![ABP Premium](https://cdn.abplive.com/imagebank/Premium-ad-Icon.png)
Kaka Girlfriend: ਪੰਜਾਬੀ ਸਿੰਗਰ ਕਾਕਾ ਦਾ ਇਸ ਲੜਕੀ ਨਾਲ ਚੱਲ ਰਿਹਾ ਚੱਕਰ? ਸ਼ੇਅਰ ਕੀਤੀ ਰੋਮਾਂਟਿਕ ਵੀਡੀਓ
Punjabi SInger Kaka: ਕਾਕਾ ਨੇ ਇੰਸਟਾਗ੍ਰਾਮ ਤੇ ਇੱਕ ਵੀਡੀਓ ਸ਼ੇਅਰ ਕੀਤੀ ਹੈ, ਜਿਸ ਵਿੱਚ ਉਹ ਇੱਕ ਲੜਕੀ ਨਾਲ ਨਜ਼ਰ ਆ ਰਹੇ ਹਨ। ਉਨ੍ਹਾਂ ਨੇ ਆਪਣੇ ਗੀਤ ਮਿੱਟੀ ਦੇ ਟਿੱਬੇ ਦੀ ਇੱਕ ਰੋਮਾਂਟਿਕ ਲਾਈਨ ਤੇ ਉਸ ਲੜਕੀ ਨਾਲ ਰੀਲ ਬਣਾਈ ਹੈ
![Kaka Girlfriend: ਪੰਜਾਬੀ ਸਿੰਗਰ ਕਾਕਾ ਦਾ ਇਸ ਲੜਕੀ ਨਾਲ ਚੱਲ ਰਿਹਾ ਚੱਕਰ? ਸ਼ੇਅਰ ਕੀਤੀ ਰੋਮਾਂਟਿਕ ਵੀਡੀਓ punjabi singer kaka shares romantic video with a girl know who she is Kaka Girlfriend: ਪੰਜਾਬੀ ਸਿੰਗਰ ਕਾਕਾ ਦਾ ਇਸ ਲੜਕੀ ਨਾਲ ਚੱਲ ਰਿਹਾ ਚੱਕਰ? ਸ਼ੇਅਰ ਕੀਤੀ ਰੋਮਾਂਟਿਕ ਵੀਡੀਓ](https://feeds.abplive.com/onecms/images/uploaded-images/2022/09/14/c16dae0005abbd5ad9ef95b04f81f3ae1663149227187469_original.jpg?impolicy=abp_cdn&imwidth=1200&height=675)
Punjabi Singer Kaka: ਪੰਜਾਬੀ ਸਿੰਗਰ ਕਾਕਾ ਇੰਨੀਂ ਦਿਨੀਂ ਖੂਬ ਸੁਰਖੀਆਂ ਬਟੋਰ ਰਹੇ ਹਨ। ਉਨ੍ਹਾਂ ਦਾ ਗਾਣਾ `ਮਿੱਟੀ ਦੇ ਟਿੱਬੇ` ਜ਼ਬਰਦਸਤ ਹਿੱਟ ਹੋਇਆ ਹੈ। ਡੇਢ ਮਹੀਨਾ ਪਹਿਲੇ ਰਿਲੀਜ਼ ਹੋਏ ਇਸ ਗੀਤ ਨੂੰ ਹੁਣ ਤੱਕ 5 ਕਰੋੜ ਤੋਂ ਜ਼ਿਆਦਾ ਲੋਕ ਦੇਖ ਚੁੱਕੇ ਹਨ। ਇਹੀ ਨਹੀਂ ਇਹ ਗਾਣਾ ਸੋਸ਼ਲ ਮੀਡੀਆ `ਤੇ ਵੀ ਛਾਇਆ ਹੋਇਆ ਹੈ। ਇਸ ਗੀਤ ਤੇ ਲੋਕ ਖੂਬ ਰੀਲਾਂ ਬਣਾ ਰਹੇ ਹਨ।
ਹੁਣ ਫ਼ਿਰ ਤੋਂ ਕਾਕਾ ਸੁਰਖੀਆਂ `ਚ ਆ ਗਏ ਹਨ। ਦਰਅਸਲ ਕਾਕਾ ਨੇ ਇੰਸਟਾਗ੍ਰਾਮ ਤੇ ਇੱਕ ਵੀਡੀਓ ਸ਼ੇਅਰ ਕੀਤੀ ਹੈ, ਜਿਸ ਵਿੱਚ ਉਹ ਇੱਕ ਲੜਕੀ ਨਾਲ ਨਜ਼ਰ ਆ ਰਹੇ ਹਨ। ਉਨ੍ਹਾਂ ਨੇ ਆਪਣੇ ਗੀਤ ਮਿੱਟੀ ਦੇ ਟਿੱਬੇ ਦੀ ਇੱਕ ਰੋਮਾਂਟਿਕ ਲਾਈਨ ਤੇ ਉਸ ਲੜਕੀ ਨਾਲ ਰੀਲ ਬਣਾਈ ਹੈ। ਇਸ ਗੀਤ ਦੀਆਂ ਲਾਈਨਾਂ "ਅੱਖਾਂ ਵਿੱਚੋਂ ਕਿੰਨਾ ਬੋਲਦੀ ਐਂ ਚਿਹਰੇ ਮੇਰੇ ਚੋਂ ਕੀ ਟੋਲਦੀ ਐਂ, ਮੇਰੇ ਵਿੱਚੋਂ ਤੈਨੂੰ ਐਸਾ ਕੀ ਦਿਖਿਆ ਕਿ ਬਾਕੀ ਇੰਨੇ ਦਿਲ ਰੋਲਦੀ ਐਂ।" ਵੀਡੀਓ ਸ਼ੇਅਰ ਕਰਦਿਆਂ ਕਾਕਾ ਨੇ ਕੈਪਸ਼ਨ `ਚ ਲਿਖਿਆ, "ਚਿਹਰੇ ਮੇਰੇ ਚੋਂ ਕੀ ਟੋਲਦੀ ਐਂ?" ਦੇਖੋ ਵੀਡੀਓ:
View this post on Instagram
ਕੌਣ ਹੈ ਇਹ ਲੜਕੀ?
ਇਸ ਲੜਕੀ ਮਨਪ੍ਰੀਤ ਕੌਰ ਦਿਓਲ ਹੈ, ਜੋ ਕਿ ਕੈਨੇਡਾ ਰਹਿੰਦੀ ਹੈ। ਸਿੰਗਰ ਕਾਕਾ ਵੀ ਇੰਨੀਂ ਦਿਨੀਂ ਕੈਨੇਡਾ ਵਿੱਚ ਮਿਊਜ਼ਿਕ ਕੰਸਰਟ ਕਰ ਰਹੇ ਹਨ। ਉੱਧਰ ਕਾਕਾ ਨੇ ਇਹ ਵੀਡੀਓ ਸ਼ੇਅਰ ਕਰ ਸਭ ਦੇ ਦਿਲਾਂ `ਚ ਇਹ ਸਵਾਲ ਜ਼ਰੂਰ ਪੈਦਾ ਕਰ ਦਿੱਤੇ ਹਨ ਕਿ ਇਹ ਲੜਕੀ ਕਿਤੇ ਕਾਕਾ ਦੀ ਗਰਲ ਫ਼ਰੈਂਡ ਤਾਂ ਨਹੀ? ਮਨਪ੍ਰੀਤ ਕੌਰ ਨੇ ਹਾਲ ਹੀ `ਚ ਆਪਣੀ ਤਸਵੀਰਾਂ ਇੰਸਟਾਗ੍ਰਾਮ ਤੇ ਵੀ ਸ਼ੇਅਰ ਕੀਤੀਆਂ ਸੀ। ਜਿਸ ਵਿੱਚ ਕੈਪਸ਼ਨ ਲਿਖਦਿਆਂ ਉਸ ਨੇ ਲਿਖਿਆ ਸੀ ਕਿ ਇਹ ਫ਼ੋਟੋ ਕਾਕਾ ਨੇ ਖਿੱਚੀ ਹੈ। ਮਨਪ੍ਰੀਤ ਨੇ ਤਸਵੀਰ ਤੇ ਕੈਪਸ਼ਨ `ਚ ਇਹ ਵੀ ਲਿਖਿਆ, "ਸਾਸੋਂ ਕੀ ਮਾਲਾ ਪੇ ਸਿਮਰਨ ਮੇਂ ਪੀ ਕਾ ਨਾਮ।"
View this post on Instagram
ਦੋਵੇਂ ਸੋਸ਼ਲ ਮੀਡੀਆ ਤੇ ਇੱਕ ਦੂਜੇ ਨੂੰ ਕਰਦੇ ਹਨ ਫ਼ਾਲੋ
ਇਹੀ ਨਹੀਂ ਕਾਕਾ ਤੇ ਮਨਪ੍ਰੀਤ ਦੋਵੇਂ ਹੀ ਇੱਕ ਦੂਜੇ ਨੂੰ ਸੋਸ਼ਲ ਮੀਡੀਆ ਤੇ ਫ਼ਾਲੋ ਕਰਦੇ ਹਨ। ਮਨਪ੍ਰੀਤ ਦੇ ਇੰਸਟਾਗ੍ਰਾਮ ਤੇ 11 ਹਜ਼ਾਰ ਫ਼ਾਲੋਅਰਜ਼ ਹਨ। ਉਹ ਕੈਨੇਡਾ ਰਹਿੰਦੀ ਹੈ। ਕਾਕਾ ਵੀ ਪਿਛਲੇ ਲੰਬੇ ਸਮੇਂ ਤੋਂ ਕੈਨੇਡਾ ਵਿੱਚ ਹਨ। ਹੁਣ ਸਵਾਲ ਇਹ ਉੱਠਦਾ ਹੈ ਕਿ ਆਖਰ ਇਹ ਲੜਕੀ ਕਾਕਾ ਦੀ ਗਰਲਫ਼ਰੈਂਡ ਹੈ ਜਾਂ ਫ਼ਿਰ ਇਸ ਵੀਡੀਓ ਪਿੱਛੇ ਕੁਝ ਹੋਰ ਕਹਾਣੀ ਹੈ। ਪਿਛਲੇ ਲੰਬੇ ਸਮੇਂ ਤੋਂ ਕਾਕਾ ਦੇ ਫ਼ੈਨਜ਼ ਉਨ੍ਹਾਂ ਨੂੰ ਰਿਕੁਐਸਟ ਕਰ ਰਹੇ ਸੀ ਕਿ ਉਹ ਆਪਣੀ ਗਰਲਫ਼ਰੈਂਡ ਰਿਵੀਲ ਕਰਨ। ਇਸ ਤੋਂ ਕੁੱਝ ਸਮਾਂ ਬਾਅਦ ਹੀ ਇਹ ਵੀਡੀਓ ਸਾਹਮਣੇ ਆਈ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
![ABP Premium](https://cdn.abplive.com/imagebank/metaverse-mid.png)