰਸਕ ਨਿਰਾਸ਼ ਹੋ ਗਏ ਹਨ। ਪ੍ਰਸ਼ੰਸਕ ਸੋਸ਼ਲ ਮੀਡੀਆ 'ਤੇ ਉਸ ਲਈ ਅਰਦਾਸ ਕਰ ਰਹੇ ਹਨ। ਅਸੀਮ ਰਿਆਜ਼ ਦਾ ਨਾਂ ਟਵਿੱਟਰ 'ਤੇ ਲਗਾਤਾਰ ਟ੍ਰੈਂਡ ਹੋ ਰਿਹਾ ਹੈ। ਹੁਣ ਤੱਕ ਹਜ਼ਾਰਾਂ ਲੋਕਾਂ ਨੇ ਅਸੀਮ ਬਾਰੇ ਟਵੀਟ ਕੀਤੇ ਹਨ। ਦੱਸ ਦੇਈਏ ਕਿ ਅਸੀਮ ਰਿਆਜ਼ ਤੋਂ ਪਹਿਲਾਂ ਉਸ ਦੀ ਕਥਿਤ ਪ੍ਰੇਮਿਕਾ ਹਿਮਾਂਸ਼ੀ ਖੁਰਾਨਾ 'ਤੇ ਵੀ ਪਿਛਲੇ ਮਹੀਨੇ ਹਮਲਾ ਹੋਇਆ ਸੀ। ਹਿਮਾਂਸ਼ੀ ਨੇ ਦੱਸਿਆ ਸੀ ਕਿ ਉਸ ਦੀ ਕਾਰ ‘ਤੇ ਹਮਲਾ ਹੋਇਆ ਸੀ, ਇੱਥੋਂ ਤੱਕ ਕਿ ਉਸ ਦੀ ਕਾਰ ਦੇ ਟਾਇਰ ਵੀ ਪੰਚਰ ਕਰ ਦਿੱਤੇ ਗਏ ਸੀ। ਅਸੀਮ ਰਿਆਜ਼ ਤੇ ਹਿਮਾਂਸ਼ੀ ਖੁਰਾਣਾ ਦੀ ਜੋੜੀ ਨੂੰ ਲੋਕਾਂ ਨੇ ਕਾਫ਼ੀ ਪੰਸਦ ਕੀਤਾ ਹੈ। ਦੋਵੇਂ ਜਲਦੀ ਹੀ ਐਲਬਮ 'ਦਿਲ ਕੋ ਮੈਂ ਦੀ ਕਸਮ' 'ਚ ਫਿਰ ਇਕੱਠੇ ਨਜ਼ਰ ਆਉਣਗੇ। ਇਸ ਮਿਊਜ਼ਿਕ ਐਲਬਮ ਦਾ ਪਹਿਲਾ ਪੋਸਟਰ ਰਿਲੀਜ਼ ਹੋ ਚੁੱਕਿਆ ਹੈ। ਪੋਸਟਰ ਵਿੱਚ ਤੁਸੀਂ ਸਾਫ਼-ਸਾਫ਼ ਦੇਖ ਸਕਦੇ ਹੋ ਕਿ ਅਸੀਮ ਰਿਆਜ਼ ਸ਼ਰਟਲੈੱਸ ਹੋ ਪਿਆਨੋ ਵਜਾ ਰਿਹਾ ਹੈ। ਉਸ ਦੇ ਹੱਥ 'ਤੇ ਸੱਟ ਲੱਗੀ ਹੈ। ਉਧਰ ਹਿਮਾਂਸ਼ੀ ਉਨ੍ਹਾਂ ਨੂੰ ਪਿਆਰ ਭਰੀਆਂ ਨਜ਼ਰਾਂ ਨਾਲ ਵੇਖ ਰਹੀ ਹੈ। ਦੋਵਾਂ ਵਿਚਾਲੇ ਰੋਮਾਂਸ ਪੋਸਟਰ ਵਿੱਚ ਦੇਖਿਆ ਜਾ ਸਕਦਾ ਹੈ। ਇਸ ਗੀਤ ਨੂੰ ਅਰੀਜੀਤ ਸਿੰਘ ਨੇ ਗਾਇਆ ਹੈ। ਇਹ ਗਾਣਾ 10 ਅਗਸਤ ਨੂੰ ਰਿਲੀਜ਼ ਹੋਵੇਗਾ। ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ: https://play.google.com/store/apps/details?id=com.winit.starnews.hin https://apps.apple.com/in/app/abp-live-news/id811114904