ਮਨਕਿਰਤ ਨੇ ਦੱਸਿਆ ਪਰਮੀਸ਼ ਦਾ ਸੱਚ

ਚੰਡੀਗੜ੍ਹ: ਪੰਜਾਬੀ ਗਾਇਕ ਮਨਕਿਰਤ ਔਲਖ ਨੇ ਪਰਮੀਸ਼ ਵਰਮਾ ਨਾਲ ਵਾਪਰੇ ਹਾਦਸੇ ਬਾਰੇ ਦੱਸਿਆ ਹੈ। ਫੇਸਬੁੱਕ ਲਾਇਵ ਵਿੱਚ ਮਨਕਿਰਤ ਨੇ ਕਿਹਾ ਹੈ ਪਰਮੀਸ਼ ਦਾ ਐਕਸੀਡੈਂਟ ਹੋ ਗਿਆ ਸੀ ਅਤੇ ਉਹ ਹੌਲੀ ਹੌਲੀ ਠੀਕ ਹੋ ਰਹੇ ਹਨ। ਉਹਨਾਂ ਨੇ ਪਰਮੀਸ਼ ਦੀ ਚੰਗੀ ਸਿਹਤ ਲਈ ਦੁਆ ਮੰਗੀ ਹੈ। ਦਰਅਸਲ ਘਰ ਪਰਤਦੇ ਪਰਮੀਸ਼ ਦੀ ਗੱਡੀ ਦਾ ਐਕਸੀਡੈਂਟ ਹੋ ਗਿਆ ਸੀ ਜਿਸ ਕਰਕੇ ਉਨ੍ਹਾਂ ਨੂੰ ਕਾਫੀ ਡੂੰਗੀਆਂ ਸੱਟਾਂ ਵੱਜੀਆਂ ਹਨ। ਕਈ ਥਾਂ ਪਰਮੀਸ਼ ਦੇ ਮੌਤ ਦੀ ਖਬਰ ਵੀ ਵਾਇਰਲ ਹੋ ਰਹੀ ਸੀ ਪਰ ਪਰਮੀਸ਼ ਨੇ ਫੇਸਬੁੱਕ 'ਤੇ ਲਾਈਵ ਹੋ ਇਨ੍ਹਾਂ ਖਬਰਾਂ ਨੂੰ ਝੂਠਾ ਦੱਸਿਆ ਹੈ। ਪਰਮੀਸ਼ ਨੇ ਦੱਸਿਆ ਕਿ ਕਿਵੇਂ ਕੁਝ ਲੋਕ ਸਹੀ ਸਮੇਂ 'ਤੇ ਉਨ੍ਹਾਂ ਨੂੰ ਹਸਪਤਾਲ ਲੈ ਕੇ ਪਹੁੰਚ ਗਏ ਸਨ। ਉਨ੍ਹਾਂ ਦੇ ਮੌਤ ਦੀ ਖਬਰ ਝੂਠੀ ਫੈਲਾਈ ਜਾ ਰਹੀ ਹੈ। ਪਰਮੀਸ਼ ਨੇ ਕਈ ਮਿਊਜ਼ਿਕ ਵੀਡੀਓਜ਼ ਦਾ ਨਿਰਦੇਸ਼ਨ ਕੀਤਾ ਹੈ। ਨਿੰਜਾ, ਦੇਸੀ ਕਰੂ 'ਤੇ ਰਣਜੀਤ ਬਾਵਾ ਵਰਗੇ ਗਾਇਕਾਂ ਨਾਲ ਉਨ੍ਹਾਂ ਨੇ ਕੰਮ ਕੀਤਾ ਹੈ। ਉਹ ਜਲਦ ਫਿਲਮ ਰੌਕੀ ਮੈਂਟਲ ਰਾਹੀਂ ਪੰਜਾਬੀ ਸਿਨੇਮਾ ਵਿੱਚ ਆਪਣਾ ਡੈਬਿਊ ਕਰਨਗੇ।