ਗੈਰੀ ਸੰਧੂ ਨੇ ਜੀ ਖਾਨ ਨੂੰ ਸੋਸ਼ਲ ਮੀਡੀਆ 'ਤੇ ਸੁਣਾਈਆਂ ਖਰੀਆਂ-ਖਰੀਆਂ, ਕਿਹਾ- 'ਤੂੰ ਲੱਸੀ ਕਰਾਤੀ'
Garry Sandhu G Khan: ਗੈਰੀ ਸੰਧੂ ਨੂੰ ਸ਼ਾਇਦ ਜੀ ਖਾਨ ਦਾ ਨਵਾਂ ਗਾਣਾ 'ਚੀਕ' ਦਾ ਵੀਡੀਓ ਪਸੰਦ ਨਹੀਂ ਆਇਆ ਹੈ। ਹੁਣ ਇਸ ਬਾਰੇ ਗੈਰੀ ਨੇ ਸੋਸ਼ਲ ਮੀਡੀਆ 'ਤੇ ਪੋਸਟ ਸ਼ੇਅਰ ਕਰ ਜੀ ਖਾਨ ਨੂੰ ਖਰੀਆਂ-ਖਰੀਆਂ ਸੁਣਾ ਦਿੱਤੀਆਂ ਹਨ।
Garru Sandhu Slams G Khan For New Music Video: ਗੈਰੀ ਸੰਧੂ ਪੰਜਾਬੀ ਇੰਡਸਟਰੀ ਦੇ ਟੌੋਪ ਗਾਇਕਾਂ ਵਿੱਚੋਂ ਇੱਕ ਹੈ। ਉਨ੍ਹਾਂ ਨੇ ਆਂਪਣੀ ਗਾਇਕੀ ਦੇ ਕਰੀਅਰ 'ਚ ਇੰਡਸਟਰੀ ਨੂੰ ਬੇਸ਼ੁਮਾਰ ਹਿੱਟ ਗਾਣੇ ਤੇ ਐਲਬਮਾਂ ਦਿਤੀਆਂ ਹਨ। ਇਸ ਦੇ ਨਾਲ ਨਾਲ ਗੈਰੀ ਸੰਧੂ ਆਪਣੀ ਬੇਬਾਕੀ ਲਈ ਵੀ ਜਾਣੇ ਜਾਂਦੇ ਹਨ।
ਇਹ ਵੀ ਪੜ੍ਹੋ: ਟਾਈਗਰ ਸ਼ਰੌਫ ਦੀ ਮਾਂ ਆਇਸ਼ਾ ਸ਼ਰੌਫ ਨਾਲ 58 ਲੱਖ ਦੀ ਠੱਗੀ, FIR ਹੋਈ ਦਰਜ
ਹੁਣ ਗੈਰੀ ਸੰਧੂ ਆਪਣੀ ਇੱਕ ਸੋਸ਼ਲ ਮੀਡੀਆ ਪੋਸਟ ਕਰਕੇ ਸੁਰਖੀਆਂ 'ਚ ਆ ਗਏ ਹਨ। ਇਹ ਤਾਂ ਸਭ ਨੂੰ ਪਤਾ ਹੈ ਕਿ ਜੀ ਖਾਨ ਗੈਰੀ ਸੰਧੂ ਨੂੰ ਆਪਣਾ ਗੁਰੂ ਤੇ ਵੱਡਾ ਭਰਾ ਮੰਨਦਾ ਹੈ। ਇੱਥੋਂ ਤੱਕ ਕਿ ਜੀ ਖਾਨ ਨੇ ਗੈਰੀ ਨੂੰ ਰੱਬ ਤੱਕ ਦਾ ਦਰਜਾ ਵੀ ਦਿੱਤਾ ਹੋਇਆ ਹੈ। ਪਰ ਹੁਣ ਗੈਰੀ ਸੰਧੂ ਜੀ ਖਾਨ ਤੋਂ ਨਾਰਾਜ਼ ਲੱਗ ਰਹੇ ਹਨ। ਇਹ ਅਸੀਂ ਨਹੀਂ ਕਹਿ ਰਹੇ। ਇਸੇ ਨਾਲ ਜੁੜੀ ਇੱਕ ਪੋਸਟ ਗੈਰੀ ਨੇ ਸੋਸ਼ਲ ਮੀਡੀਆ 'ਤੇ ਸ਼ੇਅਰ ਕੀਤੀ ਹੈ।
ਗੈਰੀ ਸੰਧੂ ਨੂੰ ਸ਼ਾਇਦ ਜੀ ਖਾਨ ਦਾ ਨਵਾਂ ਗਾਣਾ 'ਚੀਕ' ਦਾ ਵੀਡੀਓ ਪਸੰਦ ਨਹੀਂ ਆਇਆ ਹੈ। ਹੁਣ ਇਸ ਬਾਰੇ ਗੈਰੀ ਨੇ ਸੋਸ਼ਲ ਮੀਡੀਆ 'ਤੇ ਪੋਸਟ ਸ਼ੇਅਰ ਕਰ ਜੀ ਖਾਨ ਨੂੰ ਖਰੀਆਂ-ਖਰੀਆਂ ਸੁਣਾ ਦਿੱਤੀਆਂ ਹਨ। ਗੈਰੀ ਨੇ ਜੀ ਖਾਨ ਦੇ ਗਾਣੇ ਨੂੰ ਸ਼ੇਅਰ ਕਰਦਿਆਂ ਲਿਖਿਆ, 'ਗਾਣਾ ਜੀ ਖਾਨ ਤੇਰਾ ਵਧੀਆ ਹੈ, ਪਰ ਵੀਡੀਓ ਦੀ ਤੂੰ ਲੱਸੀ ਕਰਤੀ।' ਇਸ ਵੀਡੀਓ ਦੀ ਕੈਪਸ਼ਨ ਨੇ ਸਭ ਦਾ ਧਿਆਨ ਆਪਣੇ ਵੱਲ ਖਿੱਚ ਲਿਆ ਹੈ। ਲੋਕ ਇਸ ਵੀਡੀਓ 'ਤੇ ਕਮੈਂਟ ਕਰਕੇ ਜੀ ਖਾਨ ਦਾ ਖੁਬ ਮਜ਼ਾਕ ਉਡਾ ਰਹੇ ਹਨ। ਪਹਿਲਾਂ ਦੇਖੋ ਇਹ ਵੀਡੀਓ:
View this post on Instagram
ਦੇਖੋ ਇਹ ਗਾਣੇ ਦੀ ਵੀਡੀਓ, ਜਿਸ ਕਰਕੇ ਜੀ ਖਾਨ ਨੂੰ ਗੈਰੀ ਤੋਂ ਗੱਲਾਂ ਸੁਣਨੀਆਂ ਪਈਆਂ।
ਦੱਸ ਦਈਏ ਕਿ ਇਸ ਗਾਣੇ ਨੂੰ ਗੈਰੀ ਸੰਧੂ ਦੀ ਮਿਊਜ਼ਿਕ ਕੰਪਨੀ ਫਰੈਸ਼ ਮੀਡੀਆ ਰਿਕਾਰਡਜ਼ ਦੇ ਲੇਬਲ ਹੇਠ ਰਿਲੀਜ਼ ਕੀਤਾ ਗਿਆ ਹੈ।
ਕਾਬਿਲੇਗ਼ੌਰ ਹੈ ਕਿ ਜੀ ਖਾਨ ਦੇ ਬੁਰੇ ਸਮੇਂ 'ਚ ਗੈਰੀ ਸੰਧੂ ਨੇ ਹੀ ਉਸ ਦੀ ਬਾਂਹ ਫੜੀ ਸੀ। ਜੀ ਖਾਨ ਖੁਦ ਕਈ ਵਾਰ ਇਹ ਗੱਲ ਕਬੂਲ ਚੁੱਕਿਆ ਹੈ ਕਿ ਜੇ ਗੈਰੀ ਸੰਧੂ ਨਾ ਹੁੰਦਾ ਤਾਂ ਸ਼ਾਇਦ ਉਹ ਰੁਲਦਾ ਹੀ ਰਹਿੰਦਾ। ਇਸੇ ਲਈ ਜੀ ਖਾਨ ਨੇ ਗੈਰੀ ਨੂੰ ਆਪਣੀ ਜ਼ਿੰਦਗੀ 'ਚ ਰੱਬ ਦਾ ਦਰਜਾ ਦਿੱਤਾ। ਹੁਣ ਸੋਸ਼ਲ ਮੀਡੀਆ 'ਤੇ ਗੈਰੀ ਦੀ ਇਸ ਟਿੱਪਣੀ 'ਤੇ ਜੀ ਖਾਨ ਕਿਵੇਂ ਰੀਐਕਟ ਕਰਦਾ ਹੈ, ਇਹ ਤਾਂ ਆਉਣ ਵਾਲਾ ਸਮਾਂ ਹੀ ਦੱਸੇਗਾ।
ਇਹ ਵੀ ਪੜ੍ਹੋ: 22 ਸਾਲ ਬਾਅਦ ਸਿਨੇਮਾਘਰਾਂ 'ਚ ਮੁੜ ਰਿਲੀਜ਼ ਹੋਈ 'ਗਦਰ', 'ਤਾਰਾ ਸਿੰਘ' ਤੇ 'ਸਕੀਨਾ' ਨੇ ਇੰਜ ਜਤਾਈ ਖੁਸ਼ੀ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
