![ABP Premium](https://cdn.abplive.com/imagebank/Premium-ad-Icon.png)
Amrit Maan: ਅੰਮ੍ਰਿਤ ਮਾਨ ਦੇ ਸ਼ੋਅ 'ਚ ਵਿਵਾਦ, ਗਾਇਕ 'ਤੇ ਲੱਗਿਆ ਪੈਸੇ ਲੈਕੇ ਸ਼ੋਅ ਅੱਧ ਵਿਚਾਲੇ ਛੱਡਣ ਦਾ ਇਲਜ਼ਾਮ, ਜਾਣੋ ਮਾਮਲਾ
Amrit Maan Controversy: ਅੰਮ੍ਰਿਤ ਮਾਨ ਨੇ ਮੋਗਾ 'ਚ ਇੱਕ ਵਿਆਹ 'ਚ ਸਟੇਜ ਪਰਫਾਰਮੈਂਸ ਦਿੱਤੀ ਸੀ। ਇਸ ਦੌਰਾਨ ਕੁੱਝ ਅਜਿਹਾ ਹੋਇਆ ਸੀ ਕਿ ਉਹ ਸ਼ੋਅ ਅੱਧ ਵਿਚਾਲੇ ਛੱਡ ਕੇ ਚਲਾ ਗਿਆ। ਇਸ ਤੋਂ ਬਾਅਦ ਇਹ ਸਾਰਾ ਵਿਵਾਦ ਬੁਰੀ ਤਰ੍ਹਾਂ ਭਖ ਗਿਆ।
![Amrit Maan: ਅੰਮ੍ਰਿਤ ਮਾਨ ਦੇ ਸ਼ੋਅ 'ਚ ਵਿਵਾਦ, ਗਾਇਕ 'ਤੇ ਲੱਗਿਆ ਪੈਸੇ ਲੈਕੇ ਸ਼ੋਅ ਅੱਧ ਵਿਚਾਲੇ ਛੱਡਣ ਦਾ ਇਲਜ਼ਾਮ, ਜਾਣੋ ਮਾਮਲਾ punjabi singer amrit maan controversy why amrit maan left in the middle of the stage show details inside Amrit Maan: ਅੰਮ੍ਰਿਤ ਮਾਨ ਦੇ ਸ਼ੋਅ 'ਚ ਵਿਵਾਦ, ਗਾਇਕ 'ਤੇ ਲੱਗਿਆ ਪੈਸੇ ਲੈਕੇ ਸ਼ੋਅ ਅੱਧ ਵਿਚਾਲੇ ਛੱਡਣ ਦਾ ਇਲਜ਼ਾਮ, ਜਾਣੋ ਮਾਮਲਾ](https://feeds.abplive.com/onecms/images/uploaded-images/2023/02/11/0d5c2e3951ed246e854c8d86dc614b311676100806736469_original.jpg?impolicy=abp_cdn&imwidth=1200&height=675)
Amrit Maan Controversy: ਪੰਜਾਬੀ ਗਾਇਕ ਅੰਮ੍ਰਿਤ ਮਾਨ ਦਾ ਨਾਂ ਮੁੜ ਸੁਰਖੀਆਂ 'ਚ ਹੈ। ਗਾਇਕ ਨੂੰ ਲੈਕੇ ਵੱਡੀ ਅਪਡੇਟ ਸਾਹਮਣੇ ਆ ਰਹੀ ਹੈ। ਹਾਲ ਹੀ 'ਚ ਅੰਮ੍ਰਿਤ ਮਾਨ ਨੇ ਮੋਗਾ 'ਚ ਇੱਕ ਵਿਆਹ 'ਚ ਸਟੇਜ ਪਰਫਾਰਮੈਂਸ ਦਿੱਤੀ ਸੀ। ਇਸ ਦੌਰਾਨ ਕੁੱਝ ਅਜਿਹਾ ਹੋਇਆ ਸੀ ਕਿ ਉਹ ਸ਼ੋਅ ਅੱਧ ਵਿਚਾਲੇ ਛੱਡ ਕੇ ਚਲਾ ਗਿਆ। ਇਸ ਤੋਂ ਬਾਅਦ ਇਹ ਸਾਰਾ ਵਿਵਾਦ ਬੁਰੀ ਤਰ੍ਹਾਂ ਭਖ ਗਿਆ।
ਕੀ ਹੈ ਪੂਰਾ ਮਾਮਲਾ?
ਦਰਅਸਲ, ਕੈਨੇਡਾ ਤੋਂ ਪੰਜਾਬ ਪਰਤੇ ਨੌਜਵਾਨ ਪ੍ਰਭਜੋਤ ਸਿੰਘ ਦਾ ਮੋਗਾ 'ਚ ਵਿਆਹ ਸੀ। ਉਸ ਨੇ ਆਪਣੇ ਵਿਆਹ ਅੰਮ੍ਰਿਤ ਮਾਨ ਨੂੰ ਸਟੇਜ ਸ਼ੋਅ ਲਈ ਬੁੱਕ ਕੀਤਾ ਸੀ। 10 ਫਰਵਰੀ ਨੂੰ ਵਿਆਹ ਮੌਕੇ ਅੰਮ੍ਰਿਤ ਮਾਨ ਪਹੁੰਚਿਆ। ਉਹ ਸਟੇਜ ਪਰਫਾਰਮੈਂਸ ਦੇ ਰਿਹਾ ਸੀ ਕਿ ਅਚਾਨਕ ਇੱਕ ਵਿਅਕਤੀ ਸ਼ਰਾਬ ਦੇ ਨਸ਼ੇ 'ਚ ਸਟੇਜ 'ਤੇ ਆ ਕੇ ਮਾਨ ਨਾਲ ਸੈਲਫੀ ਲੈਣ ਲੱਗਿਆ, ਪਰ ਗਾਇਕ ਨੇ ਉਸ ਦੇ ਨਾਲ ਸੈਲਫੀ ਲੈਣ ਤੋਂ ਇਨਕਾਰ ਕਰ ਦਿੱਤਾ। ਇਸ ਤੋਂ ਬਾਅਦ ਹੀ ਵਿਵਾਦ ਸ਼ੁਰੂ ਹੋਇਆ।
ਲਾੜੇ ਪ੍ਰਭਜੋਤ ਸਿੰਘ ਨੇ ਸਟੇਜ 'ਤੇ ਜਾ ਕੇ ਅੰਮ੍ਰਿਤ ਮਾਨ ਨੂੰ ਖੂਬ ਖਰੀਆਂ ਖੋਟੀਆਂ ਸੁਣਾਈਆਂ ਤੇ ਨਾਲ ਹੀ ਬੁਰੀ ਸ਼ਬਦਾਵਲੀ ਦੀ ਵਰਤੋਂ ਕੀਤੀ। ਇਸ 'ਤੇ ਗੁੱਸੇ 'ਚ ਆਏ ਗਾਇਕ ਨੇ ਸ਼ੋਅ ਅੱਧ ਵਿਚਾਲੇ ਛੱਡਿਆ ਅਤੇ ਚਲਾ ਗਿਆ। ਇਸ ਤੋਂ ਬਾਅਦ ਹੀ ਵਿਵਾਦ ਹੋਰ ਜ਼ਿਆਦਾ ਭਖ ਗਿਆ। ਪ੍ਰਭਜੋਤ ਤੇ ਉਸ ਦੇ ਪਰਿਵਾਰ ਦਾ ਕਹਿਣੈ ਕਿ ਅੰਮ੍ਰਿਤ ਮਾਨ ਨੂੰ ਵਿਆਹ 'ਚ ਪਰਫਾਰਮ ਕਰਨ ਲਈ 6 ਲੱਖ ਰੁਪਏ ਦਿੱਤੇ ਗਏ, ਪਰ ਉਹ ਸ਼ੋਅ ਅੱਧ ਵਿਚਾਲੇ ਛੱਡ ਗਿਆ। ਇਸ ਤੋਂ ਬਾਅਦ ਲਾੜੇ ਤੇ ਉਸ ਦੇ ਪਰਿਵਾਰਕ ਮੈਂਬਰਾਂ ਨੇ ਅੰਮ੍ਰਿਤ ਮਾਨ ਤੇ ਉਸ ਦੇ ਮੈਨੇਜਰ ਨੂੰ ਘੇਰ ਲਿਆ।
ਫਿਲਹਾਲ ਇਹ ਸਾਰਾ ਮਾਮਲਾ ਪੁਲਿਸ ਕੋਲ ਪਹੁੰਚਿਆ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਅੰਮ੍ਰਿਤ ਮਾਨ ਨੇ ਪੁਲਿਸ ਨੂੰ ਸ਼ਿਕਾਇਤ ਕੀਤੀ ਹੈ। ਪੁਲਿਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ। ਪੁਲਿਸ ਤੋਂ ਮਿਲੀ ਜਾਣਕਾਰੀ ਦੇ ਮੁਤਾਬਕ ਲੜਕੇ ਦਾ ਪਰਿਵਾਰ ਗਾਇਕ ਤੋਂ ਆਪਣੇ 6 ਲੱਖ ਰੁਪਏ ਵਾਪਸ ਮੰਗ ਰਿਹਾ ਹੈ। ਦੂਜੇ ਪਾਸੇ ਅੰਮ੍ਰਿਤ ਮਾਨ ਵੱਲੋਂ ਹਾਲੇ ਤੱਕ ਇਸ ਮਾਮਲੇ 'ਤੇ ਕੋਈ ਪ੍ਰਤੀਕਿਿਰਆ ਨਹੀਂ ਦਿੱਤੀ ਗਈ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
![ABP Premium](https://cdn.abplive.com/imagebank/metaverse-mid.png)