ਦੋਵਾਂ ਵਿਚਾਲੇ ਇੱਕ-ਦੂਜੇ 'ਤੇ ਇਲਜ਼ਾਮ ਲਾਉਣ ਦਾ ਦੌਰ ਲੰਬਾ ਚੱਲਿਆ, ਪਰ ਹੁਣ ਸਾਹਮਣੇ ਆਈਆਂ ਤਸਵੀਰਾਂ ਤੋਂ ਸਾਫ ਹੈ ਕਿ ਦੋਵਾਂ ਨੇ ਇਸ ਕੋਲਡ ਵਾਰ ਨੂੰ ਖ਼ਤਮ ਕਰ ਦਿੱਤਾ ਹੈ। ਇਹ ਤਸਵੀਰਾਂ ਇੰਡੀਆਜ਼ ਨੈਕਸਟ ਸੁਪਰਸਟਾਰ ਦੇ ਸੈੱਟ ਦੀਆਂ ਹਨ ਜਿੱਥੇ ਕੰਗਣਾ ਤੇ ਕਰਨ ਨੇ ਆਪਣੀ ਦੋਸਤੀ ਨੂੰ ਇੱਕ ਮੌਕਾ ਦੇਣਾ ਮੁਨਾਸਬ ਸਮਝਿਆ। ਇਸ ਦੌਰਾਨ ਸਾਈਟ 'ਤੇ ਰੋਹਿਤ ਸ਼ੈੱਟੀ ਵੀ ਮੌਜੂਦ ਸਨ। ਉਨ੍ਹਾਂ ਨੇ ਵੀ ਕੰਗਣਾ ਤੇ ਕਰਨ ਨਾਲ ਮਿਲ ਕਾਫੀ ਮਸਤੀ ਕੀਤੀ।
ਕੰਗਣਾ, ਜੌਹਰ ਦੇ ਸ਼ੋਅ "ਕੌਫੀ ਵਿਦ ਕਰਨ" ਵਿੱਚ ਗਈ ਸੀ ਜਿੱਥੇ ਉਨ੍ਹਾਂ ਨੇ ਕਰਨ ਤੇ ਨੈਪੋਟਿਜ਼ਮ ਮਤਲਬ ਪਰਿਵਾਰਵਾਦ ਨੂੰ ਵਧਾਉਣ ਦਾ ਇਲਜ਼ਾਮ ਲਾਇਆ ਸੀ। ਓਦੋਂ ਤੋਂ ਹੀ ਇਨ੍ਹਾਂ ਦੋਵਾਂ ਵਿਚਾਲੇ ਲਗਾਤਾਰ ਇਲਜ਼ਾਮਬਾਜ਼ੀ ਚੱਲ ਰਹੀ ਸੀ। ਹਾਲਾਂਕਿ ਹੁਣ ਦੋਵਾਂ ਦੀਆਂ ਤਸਵੀਰਾਂ ਨੂੰ ਦੇਖਣ ਤੋਂ ਬਾਅਦ ਇਹ ਕਹਿਣਾ ਗ਼ਲਤ ਨਹੀਂ ਹੋਵੇਗਾ ਕਿ ਕਰਨ ਜੌਹਰ ਤੇ ਕੰਗਣਾ ਵਿਚਾਲੇ ਚੱਲ ਰਹੀ ਇਸ ਇਲਜ਼ਾਮਬਾਜ਼ੀ ਦੀ ਕੜੀ ਖਤਮ ਹੋ ਜਾਵੇਗੀ।
ਖੈਰ ਇਸ ਤੋਂ ਬਾਅਦ ਵੀ ਇਹ ਦੇਖਣਾ ਦਿਲਚਸਪ ਹੋਵੇਗਾ ਕਿ, ਕੀ ਕਰਨ ਜੌਹਰ ਕੰਗਣਾ ਨੂੰ ਕੋਈ ਫਿਲਮ ਆਫਰ ਕਰਦੇ ਹਨ ਜਾਂ ਨਹੀਂ ਤੇ ਕਰਨ ਜੇਕਰ ਆਫਰ ਕਰਦੇ ਹਨ ਤਾਂ ਕੰਗਣਾ ਉਸ ਨੂੰ ਕਬੂਲ ਕਰਦੀ ਹੈ ਜਾਂ ਨਹੀਂ। ਕਰਨ ਤੇ ਕੰਗਣਾ ਦੀ ਇਸ ਦੀ ਇਸ ਕੈਮਿਸਟ੍ਰੀ ਨੂੰ ਦੇਖਣ ਤੋਂ ਬਾਅਦ ਫੈਨਸ ਕਾਫੀ ਖੁਸ਼ ਹੋਣ ਵਾਲੇ ਹਨ। ਖੈਰ ਵਧਾਈ ਕੰਗਣਾ ਤੇ ਕਰਨ ਨੂੰ ਨਵੀਂ ਦੋਸਤੀ ਦੇ ਲਈ।