![ABP Premium](https://cdn.abplive.com/imagebank/Premium-ad-Icon.png)
Valentine's Day 2023: ਮਧੂਬਾਲਾ-ਦਲੀਪ ਕੁਮਾਰ ਤੋਂ ਸਲਮਾਨ-ਐਸ਼ਵਰਿਆ, ਇਹ ਹਨ ਬਾਲੀਵੁੱਡ ਦੀਆਂ ਸਭ ਤੋਂ ਚਰਚਿਤ ਲਵ ਸਟੋਰੀਆਂ, ਦੇਖੋ ਲਿਸਟ
Valentine's Day Special: ਅਸੀਂ ਤੁਹਾਡੇ ਲਈ ਲੈਕੇ ਆਏ ਹਾਂ ਬਾਲੀਵੁੱਡ ਦੀਆਂ ਸਭ ਤੋਂ ਮਸ਼ਹੂਰ ਲਵ ਸਟੋਰੀਆਂ। ਇਹ ਲਵ ਸਟੋਰੀਆਂ ਭਾਵੇਂ ਪੂਰੀ ਦੁਨੀਆ 'ਚ ਚਰਚਾ ਦਾ ਵਿਸ਼ਾ ਬਣੀਆਂ ਹੋਣ, ਪਰ ਇਨ੍ਹਾਂ ਦਾ ਅੰਤ ਦਰਦਨਾਕ ਸੀ। ਦੇਖੋ ਲਿਸਟ:
![Valentine's Day 2023: ਮਧੂਬਾਲਾ-ਦਲੀਪ ਕੁਮਾਰ ਤੋਂ ਸਲਮਾਨ-ਐਸ਼ਵਰਿਆ, ਇਹ ਹਨ ਬਾਲੀਵੁੱਡ ਦੀਆਂ ਸਭ ਤੋਂ ਚਰਚਿਤ ਲਵ ਸਟੋਰੀਆਂ, ਦੇਖੋ ਲਿਸਟ madhubala-dilip kumar to salman-aishwarya these are bollywood s most famous love stories Valentine's Day 2023: ਮਧੂਬਾਲਾ-ਦਲੀਪ ਕੁਮਾਰ ਤੋਂ ਸਲਮਾਨ-ਐਸ਼ਵਰਿਆ, ਇਹ ਹਨ ਬਾਲੀਵੁੱਡ ਦੀਆਂ ਸਭ ਤੋਂ ਚਰਚਿਤ ਲਵ ਸਟੋਰੀਆਂ, ਦੇਖੋ ਲਿਸਟ](https://feeds.abplive.com/onecms/images/uploaded-images/2023/02/14/a198b533cf071230396b87a93a57dc6c1676359761317469_original.jpg?impolicy=abp_cdn&imwidth=1200&height=675)
Bollywood Breakups: ਅੱਜ ਯਾਨਿ 14 ਫਰਵਰੀ ਨੂੰ ਵੈਲੇਨਟਾਈਨ ਡੇ ਹੈ। ਪੂਰੀ ਦੁਨੀਆ 'ਚ ਅੱਜ ਪਿਆਰ ਦਾ ਦਿਨ ਮਨਾਇਆ ਜਾ ਰਿਹਾ ਹੈ। ਇਸੇ ਦਰਮਿਆਨ ਅਸੀਂ ਤੁਹਾਡੇ ਲਈ ਲੈਕੇ ਆਏ ਹਾਂ ਬਾਲੀਵੁੱਡ ਦੀਆਂ ਸਭ ਤੋਂ ਮਸ਼ਹੂਰ ਲਵ ਸਟੋਰੀਆਂ। ਇਹ ਲਵ ਸਟੋਰੀਆਂ ਭਾਵੇਂ ਪੂਰੀ ਦੁਨੀਆ 'ਚ ਚਰਚਾ ਦਾ ਵਿਸ਼ਾ ਬਣੀਆਂ ਹੋਣ, ਪਰ ਇਨ੍ਹਾਂ ਦਾ ਅੰਤ ਦਰਦਨਾਕ ਸੀ। ਦੇਖੋ ਲਿਸਟ:
ਮਧੂਬਾਲਾ-ਦਲੀਪ ਕੁਮਾਰ
ਬਾਲੀਵੁੱਡ ਦੀ ਸਭ ਤੋਂ ਮਸ਼ਹੂਰ ਤੇ ਪਿਆਰੀ ਜੋੜੀ ਸੀ ਮਧੂਬਾਲਾ ਤੇ ਦਲੀਪ ਕੁਮਾਰ। ਇਨ੍ਹਾਂ ਦੋਵਾਂ ਨੇ ਲਗਭਗ 9 ਸਾਲਾਂ ਤੱਕ ਇੱਕ ਦੂਜੇ ਨੂੰ ਡੇਟ ਕੀਤਾ। ਦੋਵਾਂ ਦਾ ਵਿਆਹ ਹੋਣ ਹੀ ਵਾਲਾ ਸੀ ਕਿ ਅਚਾਨਕ ਇਨ੍ਹਾਂ ਦਾ ਬਰੇਕਅੱਪ ਹੋ ਗਿਆ। ਇਨ੍ਹਾਂ ਦੇ ਬਰੇਕਅੱਪ ਦੀ ਵਜ੍ਹਾ ਸੀ ਮਧੂਬਾਲਾ ਦੇ ਪਿਤਾ। ਮਧੂਬਾਲਾ ਦੇ ਪਿਤਾ ਨੂੰ ਦਲੀਪ ਕੁਮਾਰ ਪਸੰਦ ਨਹੀਂ ਸੀ। ਇਸ ਕਰਕੇ ਮਧੂਬਾਲਾ ਨੂੰ ਮਜਬੂਰੀ 'ਚ ਦਲੀਪ ਦਾ ਸਾਥ ਛੱਡਣਾ ਪਿਆ। ਇਸ ਤੋਂ ਬਾਅਦ ਮਧੂ ਹਮੇਸ਼ਾ ਪਿਆਰ ਲਈ ਤਰਸਦੀ ਰਹੀ। ਅੰਤ 'ਚ ਉਹ ਦਿਲ ਦੀ ਬੀਮਾਰੀ ਦਾ ਸ਼ਿਕਾਰ ਹੋ ਕੇ ਮਰ ਗਈ।
ਅਮਿਤਾਭ ਬੱਚਨ-ਰੇਖਾ
ਅਮਿਤਾਭ ਬੱਚਨ ਤੇ ਰੇਖਾ ਦਾ ਪਿਆਰ 'ਦੋ ਅਨਜਾਨੇ' ਫਿਲਮ ਦੇ ਸੈੱਟ ਤੋਂ ਪਰਵਾਨ ਚੜ੍ਹਿਆ ਸੀ। ਜਦੋਂ ਰੇਖਾ ਤੇ ਅਮਿਤਾਭ ਦਾ ਚੱਕਰ ਚੱਲਿਆ, ਉਦੋਂ ਅਮਿਤਾਭ ਪਹਿਲਾਂ ਤੋਂ ਹੀ ਜਯਾ ਬੱਚਨ ਨਾਲ ਵਿਆਹੇ ਹੋਏ। 70-80 ਦੇ ਦਹਾਕਿਆਂ 'ਚ ਅਮਿਤਾਭ-ਰੇਖਾ ਦੇ ਪਿਆਰ ਨੇ ਖੂਬ ਸੁਰਖੀਆਂ ਬਟੋਰੀਆਂ। ਆਖਰ ਜਯਾ ਬੱਚਨ ਦੀ ਵਜ੍ਹਾ ਕਰਕੇ ਅਮਿਤਾਭ ਨੂੰ ਰੇਖਾ ਤੋਂ ਦੂਰ ਹੋਣਾ ਹੀ ਪਿਆ। ਰੇਖਾ ਨੇ ਅੱਜ ਤੱਕ ਵਿਆਹ ਨਹੀਂ ਕੀਤਾ।
ਸਲਮਾਨ ਖਾਨ-ਐਸ਼ਵਰਿਆ ਰਾਏ
90 ਦੇ ਦਹਾਕਿਆਂ 'ਚ ਸਲਮਾਨ ਤੇ ਐਸ਼ਵਰਿਆ ਇੱਕ ਦੂਜੇ ਦੇ ਕਰੀਬ ਆਏ। ਦੋਵਾਂ ਨੇ ਤਕਰੀਬਨ 2-3 ਸਾਲ ਇੱਕ ਦੂਜੇ ਨੂੰ ਡੇਟ ਕੀਤਾ। ਪਰ ਸਲਮਾਨ ਦਾ ਗੁੱਸੇ ਵਾਲਾ ਸੁਭਾਅ ਐਸ਼ਵਰਿਆ ਨੂੰ ਪਸੰਦ ਨਹੀਂ ਸੀ। ਇਸ ਦੇ ਨਾਲ ਨਾਲ ਸਲਮਾਨ ਐਸ਼ਵਰਿਆ ਦੇ ਕੰਮ 'ਚ ਵੀ ਕਾਫੀ ਦਖਲ ਦਿੰਦੇ ਸੀ। ਇਸ ਤੋਂ ਪਰੇਸ਼ਾਨ ਹੋ ਕੇ ਐਸ਼ ਨੇ ਸਲਮਾਨ ਤੋਂ ਦੂਰੀ ਬਣਾਈ। ਇਸ ਦੇ ਨਾਲ ਨਾਲ ਇਹ ਕਿਹਾ ਜਾਂਦਾ ਹੈ ਕਿ ਸਲਮਾਨ ਨੇ ਕਈ ਵਾਰ ਐਸ਼ 'ਤੇ ਹੱਥ ਵੀ ਚੁੱਕਿਆ ਸੀ। ਇੱਥੋਂ ਤੱਕ ਕਿ ਐਸ਼ ਦੀ ਫਿਲਮ ਦੇ ਸੈੱਟ 'ਤੇ ਜਾ ਕੇ ਸਲਮਾਨ ਨੇ ਉਨ੍ਹਾਂ ਨੂੰ ਲੱਤਾਂ ਵੀ ਮਾਰੀਆਂ। ਇਨ੍ਹਾਂ ਦੋਵਾਂ ਦੇ ਪਿਆਰ ਨੇ ਪੂਰੀ ਦੁਨੀਆ 'ਚ ਖੂਬ ਸੁਰਖੀਆਂ ਬਟੋਰੀਆਂ। ਇਨ੍ਹਾਂ ਦੇ ਰਿਸ਼ਤੇ ਦਾ ਵੀ ਦਰਦਨਾਕ ਅੰਤ ਹੋਇਆ।
ਅਭਿਸ਼ੇਕ ਬੱਚਨ-ਕਰਿਸ਼ਮਾ ਕਪੂਰ
ਸਾਲ 2003 ਵਿੱਚ ਅਭਿਸ਼ੇਕ ਬੱਚਨ ਤੇ ਕਰਿਸ਼ਮਾ ਕਪੂਰ ਨੇ ਇੱਕ ਦੂਜੇ ਨੂੰ ਡੇਟ ਕਰਨਾ ਸ਼ੁਰੂ ਕੀਤਾ। ਜਦੋਂ ਅਭਿਸ਼ੇਕ ਤੇ ਕਰਿਸ਼ਮਾ ਦਾ ਰਿਸ਼ਤਾ ਸ਼ੁਰੂ ਹੋਇਆ, ਉਦੋਂ ਕਰਿਸ਼ਮਾ ਬਾਲੀਵੁੱਡ ਦੀ ਸੁਪਰਹਿੱਟ ਅਭਿਨੇਤਰੀ ਸੀ, ਪਰ ਅਭਿਸ਼ੇਕ ਹਾਲੇ ਵੀ ਫਿਲਮ ਇੰਡਸਟਰੀ 'ਚ ਸਥਾਪਤ ਹੋਣ ਲਈ ਸੰਘਰਸ਼ ਕਰ ਰਹੇ ਸੀ। ਬਾਵਜੂਦ ਇਸ ਦੇ ਦੋਵਾਂ ਦੀ ਮੰਗਣੀ ਹੋਈ। ਪਰ ਕਰਿਸ਼ਮਾ ਦੀ ਮਾਂ ਬਬੀਤਾ ਨੂੰ ਇਸ ਰਿਸ਼ਤੇ ਤੋਂ ਸਿਰਫ ਇਸ ਕਰਕੇ ਇਤਰਾਜ਼ ਸੀ, ਕਿਉਂਕਿ ਅਭਿਸ਼ੇਕ ਦਾ ਕਰੀਅਰ ਨਹੀਂ ਬਣ ਸਕਿਆ ਸੀ। ਇਸ ਤੋਂ ਬਾਅਦ ਬਬੀਤਾ ਦੀ ਵਜ੍ਹਾ ਕਰਕੇ ਅਭਿਸ਼ੇਕ ਤੇ ਕਰਿਸ਼ਮਾ ਦਾ ਰਿਸ਼ਤਾ ਟੁੱਟ ਗਿਆ।
ਰਣਬੀਰ ਕਪੂਰ-ਦੀਪਿਕਾ ਪਾਦੂਕੋਣ
ਰਣਬੀਰ ਕਪੂਰ ਨਵੇਂ ਜ਼ਮਾਨੇ ਦੀ ਸਭ ਤੋਂ ਮਸ਼ਹੂਰ ਤੇ ਪਿਆਰੀ ਜੋੜੀ ਸੀ। ਸਭ ਨੂੰ ਲੱਗਿਆ ਸੀ ਕਿ ਇਨ੍ਹਾਂ ਦੋਵਾਂ ਦਾ ਵਿਆਹ ਜ਼ਰੂਰ ਹੋਵੇਗਾ। ਦੀਪਿਕਾ ਤਾਂ ਰਣਬੀਰ ਦੇ ਪਿਆਰ 'ਚ ਇਸ ਹੱੱਦ ਤੱਕ ਪਾਗਲ ਸੀ ਕਿ ਉਸ ਨੇ ਰਣਬੀਰ ਦੇ ਨਾਂ ਦਾ ਟੈਟੂ ਤੱਕ ਬਣਵਾਇਆ ਸੀ। ਪਰ ਰਣਬੀਰ ਨੇ ਸੱਚੇ ਪਿਆਰ ਦੀ ਕਦਰ ਨਹੀਂ ਕੀਤੀ। ਰਣਬੀਰ ਨੇ ਖੁਦ ਕਈ ਵਾਰ ਇਹ ਗੱਲ ਕਬੂਲੀ ਹੈ ਕਿ ਉੇਨ੍ਹਾਂ ਨੇ ਦੀਪਿਕਾ ਦੇ ਪਿਆਰ ਨਹੀਂ ਸਮਝਿਆ।
ਸ਼ਾਹਿਦ ਕਪੂਰ-ਕਰੀਨਾ ਕਪੂਰ
ਸ਼ਾਹਿਦ ਕਪੂਰ ਤੇ ਕਰੀਨਾ ਕਪੂਰ ਬਾਲੀਵੁੱਡ ਦੇ ਸਭ ਤੋਂ ਮਸ਼ਹੂਰ ਜੋੜਿਆਂ ਵਿੱਚੋਂ ਇਕ ਸੀ। ਦੋਵੇਂ ਇਕ ਦੂਜੇ ਨੂੰ ਬਹੁਤ ਪਿਆਰ ਕਰਦੇ ਸੀ। ਪਰ ਇਨ੍ਹਾਂ ਦਾ ਰਿਸ਼ਤਾ ਜ਼ਿਆਦਾ ਸਮੇਂ ਤੱਕ ਚੱਲ ਨਹੀਂ ਸਕਿਆ। ਇਹ ਅੱਜ ਤੱਕ ਕਿਸੇ ਨੂੰ ਨਹੀਂ ਪਤਾ ਕਿ ਇਨ੍ਹਾਂ ਦੋਵਾਂ ਦਾ ਬਰੇਕਅੱਪ ਆਖਰ ਹੋਇਆ ਕਿਉਂ ਸੀ। ਪਰ ਅੱਜ ਦੋਵੇਂ ਆਪੋ ਆਪਣੀ ਜ਼ਿੰਦਗੀ ;ਚ ਖੁਸ਼ ਹਨ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
![ABP Premium](https://cdn.abplive.com/imagebank/metaverse-mid.png)