![ABP Premium](https://cdn.abplive.com/imagebank/Premium-ad-Icon.png)
ਆਖਰੀ ਵਾਰ ਵੱਡੇ ਪਰਦੇ 'ਤੇ ਦਿਖਾਈ ਦੇਵੇਗਾ Irrfan Khan ਦਾ ਜਾਦੂ, ਇਸ ਦਿਨ ਰਿਲੀਜ਼ ਹੋਵੇਗੀ ਅਦਾਕਾਰ ਦੀ ਆਖਰੀ ਫਿਲਮ
The Song Of Scorpion: ਮਰਹੂਮ ਅਦਾਕਾਰ ਇਰਫਾਨ ਖਾਨ ਦੇ ਪ੍ਰਸ਼ੰਸਕਾਂ ਲਈ ਇੱਕ ਵੱਡੀ ਖਬਰ ਸਾਹਮਣੇ ਆ ਰਹੀ ਹੈ। ਇਰਫਾਨ ਖਾਨ ਦੀ ਆਖਰੀ ਫਿਲਮ 'ਦ ਸੌਂਗ ਆਫ ਸਕਾਰਪੀਅਨ' ਜਲਦ ਹੀ ਰਿਲੀਜ਼ ਹੋਵੇਗੀ।
![ਆਖਰੀ ਵਾਰ ਵੱਡੇ ਪਰਦੇ 'ਤੇ ਦਿਖਾਈ ਦੇਵੇਗਾ Irrfan Khan ਦਾ ਜਾਦੂ, ਇਸ ਦਿਨ ਰਿਲੀਜ਼ ਹੋਵੇਗੀ ਅਦਾਕਾਰ ਦੀ ਆਖਰੀ ਫਿਲਮ late-actor-irrfan-khan-last-film-the-song-of-scorpion-will-release-soon-details-inside ਆਖਰੀ ਵਾਰ ਵੱਡੇ ਪਰਦੇ 'ਤੇ ਦਿਖਾਈ ਦੇਵੇਗਾ Irrfan Khan ਦਾ ਜਾਦੂ, ਇਸ ਦਿਨ ਰਿਲੀਜ਼ ਹੋਵੇਗੀ ਅਦਾਕਾਰ ਦੀ ਆਖਰੀ ਫਿਲਮ](https://feeds.abplive.com/onecms/images/uploaded-images/2023/04/18/26c729b1c0e2355775341b1a97353ac01681829960943700_original.jpg?impolicy=abp_cdn&imwidth=1200&height=675)
Irrfan Khan The Song Of Scorpion: ਜੇਕਰ ਹਿੰਦੀ ਸਿਨੇਮਾ ਦੇ ਦਿੱਗਜ ਕਲਾਕਾਰਾਂ ਦੀ ਗੱਲ ਕੀਤੀ ਜਾਵੇ ਤਾਂ ਇਰਫ਼ਾਨ ਖ਼ਾਨ ਦਾ ਨਾਂਅ ਜ਼ਰੂਰ ਸ਼ਾਮਿਲ ਹੋਵੇਗਾ। ਇਰਫਾਨ ਖਾਨ ਦੀ ਮੌਤ 29 ਅਪ੍ਰੈਲ 2020 ਨੂੰ ਕੈਂਸਰ ਕਾਰਨ ਹੋ ਗਈ ਸੀ। ਬੇਸ਼ੱਕ ਇਰਫਾਨ ਅੱਜ ਸਾਡੇ ਵਿਚਕਾਰ ਨਹੀਂ ਹਨ ਪਰ ਆਪਣੀ ਲਾਜਵਾਬ ਅਦਾਕਾਰੀ ਕਾਰਨ ਉਨ੍ਹਾਂ ਨੂੰ ਹਮੇਸ਼ਾ ਯਾਦ ਕੀਤਾ ਜਾਂਦਾ ਹੈ। ਇਸ ਦੌਰਾਨ ਇਰਫਾਨ ਖਾਨ ਦੇ ਪ੍ਰਸ਼ੰਸਕਾਂ ਲਈ ਇੱਕ ਵੱਡੀ ਖੁਸ਼ਖਬਰੀ ਸਾਹਮਣੇ ਆ ਰਹੀ ਹੈ। ਇਰਫਾਨ ਖਾਨ ਦੀ ਆਖਰੀ ਫਿਲਮ 'ਦ ਸੌਂਗ ਆਫ ਸਕਾਰਪੀਅਨ' ਦੀ ਰਿਲੀਜ਼ ਡੇਟ ਦਾ ਐਲਾਨ ਕਰ ਦਿੱਤਾ ਗਿਆ ਹੈ।
ਇਰਫਾਨ ਖਾਨ ਦੀ ਆਖਰੀ ਫਿਲਮ ਜਲਦ ਹੀ ਰਿਲੀਜ਼ ਹੋਵੇਗੀ
ਪ੍ਰਸ਼ੰਸਕਾਂ ਨੂੰ ਜਲਦੀ ਹੀ ਇਰਫਾਨ ਖਾਨ ਦੀ ਦਮਦਾਰ ਅਦਾਕਾਰੀ ਦਾ ਜਾਦੂ ਉਨ੍ਹਾਂ ਦੀ ਆਖਰੀ ਫਿਲਮ 'ਦਿ ਸੌਂਗ ਆਫ ਸਕਾਰਪੀਅਨ' ਰਾਹੀਂ ਸਿਨੇਮਾਘਰਾਂ 'ਚ ਦੇਖਣ ਨੂੰ ਮਿਲੇਗਾ। ਈ ਟਾਈਮਜ਼ ਦੀ ਖਬਰ ਮੁਤਾਬਕ 'ਦ ਸੌਂਗ ਆਫ ਸਕਾਰਪੀਅਨ' ਦੇ ਨਿਰਮਾਤਾ ਜ਼ੀਸ਼ਾਨ ਅਹਿਮਦ ਨੇ ਦੱਸਿਆ ਹੈ ਕਿ- 'ਮੇਰੇ ਲਈ ਇਹ ਮਾਣ ਵਾਲੀ ਗੱਲ ਹੈ ਕਿ ਮੇਰਾ ਨਾਂ ਇਸ ਫਿਲਮ ਨਾਲ ਸਹਿ-ਨਿਰਮਾਤਾ ਅਤੇ ਪੇਸ਼ਕਾਰ ਵਜੋਂ ਜੁੜਿਆ ਹੈ। ਸਾਨੂੰ ਖੁਸ਼ੀ ਹੈ ਕਿ ਇਰਫਾਨ ਖਾਨ ਦੀ ਇੱਕ ਫਿਲਮ ਵਿੱਚ ਆਖਰੀ ਆਨਸਕ੍ਰੀਨ ਮੌਜੂਦਗੀ ਜਲਦੀ ਹੀ ਦੇਸ਼ ਭਰ ਦੇ ਪ੍ਰਸ਼ੰਸਕਾਂ ਨੂੰ ਸਿਨੇਮਾਘਰਾਂ ਵਿੱਚ ਦੇਖਣ ਨੂੰ ਮਿਲੇਗੀ।
ਇਰਫਾਨ ਦੇ ਪ੍ਰਸ਼ੰਸਕਾਂ ਨੂੰ ਉਨ੍ਹਾਂ ਨੂੰ ਆਖਰੀ ਵਾਰ ਵੱਡੇ ਪਰਦੇ 'ਤੇ ਦੇਖਣ ਦਾ ਮੌਕਾ ਮਿਲੇਗਾ। ਮੇਰੇ 'ਤੇ ਭਰੋਸਾ ਕਰੋ, ਇਰਫਾਨ ਦਾ ਇਹ ਕਿਰਦਾਰ ਅਤੇ ਅਦਾਕਾਰੀ ਆਸਾਨੀ ਨਾਲ ਤੁਹਾਡਾ ਦਿਲ ਜਿੱਤ ਲਵੇਗੀ। ਦੱਸ ਦੇਈਏ ਕਿ ਇਰਫਾਨ ਖਾਨ ਦੀ ਫਿਲਮ 'ਦਿ ਸੌਂਗ ਆਫ ਸਕਾਰਪੀਅਨ' 28 ਅਪ੍ਰੈਲ ਨੂੰ ਸਿਨੇਮਾਘਰਾਂ 'ਚ ਰਿਲੀਜ਼ ਹੋਣੀ ਹੈ।
ਟ੍ਰੇਲਰ ਕੱਲ ਰਿਲੀਜ਼ ਹੋਵੇਗਾ
ਰਿਪੋਰਟ 'ਚ ਇਹ ਵੀ ਦੱਸਿਆ ਗਿਆ ਹੈ ਕਿ ਇਰਫਾਨ ਖਾਨ ਦੀ ਫਿਲਮ 'ਦਿ ਸੌਂਗ ਆਫ ਸਕਾਰਪੀਅਨ' ਦਾ ਟ੍ਰੇਲਰ ਕੱਲ੍ਹ ਰਿਲੀਜ਼ ਹੋ ਸਕਦਾ ਹੈ। ਇਸ ਫਿਲਮ 'ਚ ਇਰਫਾਨ ਤੋਂ ਇਲਾਵਾ ਹਿੰਦੀ ਸਿਨੇਮਾ ਦੀ ਦਿੱਗਜ ਅਦਾਕਾਰਾ ਵਹੀਦਾ ਰਹਿਮਾਨ ਵੀ ਮੁੱਖ ਭੂਮਿਕਾ 'ਚ ਹੈ। ਇਰਫਾਨ ਖਾਨ ਨੇ 'ਦ ਸੌਂਗ ਆਫ ਸਕਾਰਪੀਅਨ' 'ਚ ਊਠ ਵਪਾਰੀ ਦੀ ਭੂਮਿਕਾ ਨਿਭਾਈ ਹੈ। ਇਰਫਾਨ ਦੀ ਤੀਜੀ ਬਰਸੀ ਦੇ ਮੌਕੇ 'ਤੇ 'ਦ ਸੌਂਗ ਆਫ ਸਕਾਰਪੀਅਨ' ਰਿਲੀਜ਼ ਕਰਕੇ ਨਿਰਮਾਤਾਵਾਂ ਨੇ ਪ੍ਰਸ਼ੰਸਕਾਂ ਨੂੰ ਇਕ ਅਨੋਖਾ ਤੋਹਫਾ ਦਿੱਤਾ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
![ABP Premium](https://cdn.abplive.com/imagebank/metaverse-mid.png)