Tiger Shroff: ਟਾਈਗਰ ਸ਼ਰੌਫ ਦੀ ਮਾਂ ਆਇਸ਼ਾ ਸ਼ਰੌਫ ਨਾਲ 58 ਲੱਖ ਦੀ ਠੱਗੀ, FIR ਹੋਈ ਦਰਜ

Ayesha Shroff gets cheated: ਜੈਕੀ ਸ਼ਰਾਫ ਦੀ ਪਤਨੀ ਆਇਸ਼ਾ ਸ਼ਰਾਫ ਨਾਲ 58 ਲੱਖ ਰੁਪਏ ਦੀ ਠੱਗੀ ਹੋਈ ਹੈ। ਉਸ ਨੇ ਮੁੰਬਈ ਪੁਲਿਸ ਕੋਲ ਮਾਮਲਾ ਦਰਜ ਕਰਵਾਇਆ ਹੈ।

ਟਾਈਗਰ ਸ਼ਰੌਫ ਦੀ ਮਾਂ ਆਇਸ਼ਾ ਸ਼ਰੌਫ ਨਾਲ 58 ਲੱਖ ਦੀ ਠੱਗੀ, FIR ਹੋਈ ਦਰਜ

Ayesha Shroff gets cheated:ਅਦਾਕਾਰ ਜੈਕੀ ਸ਼ਰਾਫ ਦੀ ਪਤਨੀ ਆਇਸ਼ਾ ਸ਼ਰਾਫ ਨਾਲ 58 ਲੱਖ ਰੁਪਏ ਦੀ ਠੱਗੀ ਹੋਈ ਹੈ। ਉਸ ਨੇ ਮੁੰਬਈ ਦੇ ਸਾਂਤਾਕਰੂਜ਼ ਥਾਣੇ 'ਚ ਧੋਖਾਧੜੀ ਦਾ ਮਾਮਲਾ ਦਰਜ ਕਰਵਾਇਆ ਹੈ। ਨਿਊਜ਼ ਏਜੰਸੀ ਏਐਨਆਈ ਮੁਤਾਬਕ ਐਲਨ ਫਰਨਾਂਡਿਸ ਨਾਂ ਦੇ ਵਿਅਕਤੀ ਖ਼ਿਲਾਫ਼ ਆਈਪੀਸੀ ਦੀ ਧਾਰਾ 420, 408, 465, 467 ਅਤੇ 468 ਤਹਿਤ ਕੇਸ ਦਰਜ ਕੀਤਾ ਗਿਆ ਹੈ।

ਕਈ ਮੀਡੀਆ ਰਿਪੋਰਟਾਂ ਦੇ ਅਨੁਸਾਰ, 20 ਨਵੰਬਰ, 2018 ਨੂੰ, ਐਲਨ ਨੂੰ ਐਮਐਮਏ ਮੈਟ੍ਰਿਕਸ ਕੰਪਨੀ ਦਾ ਸੰਚਾਲਨ ਨਿਰਦੇਸ਼ਕ ਨਿਯੁਕਤ ਕੀਤਾ ਗਿਆ ਸੀ। MMA ਮੈਟ੍ਰਿਕਸ ਜਿਮ ਟਾਈਗਰ ਸ਼ਰਾਫ ਅਤੇ ਉਸਦੀ ਮਾਂ ਆਇਸ਼ਾ ਸ਼ਰਾਫ ਦਾ ਹੈ। ਜਿਮ ਦਾ ਸਾਰਾ ਕੰਮ ਆਇਸ਼ਾ ਅਤੇ ਐਲਨ ਦੇਖਦੇ ਸੀ ਕਿਉਂਕਿ ਟਾਈਗਰ ਆਪਣੇ ਕੰਮ 'ਚ ਕਾਫੀ ਰੁੱਝਿਆ ਹੋਇਆ ਸੀ।

ਰਿਪੋਰਟਾਂ ਮੁਤਾਬਕ ਐਲਨ ਨੇ ਭਾਰਤ ਅਤੇ ਵਿਦੇਸ਼ਾਂ 'ਚ 11 ਟੂਰਨਾਮੈਂਟ ਆਯੋਜਿਤ ਕਰਨ ਲਈ ਕੰਪਨੀ ਤੋਂ ਕਾਫੀ ਪੈਸਾ ਲਿਆ ਸੀ। ਦਸੰਬਰ 2018 ਤੋਂ ਜਨਵਰੀ 2023 ਤੱਕ ਕੰਪਨੀ ਦੇ ਬੈਂਕ ਖਾਤੇ ਤੋਂ 58,53,591 ਰੁਪਏ ਕਢਵਾਏ ਗਏ ਹਨ।

Ayesha Shroff, wife of Bollywood actor Jackie Shroff has filed a case of cheating at Mumbai’s Santacruz Police station. A case has been registered against accused Alan Fernandes, under IPC sections 420, 408, 465, 467 and 468 and fraud of Rs 58 lakhs. Probe underway: Mumbai Police

— ANI (@ANI) June 9, 2023

ਸਾਹਿਲ ਖਾਨ ਖਿਲਾਫ ਵੀ ਮਾਮਲਾ ਦਰਜ ਕੀਤਾ ਗਿਆ ਸੀ
ਆਇਸ਼ਾ ਸ਼ਰਾਫ ਨੇ ਪਹਿਲੀ ਵਾਰ ਕਿਸੇ 'ਤੇ ਧੋਖਾਧੜੀ ਦਾ ਮਾਮਲਾ ਦਰਜ ਨਹੀਂ ਕਰਵਾਇਆ ਹੈ। ਸਾਲ 2015 'ਚ ਉਨ੍ਹਾਂ ਨੇ ਅਭਿਨੇਤਾ ਸਾਹਿਲ ਖਾਨ ਖਿਲਾਫ 4 ਕਰੋੜ ਰੁਪਏ ਦੀ ਧੋਖਾਧੜੀ ਦਾ ਮਾਮਲਾ ਵੀ ਦਰਜ ਕਰਵਾਇਆ ਸੀ।

ਕੌਣ ਹੈ ਆਇਸ਼ਾ ਸ਼ਰਾਫ
ਟਾਈਗਰ ਸ਼ਰਾਫ ਦੀ ਮਾਂ ਅਤੇ ਜੈਕੀ ਸ਼ਰਾਫ ਦੀ ਪਤਨੀ ਹੋਣ ਤੋਂ ਇਲਾਵਾ ਆਇਸ਼ਾ ਸ਼ਰਾਫ ਦੀ ਵੀ ਆਪਣੀ ਵੱਖਰੀ ਪਛਾਣ ਹੈ। ਉਹ ਇੱਕ ਅਭਿਨੇਤਰੀ, ਮਾਡਲ ਰਹੀ ਹੈ। ਉਸਨੇ 1984 ਵਿੱਚ ਰਿਲੀਜ਼ ਹੋਈ ਬਾਲੀਵੁੱਡ ਫਿਲਮ 'ਤੇਰੀ ਬਾਹੋਂ ਮੇਂ' ਵਿੱਚ ਕੰਮ ਕੀਤਾ। ਇਸ ਵਿੱਚ ਉਨ੍ਹਾਂ ਨਾਲ ਮੋਹਨੀਸ਼ ਬਹਿਲ ਮੁੱਖ ਭੂਮਿਕਾ ਵਿੱਚ ਸਨ। ਹਾਲਾਂਕਿ ਜੈਕੀ ਨਾਲ ਵਿਆਹ ਕਰਨ ਤੋਂ ਬਾਅਦ ਉਨ੍ਹਾਂ ਨੇ ਫਿਲਮਾਂ ਤੋਂ ਦੂਰੀ ਬਣਾ ਲਈ ਸੀ। ਹੁਣ ਉਹ ਫਿਲਮਾਂ ਦਾ ਨਿਰਮਾਣ ਕਰਦੀ ਹੈ। ਉਨ੍ਹਾਂ ਨੇ 'ਜਿਸ ਦੇਸ਼ ਮੇ ਗੰਗਾ ਰਹਿਤਾ ਹੈ', 'ਗ੍ਰਹਿਣ', 'ਬੂਮ' ਵਰਗੀਆਂ ਫਿਲਮਾਂ ਦਾ ਨਿਰਮਾਣ ਕੀਤਾ ਹੈ।