![ABP Premium](https://cdn.abplive.com/imagebank/Premium-ad-Icon.png)
Bollywood News: ਵਰੁਣ ਧਵਨ ਦੀ ਇਸ ਆਦਤ ਤੋਂ ਬੇਹੱਦ ਤੰਗ-ਪ੍ਰੇਸ਼ਾਨ ਕ੍ਰਿਤੀ ਸੈਨਨ, ਕਈ ਗੱਲਾਂ ਦਾ ਕੀਤਾ ਖੁਲਾਸਾ
Bollywood News: ਬੌਲੀਵੁਡ ਅਦਾਕਾਰਾ ਕ੍ਰਿਤੀ ਸੈਨਨ ਫਿਲਮ ‘ਭੇੜੀਆ’ ਦੇ ਸਹਿ-ਕਲਾਕਾਰ ਵਰੁਣ ਧਵਨ ਦੀ ਇੱਕ ਗੱਲ ਤੋਂ ਬੇਹੱਦ ਤੰਗ ਹੈ। ਇਹ ਖੁਲਾਸਾ ਕ੍ਰਿਤੀ ਸੈਨਨ ਨੇ ਖੁਦ ਹੀ ਕੀਤਾ ਹੈ। ਉਸ ਦਾ ਕਹਿਣਾ ਹੈ ਕਿ ਉਹ ਆਪਣੀ ਫਿਲਮ ‘ਭੇੜੀਆ’ ਦੇ...
![Bollywood News: ਵਰੁਣ ਧਵਨ ਦੀ ਇਸ ਆਦਤ ਤੋਂ ਬੇਹੱਦ ਤੰਗ-ਪ੍ਰੇਸ਼ਾਨ ਕ੍ਰਿਤੀ ਸੈਨਨ, ਕਈ ਗੱਲਾਂ ਦਾ ਕੀਤਾ ਖੁਲਾਸਾ Kriti Sanon is very annoyed by this habit of Varun Dhawan Bollywood News: ਵਰੁਣ ਧਵਨ ਦੀ ਇਸ ਆਦਤ ਤੋਂ ਬੇਹੱਦ ਤੰਗ-ਪ੍ਰੇਸ਼ਾਨ ਕ੍ਰਿਤੀ ਸੈਨਨ, ਕਈ ਗੱਲਾਂ ਦਾ ਕੀਤਾ ਖੁਲਾਸਾ](https://feeds.abplive.com/onecms/images/uploaded-images/2022/11/21/d95918eba5f69c17127d48f4ac2a2a7b1669006024965496_original.jpg?impolicy=abp_cdn&imwidth=1200&height=675)
Bollywood News: ਬੌਲੀਵੁਡ ਅਦਾਕਾਰਾ ਕ੍ਰਿਤੀ ਸੈਨਨ ਫਿਲਮ ‘ਭੇੜੀਆ’ ਦੇ ਸਹਿ-ਕਲਾਕਾਰ ਵਰੁਣ ਧਵਨ ਦੀ ਇੱਕ ਗੱਲ ਤੋਂ ਬੇਹੱਦ ਤੰਗ ਹੈ। ਇਹ ਖੁਲਾਸਾ ਕ੍ਰਿਤੀ ਸੈਨਨ ਨੇ ਖੁਦ ਹੀ ਕੀਤਾ ਹੈ। ਉਸ ਦਾ ਕਹਿਣਾ ਹੈ ਕਿ ਉਹ ਆਪਣੀ ਫਿਲਮ ‘ਭੇੜੀਆ’ ਦੇ ਸਹਿ-ਕਲਾਕਾਰ ਵਰੁਣ ਧਵਨ ਦੀ ਫੋਨ ’ਤੇ ਗੱਲ ਕਰਨ ਵੇਲੇ ਇੱਕ ਆਦਤ ਤੋਂ ਬਹੁਤ ਤੰਗ ਹੈ।
ਉਸ ਮੁਤਾਬਕ ਵਰੁਣ ਜਦੋਂ ਵੀ ਫੋਨ ’ਤੇ ਗੱਲ ਸ਼ੁਰੂ ਕਰਦੇ ਵੇਲੇ ਜਾਂ ਸਮਾਪਤ ਕਰਨ ਵੇਲੇ ਕਦੇ ਵੀ ‘ਹੈਲੋ’ ਜਾਂ ‘ਬਾਇ’ ਨਹੀਂ ਕਹਿੰਦਾ ਹੈ। ਆਈਐਮਡੀਬੀ ਦੇ ‘ਇੱਕ ਦੂਜੇ ਨੂੰ ਕੁਝ ਵੀ ਪੁੱਛੋ’ ਵਿੱਚ ਵਰੁਣ ਤੇ ਕ੍ਰਿਤੀ ਨੇ ਇੱਕ ਦੂਜੇ ਦੇ ਸ਼ੌਕ ਤੇ ਕਿਵੇਂ ਫਿਲਮ ‘ਦਿਲਵਾਲੇ’ ਤੋਂ ਬਾਅਦ ਉਨ੍ਹਾਂ ਦੀ ਦੋਸਤੀ ਵਧੀ, ਬਾਰੇ ਵੀ ਦੱਸਿਆ।
ਕ੍ਰਿਤੀ ਨੇ ਕਿਹਾ, ‘ਕੋਈ ਚੀਜ਼ ਜੋ ਮੈਨੂੰ ਥੋੜ੍ਹਾ ਪ੍ਰੇਸ਼ਾਨ ਕਰਦੀ ਹੈ, ਉਹ ਹੈ ਜਦੋਂ ਵਰੁਣ ਫ਼ੋਨ ’ਤੇ ਗੱਲ ਸ਼ੁਰੂ ਕਰਦਿਆਂ ਕੋਈ ਹਾਇ, ਹੈਲੋ, ਨਹੀਂ ਕਹਿੰਦਾ ਹੈ ਅਤੇ ਨਾ ਹੀ ਫੋਨ ਰੱਖਣ ਵੇਲੇ ਬਾਇ ਕਹਿੰਦਾ ਹੈ।’’ ਜਦੋਂ ਵਰੁਣ ਨੇ ਕ੍ਰਿਤੀ ਦੇ ਉਸ ਬਾਰੇ ਪਹਿਲੇ ਪ੍ਰਭਾਵ ਬਾਰੇ ਪੁੱਛਿਆ ਤਾਂ ਉਸ ਨੇ ਕਿਹਾ, ‘‘ਤੁਸੀਂ ਥੋੜ੍ਹੇ ਜਿਹੇ ਫਲਰਟ ਹੋ ਪਰ ਸੱਚੀ ਮੈਨੂੰ ਲੱਗਦਾ ਹੈ ਕਿ ਤੁਸੀਂ ਬਹੁਤ ਊਰਜਾਵਾਨ ਹੋ, ਬਹੁਤ ਬੋਲਣ ਵਾਲੇ, ਮਿੱਠ ਬੋਲੜੇ ਪਰ ਹਰ ਨਾਲ ਫਲਰਟ ਕਰਨ ਵਾਲੇ ਵੀ।’’
ਵਰੁਣ ਨੇ ਕ੍ਰਿਤੀ ਬਾਰੇ ਆਪਣੀ ਮਨਪਸੰਦ ਗੱਲ ਦਾ ਖੁਲਾਸਾ ਕਰਦਿਆਂ ਕਿਹਾ ਕਿ ਕ੍ਰਿਤੀ ਬਹੁਤ ਸਾਫ ਦਿਲ ਦੀ ਹੈ ਤੇ ਉਸ ਦੇ ਮਨ ਵਿੱਚ ਕੋਈ ਹੇਰ-ਫੇਰ ਨਹੀਂ ਹੈ ਤੇ ਉਹ ਦੋਗਲੇ ਕਿਰਦਾਰ ਦੀ ਬਿਲਕੁਲ ਨਹੀਂ ਹੈ। ਕ੍ਰਿਤੀ ਨੇ ਕਿਹਾ ਕਿ ਜਦੋਂ ਉਨ੍ਹਾਂ ਨੇ ਫਿਲਮ ‘ਦਿਲਵਾਲੇ’ ਦੀ ਸ਼ੂਟਿੰਗ ਸ਼ੁਰੂ ਕੀਤੀ ਤਾਂ ਉਨ੍ਹਾਂ ਵਿਚਾਲੇ ਦੋਸਤੀ ਨਹੀਂ ਸੀ ਪਰ ਜਦੋਂ ਸ਼ੂਟਿੰਗ ਮੁਕੰਮਲ ਹੋਈ ਤਾਂ ਉਹ ਬਹੁਤ ਚੰਗੇ ਦੋਸਤ ਬਣ ਚੁੱਕੇ ਸਨ।
ਇਹ ਵੀ ਪੜ੍ਹੋ: Funny Video: ਦੋ ਔਰਤਾਂ ਦੇ ਕਾਰ ਪਾਰਕ ਕਰਨ ਦਾ ਵੀਡੀਓ ਹੋਇਆ ਵਾਇਰਲ, ਆਖਿਰ ਵਿੱਚ ਹੋਇਆ ਅਜਿਹਾ ਕੁਝ ਕਿ ਲੋਕ ਰੋਕ ਨਾ ਸਕੇ ਹਾਸਾ
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਤੇ ਡੇਲੀਹੰਟ 'ਤੇ ਵੀ ਫੌਲੋ ਕਰ ਸਕਦੇ ਹੋ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
![ABP Premium](https://cdn.abplive.com/imagebank/metaverse-mid.png)