Shah Rukh Khan ਨੂੰ ਆਪਣਾ ਬੇਟਾ ਮੰਨਦੇ ਸਨ Dilip Kumar, 'ਟਰੈਜਡੀ ਕਿੰਗ' ਦੇ 100ਵੇਂ ਜਨਮਦਿਨ 'ਤੇ ਜਾਣੋ ਇਹ ਦਿਲਚਸਪ ਕਹਾਣੀ
Dilip Kumar 100th Birth Anniversary: ਆਪਣੀ ਦਮਦਾਰ ਅਦਾਕਾਰੀ ਦੇ ਦਮ 'ਤੇ ਹਿੰਦੀ ਸਿਨੇਮਾ ਨੂੰ ਨਵੀਆਂ ਬੁਲੰਦੀਆਂ 'ਤੇ ਪਹੁੰਚਾਉਣ ਵਾਲੇ ਮਰਹੂਮ ਅਦਾਕਾਰ ਦਿਲੀਪ ਕੁਮਾਰ ਦਾ ਅੱਜ 100ਵਾਂ ਜਨਮਦਿਨ ਹੈ। ਅਜਿਹੇ 'ਚ ਅਸੀਂ ਤੁਹਾਨੂੰ ਦਿਲੀਪ ਕੁਮਾਰ ਅਤੇ ਸੁਪਰਸਟਾਰ ਸ਼ਾਹਰੁਖ ਖਾਨ ਦੇ ਰਿਸ਼ਤੇ ਬਾਰੇ ਦੱਸਣ ਜਾ ਰਹੇ ਹਾਂ।
Dilip Kumar 100th Birth Anniversary: ਆਪਣੀ ਦਮਦਾਰ ਅਦਾਕਾਰੀ ਦੇ ਦਮ 'ਤੇ ਹਿੰਦੀ ਸਿਨੇਮਾ ਨੂੰ ਨਵੀਆਂ ਬੁਲੰਦੀਆਂ 'ਤੇ ਪਹੁੰਚਾਉਣ ਵਾਲੇ ਅਦਾਕਾਰ ਦਿਲੀਪ ਕੁਮਾਰ (Dilip Kumar) ਬੇਸ਼ੱਕ ਇਸ ਦੁਨੀਆ 'ਚ ਨਹੀਂ ਰਹੇ। ਪਰ ਆਪਣੀਆਂ ਫਿਲਮਾਂ ਕਾਰਨ ਅੱਜ ਵੀ ਉਨ੍ਹਾਂ ਦਾ ਨਾਂ ਫਿਲਮੀ ਦੁਨੀਆ 'ਚ ਸੁਨਹਿਰੀ ਅੱਖਰਾਂ 'ਚ ਲਿਖਿਆ ਜਾਂਦਾ ਹੈ। 11 ਦਸੰਬਰ 1922 ਉਹ ਦਿਨ ਸੀ ਜਦੋਂ ਯੂਸਫ ਖਾਨ ਯਾਨੀ ਦਿਲੀਪ ਕੁਮਾਰ ਦਾ ਜਨਮ ਪਾਕਿਸਤਾਨ ਦੇ ਪੇਸ਼ਾਵਰ ਵਿੱਚ ਹੋਇਆ ਸੀ। ਅਜਿਹੇ 'ਚ ਅੱਜ ਮਰਹੂਮ ਅਦਾਕਾਰ ਦਿਲੀਪ ਕੁਮਾਰ ਦਾ 100ਵਾਂ ਜਨਮਦਿਨ ਹੈ। ਅਜਿਹੇ 'ਚ ਅਸੀਂ ਤੁਹਾਨੂੰ ਦਿਲੀਪ ਕੁਮਾਰ ਅਤੇ ਸੁਪਰਸਟਾਰ ਸ਼ਾਹਰੁਖ ਖਾਨ (Shah Rukh Khan) ਦੇ ਰਿਸ਼ਤੇ ਬਾਰੇ ਦੱਸਣ ਜਾ ਰਹੇ ਹਾਂ।
ਦਿਲੀਪ ਕੁਮਾਰ ਨਾਲ ਸ਼ਾਹਰੁਖ ਦਾ ਰਿਸ਼ਤਾ ਖਾਸ ਸੀ
ਦਿਲੀਪ ਕੁਮਾਰ ਅਤੇ ਸ਼ਾਹਰੁਖ ਖਾਨ ਹਿੰਦੀ ਸਿਨੇਮਾ ਦੇ ਦੋ ਅਜਿਹੇ ਕਲਾਕਾਰ ਹਨ ਜਿਨ੍ਹਾਂ ਨੇ ਸਭ ਤੋਂ ਵੱਧ 8 ਫਿਲਮਫੇਅਰ ਅਵਾਰਡ ਜਿੱਤਣ ਦਾ ਰਿਕਾਰਡ ਬਣਾਇਆ ਹੈ। ਇੰਨਾ ਹੀ ਨਹੀਂ, ਦਲੀਪ ਦੀ ਬਲਾਕਬਸਟਰ ਫਿਲਮ ਦੇਵਦਾਸ ਦੇ ਰੀਮੇਕ ਨੂੰ ਹਿੱਟ ਬਣਾ ਕੇ ਸ਼ਾਹਰੁਖ ਨੇ ਇਹ ਸਾਬਤ ਕਰ ਦਿੱਤਾ ਹੈ ਕਿ ਉਹ ਵੀ ਟ੍ਰੈਜੇਡੀ ਕਿੰਗ ਜਿੰਨਾ ਹੀ ਦਮਦਾਰ ਐਕਟਰ ਹੈ। ਬੀਬੀਸੀ ਦੀ ਇੱਕ ਰਿਪੋਰਟ ਦੇ ਅਨੁਸਾਰ, ਸ਼ਾਹਰੁਖ ਖਾਨ ਦੇ ਪਿਤਾ ਤਾਜ ਮੁਹੰਮਦ ਖਾਨ ਅਤੇ ਦਿਲੀਪ ਕੁਮਾਰ ਦਾ ਜਨਮ ਪਾਕਿਸਤਾਨ ਦੇ ਪੇਸ਼ਾਵਰ ਵਿੱਚ ਹੋਇਆ ਸੀ। 2013 'ਚ ਫਿਲਮਫੇਅਰ ਐਵਾਰਡਸ ਦੌਰਾਨ ਸ਼ਾਹਰੁਖ ਖਾਨ ਨੇ ਕਿਹਾ ਸੀ ਕਿ 'ਦਲੀਪ ਸਾਹਬ ਅਤੇ ਮੇਰਾ ਰਿਸ਼ਤਾ ਫਿਲਮਾਂ ਤੋਂ ਪਰੇ ਹੈ, ਉਹਨਾਂ ਅਤੇ ਸਾਇਰਾ ਜੀ ਨੇ ਹਮੇਸ਼ਾ ਮੈਨੂੰ ਆਪਣਾ ਬੇਟਾ ਮੰਨਿਆ ਹੈ'।
ਸਾਡਾ ਬੇਟਾ ਸ਼ਾਹਰੁਖ ਵਰਗਾ ਹੁੰਦਾ - ਸਾਇਰਾ
ਮੁੰਬਈ ਮਿਰਰ ਨੂੰ ਦਿੱਤੇ ਇੱਕ ਇੰਟਰਵਿਊ ਵਿੱਚ ਦਿਲੀਪ ਕੁਮਾਰ (Dilip Kumar) ਦੀ ਪਤਨੀ ਅਤੇ ਅਦਾਕਾਰਾ ਸਾਇਰਾ ਬਾਨੋ (Saira Banu) ਨੇ ਇੱਕ ਦਿਲਚਸਪ ਕਿੱਸਾ ਦੱਸਿਆ। ਦਰਅਸਲ ਸਾਇਰਾ ਨੇ ਕਿਹਾ- 'ਸਾਡੀ ਕੋਈ ਔਲਾਦ ਨਹੀਂ ਸੀ। ਪਰ ਜਦੋਂ ਵੀ ਅਸੀਂ ਸ਼ਾਹਰੁਖ ਖਾਨ ਨੂੰ ਮਿਲਦੇ ਸੀ ਤਾਂ ਸਾਨੂੰ ਲੱਗਦਾ ਸੀ ਕਿ ਜੇਕਰ ਸਾਡਾ ਕੋਈ ਬੇਟਾ ਹੁੰਦਾ ਤਾਂ ਉਹ ਸ਼ਾਹਰੁਖ ਵਰਗਾ ਹੀ ਦਿਸਦਾ। ਸ਼ਾਹਰੁਖ ਅਤੇ ਦਿਲੀਪ ਸਾਹਬ ਦੇ ਵਾਲ ਇੱਕੋ ਜਿਹੇ ਸਨ। ਅਜਿਹੇ 'ਚ ਜਦੋਂ ਵੀ ਮੈਂ ਸ਼ਾਹਰੁਖ ਨੂੰ ਮਿਲਦੀ ਸੀ, ਮੈਂ ਉਨ੍ਹਾਂ ਦੇ ਵਾਲਾਂ ਵਿੱਚ ਹੱਥ ਫੇਰਦੀ ਸੀ। ਦੱਸ ਦੇਈਏ ਕਿ ਦਿਲੀਪ ਕੁਮਾਰ ਦੀ ਮੌਤ 7 ਜੁਲਾਈ 2021 ਨੂੰ ਹੋਈ ਸੀ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
