Burt Bacharach: ਪ੍ਰਸਿੱਧ ਹਾਲੀਵੁੱਡ ਸੰਗੀਤਕਾਰ ਬਰਟ ਬਚਾਰਚ ਦਾ ਦੇਹਾਂਤ, 8 ਗਰੈਮੀ ਤੇ 3 ਆਸਕਰ ਜੇਤੂ ਨੇ 94 ਦੀ ਉਮਰ ਲਏ ਆਖਰੀ ਸਾਹ

Burt Bacharach Dies : ਮਸ਼ਹੂਰ ਸੰਗੀਤਕਾਰ ਬਰਟ ਬਾਚਾਰਚ ਦਾ ਦਿਹਾਂਤ ਹੋ ਗਿਆ ਹੈ। ਉਹ 94 ਸਾਲ ਦੇ ਸਨ। ਉਨ੍ਹਾਂ ਦੇ ਦੇਹਾਂਤ ਨਾਲ ਪੂਰੀ ਦੁਨੀਆ 'ਚ ਸੋਗ ਦੀ ਲਹਿਰ ਦੌੜ ਗਈ ਹੈ।

ਬਰਟ ਬਚਰਾਚ

Burt Bacharach Passed Away: ਆਸਕਰ ਅਤੇ ਗ੍ਰੈਮੀ ਅਵਾਰਡ ਜਿੱਤਣ ਵਾਲੇ ਮਸ਼ਹੂਰ ਸੰਗੀਤਕਾਰ ਬਰਟ ਬੇਚਾਰਚ ਦਾ ਦਿਹਾਂਤ ਹੋ ਗਿਆ ਹੈ। ਉਨ੍ਹਾਂ ਨੇ 94 ਸਾਲ ਦੀ ਉਮਰ 'ਚ ਆਖਰੀ ਸਾਹ ਲਿਆ। ਇਸ ਖਬਰ ਨਾਲ ਪੂਰੀ ਦੁਨੀਆ ਵਿਚ ਸੋਗ ਦੀ ਲਹਿਰ ਦੌੜ ਗਈ ਹੈ। ਬਰਟ ਦੇ ਪ੍ਰਸ਼ੰਸਕ ਸੋਸ਼ਲ ਮੀਡੀਆ 'ਤੇ ਪੋਸਟ ਸ਼ੇਅਰ ਕਰਕੇ ਸ਼ਰਧਾਂਜਲੀ ਦੇ ਰਹੇ ਹਨ। ਬਰਟ ਬੈਚਾਰਚ ਨੇ ਆਪਣੇ ਸੰਗੀਤ ਨਾਲ ਵੱਡਾ ਮੁਕਾਮ ਹਾਸਲ ਕੀਤਾ ਸੀ।

8 ਗ੍ਰੈਮੀ ਅਤੇ 3 ਆਸਕਰ ਅਵਾਰਡ ਜਿੱਤੇ
ਸੰਗੀਤਕਾਰ ਬਰਟ ਬੇਚਾਰਚ ਨੇ ਆਪਣੇ ਕਰੀਅਰ ਵਿੱਚ 8 ਗ੍ਰੈਮੀ ਅਤੇ 3 ਆਸਕਰ ਸਮੇਤ ਕਈ ਵੱਡੇ ਪੁਰਸਕਾਰ ਜਿੱਤੇ। ਬਰਟ ਦੇ ਸੰਗੀਤ ਨੂੰ ਪੂਰੀ ਦੁਨੀਆ ਵਿੱਚ ਪਸੰਦ ਕੀਤਾ ਗਿਆ ਸੀ। ਬਰਟ ਨੂੰ ਪੌਪ ਗਾਇਕੀ ਦਾ ਬਾਦਸ਼ਾਹ ਕਿਹਾ ਜਾਂਦਾ ਹੈ। ਇੰਡੀਅਨ ਐਕਸਪ੍ਰੈਸ ਦੀ ਰਿਪੋਰਟ ਦੇ ਅਨੁਸਾਰ, ਬਰਟ ਬਚਾਰਚ ਨੇ ਸਾਲ 1970 ਅਤੇ ਇੱਕ 1982 ਵਿੱਚ ਦੋ ਅਕਾਦਮਿਕ ਪੁਰਸਕਾਰ ਜਿੱਤੇ ਸਨ।

ਬਰਟ ਬੇਚਾਰਚ ਦੇ ਮਸ਼ਹੂਰ ਗੀਤ
ਬਰਟ ਬੇਚਾਰਚ ਦੀਆਂ ਸਭ ਤੋਂ ਵਧੀਆ ਰਚਨਾਵਾਂ ਵਿੱਚ ਸ਼ਾਮਲ ਹਨ ਪ੍ਰੌਮਿਸੇਜ਼ ਪ੍ਰੌਮਿਸੇਜ਼ (Promises, Promises, ਬੈਸਟ ਦੈਟ ਯੂ ਕੈਨ ਡੂ (Best That You Can Do), ਮੈਜਿਕ ਮੋਮੈਂਟਸ (Magic Moments), ਐਨੀਓਨ ਹੂ ਹੈਡ ਏ ਹਾਰਟ (Anyone Who Had A Heart), ਐਲਫੀ  (Alfie), ਆਈ ਸੇ ਅ ਲਿਟਲ ਪ੍ਰੇਅਰ (I Say a Little Prayer), ਬੇਬੀ ਇਟਸ ਯੂ (Baby It's You) ਅਤੇ ਦ ਬੁੱਕ ਆਫ ਲਵ (The Look of Love)।

ਮਾਂ ਨੇ ਮਿਊਜ਼ਿਕ ਲਈ ਕੀਤਾ ਸੀ ਉਤਸ਼ਾਹਿਤ
ਸੰਗੀਤਕਾਰ ਬਰਟ ਬੇਚਾਰਚ ਦਾ ਜਨਮ ਕੰਸਾਸ ਸਿਟੀ, ਮਿਸੂਰੀ ਵਿੱਚ ਹੋਇਆ ਸੀ, ਪਰ ਜਲਦੀ ਹੀ ਉਹ ਨਿਊਯਾਰਕ ਸਿਟੀ ਚਲੇ ਗਏ। ਉਨ੍ਹਾਂ ਦੇ ਪਿਤਾ ਇੱਕ ਸਿੰਡੀਕੇਟਿਡ ਕਾਲਮਨਵੀਸ ਸਨ ਅਤੇ ਉਨ੍ਹਾਂ ਦੀ ਮਾਂ ਇੱਕ ਪਿਆਨੋ ਵਾਦਕ ਸੀ। ਮਾਂ ਨੇ ਬਰਟ ਨੂੰ ਸੰਗੀਤ ਦਾ ਅਧਿਐਨ ਕਰਨ ਲਈ ਉਤਸ਼ਾਹਿਤ ਕੀਤਾ। ਹਾਲਾਂਕਿ ਬਰਟ ਖੇਡਾਂ ਵਿੱਚ ਸਭ ਤੋਂ ਵੱਧ ਦਿਲਚਸਪੀ ਰੱਖਦੇ ਸੀ, ਉਹ ਸਕੂਲ ਤੋਂ ਬਾਅਦ ਹਰ ਰੋਜ਼ ਪਿਆਨੋ ਦਾ ਅਭਿਆਸ ਕਰਦੇ ਸੀ। ਉਹ ਆਪਣੀ ਮਾਂ ਨੂੰ ਨਿਰਾਸ਼ ਨਹੀਂ ਕਰਨਾ ਚਾਹੁੰਦੇ ਸੀ। ਬਰਟ ਨੇ ਸੰਗੀਤ ਉਦਯੋਗ ਵਿੱਚ ਦਾਖਲ ਹੋਣ ਤੋਂ ਬਾਅਦ ਇੱਕ ਹਲਚਲ ਮਚਾ ਦਿੱਤੀ।