Beast Box Office Collection Day 6: KGF 2 ਦੇ ਤੂਫਾਨ 'ਚ ਉੱਡੀ ਫਿਲਮ 'ਬੀਸਟ', 6ਵੇਂ ਦਿਨ ਵਰਲਡ ਵਾਈਡ ਕੀਤੀ ਇੰਨੀ ਕਮਾਈ
ਫਿਲਮ ਬੀਸਟ ਨੇ ਆਪਣੇ ਪਹਿਲੇ ਦਿਨ ਦਰਸ਼ਕਾਂ ਨੂੰ ਆਕਰਸ਼ਿਤ ਕੀਤਾ, ਪਰ ਫਿਰ ਇਹ ਫਿਲਮ ਰੌਕੀ ਭਾਈ ਉਰਫ਼ ਯਸ਼ ਦੀ ਕੇਜੀਐਫ 2 ਦੀ ਹਨੇਰੀ ਵਿੱਚ ਗੁਆਚ ਗਈ।
ਮੁੰਬਈ: ਇਨ੍ਹੀਂ ਦਿਨੀਂ ਦੇਸ਼ ਭਰ 'ਚ ਸਾਊਥ ਫਿਲਮਾਂ ਦਾ ਬੋਲਬਾਲਾ ਹੈ। ਪੁਸ਼ਪਾ, ਆਰਆਰਆਰ ਤੇ ਫਿਰ ਕੇਜੀਐਫ ਚੈਪਟਰ 2 ਦੀ ਸ਼ਾਨਦਾਰ ਸਫਲਤਾ ਨੇ ਸਾਬਤ ਕਰ ਦਿੱਤਾ ਹੈ ਕਿ ਹੁਣ ਸਾਊਥ ਇੰਡਸਟਰੀ ਕਿਸੇ ਇੱਕ ਖੇਤਰ ਵਿੱਚ ਨਹੀਂ ਬਲਕਿ ਪੂਰੇ ਦੇਸ਼ ਵਿੱਚ ਪ੍ਰਸਿੱਧ ਹੈ। ਇਸ ਸਿਲਸਿਲੇ ਵਿੱਚ ਪਿਛਲੇ ਦਿਨੀਂ ਸਾਊਥ ਸੁਪਰਸਟਾਰ ਵਿਜੇ ਦੀ ਐਕਸ਼ਨ ਕਾਮੇਡੀ ਫ਼ਿਲਮ ਬੀਸਟ (ਹਿੰਦੀ ਵਿੱਚ ਰਾਅ) ਨੇ ਵੀ ਸਿਨੇਮਾਘਰਾਂ ਵਿੱਚ ਦਸਤਕ ਦਿੱਤੀ।
ਕੰਨੜ ਸੁਪਰਸਟਾਰ ਯਸ਼ ਦੀ ਫਿਲਮ ਕੇਜੀਐਫ ਚੈਪਟਰ 2 ਤੋਂ ਇੱਕ ਦਿਨ ਪਹਿਲਾਂ ਰਿਲੀਜ਼ ਹੋਈ ਫਿਲਮ ਬੀਸਟ ਬਾਕਸ ਆਫਿਸ 'ਤੇ ਕੋਈ ਛਾਪ ਛੱਡਣ ਵਿੱਚ ਅਸਫਲ ਰਹੀ। ਫਿਲਮ ਨੇ ਆਪਣੇ ਪਹਿਲੇ ਦਿਨ ਦਰਸ਼ਕਾਂ ਨੂੰ ਆਕਰਸ਼ਿਤ ਕੀਤਾ, ਪਰ ਫਿਰ ਇਹ ਫਿਲਮ ਰੌਕੀ ਭਾਈ ਉਰਫ਼ ਯਸ਼ ਦੀ ਕੇਜੀਐਫ 2 ਦੀ ਹਨੇਰੀ ਵਿੱਚ ਗੁਆਚ ਗਈ। ਫਿਲਮ ਹਿੰਦੀ ਬੈਲਟ 'ਚ ਕੁਝ ਖਾਸ ਕਮਾਲ ਨਹੀਂ ਕਰ ਸਕੀ। ਹਾਲਾਂਕਿ ਵਿਜੇ ਦੀ ਇਹ ਫਿਲਮ ਘਰੇਲੂ ਬਾਜ਼ਾਰ 'ਚ ਚੰਗਾ ਪ੍ਰਦਰਸ਼ਨ ਕਰ ਰਹੀ ਹੈ। ਇਸ ਸਿਲਸਿਲੇ 'ਚ ਜੇਕਰ ਫਿਲਮ ਦੀ ਸੋਮਵਾਰ ਦੀ ਕਮਾਈ ਦੀ ਗੱਲ ਕਰੀਏ ਤਾਂ ਬੀਸਟ ਨੇ ਛੇਵੇਂ ਦਿਨ ਦੁਨੀਆ ਭਰ 'ਚ ਕੁੱਲ 12 ਕਰੋੜ ਦੀ ਕਮਾਈ ਕੀਤੀ।
ਸੋਮਵਾਰ ਨੂੰ ਹੋਈ ਕੁੱਲ ਕਮਾਈ 'ਚੋਂ ਫਿਲਮ ਨੇ ਤਾਮਿਲਨਾਡੂ 'ਚ ਹੀ ਘਰੇਲੂ ਬਾਜ਼ਾਰ 'ਚ ਸਭ ਤੋਂ ਜ਼ਿਆਦਾ 7 ਕਰੋੜ ਦੀ ਕਮਾਈ ਕੀਤੀ। ਇਸ ਦੇ ਨਾਲ ਹੀ ਫਿਲਮ ਨੇ ਰਿਲੀਜ਼ ਦੇ ਛੇਵੇਂ ਦਿਨ ਕੁੱਲ 195 ਕਰੋੜ ਦਾ ਕਾਰੋਬਾਰ ਕਰ ਲਿਆ ਹੈ। ਹਾਲਾਂਕਿ ਫਿਲਮ ਅਜੇ ਵੀ ਕਮਾਈ ਦੇ ਮਾਮਲੇ 'ਚ ਯਸ਼ ਦੀ ਫਿਲਮ KGF 2 ਤੋਂ ਪਛੜਦੀ ਨਜ਼ਰ ਆ ਰਹੀ ਹੈ। ਸਿਨੇਮਾਘਰਾਂ ਵਿੱਚ ਆਪਣੀ ਦਸਤਕ ਦੇ ਨਾਲ KGF 2 ਨੇ ਨਾ ਸਿਰਫ ਵਿਜੇ ਦੀ ਫਿਲਮ ਤੋਂ ਲੋਕਾਂ ਨੂੰ ਖੋਹ ਲਿਆ, ਬਲਕਿ ਇਸਦੇ ਕ੍ਰੇਜ਼ ਨੂੰ ਵੀ ਵਧਣ ਨਹੀਂ ਦਿੱਤਾ।
ਫਿਲਮ ਦਾ ਨਿਰਮਾਣ ਸਨ ਪਿਕਚਰਜ਼ ਵਲੋਂ ਕੀਤਾ ਗਿਆ ਹੈ ਅਤੇ ਨੇਲਸਨ ਨੇ ਇਸ ਨੂੰ ਨਿਰਦੇਸ਼ਿਤ ਕੀਤਾ। ਫਿਲਮ ਦੀ ਕਹਾਣੀ ਦੀ ਗੱਲ ਕਰੀਏ ਤਾਂ ਇਹ ਫਿਲਮ ਇੱਕ ਰਾਅ ਏਜੰਟ 'ਤੇ ਆਧਾਰਿਤ ਹੈ, ਜਿਸ 'ਚ ਸਾਊਥ ਐਕਟਰ ਵਿਜੇ ਮੁੱਖ ਕਲਾਕਾਰ ਦੇ ਰੂਪ 'ਚ ਨਜ਼ਰ ਆ ਰਹੇ ਹਨ। ਰਾਅ ਏਜੰਟ ਦੀ ਭੂਮਿਕਾ ਨਿਭਾਉਣ ਵਾਲੇ ਅਭਿਨੇਤਾ ਵਿਜੇ ਫਿਲਮ 'ਚ ਹਾਈਜੈਕ ਕੀਤੇ ਮਾਲ ਨੂੰ ਅੱਤਵਾਦੀਆਂ ਤੋਂ ਬਚਾਉਂਦੇ ਹੋਏ ਨਜ਼ਰ ਆ ਰਹੇ ਹਨ। ਇਸ ਫਿਲਮ ਲਈ ਅਦਾਕਾਰ ਨੇ 100 ਕਰੋੜ ਰੁਪਏ ਲਏ ਹਨ। ਵਿਜੇ ਨਾਲ ਫਿਲਮ ਅਦਾਕਾਰਾ ਪੂਜਾ ਹੇਗੜੇ ਨਜ਼ਰ ਆ ਰਹੀ ਹੈ।
ਇਹ ਵੀ ਪੜ੍ਹੋ: Raja Warring: 22 ਅਪ੍ਰੈਲ ਨੂੰ ਅਹੁਦਾ ਸੰਭਾਲਣਗੇ ਰਾਜਾ ਵੜਿੰਗ, ਕਣਕ ਦੇ ਸੀਜ਼ਨ ਕਰਕੇ ਵਰਕਰਾਂ ਨੂੰ ਨਹੀਂ ਭੇਜਿਆ ਸੱਦਾ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
