Amar Noori Birthday: ਪੰਜਾਬੀ ਗਾਇਕਾ ਅਮਰ ਨੂਰੀ ਨੇ 23 ਮਈ ਨੂੰ ਆਪਣਾ 56ਵਾਂ ਜਨਮਦਿਨ ਮਨਾਇਆ। ਇਸ ਮੌਕੇ ਗਾਇਕਾ ਦੇ ਪਰਿਵਾਰ ਦੇ ਨਾਲ-ਨਾਲ ਵਾਇਸ ਛੋਟਾ ਲਿਟਲ ਚੈਂਪਸ 9 ਦੇ ਸੈੱਟ ਤੇ ਵੀ ਖੂਬ ਧਮਾਲ ਮਚਾਈ ਗਈ। ਦੱਸ ਦੇਈਏ ਕਿ ਗਾਇਕਾ ਇੰਨੀ ਦਿਨੀਂ ਸ਼ੋਅ ਵਾਇਸ ਛੋਟਾ ਲਿਟਲ ਚੈਂਪਸ 9 ਵਿੱਚ ਜੱਜ ਬਣੇ ਹੋਏ ਦਿਖਾਈ ਦੇ ਰਹੀ ਹੈ। ਇਸ ਵਿਚਕਾਰ ਸ਼ੋਅ ਦੇ ਸੈੱਟ ਉੱਪਰ ਬੱਚਿਆ ਵੱਲੋਂ ਗਾਇਕਾ ਲਈ ਸਪੈਸ਼ਲ ਕੇਕ ਕਟਵਾਇਆ ਗਿਆ। ਜਿਸ ਦਾ ਵੀਡੀਓ ਅਮਰ ਨੂਰੀ ਵੱਲੋਂ ਆਪਣੇ ਸੋਸ਼ਲ ਮੀਡੀਆ ਹੈਂਡਲ ਇੰਸਟਾਗ੍ਰਾਮ ਉੱਪਰ ਸਾਂਝਾ ਕੀਤਾ ਗਿਆ ਹੈ। ਇਸਦੇ ਨਾਲ ਹੀ ਅਮਰ ਨੂਰੀ ਦੇ ਪੁੱਤਰ ਸਾਰੰਗ ਸਿਕੰਦਰ ਵੱਲੋਂ ਆਪਣੀ ਮਾਂ ਨੂੰ ਖਾਸ ਅੰਦਾਜ਼ ਵਿੱਚ ਜਨਮਦਿਨ ਦੀ ਵਧਾਈ ਦਿੱਤੀ ਗਈ।
ਦਰਅਸਲ, ਸਾਰੰਗ ਨੇ ਆਪਣੇ ਸੋਸ਼ਲ ਮੀਡੀਆ ਹੈਂਡਲ ਇੰਸਟਾਗ੍ਰਾਮ ਦੀ ਸਟੋਰੀ ਵਿੱਚ ਆਪਣੀ ਮਾਂ ਅਮਰ ਨੂਰੀ ਨਾਲ ਤਸਵੀਰ ਸ਼ੇਅਰ ਕੀਤੀ ਹੈ। ਜਿਸ ਨੂੰ ਕੈਪਸ਼ਨ ਦਿੰਦੇ ਹੋਏ ਉਨ੍ਹਾਂ ਲਿਖਿਆ, ਹੈਪੀ ਬਰਥ੍ਰਡੇ ਮਾਈ ਜਨਮਦਾਤਾ...ਮੇਰੀ ਮਾਂ ਦੁਨੀਆਂ ਦੀ ਸਭ ਤੋਂ ਮਜ਼ਬੂਤ ਔਰਤ ਹੈ...
ਇਸ ਤੋਂ ਇਲਾਵਾ ਵਾਇਸ ਛੋਟਾ ਲਿਟਲ ਚੈਂਪਸ 9 ਦੇ ਸੈੱਟ ਤੇ ਵੀ ਅਮਰ ਨੂਰੀ ਦੇ ਜਨਮਦਿਨ ਮੌਕੇ ਖੂਬ ਧਮਾਲ ਮਚਾਈ ਗਈ। ਇਸ ਵੀਡੀਓ ਨੂੰ ਸ਼ੇਅਰ ਕਰਦੇ ਹੋਏ ਅਮਰ ਨੂਰੀ ਨੇ ਕੈਪਸ਼ਨ ਵਿੱਚ ਲਿਖਿਆ, ਧੰਨਵਾਦ ਪੀਟੀਸੀ ਅਤੇ ਸਾਰੇ ਪਿਆਰੇ-ਪਿਆਰੇ ਬੱਚੇ ਪੂਰੀ ਟੀਮ ਸਚਿਨ, ਨਿੱਕੂ, ਮੰਨਤ, ਲਾਡੀ, ਭਾਵਨਾ, ਸਾਹਿਲ, ਕੁਨਾਲ ਜੀ. ਹਰਜਿੰਦਰ ਜੀ, ਲਕਸ਼ਮਣ ਜੀ... ਵਿਵੇਕ ਅਤੇ ਸਾਰੀ ਮਿਊਜ਼ਿਕ ਟੀਮ ਅਤੇ ਪੀਟੀਸੀ ਟੀਮ ਦਾ ਬਹੁਤ-ਬਹੁਤ ਧੰਨਵਾਦ... ਮੇਰੇ ਜਨਮਦਿਨ ਨੂੰ ਖਾਸ ਬਣਾਉਣ ਲਈ....
ਅਮਰ ਨੂਰੀ ਦੇ ਵਰਕਫਰੰਟ ਦੀ ਗੱਲ ਕਰਿਏ ਤਾਂ ਉਹ ਵਾਇਸ ਆਫ ਪੰਜਾਬ ਛੋਟਾ ਚੈਂਪ (Voice Of Punjab Chhota Champ) ਨੂੰ ਹੋਸਟ ਕਰਦੇ ਹੋਏ ਦਿਖਾਈ ਦੇ ਰਹੀ ਹੈ। ਇਸ ਤੋਂ ਇਲਾਵਾ ਅਦਾਕਾਰਾ ਹਾਲ ਹੀ ਵਿੱਚ ਫਿਲਮ ਅੰਨ੍ਹੀ ਦਿਆ ਮਜ਼ਾਕ ਏ ਅਤੇ ਉਡੀਕਾਂ ਤੇਰੀਆਂ ਵਿੱਚ ਦਿਖਾਈ ਦਿੱਤੀ। ਇਸਦੇ ਨਾਲ ਹੀ ਅਮਰ ਨੂਰੀ ਫਿਲਮ ਸਾਉਥ ਆੱਫ ਸਾਉਥਹਾਲ ਵਿੱਚ ਦਿਖਾਈ ਦਿੱਤੀ। ਇਸ ਫਿਲਮ ਵਿੱਚ ਸਰਗੁਣ ਮਹਿਤਾ ਸਣੇ ਹੋਰ ਵੀ ਕਈ ਮਸ਼ਹੂਰ ਸਿਤਾਰੇ ਕੰਮ ਕਰਦੇ ਹੋਏ ਦਿਖਾਈ ਦਿੱਤੇ। ਦੱਸ ਦੇਈਏ ਕਿ 19 ਮਈ ਨੂੰ ਰਿਲੀਜ਼ ਹੋਈ ਇਸ ਫਿਲਮ ਨੂੰ ਪ੍ਰਸ਼ੰਸਕਾਂ ਦੀ ਮਿਲੀ-ਜੁਲੀ ਪ੍ਰਤੀਕਿਰਿਆ ਮਿਲ ਰਹੀ ਹੈ।