Diljit Dosanjh Life Story: ਦਿਲਜੀਤ ਦੋਸਾਂਝ ਅੱਜ 38 ਸਾਲ ਦੇ ਹੋ ਗਏ ਹਨ। ਅੱਜ ਉਹ ਪੰਜਾਬੀ ਇੰਡਸਟਰੀ ਦਾ ਹੀ ਨਹੀਂ ਬਲਕਿ ਹਿੰਦੀ ਫਿਲਮ ਇੰਡਸਟਰੀ ਦਾ ਵੀ ਵੱਡਾ ਨਾਂਅ ਬਣ ਗਿਆ ਹੈ। ਜਿਨ੍ਹਾਂ ਦੇ ਪ੍ਰਸ਼ੰਸਕ ਲੱਖਾਂ ਨਹੀਂ ਕਰੋੜਾਂ 'ਚ ਹਨ। ਦਿਲਜੀਤ ਦੁਸਾਂਝ ਭਾਵੇਂ ਅੱਜ ਐਸ਼ੋ-ਆਰਾਮ ਦੀ ਜ਼ਿੰਦਗੀ ਬਤੀਤ ਕਰ ਰਿਹਾ ਹੈ ਪਰ ਇੱਕ ਮੱਧ ਵਰਗੀ ਪਰਿਵਾਰ ਵਿੱਚ ਪਲੇ ਦਿਲਜੀਤ ਨੇ ਆਪਣੀ ਜ਼ਿੰਦਗੀ ਵਿੱਚ ਇੱਕ ਅਜਿਹਾ ਦੌਰ ਵੀ ਦੇਖਿਆ ਜਦੋਂ ਉਸ ਦੇ ਪਰਿਵਾਰ ਦੀ ਆਰਥਿਕ ਹਾਲਤ ਠੀਕ ਨਹੀਂ ਸੀ। ਅੱਜ ਇਹ ਗਾਇਕ ਆਪਣੀ ਹੀ ਤਾਲ 'ਤੇ ਦੁਨੀਆ ਨੂੰ ਨੱਚਾ ਰਿਹਾ ਹੈ।
ਸਿਰਫ 10ਵੀਂ ਪਾਸ ਹੈ ਦਿਲਜੀਤ
ਤੁਹਾਡਾ ਚਹੇਤਾ ਗਾਇਕ ਦਿਲਜੀਤ ਦੋਸਾਂਝ ਸਿਰਫ਼ ਦਸਵੀਂ ਪਾਸ ਹੈ। ਉਸ ਨੇ ਮੁੱਢਲੀ ਪੜ੍ਹਾਈ ਪੰਜਾਬ ਦੇ ਪਿੰਡ ਦੁਸਾਂਝ ਕਲਾਂ ਤੋਂ ਕੀਤੀ ਅਤੇ ਫਿਰ ਲੁਧਿਆਣਾ ਚਲੇ ਗਏ। ਪਿਤਾ ਪੰਜਾਬ ਰੋਡਵੇਜ਼ ਵਿੱਚ ਨੌਕਰੀ ਕਰਦੇ ਸੀ। ਉਸ ਸਮੇਂ ਦਿਲਜੀਤ ਦੇ ਘਰ ਦੀ ਆਰਥਿਕ ਹਾਲਤ ਡਾਵਾਂਡੋਲ ਹੋ ਗਈ ਸੀ। ਇਸ ਲਈ ਉਸ ਨੇ ਗੁਰਦੁਆਰੇ ਵਿੱਚ ਕੀਰਤਨ ਕਰਨਾ ਸ਼ੁਰੂ ਕਰ ਦਿੱਤਾ।
ਆਵਾਜ਼ ਬਹੁਤ ਵਧੀਆ ਸੀ ਇਸ ਲਈ ਦਿਲਜੀਤ ਨੇ ਕਲਾਸੀਕਲ ਗਾਇਕੀ ਵੀ ਸਿੱਖ ਲਈ ਸੀ। ਇਸ ਲਈ ਹਰ ਕੋਈ ਇਸ ਆਵਾਜ਼ ਨੂੰ ਪਸੰਦ ਕਰਨ ਲੱਗਾ। ਮੀਡੀਆ ਰਿਪੋਰਟਾਂ ਦੀ ਮੰਨੀਏ ਤਾਂ ਗੁਰਦੁਆਰੇ 'ਚ ਕੀਰਤਨ ਤੋਂ ਬਾਅਦ ਉਨ੍ਹਾਂ ਨੇ ਵਿਆਹ ਸਮਾਗਮ 'ਚ ਵੀ ਗਾਉਣਾ ਸ਼ੁਰੂ ਕੀਤਾ।
2004 ਵਿੱਚ ਆਈ ਪਹਿਲੀ ਐਲਬਮ
ਦਿਲਜੀਤ ਦੋਸਾਂਝ ਸਿਰਫ ਇਸ ਤੱਕ ਸੀਮਤ ਨਹੀਂ ਰਹਿਣਾ ਚਾਹੁੰਦੇ ਸੀ। ਸਗੋਂ ਉਸਦਾ ਸੁਪਨਾ ਵੱਡਾ ਸੀ। ਇਸ ਲਈ 2004 ਵਿੱਚ ਪਹਿਲੀ ਐਲਬਮ ਇਸ਼ਕ ਦਾ ਉੜਾ ਐਡਾ ਰਿਲੀਜ਼ ਹੋਈ। ਲੋਕਾਂ ਨੇ ਦਿਲਜੀਤ ਦੇ ਗੀਤਾਂ ਨੂੰ ਕਾਫੀ ਪਸੰਦ ਕੀਤਾ। 2009 ਵਿੱਚ ਰੈਪਰ ਹਨੀ ਸਿੰਘ ਨਾਲ ਉਨ੍ਹਾਂ ਦਾ ਗੀਤ ਰਿਲੀਜ਼ ਹੋਇਆ ਸੀ ਅਤੇ ਇਸ ਗੀਤ ਨੇ ਦਿਲਜੀਤ ਨੂੰ ਅਸਲੀ ਪਛਾਣ ਦਿੱਤੀ। ਇਹ ਗੀਤ ਗੋਲੀਆਂ ਸੀ। ਇਸ ਤੋਂ ਬਾਅਦ ਹੀ ਦਿਲਜੀਤ ਦੀ ਪੰਜਾਬੀ ਫਿਲਮ ਇੰਡਸਟਰੀ 'ਚ ਐਂਟਰੀ ਵੀ ਹੋਈ। ਇੱਕ ਤੋਂ ਬਾਅਦ ਇੱਕ ਉਸ ਦੀਆਂ ਫਿਲਮਾਂ ਹਿੱਟ ਹੁੰਦੀਆਂ ਗਈਆਂ ਅਤੇ ਉਹ ਸਟਾਰ ਬਣ ਗਿਆ। 2016 'ਚ ਆਈ 'ਉੜਤਾ ਪੰਜਾਬ' ਨੇ ਉਸ ਲਈ ਬਾਲੀਵੁੱਡ ਦੇ ਰਾਹ ਵੀ ਖੋਲ੍ਹ ਦਿੱਤੇ।
ਹੁਣ ਬਾਲੀਵੁੱਡ ਵਿੱਚ ਵੀ ਦਿਲਜੀਤ ਦੀ ਖਾਸ ਥਾਂ
ਦਿਲਜੀਤ ਦੋਸਾਂਝ ਨਾ ਸਿਰਫ ਪੰਜਾਬੀ ਇੰਡਸਟਰੀ ਦੇ ਸੁਪਰਸਟਾਰ ਹਨ ਸਗੋਂ ਬਾਲੀਵੁੱਡ 'ਚ ਵੀ ਉਨ੍ਹਾਂ ਨੂੰ ਕਾਫੀ ਪਸੰਦ ਕੀਤਾ ਜਾਂਦਾ ਹੈ। ਦਿਲਜੀਤ ਸੂਰਮਾ, ਉੜਤਾ ਪੰਜਾਬ, ਫਿਲੌਰੀ ਅਤੇ ਗੁੱਡ ਨਿਊਜ਼ ਵਰਗੀਆਂ ਫਿਲਮਾਂ 'ਚ ਨਜ਼ਰ ਆ ਚੁੱਕੇ ਹਨ ਅਤੇ ਇਨ੍ਹਾਂ ਫਿਲਮਾਂ 'ਚ ਉਨ੍ਹਾਂ ਦੇ ਕੰਮ ਦੀ ਕਾਫੀ ਤਾਰੀਫ ਵੀ ਹੋਈ ਹੈ। ਅੱਜ ਦਿਲਜੀਤ ਕੋਲ ਕਿਸੇ ਚੀਜ਼ ਦੀ ਕਮੀ ਨਹੀਂ ਹੈ। ਆਲੀਸ਼ਾਨ ਘਰ ਤੋਂ ਲੈ ਕੇ ਕਰੋੜਾਂ ਦੀ ਦੌਲਤ ਤੱਕ, ਦਿਲਜੀਤ ਕੋਲ ਸਭ ਕੁਝ ਹੈ ਅਤੇ ਉਹ ਕਰੋੜਾਂ ਦੇ ਦਿਲਾਂ 'ਤੇ ਰਾਜ ਵੀ ਕਰ ਰਿਹਾ ਹੈ।
ਇਹ ਵੀ ਪੜ੍ਹੋ: Retreat Ceremony at Attari: ਇਸ ਵਾਰ ਆਮ ਲੋਕ ਨਹੀਂ ਦੇਖ ਸਕਣਗੇ ਅਟਾਰੀ 'ਚ 'ਰਿਟਰੀਟ ਸੈਰੇਮਨੀ', ਜਾਣੋ ਕਾਰਨ
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
https://play.google.com/store/apps/details?id=com.winit.starnews.hin