ਮੁੰਬਈ: ਬਾਲੀਵੁੱਡ ਅਦਾਕਾਰਾ ਕ੍ਰਿਤੀ ਸੈਨਨ ਫਿਲਮ ’ਅਰਜੁਨ ਪਟਿਆਲਾ’ ਵਿੱਚ ਨਜ਼ਰ ਆਏਗੀ। ਕ੍ਰਿਤੀ ਇਸ ਫਿਲਮ ’ਚ ਪੱਤਰਕਾਰ ਜਦੋਂਕਿ ਦਿਲਜੀਤ ਦੁਸਾਂਝ ਛੋਟੇ ਜਿਹੇ ਕਸਬੇ ਦੇ ਗੱਭਰੂ ਵਜੋਂ ਭੂਮਿਕਾ ਨਿਭਾਉਣਗੇ।
ਇਸ ਫਿਲਮ ਦੀ ਸ਼ੂਟਿੰਗ ਚੰਡੀਗੜ੍ਹ ਵਿੱਚ ਸ਼ੁਰੂ ਹੋ ਚੁੱਕੀ ਹੈ। ਫਿਲਮ ਨੂੰ ਲੈ ਕੇ ਕ੍ਰਿਤੀ ਸੈਨਨ ਕਾਫੀ ਉਤਸ਼ਾਹਿਤ ਹੈ। ਉਸ ਨੇ ਅਦਾਕਾਰ ਵਰੁਣ ਸ਼ਰਮਾ ਨਾਲ ਫਿਲਮ ’ਅਰਜੁਨ ਪਟਿਆਲਾ’ ਦੀਆਂ ਤਸਵੀਰਾਂ ਟਵਿੱਟਰ ’ਤੇ ਸਾਂਝੀਆਂ ਕੀਤੀਆਂ।
ਫਿਲਮ ਦੇ ਡਾਇਰੈਕਟਰ ਰੋਹਿਤ ਜੁਗਰਾਜ ਹਨ ਤੇ 13 ਸਤੰਬਰ ਨੂੰ ਫਿਲਮ ਰਿਲੀਜ਼ ਹੋਵੇਗੀ। ਟੀ ਸੀਰੀਜ਼ ਦੇ ਭੂਸ਼ਣ ਕੁਮਾਰ ਤੇ ਮੈਡੌਕ ਫਿਲਮਜ਼ ਦੇ ਦਿਨੇਸ਼ ਵਿਜਨ ਫਿਲਮ ਦੇ ਸਹਿ ਨਿਰਮਾਤਾ ਹਨ।