Chhavi Mittal: ਮਸ਼ਹੂਰ ਟੀਵੀ ਅਦਾਕਾਰਾ ਨਾਲ ਸ਼ੂਟਿੰਗ ਸੈੱਟ 'ਤੇ ਹੋਇਆ ਹਾਦਸਾ, ਅਭਿਨੇਤਰੀ ਨੇ ਵੀਡੀਓ ਸ਼ੇਅਰ ਕਰ ਦੱਸਿਆ ਹਾਲ
Chhavi Mittal News: ਛਵੀ ਮਿੱਤਲ ਨੇ ਯੂਟਿਊਬ 'ਤੇ ਇੱਕ ਵੀਡੀਓ ਸ਼ੇਅਰ ਕੀਤੀ ਹੈ। ਉਸ ਵੀਡੀਓ 'ਚ ਦਿਖਾਇਆ ਗਿਆ ਸੀ ਕਿ ਸੈੱਟ 'ਤੇ ਅਭਿਨੇਤਰੀ ਦੇ ਵਾਲਾਂ ਨੂੰ ਅੱਗ ਲੱਗ ਜਾਂਦੀ ਹੈ ਅਤੇ ਉਸ ਦੇ ਵਾਲ ਸੜ ਜਾਂਦੇ ਹਨ।
Chhavi Mittal News: ਅਭਿਨੇਤਰੀ ਛਵੀ ਮਿੱਤਲ ਯੂਟਿਊਬ 'ਤੇ ਕਾਫੀ ਐਕਟਿਵ ਰਹਿੰਦੀ ਹੈ। ਉਸ ਨੇ ਹਾਲ ਹੀ 'ਚ ਇਕ ਵੀਡੀਓ ਸ਼ੇਅਰ ਕੀਤੀ ਸੀ, ਜਿਸ 'ਚ ਉਸ ਨੇ ਦੱਸਿਆ ਸੀ ਕਿ ਸੈੱਟ 'ਤੇ ਉਸ ਦੇ ਵਾਲਾਂ ਨੂੰ ਅੱਗ ਲੱਗ ਗਈ ਸੀ। ਇਸ ਤੋਂ ਇਲਾਵਾ ਛਵੀ ਨੇ ਵੀਡੀਓ 'ਚ ਹੈਲਥ ਅਪਡੇਟ ਵੀ ਦਿੱਤੀ।
ਛਵੀ ਮਿੱਤਲ ਦੇ ਵਾਲਾਂ ਨੂੰ ਕੀ ਹੋਇਆ?
ਛਵੀ ਸ਼ੂਟ ਲਈ ਸੈੱਟ 'ਤੇ ਜਾਂਦੀ ਹੈ। ਇਸ ਦੌਰਾਨ, ਉਹ ਆਪਣੇ ਪਤੀ ਨਾਲ ਗੱਲ ਕਰ ਰਹੀ ਹੈ ਅਤੇ ਅਚਾਨਕ ਉਸਦੇ ਵਾਲਾਂ ਨੂੰ ਅੱਗ ਲੱਗ ਗਈ। ਇਸ ਦੌਰਾਨ ਅਦਾਕਾਰ ਕਰਨ ਗਰੋਵਰ ਵੀ ਮੌਜੂਦ ਹਨ। ਛਵੀ ਨੇ ਕਰਨ ਨੂੰ ਪੁੱਛਿਆ- ਕੀ ਮੇਰੇ ਵਾਲ ਸੜ ਗਏ ਹਨ? ਤਾਂ ਕਰਨ ਕਹਿੰਦਾ ਹੈ-ਹਾਂ ਸੜ ਗਏ ਹਨ।
ਇਸ ਤੋਂ ਬਾਅਦ ਛਵੀ ਥੋੜਾ ਜਿਹਾ ਹੱਸ ਕੇ ਕਹਿੰਦੀ ਹੈ- 'ਸੈੱਟ 'ਤੇ ਹਾਦਸੇ ਹੁੰਦੇ ਰਹਿੰਦੇ ਹਨ ਅਤੇ ਮੇਰੇ ਨਾਲ ਵੱਡਾ ਹਾਦਸਾ ਹੋਣ ਤੋਂ ਬਚ ਗਿਆ। ਮੇਰੇ ਵਾਲ ਸੜ ਗਏ ਸਨ। ਤੁਸੀਂ ਵੀਡੀਉ ਜਰੂਰ ਦੇਖੀ ਹੋਵੇਗੀ। ਇਹ ਡਰਾਉਣਾ ਸੀ। ਪਰ ਕਰਨ, ਮੇਰੇ ਵਾਲ ਬਚਾਉਣ ਲਈ ਧੰਨਵਾਦ। ਪਹਿਲਾਂ ਅਸੀਂ ਸਾਰਿਆਂ ਨੂੰ ਕੁੱਝ ਸੜਨ ਦੀ ਸਮੈੱਲ ਆਈ, ਫਿਰ ਮੈਨੂੰ ਅਹਿਸਾਸ ਹੋਇਆ ਕਿ ਮੇਰੇ ਪਿੱਛੇ ਇੱਕ ਮੋਮਬੱਤੀ ਸੀ। ਮੈਂ ਥੋੜ੍ਹਾ ਅੱਗੇ ਗਈ, ਪਰ ਉਦੋਂ ਤੱਕ ਅੱਗ ਲੱਗ ਚੁੱਕੀ ਸੀ।
ਤੁਹਾਨੂੰ ਦੱਸ ਦਈਏ ਕਿ ਇਸ ਤੋਂ ਇਲਾਵਾ ਛਵੀ ਨੂੰ ਬੈਠਣ 'ਚ ਵੀ ਮੁਸ਼ਕਿਲ ਹੋ ਰਹੀ ਹੈ। ਉਸ ਨੇ ਦੱਸਿਆ ਕਿ ਉਸ ਦੀ ਪਿੱਠ ਵਿੱਚ ਕਈ ਸਾਲਾਂ ਤੋਂ ਸਮੱਸਿਆ ਹੈ। ਛਵੀ ਨੂੰ 15-18 ਸਾਲਾਂ ਤੋਂ ਬੈਕ ਯਾਨਿ ਲੱਕ 'ਚ ਦਰਦ ਰਹਿੰਦਾ ਹੈ। ਸੈੱਟ 'ਤੇ ਉਹ ਬੈਕ 'ਚ ਥੈਰੇਪੀ ਤੇ ਗੰਨ ਥੈਰਪੀ ਲੈਂਦੀ ਵੀ ਨਜ਼ਰ ਆਈ। ਛਵੀ ਨੇ ਇਹ ਵੀ ਦੱਸਿਆ ਕਿ 3 ਮਹੀਨਿਆਂ 'ਚ ਉਸ ਦਾ ਭਾਰ 8 ਕਿਲੋ ਵਧ ਗਿਆ ਹੈ। ਇਸ ਲਈ ਉਹ ਹੁਣ ਭਾਰ ਘਟਾਏਗੀ ਅਤੇ ਸਹੀ ਡਾਈਟ ਦਾ ਪਾਲਣ ਕਰੇਗੀ। ਛਵੀ ਨੇ ਕਿਹਾ ਕਿ ਪਿੱਠ ਦੀ ਸਮੱਸਿਆ ਕਾਰਨ ਉਸ ਨੇ ਜਿਮ ਛੱਡ ਦਿੱਤਾ ਸੀ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
