Dev Kharouds 'Gandhi 3': ਦੇਵ ਖਰੌੜ ਨੇ ਐਲਾਨਿਆ ਰੁਪਿੰਦਰ ਗਾਂਧੀ ਦਾ ਭਾਗ ਤੀਜਾ, ਇਸ ਵਾਰ ਖੁਦ ਲਿਖੀ ਕਹਾਣੀ
Gandhi 3: ਐਕਟਰ ਦੇਵ ਦੇ ਕੋਲ ਡਾਕੂਆਂ ਦਾ ਮੁੰਡਾ, ਸ਼ਰੀਕ ਤੇ ਫਿਲਮ ਬਲੈਕੀਆ ਦੇ ਸੀਕਵਲ ਹਨ ਜੋ ਸਾਲ 2022 ਵਿੱਚ ਥੀਏਟਰ 'ਚ ਰਿਲੀਜ਼ ਲਈ ਤਿਆਰ ਹਨ। ਹੁਣ ਇਸ ਲਿਸਟ 'ਚ 'ਰੁਪਿੰਦਰ ਗਾਂਧੀ' ਸੀਰੀਜ਼ ਦਾ ਤੀਜਾ ਭਾਗ ਵੀ ਸ਼ਾਮਲ ਹੋ ਗਿਆ ਹੈ।
ਚੰਡੀਗੜ੍ਹ: 2022 ਨੂੰ ਆਫੀਸ਼ੀਅਲ ਤੌਰ 'ਤੇ ਪੰਜਾਬੀ ਸੁਪਰਸਟਾਰ ਐਕਟਰ ਦੇਵ ਖਰੌੜ ਨੇ ਆਪਣੀ ਇੱਕ ਹੋਰ ਫਿਲਮ ਦੇ ਸੀਕਵਲ ਦਾ ਐਲਾਨ ਕਰ ਦਿੱਤਾ ਹੈ, ਜਿਸ ਤੋਂ ਬਾਅਦ ਜੇਕਰ ਇਹ ਕਿਹਾ ਜਾਵੇ ਕਿ ਇਹ ਸਾਲ ਦੇਵ ਖਰੋੜ ਦੀਆਂ ਫਿਲਮਾਂ ਦੇ ਸੀਕਵਲ ਦਾ ਸਾਲ ਹੈ ਤਾਂ ਇਸ 'ਚ ਕੁਝ ਗਲਤ ਨਹੀਂ ਹੋਵੇਗਾ।
ਦੱਸ ਦਈਏ ਕਿ ਐਕਟਰ ਦੇਵ ਦੇ ਕੋਲ ਡਾਕੂਆਂ ਦਾ ਮੁੰਡਾ, ਸ਼ਰੀਕ ਤੇ ਫਿਲਮ ਬਲੈਕੀਆ ਦੇ ਸੀਕਵਲ ਹਨ ਜੋ ਸਾਲ 2022 ਵਿੱਚ ਥੀਏਟਰ 'ਚ ਰਿਲੀਜ਼ ਲਈ ਤਿਆਰ ਹਨ। ਹੁਣ ਇਸ ਲਿਸਟ ਵਿੱਚ ਜਿਹੜਾ ਇੱਕ ਹੋਰ ਨਵਾਂ ਨਾਂ ਜੁੜਿਆ ਹੈ ਉਹ ਹੈ 'ਰੁਪਿੰਦਰ ਗਾਂਧੀ' ਸੀਰੀਜ਼ ਦਾ ਤੀਜਾ ਭਾਗ।
ਜੀ ਹਾਂ, ਦੇਵ ਖਰੌੜ ਨੇ ਔਫੀਸ਼ਿਅਲੀ 'ਰੁਪਿੰਦਰ ਗਾਂਧੀ ਦ ਗੈਂਗਸਟਰ' ਦੇ ਤੀਸਰੇ ਪਾਰਟ ਦਾ ਐਲਾਨ ਕੀਤਾ ਹੈ ਜਿਸ ਦਾ ਟਾਈਟਲ ਰੱਖਿਆ ਗਿਆ ਹੈ 'ਗਾਂਧੀ 3' ਤੇ ਇਹ ਫਿਲਮ 9 ਸਤੰਬਰ 2022 ਨੂੰ ਰਿਲੀਜ਼ ਹੋਣ ਲਈ ਪੂਰੀ ਤਰ੍ਹਾਂ ਤਿਆਰ ਹੈ। 'ਗਾਂਧੀ 3' ਨੂੰ ਡਾਇਰੈਕਟ ਮਨਦੀਪ ਬੈਨੀਪਾਲ ਦੁਆਰਾ ਕੀਤਾ ਜਾਵੇਗਾ। ਇਸ ਨੇ ਇਸ ਤੋਂ ਪਹਿਲਾਂ 'ਡਾਕੂਆਂ ਦਾ ਮੁੰਡਾ' ਤੇ ਦੇਵ ਖਰੌੜ ਦੀਆਂ ਕੁਝ ਆਉਣ ਵਾਲੀਆਂ ਫ਼ਿਲਮਾਂ ਨੂੰ ਡਾਇਰੈਕਟ ਕੀਤਾ ਹੈ।
ਰੁਪਿੰਦਰ ਗਾਂਧੀ ਗੈਂਗਸਟਰ? ਇੱਕ ਕਾਲਜ ਦੇ ਸਟੂਡੈਂਟ ਤੇ ਉਸ ਦੇ ਗੈਂਗ ਦੀ ਅਸਲ ਕਹਾਣੀ 'ਤੇ ਅਧਾਰਤ ਸੀ ਜੋ ਸੁਪਰ ਹਿੱਟ ਹੋ ਗਈ ਸੀ ਤੇ ਇਸ ਦੇ ਸੀਕਵਲ ਦਾ ਨਾਂ ਰੁਪਿੰਦਰ ਗਾਂਧੀ 2 ਦ ਰੌਬਿਨਹੁੱਡ ਰੱਖਿਆ ਗਿਆ ਸੀ ਤੇ ਹੁਣ ਤੀਜੇ ਭਾਗ 'ਗਾਂਧੀ 3' ਦਾ ਸਮਾਂ ਆ ਗਿਆ ਹੈ। ਇਹ ਆਉਣ ਵਾਲੀ ਫਿਲਮ ਦੇਵ ਦੁਆਰਾ ਲਿਖੀ ਗਈ ਹੈ। ਦੇਵ ਨੇ ਖੁਦ ਆਪਣੇ ਸੋਸ਼ਲ ਮੀਡੀਆ ਹੈਂਡਲ 'ਤੇ ਆਫੀਸ਼ੀਅਲ ਪੋਸਟਰ ਸਾਂਝਾ ਕੀਤਾ ਹੈ।
ਦੱਸ ਦਈਏ ਕਿ ਇਸ 'ਚ ਵੀ 'ਗਾਂਧੀ' ਦੀ ਮੁੱਖ ਭੂਮਿਕਾ ਦੇਵ ਖਰੌੜ ਖੁਦ ਨਿਭਾਉਣਗੇ। ਹਾਲਾਂਕਿ, ਫਿਲਮ 'ਚ ਲੀਡ ਅਦਾਕਾਰਾ ਤੇ ਸਪੋਟਿੰਗ ਕਾਸਟ ਦਾ ਖੁਲਾਸਾ ਹੋਣਾ ਬਾਕੀ ਹੈ। ਇਸ ਦੌਰਾਨ, ਦੇਵ ਖਰੌੜ ਕੋਲ ਸਾਲ 2022 ਲਈ ਬਹੁਤ ਕੁਝ ਹੈ। ਮਾਰਚ, ਅਪ੍ਰੈਲ, ਮਈ ਤੇ ਹੁਣ ਸਤੰਬਰ ਦੇ ਮਹੀਨੇ ਦੇਵ ਦੀ ਰਿਲੀਜ਼ ਨੂੰ ਲੈ ਕੇ ਰੁੱਝੇ ਹੋਏ ਹਨ। ਅਗਲੇ ਸਾਲ ਰਿਲੀਜ਼ ਹੋਣ ਵਾਲੀਆਂ ਵੱਡੀਆਂ ਫਿਲਮਾਂ ਵਿੱਚੋਂ ਦੇਵ ਖਰੌੜ ਦੀਆਂ ਫ਼ਿਲਮਾਂ ਵੀ ਅਹਿਮ ਫ਼ਿਲਮਾਂ ਹੋਣ ਵਾਲੀਆਂ ਹਨ।
ਇਹ ਵੀ ਪੜ੍ਹੋ: Petrol-Diesel Prices Today on 30th November: ਕੱਚਾ ਤੇਲ ਸਸਤਾ ਹੋਣ ਦੇ ਬਾਵਜੂਦ ਪੈਟਰੋਲ ਦੀ ਕੀਮਤ 'ਚ ਨਹੀਂ ਹੋਇਆ ਕੋਈ ਬਦਲਾਅ
ਪੰਜਾਬੀ ‘ਚ ਤਾਜ਼ਾ ਖ਼ਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
