Rapper Nseeb: ਰੈਪਰ ਨਸੀਬ ਨੇ ਪੱਗ ਵਾਲੇ ਬਿਆਨ ਤੇ ਦਿੱਤੀ ਸਫਾਈ, ਯੂਟਿਊਬਰ ਅਮਨ ਔਜਲਾ ਨੇ ਫਿਰ ਖਿੱਲੀ ਉਡਾਈ
Youtuber Aman Aujla- Rapper Nseeb Controversy: ਪੰਜਾਬੀ ਰੈਪਰ ਨਸੀਬ ਇਨ੍ਹੀਂ ਦਿਨੀਂ ਲਗਾਤਾਰ ਸੁਰਖੀਆਂ ਬਟੋਰ ਰਹੇ ਹਨ। ਇਸਦੀ ਵਜ੍ਹਾਂ ਹਾਲ ਹੀ ਵਿੱਚ ਉਨ੍ਹਾਂ ਵੱਲੋਂ ਚਾਏ ਵਿਧ ਟੀ ਪੋਡਕਾਸਟ ਵਿੱਚ ਦਿੱਤਾ ਇੰਟਰਵਿਊ
Youtuber Aman Aujla- Rapper Nseeb Controversy: ਪੰਜਾਬੀ ਰੈਪਰ ਨਸੀਬ ਇਨ੍ਹੀਂ ਦਿਨੀਂ ਲਗਾਤਾਰ ਸੁਰਖੀਆਂ ਬਟੋਰ ਰਹੇ ਹਨ। ਇਸਦੀ ਵਜ੍ਹਾਂ ਹਾਲ ਹੀ ਵਿੱਚ ਉਨ੍ਹਾਂ ਵੱਲੋਂ ਚਾਏ ਵਿਧ ਟੀ ਪੋਡਕਾਸਟ ਵਿੱਚ ਦਿੱਤਾ ਇੰਟਰਵਿਊ ਹੈ। ਇਸ ਦੌਰਾਨ ਗੱਲਾਂ-ਗੱਲਾਂ ਵਿੱਚ ਰੈਪਰ ਨਸੀਬ ਨੇ ਕਈ ਅਜਿਹੀਆਂ ਗੱਲਾਂ ਕਹੀਆਂ ਜਿਸ ਨਾਲ ਲੋਕਾਂ ਦੇ ਨਾਲ-ਨਾਲ ਯੂਟਿਊਬਰ ਅਮਨ ਔਜਲਾ ਵੀ ਗੁੱਸੇ ਨਾਲ ਅੱਗ ਬਬੂਲਾ ਹੋ ਗਏ। ਦੱਸ ਦੇਈਏ ਕਿ ਰੈਪਰ ਨਸੀਬ ਨੇ ਇਸ ਦੌਰਾਨ ਸਿੱਧੂ ਮੂਸੇਵਾਲਾ ਸਣੇ ਪੱਗ ਨੂੰ ਲੈ ਕਈ ਅਜਿਹੀਆਂ ਗੱਲਾਂ ਕਹੀਆਂ ਜਿਸਨੇ ਰੈਪਰ ਨਸੀਬ ਨੂੰ ਹਰ ਕਿਸੇ ਦੀਆਂ ਨਜ਼ਰਾਂ ਵਿੱਚ ਬੁਰਾ ਬਣਾ ਦਿੱਤਾ।
ਦੱਸ ਦੇਈਏ ਕਿ ਰੈਪਰ ਨਸੀਬ ਨੇ ਇੰਟਰਵਿਊ ਦੇਣ ਤੋਂ ਬਾਅਦ ਸੋਸ਼ਲ ਮੀਡੀਆ ਹੈਂਡਲ ਉੱਪਰ ਪੱਗ ਵਾਲੇ ਬਿਆਨ ਨੂੰ ਲੈ ਸਫਾਈ ਦਿੱਤੀ ਹੈ। ਇਸ ਦੌਰਾਨ ਉਨ੍ਹਾਂ ਕਿਹਾ ਉਹ ਇਹ ਬਿਆਨ ਅੰਗਰੇਜ਼ੀ ’ਚ ਦੇ ਗਿਆ, ਜੋ ਲੋਕਾਂ ਨੂੰ ਜ਼ਿਆਦਾ ਗਲਤ ਲੱਗ ਗਿਆ। ਰੈਪਰ ਨੇ ਕਿਹਾ ਕਿ ਪੱਗ ਇਕੱਲੀ ਇਨ੍ਹਾਂ ਚੀਜ਼ਾਂ ਨਾਲ ਨਹੀਂ ਜੁੜੀ, ਪੱਗ ਦਾ ਵੱਖਰਾ ਰੋਹਬ ਤੇ ਕਿਰਦਾਰ ਹੈ। ਪੱਗ ਬੰਨ੍ਹਣ ਨਾਲ ਤੁਹਾਡਾ ਕਿਰਦਾਰ ਵੱਡਾ ਹੁੰਦਾ ਹੈ ਤੇ ਤੁਹਾਨੂੰ ਵੱਧ ਇੱਜ਼ਤ ਮਿਲਦੀ ਹੈ। ਆਪਣੇ ਪਹਿਰਾਵੇ ਤੇ ਕਲਚਰ ’ਤੇ ਮਾਣ ਰੱਖਣਾ ਚਾਹੀਦਾ ਹੈ। ਤਰਸੇਮ ਜੱਸੜ, ਦਿਲਜੀਤ ਦੋਸਾਂਝ ਤੇ ਸਿੱਧੂ ਮੂਸੇ ਵਾਲਾ ਨੇ ਪੱਗ ਨੂੰ ਦੁਨੀਆ ਭਰ ’ਚ ਮਸ਼ਹੂਰ ਕੀਤਾ। ਉਨ੍ਹਾਂ ਕਿਹਾ ਕਿ ਪੱਗ ਸ਼ਹੀਦੀਆਂ ਦੇ ਕੇ ਮਿਲੀ ਹੈ। ਉਸ ਨੂੰ ਲੋਕ ਜ਼ਿਆਦਾ ਪਿਆਰ ਇਸੇ ਲਈ ਦਿੰਦੇ ਹਨ ਕਿਉਂਕਿ ਉਸ ਨੇ ਪੱਗ ਬੰਨ੍ਹੀ ਹੈ। ਅਖੀਰ ’ਚ ਨਸੀਬ ਨੇ ਇਹ ਵੀ ਕਿਹਾ ਕਿ ਉਹ ਬਹੁਤ ਨੀਵਾਂ ਤੇ ਸਭ ਤੋਂ ਮਾੜਾ ਹੈ।
ਨਸੀਬ ਦੀ ਸਫਾਈ ਤੇ ਬੋਲਿਆ ਅਮਨ ਔਜਲਾ
ਰੈਪਰ ਨਸੀਬ ਦੇ ਇਸ ਬਿਆਨ ਤੋਂ ਬਾਅਦ ਇੱਕ ਵਾਰ ਫਿਰ ਤੋਂ ਯੂਟਿਊਬਰ ਅਮਨ ਔਜਲਾ ਨੇ ਰੈਪਰ ਨਸੀਬ ਨੂੰ ਘੇਰ ਲਿਆ ਹੈ। ਇਸ ਬਿਆਨ ਉੱਪਰ ਰਿਐਕਟ ਕਰਦੇ ਹੋਏ ਅਮਨ ਔਜਲਾ ਨੇ ਕਿਹਾ ਸਫਾਈਆਂ ਨਾ ਦੇ ਹੁਣ @nseeb604 ਬੋਲਣ ਲੱਗੇ ਜ਼ੁਬਾਨ ਤੇ ਕੰਟਰੋਲ ਰੱਖਣਾ ਚਾਹੀਦਾ, ਤੇ ਗਲਤੀ ਮੰਨ ਲੈਣੀ ਚਾਹੀਦੀ ਆ, ਜਿਹੜੀ ਤੂੰ ਹਾਲੇ ਤੱਕ ਨਹੀਂ ਮੰਨਦਾ... ਦੇਖੋ ਅਮਨ ਦੀ ਇਹ ਪੋਸਟ...
View this post on Instagram
ਜਾਣੋ ਰੈਪਰ ਨਸੀਬ ਨੇ ਪੱਗ ਵਾਲੇ ਬਿਆਨ 'ਚ ਕੀ ਕਿਹਾ
ਕਾਬਿਲੇਗੌਰ ਹੈ ਕਿ ਰੈਪਰ ਨਸੀਬ ਨੇ ਚਾਏ ਵਿਧ ਟੀ ਪੋਡਕਾਸਟ ਵਿੱਚ ਦਿੱਤੇ ਇੰਟਰਵਿਊ ਦੌਰਾਨ ਕਿਹਾ ਕਿ ਜੇਕਰ ਤੁਸੀਂ ਪੱਗ ਬੰਨ੍ਹਦੇ ਹੋ ਤਾਂ ਤੁਹਾਨੂੰ ਜ਼ਿਆਦਾ ਕੁੜੀਆਂ, ਜ਼ਿਆਦਾ ਸ਼ੋਹਰਤ ਤੇ ਜ਼ਿਆਦਾ ਪੈਸਾ ਇਸੇ ਗੱਲ ਨੂੰ ਉਸਨੇ ਅੰਗਰੇਜ਼ੀ ਵਿੱਚ ਵੀ ਦੁਹਰਾਇਆ। ਜਿਸ ਤੋਂ ਬਾਅਦ ਰੈਪਰ ਨਸੀਬ ਦਾ ਲਗਾਤਾਰ ਵਿਰੋਧ ਹੋਣ ਲੱਗ ਪਿਆ। ਹਾਲਾਂਕਿ ਹਰ ਕੋਈ ਉਸ ਨੂੰ ਮੁਆਫ਼ੀ ਮੰਗਣ ਲਈ ਕਹਿ ਰਿਹਾ ਹੈ। ਜਦਕਿ ਨਸੀਬ ਨੇ ਇਸ ਉੱਪਰ ਆਪਣਾ ਬਿਆਨ ਦੇ ਕਈ ਗੱਲਾਂ ਹੇਟਰਸ ਨੂੰ ਸੁਣਾਈਆਂ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
