Ranjit Bawa ਹੁਣ ‘ਪ੍ਰਾਹੁਣਾ 2’ ਨਾਲ ਕਰਨਗੇ ਦਰਸ਼ਕਾਂ ਦਾ ਮਨੋਰੰਜਨ
ਰਣਜੀਤ ਬਾਵਾ ਦੇ ਪ੍ਰਸ਼ੰਸਕਾਂ ਲਈ ਵੱਡੀ ਖਬਰ ਇਹੋ ਹੈ ਕਿ ਪੰਜਾਬੀ ਗਾਇਕ-ਅਦਾਕਾਰ ਰਣਜੀਤ ਬਾਵਾ ਹੁਣ ਸਰਗਰਮ ਹੋ ਗਏ ਹਨ। ਉਨ੍ਹਾਂ ਆਪਣੀ ਆਉਣ ਵਾਲੀ ਇੱਕ ਫਿਲਮ ਵਿਚੋਂ ‘ਪ੍ਰਾਹੁਣਾ 2’ ਦਾ ਐਲਾਨ ਕੀਤਾ।
ਚੰਡੀਗੜ੍ਹ: ਲੌਕਡਾਊਨ ਦੌਰਾਨ ਇਕ ਤੋਂ ਬਾਅਦ ਇਕ ਸਿੰਗਲਜ਼ ਨਾਲ ਆਪਣੇ ਪ੍ਰਸ਼ੰਸਕਾਂ ਦਾ ਮਨੋਰੰਜਨ ਕਰਦੇ ਰਹੇ ਪੰਜਾਬੀ ਗਾਇਕ ਤੇ ਅਦਾਕਾਰ ਰਣਜੀਤ ਬਾਵਾ ਨੇ ਆਪਣੇ ਸੋਸ਼ਲ ਮੀਡੀਆ ਹੈਂਡਲ ਉੱਤੇ ਆਪਣੇ ਅਗਲੇ ਪ੍ਰੋਜੈਕਟ ਬਾਰੇ ਵਿਚਾਰ ਸਾਂਝੇ ਕੀਤੇ ਹਨ। ਭਾਵੇਂ, ਇਸ ਵਾਰ, ਉਨ੍ਹਾਂ ਆਪਣੇ ਅਗਲੇ ਗਾਣੇ ਦਾ ਤਾਂ ਐਲਾਨ ਨਹੀਂ ਕੀਤਾ, ਪਰ ਆਪਣੀ ਅਗਲੀ ਫਿਲਮ ਬਾਰੇ ਜ਼ਰੂਰ ਦੱਸਿਆ ਹੈ।
ਰਣਜੀਤ ਬਾਵਾ ਦੇ ਪ੍ਰਸ਼ੰਸਕਾਂ ਲਈ ਵੱਡੀ ਖਬਰ ਇਹੋ ਹੈ ਕਿ ਪੰਜਾਬੀ ਗਾਇਕ-ਅਦਾਕਾਰ ਰਣਜੀਤ ਬਾਵਾ ਹੁਣ ਸਰਗਰਮ ਹੋ ਗਏ ਹਨ। ਉਨ੍ਹਾਂ ਆਪਣੀ ਆਉਣ ਵਾਲੀ ਇੱਕ ਫਿਲਮ ਵਿਚੋਂ ‘ਪ੍ਰਾਹੁਣਾ 2’ ਦਾ ਐਲਾਨ ਕੀਤਾ, ਜਿਸਦਾ ਨਿਰਦੇਸ਼ਨ ਖਸ਼ਿਤਿਜ ਚੌਧਰੀ ਦੁਆਰਾ ਕੀਤਾ ਗਿਆ ਹੈ ਤੇ ਧੀਰਜ ਕੇਦਾਰਨਾਥ ਰਤਨ ਦੁਆਰਾ ਲਿਖਿਆ ਗਿਆ ਹੈ। ਫਿਲਮ ਵਿੱਚ ਰਣਜੀਤ ਬਾਵਾ ਅਤੇ ਅਦਿਤੀ ਸ਼ਰਮਾ ਮੁੱਖ ਭੂਮਿਕਾ ਵਿੱਚ ਹਨ। ਬਾਕੀ ਅਦਾਕਾਰਾਂ ਵਿੱਚ ਗੁਰਪ੍ਰੀਤ ਘੁੱਗੀ, ਪ੍ਰਭ ਗਰੇਵਾਲ, ਮਲਕੀਤ ਰੌਣੀ, ਅਮਾਨਤ ਚੰਨ ਹਨ।
ਦਾਰਾ ਫ਼ਿਲਮਜ਼ ਐਂਡਡ ਬਨਵੈਤ ਫਿਲਮਜ਼ ਦੇ ਬੈਨਰ ਹੇਠ ਰਣਜੀਤ ਬਾਵਾ ਦੇ ਆਉਣ ਵਾਲੇ ਪ੍ਰੋਜੈਕਟਾਂ ਵਿੱਚ ‘ਅਕਲ ਦੇ ਅੰਨੇ’, ‘ਡੈਡੀ ਕੂਲ ਮੁੰਡੇ ਫੂਲ 2’, ‘ਬਰਾਤੀ ਫੁੱਰ’, ‘ਕਾਲੇ ਕੱਛਿਆਂ ਵਾਲੇ’ ਅਤੇ ‘ਖਾਓ ਪਿਓ ਐਸ਼ ਕਰੋ’ ਸ਼ਾਮਲ ਹਨ। ਇਨ੍ਹਾਂ ਸਭ ਦੀਆਂ ਰਿਲੀਜ਼ ਤਰੀਕਾਂ 'ਤੇ ਅਪਡੇਟਸ ਦੀ ਉਡੀਕ ਹੈ, ਕਿਉਂਕਿ ਕੋਵਿਡ ਸੰਕਟ ਦੇ ਕਾਰਨ, ਅਜੇ ਤੱਕ ਕੁਝ ਵੀ ਠੋਸ ਰੂਪ ਵਿੱਚ ਸਥਾਪਤ ਨਹੀਂ ਕੀਤਾ ਗਿਆ ਹੈ। ਇਸ ਲਈ ਰਣਜੀਤ ਬਾਵਾ ਦੀਆਂ ਕੁਝ ਦਿਲਚਸਪ ਤੇ ਅਨੋਖੀ ਫਿਲਮਾਂ ਦੇਖਣ ਲਈ ਤਿਆਰ ਹੋ ਜਾਓ। ਉਸ ਦੀਆਂ ਫਿਲਮਾਂ ਦੇ ਰਿਲੀਜ਼ ਹੋਣ ਦੀ ਉਡੀਕ ਕਦੋਂ ਮੁੱਕੇਗੀ, ਪਤਾ ਨਹੀਂ।
ਇਹ ਵੀ ਪੜ੍ਹੋ: ਸੜਕ 'ਤੇ ਜਾਂਦੇ ਮੋਟਰਸਾਈਕਲ ਨੂੰ ਅਸਮਾਨੀ ਬਿਜਲੀ ਡਿੱਗਣ ਨਾਲ ਲੱਗੀ ਅੱਗ, ਵਿਅਕਤੀ ਝੁਲਸਿਆ
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
https://play.google.com/store/apps/details?id=com.winit.starnews.hin
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
