Ranbir Kapoor-Alia Bhatt: ਕਰੀਨਾ ਕਪੂਰ ਨੇ ਆਲੀਆ ਭੱਟ ਨੂੰ ਕਿਹਾ 'ਦਾਲ ਚੌਲ', ਰਣਬੀਰ ਨੇ ਕਿਹਾ- ਮੈਂ ਇੱਕ ਚੰਗਾ ਪਤੀ
Ranbir Kapoor On Marrying Alia Bhatt: ਰਣਬੀਰ ਕਪੂਰ ਜਲਦ ਹੀ ਕਰੀਨਾ ਕਪੂਰ ਖਾਨ ਦੇ ਚੈਟ ਸ਼ੋਅ 'What Women Want' 'ਚ ਨਜ਼ਰ ਆਉਣਗੇ। ਸ਼ੋਅ ਦੇ ਇੱਕ ਨਵੇਂ ਟੀਜ਼ਰ ਵਿੱਚ ਉਹ ਪਤਨੀ ਆਲੀਆ ਅਤੇ ਬੇਟੀ ਰਾਹਾ ਬਾਰੇ ਗੱਲ ਕਰਦੇ ਨਜ਼ਰ ਆਏ।
Ranbir Kapoor On Marrying Alia Bhatt: ਰਣਬੀਰ ਕਪੂਰ ਜਲਦ ਹੀ ਕਰੀਨਾ ਕਪੂਰ ਖਾਨ ਦੇ ਚੈਟ ਸ਼ੋਅ 'ਵਟ੍ਹ ਵੂਮੈਨ ਵਾਂਟ' (What Women Want) 'ਚ ਨਜ਼ਰ ਆਉਣਗੇ। ਸ਼ੋਅ ਦੇ ਨਵੇਂ ਐਪੀਸੋਡ ਦੇ ਰਿਲੀਜ਼ ਹੋਣ ਤੋਂ ਪਹਿਲਾਂ ਇਕ ਟੀਜ਼ਰ ਰਿਲੀਜ਼ ਕੀਤਾ ਗਿਆ ਹੈ, ਜਿਸ ਨੂੰ ਦੇਖ ਕੇ ਅੰਦਾਜ਼ਾ ਲਗਾਇਆ ਜਾ ਸਕਦਾ ਹੈ ਕਿ ਇਹ ਕਾਫੀ ਮਜ਼ੇਦਾਰ ਹੋਣ ਵਾਲਾ ਹੈ। ਸ਼ੋਅ ਦੇ ਇੱਕ ਨਵੇਂ ਟੀਜ਼ਰ ਵਿੱਚ, ਰਣਬੀਰ ਕਪੂਰ ਆਪਣੇ ਕੁਝ ਰਾਜ਼ ਅਤੇ ਪਤਨੀ ਆਲੀਆ ਅਤੇ ਧੀ ਰਾਹਾ ਬਾਰੇ ਗੱਲ ਕਰਦੇ ਹੋਏ ਨਜ਼ਰ ਆਏ।
ਇਹ ਵੀ ਪੜ੍ਹੋ: ਜਾਵੇਦ ਅਖਤਰ ਨੇ ਉਰਦੂ ਨੂੰ ਦੱਸਿਆ ਹਿੰਦੁਸਤਾਨ ਦੀ ਭਾਸ਼ਾ, ਪਾਕਿਸਤਾਨ ਨੂੰ ਸੁਣਾਈਆਂ ਖਰੀਆਂ-ਖਰੀਆਂ
ਵੀਡੀਓ ਦੀ ਸ਼ੁਰੂਆਤ ਕਰੀਨਾ ਕਪੂਰ ਦੇ ਸ਼ੋਅ ਵਿੱਚ ਰਣਬੀਰ ਦਾ ਨਿੱਘਾ ਸਵਾਗਤ ਕਰਨ ਨਾਲ ਹੁੰਦੀ ਹੈ। ਕਰੀਨਾ ਨੇ ਲਾਲ ਹੈਲਟਰ-ਨੇਕ ਜੰਪਸੂਟ ਪਾਇਆ ਸੀ, ਜਦੋਂ ਕਿ ਰਣਬੀਰ ਕੈਜ਼ੂਅਲ ਅਤੇ ਆਲ-ਡੇਨਿਮ ਲੁੱਕ ਵਿੱਚ ਸੀ। ਰਣਬੀਰ ਨੇ ਕਰੀਨਾਨੂੰ ਕਿਹਾ, "ਮੈਨੂੰ ਸੱਦਾ ਦੇਣ ਲਈ ਤੁਹਾਡਾ ਧੰਨਵਾਦ। ਇਹੀ ਉਹ ਚੀਜ਼ ਹੈ ਜਿਸ ਬਾਰੇ ਮੈਂ ਉਤਸ਼ਾਹਿਤ ਸੀ।" ਉਸਨੇ ਅੱਗੇ ਕਿਹਾ, "ਬਦਕਿਸਮਤੀ ਨਾਲ ਅਸੀਂ ਸਿਰਫ ਕਾਊਚ 'ਤੇ ਮਿਲਦੇ ਹਾਂ"।
View this post on Instagram
ਕਰੀਨਾ ਉਸ ਨਾਲ ਅਸਹਿਮਤ ਹੁੰਦੀ ਹੈ ਅਤੇ ਜਵਾਬ ਦਿੰਦੀ ਹੈ, "ਨਹੀਂ, ਮੈਨੂੰ ਅਜਿਹਾ ਨਹੀਂ ਲੱਗਦਾ।" ਉਸ ਨੇ ਰਣਬੀਰ ਅਤੇ ਆਲੀਆ ਦੀ ਬੇਟੀ ਰਾਹਾ ਕਪੂਰ ਬਾਰੇ ਪੁੱਛਿਆ। "ਮੈਂ ਪਿਛਲੇ ਇੱਕ ਸਾਲ ਵਿੱਚ ਹੋਈਆਂ ਸਾਰੀਆਂ ਵੱਡੀਆਂ ਚੀਜ਼ਾਂ ਬਾਰੇ ਗੱਲ ਕਰਨਾ ਚਾਹੁੰਦੀ ਹਾਂ। ਤੁਹਾਡਾ ਵਿਆਹ ਹੋ ਗਿਆ ਹੈ, ਤੁਸੀਂ ਪਿਤਾ ਬਣ ਗਏ ਹੋ। ਕੀ ਤੁਸੀਂ ਉਸਦਾ ਡਾਇਪਰ ਬਦਲਿਆ ਹੈ?" ਰਣਬੀਰ ਨੇ ਖੁਲਾਸਾ ਕੀਤਾ, "ਮੈਂ ਡਾਇਪਰ ਬਦਲ ਲਿਆ ਹੈ... ਪਰ ਜਿਸ ਚੀਜ਼ 'ਤੇ ਮੈਂ ਮਹਾਰਤ ਹਾਸਲ ਕੀਤੀ ਹੈ, ਉਹ ਹੈ ਬਰਪਿੰਗ ਯਾਨਿ ਬੱਚੇ ਤੋਂ ਡਕਾਰ ਮਰਵਾਉਣ ਦੀ ਕਲਾ"
View this post on Instagram
ਇਸ ਦੌਰਾਨ ਦੋਵਾਂ ਨੇ ਇਸ ਗੱਲ 'ਤੇ ਵੀ ਗੱਲ ਕੀਤੀ ਕਿ ਕੀ ਮਹਿਲਾ ਅਭਿਨੇਤਰੀਆਂ ਨੂੰ ਪੁਰਸ਼ ਅਦਾਕਾਰਾਂ ਨਾਲੋਂ ਵੱਡਾ ਨਹੀਂ ਹੋਣਾ ਚਾਹੀਦਾ, ਜਿਵੇਂ ਕਿ ਬਹੁਤ ਸਾਰੇ ਲੋਕ ਮੰਨਦੇ ਹਨ। ਇਸ ਦਾ ਖੰਡਨ ਕਰਦੇ ਹੋਏ ਰਣਬੀਰ ਨੇ ‘ਤਿੰਨ ਖਾਨਾਂ’ ਸਲਮਾਨ ਖਾਨ, ਸ਼ਾਹਰੁਖ ਖਾਨ ਅਤੇ ਆਮਿਰ ਖਾਨ ਦੀ ਉਦਾਹਰਣ ਦਿੱਤੀ, ਜਿਨ੍ਹਾਂ ਨੇ ਉਨ੍ਹਾਂ ਤੋਂ ਕਾਫੀ ਵੱਡੀ ਉਮਰ ਦੀਆਂ ਕਈ ਅਭਿਨੇਤਰੀਆਂ ਨਾਲ ਕੰਮ ਕੀਤਾ ਹੈ।
ਕਰੀਨਾ ਨੇ ਰਣਬੀਰ ਨੂੰ 'ਯੇ ਜਵਾਨੀ ਹੈ ਦੀਵਾਨੀ' ਦੇ ਮਸ਼ਹੂਰ ਡਾਇਲਾਗਸ ਦਾ ਹਵਾਲਾ ਦਿੰਦੇ ਹੋਏ ਪੁੱਛਿਆ, "ਉਹ ਕਿਹੜਾ ਪਲ ਹੈ ਜਦੋਂ ਤੁਹਾਨੂੰ ਆਲੀਆ ਤੋਂ ਅਹਿਸਾਸ ਹੋਇਆ ਕਿ ਮੈਂ ਦਾਲ ਚਾਵਲ ਲਈ ਤਿਆਰ ਹਾਂ?" ਇਸਦੇ ਲਈ ਉਹ ਕਹਿੰਦਾ ਹੈ "ਜਦੋਂ ਮੈਨੂੰ ਵਿਸ਼ਵਾਸ ਹੋਇਆ ਕਿ ਮੈਂ ਚੰਗਾ ਪਤੀ ਬਣ ਸਕਦਾ ਹਾਂ"
ਦੱਸ ਦੇਈਏ ਕਿ ਉਨ੍ਹਾਂ ਨੇ ਨਵੰਬਰ 'ਚ ਆਪਣੀ ਬੇਟੀ ਰਾਹਾ ਕਪੂਰ ਦਾ ਸਵਾਗਤ ਕੀਤਾ ਸੀ। ਉਨ੍ਹਾਂ ਨੇ ਹਾਲ ਹੀ ਵਿੱਚ ਪਤੀ-ਪਤਨੀ ਅਤੇ ਮਾਤਾ-ਪਿਤਾ ਵਜੋਂ ਆਪਣੀ ਪਹਿਲੀ ਹੋਲੀ ਮਨਾਈ। ਰਣਬੀਰ ਕਪੂਰ ਇਨ੍ਹੀਂ ਦਿਨੀਂ ਆਪਣੀ ਨਵੀਂ ਫਿਲਮ 'ਤੂ ਝੂਠੀ ਮੈਂ ਮੱਕਾਰ' ਦੀ ਸਫਲਤਾ 'ਚ ਮਸਰੂਫ ਹੈ। ਇਹ ਫਿਲਮ 8 ਮਾਰਚ ਨੂੰ ਰਿਲੀਜ਼ ਹੋਈ ਸੀ ਅਤੇ ਇਸ ਵਿੱਚ ਸ਼ਰਧਾ ਕਪੂਰ ਵੀ ਸੀ।
ਇਹ ਵੀ ਪੜ੍ਹੋ: ਸਿੱਧੂ ਮੂਸੇਵਾਲਾ 'ਤੇ ਪਹਿਲੀ ਵਾਰ ਖੁੱਲ੍ਹ ਕੇ ਬੋਲਿਆ ਕਰਨ ਔਜਲਾ, ਕਿਹਾ- ਸਿੱਧੂ ਦੀ ਮੌਤ ਤੋਂ ਪਹਿਲਾਂ...
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
