'ਯੇ ਰਿਸ਼ਤਾ ਕਿਆ ਕਹਿਲਾਤਾ ਹੈ' ਫੇਮ ਅਦਾਕਾਰ ’ਤੇ ਹੋਇਆ ਜਾਨਲੇਵਾ ਹਮਲਾ, ਸੋਟੀ ਨਾਲ ਕੁੱਟਿਆ ਤੇ ਕੱਢੀਆਂ ਗਾਲ੍ਹਾਂ, ਵੀਡੀਓ ਸ਼ੇਅਰ ਕਰ ਬੋਲੇ- ‘ਮੇਰੇ ਸਿਰੋਂ ਖੂਨ ਵੱਗ ਰਿਹਾ..’
ਟੀਵੀ ਅਦਾਕਾਰ ਅਨੁਜ ਸਚਦੇਵਾ ’ਤੇ ਉਨ੍ਹਾਂ ਦੀ ਹੀ ਸੁਸਾਇਟੀ ’ਚ ਰਹਿਣ ਵਾਲੇ ਇੱਕ ਵਿਅਕਤੀ ਨੇ ਹਮਲਾ ਕਰ ਦਿੱਤਾ। ਅਨੁਜ ਨੇ ਸੋਸ਼ਲ ਮੀਡੀਆ ’ਤੇ ਇੱਕ ਪੋਸਟ ਸਾਂਝੀ ਕੀਤੀ ਹੈ, ਜਿਸ ਵਿੱਚ ਵੀਡੀਓ ਦਿਖਾਈ ਦੇ ਰਹੀ ਹੈ ਕਿ ਉਹ ਵਿਅਕਤੀ ਅਨੁਜ ਨੂੰ ਡੰਡੇ ...
ਟੀਵੀ ਅਦਾਕਾਰ ਅਨੁਜ ਸਚਦੇਵਾ ’ਤੇ ਉਨ੍ਹਾਂ ਦੀ ਹੀ ਸੁਸਾਇਟੀ ’ਚ ਰਹਿਣ ਵਾਲੇ ਇੱਕ ਵਿਅਕਤੀ ਨੇ ਹਮਲਾ ਕਰ ਦਿੱਤਾ। ਅਨੁਜ ਨੇ ਸੋਸ਼ਲ ਮੀਡੀਆ ’ਤੇ ਇੱਕ ਪੋਸਟ ਸਾਂਝੀ ਕੀਤੀ ਹੈ, ਜਿਸ ਵਿੱਚ ਵੀਡੀਓ ਦਿਖਾਈ ਦੇ ਰਹੀ ਹੈ ਕਿ ਉਹ ਵਿਅਕਤੀ ਅਨੁਜ ਨੂੰ ਡੰਡੇ ਨਾਲ ਮਾਰ ਰਿਹਾ ਹੈ ਅਤੇ ਗਾਲ੍ਹਾਂ ਕੱਢ ਰਿਹਾ ਹੈ। ਅਨੁਜ ਨੇ ਪੂਰੀ ਘਟਨਾ ਦੀ ਵੀਡੀਓ ਖੁਦ ਬਣਾਈ ਅਤੇ ਹਮਲਾਵਰ ਦੀਆਂ ਸਾਰੀਆਂ ਜਾਣਕਾਰੀ ਵੀ ਸ਼ੇਅਰ ਕੀਤੀ। ਅਨੁਜ ਨੇ ਦੱਸਿਆ ਕਿ ਹਮਲੇ ਦੌਰਾਨ ਉਨ੍ਹਾਂ ਦੇ ਸਿਰੋਂ ਖੂਨ ਵਹਿਣ ਲੱਗ ਪਿਆ।
ਕੁੱਟਣ ਤੋਂ ਬਾਅਦ ਜਾਨੋਂ ਮਾਰਨ ਦੀ ਦਿੱਤੀ ਧਮਕੀ
ਇਸ ਤੋਂ ਬਾਅਦ ਦੋ ਸਿਕਿਊਰਿਟੀ ਗਾਰਡ ਮੌਕੇ ’ਤੇ ਪਹੁੰਚੇ ਅਤੇ ਉਸ ਵਿਅਕਤੀ ਨੂੰ ਕਾਬੂ ਕੀਤਾ, ਪਰ ਇਸ ਦੇ ਬਾਵਜੂਦ ਉਹ ਲਗਾਤਾਰ ਗਾਲ੍ਹਾਂ ਕੱਢਦਾ ਰਿਹਾ। ਦੋਸ਼ੀ ਨੇ ਅਨੁਜ ਨੂੰ ਜਾਨੋਂ ਮਾਰਨ ਦੀਆਂ ਧਮਕੀਆਂ ਵੀ ਦਿੱਤੀਆਂ।
ਅਨੁਜ ਨੇ ਵੀਡੀਓ ਸਾਂਝੀ ਕਰਦੇ ਹੋਏ ਕੈਪਸ਼ਨ ਵਿੱਚ ਲਿਖਿਆ ਕਿ ਇਹ ਵਿਅਕਤੀ ਮੇਰੇ ਜਾਂ ਮੇਰੀ ਪ੍ਰਾਪਰਟੀ ਨੂੰ ਕੋਈ ਨੁਕਸਾਨ ਪਹੁੰਚਾਏ, ਉਸ ਤੋਂ ਪਹਿਲਾਂ ਮੈਂ ਇਹ ਸਬੂਤ ਸਭ ਦੇ ਸਾਹਮਣੇ ਰੱਖ ਰਿਹਾ ਹਾਂ। ਉਨ੍ਹਾਂ ਨੇ ਦੱਸਿਆ ਕਿ ਇਸ ਵਿਅਕਤੀ ਨੇ ਮੇਰੇ ਕੁੱਤੇ ’ਤੇ ਹਮਲਾ ਕਰਨ ਦੀ ਕੋਸ਼ਿਸ਼ ਕੀਤੀ ਅਤੇ ਮੈਨੂੰ ਡੰਡੇ ਨਾਲ ਮਾਰਿਆ।
ਅਨੁਜ ਮੁਤਾਬਕ, ਇਹ ਸਾਰਾ ਮਾਮਲਾ ਇਸ ਲਈ ਵਾਪਰਿਆ ਕਿਉਂਕਿ ਉਸ ਨੇ ਸੁਸਾਇਟੀ ਗਰੁੱਪ ਵਿੱਚ ਇਹ ਗੱਲ ਦੱਸੀ ਸੀ ਕਿ ਉਸ ਵਿਅਕਤੀ ਦੀ ਗੱਡੀ ਸੁਸਾਇਟੀ ਦੀ ਪਾਰਕਿੰਗ ਵਿੱਚ ਗਲਤ ਥਾਂ ’ਤੇ ਖੜ੍ਹੀ ਸੀ। ਅਨੁਜ ਨੇ ਲਿਖਿਆ ਕਿ ਉਹ ਇਸ ਵਿਅਕਤੀ ਦੀਆਂ ਸਾਰੀ ਜਾਣਕਾਰੀ ਸਾਂਝੀ ਕਰ ਰਹੇ ਹਨ ਅਤੇ ਲੋਕਾਂ ਨੂੰ ਅਪੀਲ ਕੀਤੀ ਹੈ ਕਿ ਇਹ ਮਾਮਲਾ ਉਨ੍ਹਾਂ ਤੱਕ ਪਹੁੰਚਾਇਆ ਜਾਵੇ ਜੋ ਇਸ ਦੇ ਖ਼ਿਲਾਫ਼ ਕਾਰਵਾਈ ਕਰ ਸਕਣ। ਉਸ ਨੇ ਇਹ ਵੀ ਕਿਹਾ ਕਿ ਹਮਲੇ ਤੋਂ ਬਾਅਦ ਉਸ ਦੇ ਸਿਰੋਂ ਖੂਨ ਵਹਿ ਰਿਹਾ ਹੈ।
ਅਨੁਜ ਦੀ ਗੱਲ ਕਰੀਏ ਤਾਂ ਉਹ ਟੀਵੀ ਦੇ ਕਾਫ਼ੀ ਲੋਕਪ੍ਰਿਯ ਅਦਾਕਾਰ ਹਨ। ਉਹ ‘ਯੇ ਰਿਸ਼ਤਾ ਕਿਆ ਕਹਿਲਾਤਾ ਹੈ’ ਵਰਗੇ ਮਸ਼ਹੂਰ ਸ਼ੋਅਜ਼ ਵਿੱਚ ਨਜ਼ਰ ਆ ਚੁੱਕੇ ਹਨ। ਹਾਲ ਹੀ ਵਿੱਚ ਉਨ੍ਹਾਂ ਨੂੰ ਓਟੀਟੀ ਵੈੱਬ ਸੀਰੀਜ਼ ‘ਛਲ ਕਪਟ’ ਵਿੱਚ ਦੇਖਿਆ ਗਿਆ ਸੀ, ਜਿਸ ਵਿੱਚ ਉਹ ਕਾਮਿਆ ਅਹਲਾਵਤ ਦੇ ਅਪੋਜ਼ਿਟ ਰੋਲ ਵਿੱਚ ਸਨ। ਇਸ ਸੀਰੀਜ਼ ਵਿੱਚ ਰਾਗਿਨੀ ਦਿਵੇਦੀ, ਸ਼੍ਰੀਆ ਪਿਲਗਾਂਵਕਰ ਅਤੇ ਤੁਹਿਨਾ ਦਾਸ ਵਰਗੇ ਕਈ ਹੋਰ ਸਟਾਰ ਵੀ ਨਜ਼ਰ ਆਏ ਸਨ। ਇਸ ਤੋਂ ਇਲਾਵਾ ਅਨੁਜ ਟੀਵੀ ਸ਼ੋਅ ‘ਧ੍ਰੁਵ ਤਾਰਾ–ਸਮੇਂ ਸਦੀ ਤੋਂ ਪਰੇ’ ਵਿੱਚ ਮਾਨ ਸਿੰਘ ਦੇ ਕਿਰਦਾਰ ਵਿੱਚ ਵੀ ਦਰਸ਼ਕਾਂ ਦਾ ਦਿਲ ਜਿੱਤ ਚੁੱਕੇ ਹਨ।
ਇਸ ਤੋਂ ਇਲਾਵਾ ਅਨੁਜ ਸਚਦੇਵਾ ਕਈ ਹੋਰ ਲੋਕਪ੍ਰਿਯ ਟੀਵੀ ਸ਼ੋਅਜ਼ ਵਿੱਚ ਵੀ ਨਜ਼ਰ ਆ ਚੁੱਕੇ ਹਨ। ਉਹ ‘ਸਬਕੀ ਲਾਡਲੀ ਬੇਬੋ’, ‘ਕਿਸ ਦੇਸ਼ ਮੇਂ ਹੈ ਮੇਰਾ ਦਿਲ’, ‘ਸਾਜਨ ਘਰ ਜਾਣਾ ਹੈ’, ‘ਸਪਨਾ ਬਾਬੁਲ ਦਾ ਬਿਦਾਈ’, ‘ਸਸੁਰਾਲ ਗੇਂਦਾ ਫੂਲ’, ‘ਸਾਥ ਨਿਭਾਨਾ ਸਾਥੀਆ’, ‘ਮਨ ਕੀ ਆਵਾਜ਼ ਪ੍ਰਤਿਗਿਆ’, ‘ਫਿਰ ਸਵੇਰ ਹੋਗੀ’, ‘ਵੋ ਤੋ ਹੈ ਅਲਬੇਲਾ’ ਅਤੇ ਰਿਐਲਟੀ ਸ਼ੋਅ ‘ਨਚ ਬਲੀਏ 9’ ਵਿੱਚ ਵੀ ਦਿਖਾਈ ਦਿੱਤੇ ਹਨ।
View this post on Instagram
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
