ਕਰਣੀ ਸੇਨਾ ਵੱਲੋਂ 'ਪਦਮਾਵਤੀ' ਦੇ ਵਿਰੋਧ ਦਾ ਨਵਾਂ ਪੈਂਤੜਾ

ਨਵੀਂ ਦਿੱਲੀ: ਵਿਵਾਦਾਂ 'ਚ ਘਿਰੀ ਫ਼ਿਲਮ ਪਦਮਾਵਤੀ ਅੱਜ ਕੱਲ੍ਹ ਚਰਚਾ ਦਾ ਵਿਸ਼ਾ ਬਣੀ ਹੋਈ ਹੈ। ਕਈ ਸੂਬਾ ਸਰਕਾਰਾਂ ਨੇ ਇਸ 'ਤੇ ਬੈਨ ਲਾ ਦਿੱਤਾ ਹੈ। ਫ਼ਿਲਮ ਪਦਮਾਵਤੀ ਨੂੰ ਸੈਂਸਰ ਬੋਰਡ ਵੀ ਇੱਕ ਵਾਰ ਵਾਪਸ ਮੋੜ ਚੁੱਕਿਆ ਹੈ। ਇਸ ਤੋਂ ਇਲਾਵਾ ਵੀ ਬਾਲੀਵੁੱਡ 'ਚ ਅਜਿਹੀਆਂ ਕਈ ਫ਼ਿਲਮਾਂ ਹਨ ਜਿਨ੍ਹਾਂ 'ਤੇ ਸੈਂਸਰ ਬੋਰਡ ਬੈਨ ਲਾ ਚੁੱਕਿਆ ਹੈ। ਪੜ੍ਹੋ ਕਿਹੜੀਆਂ ਫ਼ਿਲਮਾਂ ਪਹਿਲਾਂ ਵੀ ਵਿਵਾਦਾਂ 'ਚ ਰਹਿ ਚੁੱਕੀਆਂ ਹਨ।

ਕੁਰੂਕਸ਼ੇਤਰ: ਕਰਣੀ ਸੇਨਾ ਦੇ ਮੁਖੀ ਸੂਰਜਪਾਲ ਅੰਮੂ ਨੇ ਪਦਮਾਵਤੀ ਕਾਰਨ ਹੁਣ ਸਰਕਾਰ ਦੇ ਖਿਲਾਫ ਮੋਰਚਾ ਖੋਲ੍ਹ ਦਿੱਤਾ ਹੈ। ਅੰਮੂ ਨੇ ਕਿਹਾ ਕਿ ਹਰਿਆਣਾ ਹੀ ਨਹੀਂ ਸਾਰੇ ਦੇਸ਼ ਵਿੱਚ ਜਦੋਂ ਤੱਕ 'ਪਦਮਾਵਤੀ' 'ਤੇ ਰੋਕ ਨਹੀਂ ਲਾਈ ਜਾਂਦੀ, ਓਦੋਂ ਤੱਕ ਚੁੱਪ ਉਹ ਨਹੀਂ ਕਰਨਗੇ। ਅੰਮੂ ਨੇ ਆਪਣਾ ਸਟੈਂਡ ਸਪਸ਼ਟ ਕਰਦਿਆਂ ਕਿਹਾ ਕਿ 9 ਦਸੰਬਰ ਨੂੰ ਪੰਚਕੁਲਾ ਵਿਖੇ ਪਦਮਾਵਤੀ ਖਿਲਾਫ ਰਾਜਪੂਤ ਵਿਰਾਸਤ ਜਾਗ੍ਰਿਤੀ ਮੰਚ ਦੀ ਰੈਲੀ ਕੀਤੀ ਜਾਵੇਗੀ। ਇਸ ਤੋਂ ਇਲਾਵਾ ਅੰਮੂ ਨੇ ਇਹ ਵੀ ਕਿਹਾ ਕਿ ਅਗਲੇ ਸਾਲ 15 ਅਗਸਤ ਨੂੰ ਕਸ਼ਮੀਰ ਦੇ ਲਾਲ ਚੌਂਕ ਤੇ ਕਰਣੀ ਸੇਨਾ ਤਿਰੰਗਾ ਵੀ ਫਹਿਰਾਏਗੀ। ਆਮੂ ਨੇ ਕਿਹਾ ਕਿ ਵਿਰੋਧੀ ਧਿਰ ਦੇ ਨੇਤਾ ਅਭੈ ਚੌਟਾਲਾ ਤੇ ਸਾਬਕਾ ਮੁੱਖ ਮੰਤਰੀ ਭੁਪਿੰਦਰ ਹੁੱਡਾ ਵੀ ਪਦਮਾਵਤੀ ਦੇ ਖਿਲਾਫ ਖੜੇ ਹਨ।