Yo Yo Honey Singh: ਯੋ ਯੋ ਹਨੀ ਸਿੰਘ ਵੱਲੋਂ ਨਵੀਂ ਐਲਬਮ ਦਾ ਐਲਾਨ, ਗਾਣਿਆਂ ਨਾਲ ਲੋਕਾਂ ਦੇ ਤਾਹਨਿਆਂ ਦਾ ਦੇਣਗੇ ਜਵਾਬ

Yo Yo Honey Singh: ਹਨੀ ਸਿੰਘ ਨੇ ਇਸ ਬਾਰੇ ਆਪਣੇ ਅਧਿਕਾਰਤ ਸੋਸ਼ਲ ਮੀਡੀਆ ਅਕਾਊਂਟ ਤੇ ਇੱਕ ਵੀਡੀਓ ਪੋਸਟ ਕੀਤਾ। ਇਸ ਵੀਡੀਓ ਜ਼ਰੀਏ ਉਨ੍ਹਾਂ ਨੇ ਆਪਣੇ ਕੰਮਬੈਕ ਦਾ ਐਲਾਨ ਕੀਤਾ।ਵੀਡੀਓ `ਚ ਹਨੀ ਸਿੰਘ ਨੇ ਆਪਣੀ ਅਗਲੀ ਐਲਬਮ ਦੀ ਇੱਕ ਝਲਕ ਸਾਂਝੀ ਕੀਤੀ

ਯੋ ਯੋ ਹਨੀ ਸਿੰਘ ਵੱਲੋਂ ਨਵੀਂ ਐਲਬਮ ਦਾ ਐਲਾਨ, ਗਾਣਿਆਂ ਨਾਲ ਲੋਕਾਂ ਦੇ ਤਾਹਨਿਆਂ ਦਾ ਦੇਣਗੇ ਜਵਾਬ

Yo Yo Honey Singh Comeback Album: ਪੰਜਾਬੀ ਸਿੰਗਰ ਤੇ ਰੈਪਰ ਯੋ ਯੋ ਹਨੀ ਸਿੰਘ ਇੰਨੀਂ ਦਿਨੀਂ ਸੁਰਖੀਆਂ ਵਿੱਚ ਹਨ। ਹਾਲ ਹੀ `ਚ ਹਨੀ ਸਿੰਘ ਦਾ ਤਲਾਕ ਹੋਇਆ ਹੈ। ਰੈਪਰ ਦੇ ਤਲਾਕ ਦੀ ਖਬਰ ਨੇ ਖੂਬ ਸੁਰਖੀਆਂ ਬਟੋਰੀਆਂ। ਹੁਣ ਹਨੀ ਸਿੰਘ ਨੇ ਆਪਣੇ ਪੰਜਾਬੀ ਇੰਡਸਟਰੀ `ਚ ਕੰਮਬੈਕ ਦਾ ਐਲਾਨ ਕਰ ਦਿਤਾ ਹੈ। ਜੀ ਹਾਂ, ਹਨੀ ਸਿੰਘ ਆਪਣੀ ਨਵੀਂ ਐਲਬਮ 3.0 ਨਾਲ ਇੰਡਸਟਰੀ `ਚ ਵਾਪਸੀ ਕਰਨ ਜਾ ਰਹੇ ਹਨ।

ਹਨੀ ਸਿੰਘ ਨੇ ਇਸ ਬਾਰੇ ਆਪਣੇ ਅਧਿਕਾਰਤ ਸੋਸ਼ਲ ਮੀਡੀਆ ਅਕਾਊਂਟ ਤੇ ਇੱਕ ਵੀਡੀਓ ਪੋਸਟ ਕੀਤਾ। ਇਸ ਵੀਡੀਓ ਦੇ ਜ਼ਰੀਏ ਉਨ੍ਹਾਂ ਨੇ ਆਪਣੇ ਕੰਮਬੈਕ ਦਾ ਐਲਾਨ ਕੀਤਾ। ਵੀਡੀਓ `ਚ ਹਨੀ ਸਿੰਘ ਨੇ ਆਪਣੀ ਅਗਲੀ ਐਲਬਮ ਦੀ ਇੱਕ ਝਲਕ ਸਾਂਝੀ ਕੀਤੀ ਹੈ। ਵੀਡੀਓ `ਚ ਅਖਬਾਰ ਦੀ ਉਹ ਕਟਿੰਗ ਹਨ, ਜਿਨ੍ਹਾਂ ਵਿੱਚ ਮੀਡੀਆ ਵੱਲੋਂ ਹਨੀ ਸਿੰਘ ਤੇ ਸਵਾਲ ਉਠਾਏ ਗਏ ਸੀ। ਇਸ ਨਾਲ ਲੋਕਾਂ ਦੇ ਤਾਹਨਿਆਂ ਦਾ ਵੀ ਉਹ ਇਸੇ ਐਲਬਮ ਦੇ ਜ਼ਰੀਏ ਜਵਾਬ ਦੇਣ ਜਾ ਰਹੇ ਹਨ।

ਅਖਬਾਰ ਦੀ ਕਟਿੰਗ `ਚ ਹਨੀ ਸਿੰਘ ਬਾਰੇ ਛਪੀਆਂ ਖਬਰਾਂ ਦਾ ਜ਼ਿਕਰ ਹੈ। ਜਦੋਂ ਇੰਡਸਟਰੀ ਤੋਂ ਅਚਾਨਕ ਗਾਇਬ ਹੋਣ ਕਰਕੇ ਹਨੀ ਸਿੰਘ ਸੁਰਖੀਆਂ `ਚ ਆ ਗਏ ਸੀ। ਇਨ੍ਹਾਂ ਕਟਿੰਗਜ਼ ਤੇ ਲਿਖਿਆ ਹੈ, "ਯੋ ਯੋ ਹਨੀ ਸਿੰਘ ਕਿੱਥੇ ਹੈ?" ਤੇ ਇਹ ਵੀ ਲਿਖਿਆ ਹੈ ਕਿ "ਕੀ ਯੋ ਯੋ ਹਨੀ ਸਿੰਘ ਵਾਪਸੀ ਕਰ ਸਕੇਗਾ।"   

 

 

 

 

 

View this post on Instagram

 

 

 

 

 

 

 

 

 

 

 

A post shared by Yo Yo Honey Singh (@yoyohoneysingh)

ਹਨੀ ਸਿੰਘ ਵੱਲੋਂ ਸ਼ੇਅਰ ਕੀਤੀ ਗਈ ਇਸ ਪੋਸਟ ਨੂੰ ਹੁਣ ਤੱਕ 1.8 ਮਿਲੀਅਨ ਤੋਂ ਵੱਧ ਵਾਰ ਦੇਖਿਆ ਗਿਆ ਹੈ, ''ਹਨੀ 3.0 ਐਲਬਮ ਜਲਦੀ ਆ ਰਹੀ ਹੈ!!'' ਦੱਸਣਯੋਗ ਹੈ ਕਿ ਹਨੀ ਸਿੰਘ ਨੂੰ ਉਨ੍ਹਾਂ ਦੇ ਰੈਪ ਗੀਤਾਂ ਲਈ ਜਾਣਿਆ ਜਾਂਦਾ ਹੈ। ਉਨ੍ਹਾਂ ਦੇ ਕਈ ਗੀਤ 'ਬ੍ਰਾਊਨ ਰੰਗ', 'ਬਲੂ ਆਈਜ਼', 'ਅੰਗਰੇਜ਼ੀ ਬੀਟ', 'ਡੋਪ ਸ਼ਾਪ' ਅਤੇ 'ਮਨਾਲੀ ਟਰਾਂਸ' ਵਰਗੇ ਗੀਤਾਂ ਲਈ ਜਾਣਿਆ ਜਾਂਦਾ ਹੈ। ਹਨੀ ਸਿੰਘ ਦੇ ਫੈਨਜ਼ ਉਨ੍ਹਾਂ ਦੀ ਇਸ ਨਵੀਂ ਮਿਊਜ਼ਿਕ ਐਲਬਮ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਹਨ।