Inderjit Nikku: ਇੰਦਰਜੀਤ ਨਿੱਕੂ ਦੀ ਆਵਾਜ਼ 'ਚ ਫਲਾਪ ਗੀਤ ਨੂੰ ਸਰਗੀ ਮਾਨ ਨੇ ਕੀਤਾ ਹਿੱਟ
ਇਹ ਗੀਤ ਉਸ ਵੇਲੇ ਬਿਲਕੁਲ ਵੀ ਨਹੀਂ ਚੱਲਿਆ, ਇਹ ਗੱਲ ਖੁਦ ਇਸ ਗੀਤ ਦੇ ਗੀਤਕਾਰ ਹੈਪੀ ਰਾਏਕੋਟੀ ਨੇ ਕਬੂਲੀ। ਹਾਲ ਹੀ ਦੇ ਵਿਚ ਹੈਪੀ ਨਾਲ ਇੱਕ ਮੁਲਾਕਾਤ ਹੋਈ, ਜਿਸ ਦੌਰਾਨ ਹੈਪੀ ਨੇ ਗੀਤ 'ਜਿਸਮਾਂ ਤੋਂ ਪਾਰ ਦੀ ਗੱਲ ਏ' ਦਾ ਜ਼ਿਕਰ ਕੀਤਾ
ਬਲਜੀਤ ਸਿੰਘ ਦੀ ਰਿਪੋਰਟ
ਚੰਡੀਗੜ੍ਹ: ਜੇਕਰ ਇੰਨੀਂ ਦਿਨੀਂ ਇੰਸਟਾ ਰਿਲੀਜ਼ ਦੀ ਗੱਲ ਕਰੀਏ ਤਾਂ ਇੱਕ ਗੀਤ 'ਜਿਸਮਾਂ ਤੋਂ ਪਾਰ ਦੀ ਗੱਲ ਏ' ਬਹੁਤ ਹੀ ਵਾਇਰਲ ਹੋ ਰਿਹਾ ਹੈ। ਗੀਤ ਦੇ ਪਿੱਛੇ ਦੀ ਆਵਾਜ਼ ਹੈ ਗਾਇਕਾ ਸਰਗੀ ਮਾਨ ਦੀ। ਜੇਕਰ ਤਹਾਨੂੰ ਇਸ ਗੀਤ ਦੀ ਪੁਰਾਣੀ ਹਿਸਟਰੀ ਦੱਸੀਏ ਤਾਂ ਇਸ ਗੀਤ ਨੂੰ ਹੈਪੀ ਰਾਏਕੋਟੀ ਨੇ ਲਿਖਿਆ ਸੀ ਤੇ ਇੰਦਰਜੀਤ ਨਿੱਕੂ ਨੇ ਗਾਇਆ ਸੀ ਜੋ ਪੰਜਾਬੀ ਫਿਲਮ 'ਕ੍ਰਿਮੀਨਲ' ਦੇ ਵਿੱਚ ਸ਼ਾਮਲ ਹੋਇਆ ਸੀ। ਇਸ ਗੀਤ ਨੂੰ ਨੀਰੂ ਬਾਜਵਾ ਤੇ ਧੀਰਜ ਕੁਮਾਰ 'ਤੇ ਫਿਲਮਾਇਆ ਸੀ।
ਇਹ ਵੀ ਪੜ੍ਹੋ: ਕਾਰਤਿਕ ਆਰੀਅਨ ਨੇ 10 ਦਿਨਾਂ ਸ਼ੂਟਿੰਗ ਲਈ ਲਏ 20 ਕਰੋੜ, ਖੁਦ ਨੂੰ ਦੱਸਿਆ ਬਾਲੀਵੁੱਡ ਦਾ 'ਸ਼ਹਿਜ਼ਾਦਾ'
ਦੱਸ ਦਈਏ ਕਿ ਇਹ ਗੀਤ ਉਸ ਵੇਲੇ ਬਿਲਕੁਲ ਵੀ ਨਹੀਂ ਚੱਲਿਆ, ਇਹ ਗੱਲ ਖੁਦ ਇਸ ਗੀਤ ਦੇ ਗੀਤਕਾਰ ਹੈਪੀ ਰਾਏਕੋਟੀ ਨੇ ਕਬੂਲੀ ਹੈ। ਹਾਲ ਹੀ ਦੇ ਵਿਚ ਹੈਪੀ ਨਾਲ ਇੱਕ ਮੁਲਾਕਾਤ ਹੋਈ, ਜਿਸ ਦੌਰਾਨ ਹੈਪੀ ਨੇ ਗੀਤ 'ਜਿਸਮਾਂ ਤੋਂ ਪਾਰ ਦੀ ਗੱਲ ਏ' ਦਾ ਜ਼ਿਕਰ ਕੀਤਾ ਤੇ ਕਿਹਾ ਪੰਜਾਬੀ ਗਾਇਕਾ ਸਰਗੀ ਮਾਨ ਨੇ ਇਸ ਗੀਤ ਨੂੰ ਮੁੜ ਜਿਉਂਦਾ ਕੀਤਾ ਹੈ।
ਇਸ ਗੀਤ ਨੂੰ ਅਸੀਂ ਕਈ ਫ਼ਿਲਮਾਂ ਵਿੱਚ ਵਰਤਣ ਲਈ ਸੋਚ ਰਹੇ ਸੀ ਪਰ ਅਖੀਰ ਅਸੀਂ ਇੰਦਰਜੀਤ ਨਿੱਕੂ ਦੀ ਆਵਾਜ਼ 'ਚ ਇਸ ਗੀਤ ਨੂੰ ਰਿਲੀਜ਼ ਕਰਨ ਦਾ ਫੈਸਲਾ ਕੀਤਾ ਸੀ, ਪਰ ਇੰਦਰਜੀਤ ਨਿੱਕੂ ਇਸ ਗੀਤ ਨੂੰ ਹਿੱਟ ਕਰਵਾਉਣ ਦੇ ਵਿਚ ਅਸਫਲ ਰਹੇ। ਉਸ ਵਕਤ ਇੰਦਰਜੀਤ ਨਿੱਕੂ ਮੁੜ ਵਾਪਸੀ ਕਰਨਾ ਚਾਹੁੰਦੇ ਸੀ।
ਇਹ ਵੀ ਪੜ੍ਹੋ: ਨੀਰੂ ਬਾਜਵਾ ਦੀਆਂ ਜੁੜਵਾਂ ਧੀਆਂ ਦਾ ਜਨਮਦਿਨ ਅੱਜ, ਮਾਸੀ ਰੁਬੀਨਾ ਬਾਜਵਾ ਨੇ ਇੰਜ ਦਿੱਤੀ ਵਧਾਈ
ਅਸੀਂ ਇੱਕ ਮੌਕਾ ਉਨ੍ਹਾਂ ਨੂੰ ਦੇਣ ਕੋਸ਼ਿਸ਼ ਕੀਤੀ। ਜਦ ਇਹ ਗੀਤ ਮੁੜ ਹਿੱਟ ਹੋਇਆ ਤਾਂ ਮੈਂ ਖੁਦ ਸਰਗੀ ਮਾਨ ਨੂੰ ਫੋਨ ਕਰਕੇ ਉਨ੍ਹਾਂ ਦਾ ਧੰਨਵਾਦ ਕੀਤਾ। ਸਰਗੀ ਮਾਨ ਨੇ ਇਸ ਤੋਂ ਪਹਿਲਾ ਪੰਜਾਬੀ ਪਲੇਅ ਬੈਕ ਸਿੰਗਿੰਗ ਦੇ ਵਿਚ ਕੰਮ ਕੀਤਾ ਹੋਇਆ ਹੈ ਪਰ ਇਸ ਗੀਤ ਨੂੰ ਇੰਸਟਾ ਰੀਲਜ਼ 'ਤੇ ਆਪਣੇ ਤਰੀਕੇ ਨਾਲ ਗਾਉਣ ਕਰਕੇ ਸਰਗੀ ਮਾਨ ਇਸ ਵੇਲੇ ਇਕ ਵੱਡੀ ਚਰਚਾ ਦੇ ਵਿਚ ਹੈ।
ਇਹ ਵੀ ਪੜ੍ਹੋ: ਕਪਿਲ ਸ਼ਰਮਾ ਨੇ ਸੀਐਮ ਭਗਵੰਤ ਮਾਨ ਨਾਲ ਕੀਤੀ ਮੁਲਾਕਾਤ, ਤਸਵੀਰ ਸ਼ੇਅਰ ਕਰ ਕਹੀ ਇਹ ਗੱਲ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
