Sandeep Maheshwari: ਭਾਰਤ ਦੇ ਸਭ ਤੋਂ ਵੱਡੇ ਮੋਟੀਵੇਸ਼ਨਲ ਸਪੀਕਰ ਸੰਦੀਪ ਮਹੇਸ਼ਵਰੀ, ਸੰਘਰਸ਼ਾਂ ਨਾਲ ਭਰੀ ਰਹੀ ਜ਼ਿੰਦਗੀ, ਅੱਜ ਕਰੋੜਾਂ ਦੀ ਜਾਇਦਾਦ

Sandeep Maheshwari Story: ਪੂਰੀ ਦੁਨੀਆ ਨੂੰ ਪ੍ਰੇਰਨਾ ਦੇਣ ਵਾਲੇ ਸੰਦੀਪ ਮਹੇਸ਼ਵਰੀ ਤੇ ਖੁਦ ਇੱਕ ਸਮਾਂ ਅਜਿਹਾ ਸੀ, ਜਦੋਂ ਉਹ ਜ਼ਿੰਦਗੀ `ਚ ਕੁੱਝ ਕਰਨ ਲਈ ਪ੍ਰੇਰਨਾ ਦੀ ਤਲਾਸ਼ ਕਰ ਰਹੇ ਸੀ। ਉਨ੍ਹਾਂ ਨੂੰ ਇਹ ਮੁਕਾਮ ਅਸਾਨੀ ਨਾਲ ਨਹੀਂ ਮਿਲਿਆ।

ਭਾਰਤ ਦੇ ਸਭ ਤੋਂ ਵੱਡੇ ਮੋਟੀਵੇਸ਼ਨਲ ਸਪੀਕਰ ਸੰਦੀਪ ਮਹੇਸ਼ਵਰੀ, ਸੰਘਰਸ਼ਾਂ ਨਾਲ ਭਰੀ ਰਹੀ ਜ਼ਿੰਦਗੀ, ਅੱਜ ਕਰੋੜਾਂ ਦੀ ਜਾਇਦਾਦ

Sandeep Maheshwari Net Worth: ਸੰਦੀਪ ਮਹੇਸ਼ਵਰੀ ਦਾ ਨਾਂ ਤਾਂ ਸਭ ਨੇ ਸੁਣਿਆ ਹੀ ਹੋਵੇਗਾ। ਇਹ ਹਨ ਭਾਰਤ ਦੇ ਸਭ ਤੋਂ ਵੱਡੇ ਮੋਟੀਵੇਸ਼ਨਲ ਸਪੀਕਰ। ਇਨ੍ਹਾਂ ਦੇ ਪ੍ਰੇਰਨਾਤਮਕ ਵੀਡੀਓਜ਼ ਅਕਸਰ ਸੋਸ਼ਲ ਮੀਡੀਆ ਤੇ ਛਾਏ ਰਹਿੰਦੇ ਹਨ। ਇਨ੍ਹਾਂ ਦੀਆਂ ਸੋਸ਼ਲ ਮੀਡੀਆ ਪੋਸਟਾਂ ਵਾਇਰਲ ਹੁੰਦੀਆਂ ਰਹਿੰਦੀਆਂ ਹਨ। ਇਨ੍ਹਾਂ ਦੀ ਸੋਸ਼ਲ ਮੀਡੀਆ ਤੇ ਜ਼ਬਰਦਸਤ ਫ਼ੈਨ ਫ਼ਾਲੋਇੰਗ ਹੈ। ਯੂਟਿਊਬ ਤੇ ਸੰਦੀਪ ਮਹੇਸ਼ਵਰੀ ਦੇ ਢਾਈ ਕਰੋੜ ਤੋਂ ਵੀ ਜ਼ਿਆਦਾ ਸਬਸਕ੍ਰਾਈਬਰ ਹਨ। ਇਹੀ ਨਹੀਂ ਇੰਸਟਾਗ੍ਰਾਮ ਤੇ 3.6 ਮਿਲੀਅਨ ਯਾਨਿ 36 ਲੱਖ ਫ਼ਾਲੋਅਰਜ਼ ਹਨ। ਇਨ੍ਹਾਂ ਦਾ ਨਾਂ ਅੱਜ ਭਾਰਤ ਦਾ ਬੱਚਾ ਬੱਚਾ ਜਾਣਦਾ ਹੈ। ਪਰ ਕੀ ਤੁਹਾਨੂੰ ਪਤਾ ਹੈ ਕਿ ਪੂਰੀ ਦੁਨੀਆ ਨੂੰ ਪ੍ਰੇਰਨਾ ਦੇਣ ਵਾਲੇ ਸੰਦੀਪ ਤੇ ਖੁਦ ਇੱਕ ਸਮਾਂ ਅਜਿਹਾ ਸੀ, ਜਦੋਂ ਉਹ ਜ਼ਿੰਦਗੀ `ਚ ਕੁੱਝ ਕਰਨ ਲਈ ਪ੍ਰੇਰਨਾ ਦੀ ਤਲਾਸ਼ ਕਰ ਰਹੇ ਸੀ। ਉਨ੍ਹਾਂ ਨੂੰ ਇਹ ਮੁਕਾਮ ਅਸਾਨੀ ਨਾਲ ਨਹੀਂ ਮਿਲਿਆ। ਉਨ੍ਹਾਂ ਨੇ ਇਸ ਦੇ ਲਈ ਜ਼ਬਰਦਸਤ ਸੰਘਰਸ਼ ਕੀਤਾ ਹੈ। ਆਓ ਜਾਣਦੇ ਹਾਂ ਇਨ੍ਹਾਂ ਦੇ ਸੰਘਰਸ਼ ਦੀ ਕਹਾਣੀ:

ਜੇਕਰ ਤੁਸੀਂ ਫੋਟੋ ਜਾਂ ਫੋਟੋਗ੍ਰਾਫੀ ਵਿੱਚ ਦਿਲਚਸਪੀ ਰੱਖਦੇ ਹੋ, ਤਾਂ ਤੁਸੀਂ Imagesbazaar.com ਵੈੱਬਸਾਈਟ ਨੂੰ ਜ਼ਰੂਰ ਜਾਣਦੇ ਹੋਵੋਗੇ। ਤੁਸੀਂ ਇੱਥੇ ਫੋਟੋਆਂ ਖਰੀਦ ਅਤੇ ਵੇਚ ਸਕਦੇ ਹੋ। ਇਸ ਵੈਬਸਾਈਟ ਦੇ ਵਰਤਮਾਨ ਵਿੱਚ 30 ਤੋਂ ਵੱਧ ਦੇਸ਼ਾਂ ਵਿੱਚ ਲੱਖਾਂ ਗਾਹਕ ਹਨ। ਇਸ ਵੈੱਬਸਾਈਟ ਦੇ ਮਾਲਕ ਕੋਈ ਹੋਰ ਨਹੀਂ ਬਲਕਿ ਖੁਦ ਸੰਦੀਪ ਮਹੇਸ਼ਵਰੀ ਹਨ। ਵੈੱਬਸਾਈਟ ਦੇ ਸੰਸਥਾਪਕ ਅਤੇ ਸੀ.ਈ.ਓ. ਆਪਣੀਆਂ ਅਸਫਲਤਾਵਾਂ ਤੋਂ ਸਿੱਖਿਆ ਲੈ ਕੇ ਸੰਘਰਸ਼ ਤੋਂ ਬਾਅਦ ਜੋ ਸਫਲਤਾ ਪ੍ਰਾਪਤ ਕੀਤੀ, ਉਹ ਆਪਣੇ ਆਪ ਵਿੱਚ ਇੱਕ ਪ੍ਰੇਰਨਾਦਾਇਕ ਕਹਾਣੀ ਹੈ। ਇਹੀ ਕਾਰਨ ਹੈ, ਅੱਜ ਉਹ ਭਾਰਤੀ ਨੌਜਵਾਨਾਂ ਲਈ ਪ੍ਰੇਰਣਾ ਪ੍ਰਤੀਕ ਮੰਨੇ ਜਾਂਦੇ ਹਨ। ਉਹ ਆਪਣੇ ਪ੍ਰੇਰਣਾਦਾਇਕ ਸੈਮੀਨਾਰਾਂ ਅਤੇ ਪ੍ਰੇਰਨਾਦਾਇਕ ਵੀਡੀਓਜ਼ ਰਾਹੀਂ ਨੌਜਵਾਨਾਂ ਨੂੰ ਪ੍ਰੇਰਿਤ ਕਰਦੇ ਹਨ।

ਬਚਪਨ ਵਿੱਚ ਆਰਥਿਕ ਤੰਗੀ ਦਾ ਕਰਨਾ ਪਿਆ ਸਾਹਮਣਾ
ਸੰਦੀਪ ਮਹੇਸ਼ਵਰੀ ਦਾ ਜਨਮ ਇੱਕ ਮੱਧਵਰਗੀ ਪਰਿਵਾਰ ਵਿੱਚ ਹੋਇਆ ਸੀ। ਉਨ੍ਹਾਂ ਦੇ ਪਿਤਾ ਰੂਪ ਕਿਸ਼ੋਰ ਮਹੇਸ਼ਵਰੀ ਦਾ ਐਲੂਮੀਨੀਅਮ ਦਾ ਕਾਰੋਬਾਰ ਸੀ। ਜਦੋਂ ਸੰਦੀਪ ਪੜ੍ਹ ਰਹੇ ਸੀ ਤਾਂ ਉਨ੍ਹਾਂ ਦੇ ਪਿਤਾ ਦਾ ਐਲੂਮੀਨੀਅਮ ਦਾ ਕਾਰੋਬਾਰ ਕਿਸੇ ਕਾਰਨ ਬੰਦ ਹੋ ਗਿਆ। ਜਿਸ ਕਾਰਨ ਪਰਿਵਾਰ ਦੀ ਆਰਥਿਕ ਹਾਲਤ ਖਰਾਬ ਹੋਣ ਲੱਗੀ। ਜਿਸ ਕਾਰਨ ਸੰਦੀਪ ਨੇ ਪੜ੍ਹਾਈ ਦੇ ਨਾਲ-ਨਾਲ 12ਵੀਂ ਤੋਂ ਬਾਅਦ ਕੰਮ ਕਰਨਾ ਸ਼ੁਰੂ ਕਰ ਦਿੱਤਾ। ਉਨ੍ਹਾਂ ਨੇ ਛੋਟੀ ਜਿਹੀ ਨੌਕਰੀ ਸ਼ੁਰੂ ਕੀਤੀ ਅਤੇ ਨਾਲ ਹੀ ਕਿਰੋੜੀ ਮੱਲ ਕਾਲਜ ਤੋਂ ਬੀ.ਕਾਮ ਕਰਨਾ ਸ਼ੁਰੂ ਕਰ ਦਿੱਤਾ, ਪਰ ਪਰਿਵਾਰ ਦੀ ਮਾੜੀ ਆਰਥਿਕ ਸਥਿਤੀ ਕਾਰਨ ਉਨ੍ਹਾਂ ਨੂੰ ਆਪਣੀ ਪੜ੍ਹਾਈ ਅੱਧ ਵਿਚਾਲੇ ਹੀ ਛੱਡਣੀ ਪਈ।

ਸ਼ੁਰੂਆਤੀ ਦੌਰ 'ਚ ਕਾਫੀ ਸੰਘਰਸ਼ ਕਰਨਾ ਪਿਆ
ਜਦੋਂ ਸੰਦੀਪ ਦੇ ਪਿਤਾ ਦਾ ਕਾਰੋਬਾਰ ਬੰਦ ਹੋ ਗਿਆ ਤਾਂ ਸੰਦੀਪ 10ਵੀਂ ਜਮਾਤ ਵਿੱਚ ਪੜ੍ਹਦੇ ਸੀ। ਉਨ੍ਹਾਂ ਦੇ ਪਿਤਾ ਨੇ ਕਾਰੋਬਾਰ ਬੰਦ ਹੋਣ ਤੋਂ ਬਾਅਦ ਪੀਸੀਓ ਦੀ ਦੁਕਾਨ ਖੋਲ੍ਹੀ ਸੀ, ਜਿੱਥੇ ਸੰਦੀਪ ਕੰਮ ਕਰਦੇ ਸੀ। ਇਸ ਤੋਂ ਬਾਅਦ ਉਨ੍ਹਾਂ ਨੇ ਘਰ ਵਿਚ ਹੀ ਤਰਲ ਪਦਾਰਥਾਂ ਦੀ ਦੁਕਾਨ ਬਣਾ ਲਈ, ਜਿਸ ਨੂੰ ਉਹ ਘਰ-ਘਰ ਵੇਚਦੇ ਸੀ। ਇਸ ਕੰਮ ਤੋਂ ਜੋ ਪੈਸਾ ਮਿਲਦਾ ਸੀ, ਉਸ ਨਾਲ ਘਰ ਦਾ ਖਰਚਾ ਚਲਦਾ ਸੀ। ਹਾਲਾਂਕਿ ਇਹ ਕੰਮ ਵੀ ਜ਼ਿਆਦਾ ਦੇਰ ਨਾ ਚੱਲ ਸਕਿਆ ਅਤੇ ਰੁਕ ਗਿਆ।

ਇਸ ਤੋਂ ਬਾਅਦ ਸੰਦੀਪ ਮਾਡਲਿੰਗ ਦੀ ਦੁਨੀਆ 'ਚ ਆਪਣਾ ਕਰੀਅਰ ਬਣਾਉਣਾ ਚਾਹੁੰਦੇ ਸਨ। ਹਾਲਾਂਕਿ ਇੱਥੇ ਵੀ ਸੰਦੀਪ ਨੂੰ ਜ਼ਿਆਦਾ ਸਫਲਤਾ ਨਹੀਂ ਮਿਲੀ। ਇੱਥੇ ਉਨ੍ਹਾਂ ਨੇ ਦੇਖਿਆ ਕਿ ਬਹੁਤ ਸਾਰੇ ਨੌਜਵਾਨ ਇਸ ਖੇਤਰ ਵਿੱਚ ਸੰਘਰਸ਼ ਕਰ ਰਹੇ ਹਨ, ਤਾਂ ਸੰਦੀਪ ਨੇ ਸੋਚਿਆ ਕਿ ਕਿਉਂ ਨਾ ਉਨ੍ਹਾਂ ਨੂੰ ਪ੍ਰੇਰਿਤ ਕਰਨ ਲਈ ਕੰਮ ਕੀਤਾ ਜਾਵੇ। ਜਿਸ ਤੋਂ ਬਾਅਦ ਉਨ੍ਹਾਂ ਨੇ ਆਪਣਾ ਉਦੇਸ਼ ਬਦਲ ਲਿਆ ਅਤੇ ਆਪਣੇ ਤਜਰਬੇ ਦੇ ਆਧਾਰ 'ਤੇ ਲੋਕਾਂ ਨੂੰ ਪ੍ਰੇਰਨਾ ਜਾਂ ਮੋਟੀਵੇਸ਼ਨ ਦੇਣੀ ਸ਼ੁਰੂ ਕਰ ਦਿੱਤੀ। ਇਸ ਦੌਰਾਨ ਉਨ੍ਹਾਂ ਨੇ ਫੋਟੋਗ੍ਰਾਫੀ ਵਿੱਚ ਵੀ ਹੱਥ ਅਜ਼ਮਾਉਣਾ ਸ਼ੁਰੂ ਕਰ ਦਿੱਤਾ।

ਖੋਲ੍ਹੀ ਖੁਦ ਦੀ ਕੰਪਨੀ
ਹਰ ਖੇਤਰ ਵਿੱਚ ਲਗਾਤਾਰ ਅਸਫਲਤਾਵਾਂ ਦੇ ਬਾਵਜੂਦ ਸੰਦੀਪ ਹਾਰ ਮੰਨਣ ਨੂੰ ਤਿਆਰ ਨਹੀਂ ਸੀ। ਉਨ੍ਹਾਂ ਨੇ ਆਡੀਓ ਵਿਜ਼ੁਅਲ ਪ੍ਰਾ. ਲਿਮਿਟੇਡ ਦੇ ਨਾਂ ਨਾਲ ਕੰਪਨੀ ਸ਼ੁਰੂ ਕੀਤੀ, ਪਰ ਇੱਥੇ ਵੀ ਉਹ ਅਸਫਲ ਰਹੇ। ਕੁਝ ਸਮੇਂ ਬਾਅਦ ਇਸ ਕੰਮ ਨੂੰ ਵੀ ਬੰਦ ਕਰਨਾ ਪਿਆ। ਇਸ ਤੋਂ ਬਾਅਦ ਉਨ੍ਹਾਂ ਦੇ ਇਕ ਦੋਸਤ ਨੇ ਸੰਦੀਪ ਨੂੰ ਇਕ ਮਲਟੀ ਨੈਸ਼ਨਲ ਮਾਰਕੀਟਿੰਗ ਕੰਪਨੀ ਵਿਚ ਭਰਤੀ ਕਰਵਾ ਦਿੱਤਾ। ਜਿੱਥੇ ਕੁਝ ਦਿਨ ਕੰਮ ਕਰਨ ਤੋਂ ਬਾਅਦ ਵੀ ਸੰਦੀਪ ਨੂੰ ਚੰਗਾ ਨਹੀਂ ਲੱਗਾ ਅਤੇ ਉਨ੍ਹਾਂ ਨੇ ਉਹ ਨੌਕਰੀ ਵੀ ਛੱਡ ਦਿੱਤੀ। ਇਸ ਤੋਂ ਬਾਅਦ ਸੰਦੀਪ ਨੇ ਸਾਲ 2002 'ਚ ਆਪਣੇ 3 ਦੋਸਤਾਂ ਨਾਲ ਮਿਲ ਕੇ ਕੰਪਨੀ ਖੋਲ੍ਹੀ। ਇਸ ਵਾਰ ਸੰਦੀਪ ਨੂੰ ਪੂਰਾ ਯਕੀਨ ਸੀ ਕਿ ਉਹ ਸਫ਼ਲ ਜ਼ਰੂਰ ਹੋ ਜਾਣਗੇ।

ਪਰ ਇਹ ਕੰਪਨੀ ਸਿਰਫ਼ 6 ਮਹੀਨੇ ਹੀ ਚੱਲ ਸਕੀ। ਸੰਦੀਪ ਨੇ ਇਕ ਇੰਟਰਵਿਊ 'ਚ ਦੱਸਿਆ ਕਿ ਇਨ੍ਹਾਂ ਅਸਫਲਤਾਵਾਂ ਤੋਂ ਬਾਅਦ ਮੈਂ ਕਾਫੀ ਪਰੇਸ਼ਾਨ ਰਹਿਣ ਲੱਗਾ। ਕਿਉਂਕਿ ਮੈਂ ਜੋ ਵੀ ਕੰਮ ਕਰਦਾ ਹਾਂ, ਉਸ ਵਿੱਚ ਮੈਨੂੰ ਅਸਫਲਤਾ ਤੋਂ ਇਲਾਵਾ ਕੁਝ ਨਹੀਂ ਮਿਲ ਰਿਹਾ ਸੀ। ਦੂਜੇ ਪਾਸੇ ਸੰਦੀਪ ਦੇ ਮੋਢਿਆਂ ਤੇ ਪਰਿਵਾਰ ਦੀ ਜ਼ਿੰਮੇਵਾਰੀ ਵੀ ਸੀ। ਉਹ ਆਪਣੇ ਪਰਿਵਾਰ ਵਿੱਚ ਸਭ ਤੋਂ ਵੱਡੇ ਸੀ ਅਤੇ ਇੱਕ ਛੋਟੀ ਭੈਣ ਸੀ।

ਫੋਟੋਗ੍ਰਾਫੀ ਦੀ ਦੁਨੀਆ ਵਿੱਚ ਰੱਖਿਆ ਕਦਮ
ਸੰਦੀਪ ਮਹੇਸ਼ਵਰੀ ਨੂੰ ਮਾਡਲਿੰਗ ਦੇ ਸਮੇਂ ਤੋਂ ਹੀ ਫੋਟੋਗ੍ਰਾਫੀ ਵਿੱਚ ਦਿਲਚਸਪੀ ਸੀ। ਲਗਾਤਾਰ ਕਈ ਨਾਕਾਮਯਾਬੀਆਂ ਤੋਂ ਬਾਅਦ ਸੰਦੀਪ ਮਹੇਸ਼ਵਰੀ ਟੁੱਟ ਗਏ ਸੀ। ਉਹ ਆਪਣਾ ਦਿਲ ਬਹਿਲਾਉਣ ਲਈ ਫ਼ੋਟੋਗ੍ਰਾਫ਼ੀ ਕਰਦੇ ਹੁੰਦੇ ਸੀ। ਜਦੋਂ ਵੀ ਉਨ੍ਹਾਂ ਦਾ ਮਨ ਬੇਚੈਨ ਹੁੰਦਾ ਤਾਂ ਉਹ ਕੈਮਰਾ ਚੁੱਕ ਕੇ ਬਾਹਰ ਨਿਕਲ ਜਾਂਦੇ। ਉਹ ਜੋ ਵੀ ਤਸਵੀਰਾਂ ਖਿੱਚਦੇ ਸੀ ਉਨ੍ਹਾਂ ਨੂੰ ਸੰਭਾਲ ਕੇ ਰੱਖ ਲੈਂਦੇ ਸੀ। 2003 ਵਿੱਚ, ਉਨ੍ਹਾਂ ਨੇ 10.45 ਘੰਟਿਆਂ ਵਿੱਚ 122 ਮਾਡਲਾਂ ਦੀਆਂ 10,000 ਤੋਂ ਵੱਧ ਵੱਖ-ਵੱਖ ਫੋਟੋਆਂ ਲਈਆਂ। ਇਸ ਦੇ ਨਾਲ ਹੀ ਸੰਦੀਪ ਮਹੇਸ਼ਵਰੀ ਦੇ ਨਾਂ ਇੱਕ ਵਰਲਡ ਰਿਕਾਰਡ ਵੀ ਬਣ ਗਿਆ। ਉਨ੍ਹਾਂ ਦਾ ਨਾਂ ਲਿਮਕਾ ਬੁੱਕ ਆਫ ਵਰਲਡ ਰਿਕਾਰਡਜ਼ 'ਚ ਦਰਜ ਕੀਤਾ ਗਿਆ। ਇਸ ਵਾਰ ਸੰਦੀਪ ਨੂੰ ਇਸ ਕੰਮ ਵਿਚ ਸਫਲਤਾ ਮਿਲੀ। ਉਹ ਆਪਣੇ ਸਫਲ ਯਤਨ ਤੋਂ ਬਹੁਤ ਖੁਸ਼ ਸੀ। ਇੱਥੋਂ ਹੀ ਉਨ੍ਹਾਂ ਨੇ ਫੋਟੋਗ੍ਰਾਫੀ ਵਿੱਚ ਆਪਣਾ ਕਰੀਅਰ ਬਣਾਉਣ ਦਾ ਫੈਸਲਾ ਕੀਤਾ।

Imagesbazaar.com ਵੈੱਬਸਾਈਟ ਦੀ ਨੀਂਹ ਰੱਖੀ
ਇਸ ਵਿਸ਼ਵ ਰਿਕਾਰਡ ਤੋਂ ਬਾਅਦ ਸੰਦੀਪ ਮਹੇਸ਼ਵਰੀ ਨੇ ਆਪਣੀ ਕੰਪਨੀ ਬਣਾਉਣ ਦਾ ਫੈਸਲਾ ਕੀਤਾ। ਉਨ੍ਹਾਂ ਨੇ Imagesbazaar.com ਨਾਮ ਦੀ ਇੱਕ ਵੈਬਸਾਈਟ ਬਣਾਈ। ਸ਼ੁਰੂ ਵਿਚ ਉਨ੍ਹਾਂ ਨੂੰ ਇਸ ਵੈੱਬਸਾਈਟ ਤੋਂ ਜ਼ਿਆਦਾ ਸਫਲਤਾ ਨਹੀਂ ਮਿਲੀ, ਕਿਉਂਕਿ ਉਸ ਸਮੇਂ ਇਸ ਵੈੱਬਸਾਈਟ 'ਤੇ ਫੋਟੋਆਂ ਘੱਟ ਹੁੰਦੀਆਂ ਸਨ। ਪਹਿਲਾਂ ਤਾਂ ਸੰਦੀਪ ਭਾਰਤੀ ਮਾਡਲਾਂ ਅਤੇ ਭਾਰਤੀ ਫੋਟੋਗ੍ਰਾਫਰਾਂ ਦੀਆਂ ਫੋਟੋਆਂ ਆਪਣੀ ਵੈੱਬਸਾਈਟ ਤੇ ਪਾਉਂਦੇ ਸੀ। ਸਮੇਂ ਦੇ ਨਾਲ, ਉਹ ਇਸ ਵੈਬਸਾਈਟ ਦੇ ਡਿਜ਼ਾਈਨ ਵਿੱਚ ਸੁਧਾਰ ਕਰਦੇ ਰਹੇ। ਉਨ੍ਹਾਂ ਨੇ ਇਸ 'ਤੇ ਦਿਨ-ਰਾਤ ਕੰਮ ਕਰਨਾ ਸ਼ੁਰੂ ਕਰ ਦਿੱਤਾ। ਜਿਸ ਤੋਂ ਬਾਅਦ ਉਨ੍ਹਾਂ ਨੇ ਇਸ ਵੈੱਬਸਾਈਟ 'ਤੇ ਵਰਲਡ ਵਾਈਡ ਮਾਡਲਾਂ ਦੀਆਂ ਫੋਟੋਆਂ ਵੀ ਪਾਉਣੀਆਂ ਸ਼ੁਰੂ ਕਰ ਦਿੱਤੀਆਂ।

ਅੱਜਕੱਲ੍ਹ ਚਿੱਤਰ ਬਾਜ਼ਾਰ ਵਿੱਚ ਕਰੋੜਾਂ ਫੋਟੋਆਂ ਹਨ। ਉਨ੍ਹਾਂ ਨੇ ਇਹ ਕੰਪਨੀ 26 ਸਾਲ ਦੀ ਉਮਰ ਵਿੱਚ ਸ਼ੁਰੂ ਕੀਤੀ ਅਤੇ 29 ਸਾਲ ਦੀ ਉਮਰ ਵਿੱਚ, ਸੰਦੀਪ ਮਹੇਸ਼ਵਰੀ ਭਾਰਤ ਦੇ ਮਸ਼ਹੂਰ ਨੌਜਵਾਨ ਉਦਯੋਗਪਤੀਆਂ ਵਿੱਚੋਂ ਇੱਕ ਬਣ ਗਏ ਸੀ। ਸੰਦੀਪ ਮਹੇਸ਼ਵਰੀ ਦੀ ਇਹ ਕਹਾਣੀ ਅੱਜ ਬਹੁਤ ਸਾਰੇ ਲੋਕਾਂ ਨੂੰ ਅੱਗੇ ਵਧਣ ਲਈ ਪ੍ਰੇਰਿਤ ਕਰਦੀ ਹੈ। Imagesbazaar.com ਸੰਦੀਪ ਮਹੇਸ਼ਵਰੀ ਦੀ ਸਖ਼ਤ ਮਿਹਨਤ ਦਾ ਨਤੀਜਾ ਹੈ।

ਕਰੋੜਾਂ ਦੀ ਜਾਇਦਾਦ ਦੇ ਮਾਲਕ ਸੰਦੀਪ
ਕਿਸੇ ਵੇਲੇ ਸੰਦੀਪ ਕੋਲ ਪੈਸੇ ਦੀ ਇੰਨੀਂ ਤੰਗੀ ਸੀ ਕਿ ਉਹ ਆਪਣੇ ਖਰਚੇ ਵੀ ਪੂਰੇ ਨਹੀਂ ਕਰ ਪਾਉਂਦੇ ਸੀ। ਪਰ ਨਾਕਾਮਯਾਬੀ ਨੇ ਸੰਦੀਪ ਦੀ ਹਿੰਮਤ ਨਹੀਂ ਤੋੜੀ। ਜਿੰਨੀਂ ਵਾਰ ਵੀ ਉਹ ਡਿੱਗਦੇ ਉੱਠ ਕੇ ਖੜੇ ਹੋ ਜਾਂਦੇ। ਇਸ ਤਰ੍ਹਾਂ ਉਹ ਮੇਹਨਤ ਕਰਦੇ ਗਏ। ਇੱਕ ਰਿਪੋਰਟ ਮੁਤਾਬਕ ਅੱਜ ਸੰਦੀਪ ਮਹੇਸ਼ਵਰੀ 3.5 ਮਿਲੀਅਨ ਡਾਲਰ ਯਾਨਿ 30 ਕਰੋੜ ਰੁਪਏ ਹੈ। ਇਸ ਵਿੱਚ ਉਨ੍ਹਾਂ ਦੀ ਵੈੱਬਸਾਈਟ ਦੀ ਕਮਾਈ, ਯੂਟਿਊਬ ਤੇ ਹੋਰ ਸੋਸ਼ਲ ਮੀਡੀਆ ਪਲੇਫ਼ਾਰਮਾਂ ਦੀ ਕਮਾਈ ਸ਼ਾਮਲ ਹੈ। ਦਸ ਦਈਏ ਕਿ ਇੱਕ ਮਹੀਨੇ `ਚ ਸੰਦੀਪ ਮਹੇਸ਼ਵਰੀ 30 ਲੱਖ ਤੋਂ ਜ਼ਿਆਦਾ ਦੀ ਕਮਾਈ ਕਰਦੇ ਹਨ। ਉਨ੍ਹਾਂ ਦੀ ਇੱਕ ਸਾਲ ਦੀ ਕਮਾਈ 4 ਕਰੋੜ ਤੋਂ ਜ਼ਿਆਦਾ ਹੈ, ਜਦਕਿ ਅੱਜ ਤੱਕ ਦੀ ਕਮਾਈ 30 ਕਰੋੜ ਤੋਂ ਵੀ ਜ਼ਿਆਦਾ ਬਣਦੀ ਹੈ। ਇੰਨੀਂ ਜਾਇਦਾਦ ਦੇ ਬਾਵਜੂਦ ਅੱਜ ਵੀ ਸੰਦੀਪ ਸਾਦਾ ਜੀਵਨ ਜਿਉਣਾ ਪਸੰਦ ਕਰਦੇ ਹਨ।