Janmashtami 2023: ਜਨਮ ਅਸ਼ਟਮੀ ਮੌਕੇ ਫਿਲਮੀ ਸਿਤਾਰਿਆਂ ਨੂੰ ਚੜ੍ਹਿਆ ਕ੍ਰਿਸ਼ਨਾ ਦਾ ਰੰਗ, ਫੈਨਜ਼ ਨੂੰ ਇੰਝ ਦਿੱਤੀਆਂ ਸ਼ੁੱਭਕਾਮਨਾਵਾਂ
Janmashtami 2023: ਦੇਸ਼ ਭਰ 'ਚ ਅੱਜ ਜਨਮ ਅਸ਼ਟਮੀ ਦਾ ਤਿਉਹਾਰ ਧੂਮਧਾਮ ਨਾਲ ਮਨਾਇਆ ਜਾ ਰਿਹਾ ਹੈ। ਕ੍ਰਿਸ਼ਨ ਜਨਮ ਅਸ਼ਟਮੀ ਭਗਵਾਨ ਕ੍ਰਿਸ਼ਨ ਦਾ ਜਨਮਦਿਨ ਮਨਾਉਣ ਦਾ ਤਿਉਹਾਰ ਹੈ। ਜਿੱਥੇ ਕ੍ਰਿਸ਼ਨ ਦੇ ਸ਼ਹਿਰ ਮਥੁਰਾ ਵਿੱਚ ਕ੍ਰਿਸ਼ਨ
Janmashtami 2023: ਦੇਸ਼ ਭਰ 'ਚ ਅੱਜ ਜਨਮ ਅਸ਼ਟਮੀ ਦਾ ਤਿਉਹਾਰ ਧੂਮਧਾਮ ਨਾਲ ਮਨਾਇਆ ਜਾ ਰਿਹਾ ਹੈ। ਕ੍ਰਿਸ਼ਨ ਜਨਮ ਅਸ਼ਟਮੀ ਭਗਵਾਨ ਕ੍ਰਿਸ਼ਨ ਦਾ ਜਨਮਦਿਨ ਮਨਾਉਣ ਦਾ ਤਿਉਹਾਰ ਹੈ। ਜਿੱਥੇ ਕ੍ਰਿਸ਼ਨ ਦੇ ਸ਼ਹਿਰ ਮਥੁਰਾ ਵਿੱਚ ਕ੍ਰਿਸ਼ਨ ਜਨਮ ਉਤਸਵ ਮਨਾਇਆ ਜਾ ਰਿਹਾ ਹੈ, ਉੱਥੇ ਹੀ ਮੁੰਬਈ ਵਿੱਚ ਦਹੀਂ-ਹਾਂਡੀ ਮੁਕਾਬਲੇ ਕਰਵਾਏ ਜਾ ਰਹੇ ਹਨ। ਇਸ ਵਿਚਾਲੇ ਕ੍ਰਿਸ਼ਨ ਜਨਮ ਅਸ਼ਟਮੀ ਮੌਕੇ ਬਾਲੀਵੁੱਡ ਦੇ ਕਈ ਸਿਤਾਰਿਆਂ ਨੇ ਵੀ ਸੋਸ਼ਲ ਮੀਡੀਆ 'ਤੇ ਪ੍ਰਸ਼ੰਸਕਾਂ ਨੂੰ ਸ਼ੁੱਭਕਾਮਨਾਵਾਂ ਦਿੱਤੀਆਂ ਹਨ।
ਅਮਿਤਾਭ ਬੱਚਨ ਨੇ ਜਨਮ ਅਸ਼ਟਮੀ ਦੀ ਵਧਾਈ ਦਿੱਤੀ
ਜਨਮ ਅਸ਼ਟਮੀ ਦੇ ਮੌਕੇ 'ਤੇ ਬਾਲੀਵੁੱਡ ਦੇ ਸ਼ਹਿਨਸ਼ਾਹ ਅਮਿਤਾਭ ਬੱਚਨ ਨੇ ਆਪਣੇ ਐਕਸ ਅਕਾਊਂਟ 'ਤੇ ਕ੍ਰਿਸ਼ਨ ਜੀ ਦੀ ਤਸਵੀਰ ਸਾਂਝੀ ਕੀਤੀ ਅਤੇ ਪ੍ਰਸ਼ੰਸਕਾਂ ਨੂੰ ਕ੍ਰਿਸ਼ਨ ਜਨਮ ਉਤਸਵ ਦੀਆਂ ਵਧਾਈਆਂ ਦਿੱਤੀਆਂ। ਅਮਿਤਾਭ ਬੱਚਨ ਨੇ ਲਿਖਿਆ, "ਜਨਮਾਸ਼ਟਮੀ ਦੀਆਂ ਬਹੁਤ ਸਾਰੀਆਂ ਸ਼ੁੱਭਕਾਮਨਾਵਾਂ।"
T 4760 - जन्माष्टमी की अनेक अनेक शुभकामनाएँ 🚩🚩🚩 pic.twitter.com/nCJZAYBAuD
— Amitabh Bachchan (@SrBachchan) September 6, 2023
ਰਿਤਿਕ ਰੋਸ਼ਨ ਨੇ ਕ੍ਰਿਸ਼ਨ ਜਨਮ ਅਸ਼ਟਮੀ ਦੀ ਵਧਾਈ ਦਿੱਤੀ
ਰਿਤਿਕ ਰੋਸ਼ਨ ਨੇ ਆਪਣੇ ਐਕਸ ਹੈਂਡਲ 'ਤੇ ਲਿਖਿਆ, ''ਸ਼੍ਰੀ ਕ੍ਰਿਸ਼ਨ ਦਾ ਪਿਆਰ, ਦਇਆ ਅਤੇ ਕੋਮਲਤਾ ਸਾਡੀ ਜ਼ਿੰਦਗੀ ਨੂੰ ਰੌਸ਼ਨ ਕਰੇ। ਕ੍ਰਿਸ਼ਨ ਜਨਮ ਅਸ਼ਟਮੀ ਦੀਆਂ ਮੁਬਾਰਕਾਂ। ਬਿਊਟੀਫੁੱਲ ਲੋਕ।''
ਹੇਮਾ ਮਾਲਿਨੀ ਨੇ ਵੀ ਕ੍ਰਿਸ਼ਨ ਜਨਮ ਉਤਸਵ ਦੀ ਵਧਾਈ ਦਿੱਤੀ
May the love, compassion and tenderness of Shree Krishna enlighten our lives. Happy Krishna Janmashtami, beautiful people ♥️
— Hrithik Roshan (@iHrithik) September 7, 2023
ਆਪਣੇ ਘਰ ਦੇ ਮੰਦਰ ਤੋਂ ਕ੍ਰਿਸ਼ਨ ਨਾਲ ਰਾਧਾ ਰਾਣੀ ਦੀ ਇੱਕ ਪਿਆਰੀ ਤਸਵੀਰ ਪੋਸਟ ਕਰਦੇ ਹੋਏ, ਹੇਮਾ ਮਾਲਿਨੀ ਨੇ ਆਪਣੇ ਇੰਸਟਾਗ੍ਰਾਮ ਹੈਂਡਲ 'ਤੇ ਲਿਖਿਆ, "ਜਨਮ ਅਸ਼ਟਮੀ ਦੀ ਮੇਰੀ ਸਜਾਵਟ ਦੀ ਇੱਕ ਝਲਕ, ਜਿਸਨੂੰ ਮੈਂ ਹਰ ਸਾਲ ਨਿੱਜੀ ਤੌਰ ਤੇ ਕਰਨਾ ਪਸੰਦ ਕਰਦੀ ਹਾਂ! ਮੈਂ ਰਾਧਾਰਣੀ ਅਤੇ ਕ੍ਰਿਸ਼ਨਾ ਲਈ ਨਵੇਂ ਕੱਪੜੇ ਸਿਵਾਉਂਦੀ ਹਾਂ ਅਤੇ ਉਨ੍ਹਾਂ ਨੂੰ ਸਜਾਉਣ ਦਾ ਅਨੰਦ ਲੈਂਦੀ ਹਾਂ। ਇਹ ਮੇਰੇ ਘਰ ਵਿਚ ਮੇਰੀ ਆਪਣੀ ਨਿੱਜੀ ਪੂਜਾ ਹੈ। ਜਨਮ ਅਸ਼ਟਮੀ ਦੀਆਂ ਸਭ ਨੂੰ ਮੁਬਾਰਕਾਂ।
ਕੰਗਨਾ ਰਣੌਤ ਨੇ ਵੀ ਪ੍ਰਸ਼ੰਸਕਾਂ ਨੂੰ ਜਨਮ ਅਸ਼ਟਮੀ ਦੀ ਵਧਾਈ ਦਿੱਤੀ
ਕੰਗਨਾ ਰਣੌਤ ਨੇ ਪ੍ਰਸ਼ੰਸਕਾਂ ਨੂੰ ਜਨਮਾਸ਼ਟਮੀ ਦੀਆਂ ਸ਼ੁਭਕਾਮਨਾਵਾਂ ਦੇਣ ਲਈ ਦਵਾਰਕਾ ਦੌਰੇ ਦੀ ਇੱਕ ਪੁਰਾਣੀ ਤਸਵੀਰ ਵੀ ਸਾਂਝੀ ਕੀਤੀ। ਉਨ੍ਹਾਂ ਨੇ ਲਿਖਿਆ, "ਜਨਮਾਸ਼ਟਮੀ ਦੇ ਮੌਕੇ 'ਤੇ ਦਵਾਰਕਾ ਦੀ ਯਾਤਰਾ ਤੋਂ ਪਰਤਦੇ ਹੋਏ, ਮੇਰੇ ਭਗਵਾਨ ਕ੍ਰਿਸ਼ਨ ਨੂੰ ਜਨਮਦਿਨ ਦੀਆਂ ਬਹੁਤ-ਬਹੁਤ ਵਧਾਈਆਂ।"
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
and tablets
