Mankirt Aulakh Pics: ਮਨਕੀਰਤ ਔਲਖ ਪੰਜਾਬੀ ਇੰਡਸਟਰੀ ਦੇ ਟੌਪ ਕਲਾਕਾਰਾਂ ਵਿੱਚੋਂ ਇੱਕ ਹੈ। ਇਸ ਦੇ ਨਾਲ ਨਾਲ ਉਸ ਦੀ ਸ਼ਾਨਦਾਰ ਪਰਸਨੈਲਟੀ ਦੀਆਂ ਵੀ ਕੁੜੀਆਂ ਦੀਵਾਨੀਆਂ ਹਨ। ਮਨਕੀਰਤ ਔਲਖ ਜਿੰਨਾਂ ਆਪਣੇ ਗੀਤਾਂ ਨੂੰ ਲੈਕੇ ਲਾਈਮਲਾਈਟ 'ਚ ਰਹਿੰਦਾ ਹੈ, ਉਨ੍ਹਾਂ ਹੀ ਉਹ ਆਪਣੀ ਪਰਸਨਲ ਲਾਈਫ ਨੂੰ ਲੈਕੇ ਵੀ ਚਰਚਾ 'ਚ ਰਹਿੰਦਾ ਹੈ। ਇਸ ਦੇ ਨਾਲ ਨਾਲ ਔਲਖ ਆਪਣੀਆਂ ਸੋਸ਼ਲ ਮੀਡੀਆ ਪੋਸਟਾਂ ਦੇ ਨਾਲ ਵੀ ਫੈਨਜ਼ ਦਾ ਮਨੋਰੰਜਨ ਕਰਦਾ ਰਹਿੰਦਾ ਹੈ।
ਇਹ ਵੀ ਪੜ੍ਹੋ: 'ਮਿਸ਼ਨ ਇੰਪੌਸੀਬਲ 7' ਦੀ ਸ਼ੂਟਿੰਗ ਦੌਰਾਨ ਮਰਦੇ-ਮਰਦੇ ਬਚੇ ਸੀ ਟੌਮ ਕਰੂਜ਼, ਸਟੰਟ ਕਰਨਾ ਇੰਜ ਪਿਆ ਸੀ ਭਾਰੀ
ਮਨਕੀਰਤ ਔਲਖ ਦੀਆਂ ਤਾਜ਼ਾ ਤਸਵੀਰਾਂ ਨੇ ਫੈਨਜ਼ ਦਾ ਧਿਆਨ ਖਿੱਚ ਲਿਆ ਹੈ। ਇਨ੍ਹਾਂ ਤਸਵੀਰਾਂ 'ਚ ਉਹ ਆਪਣੇ ਪੁੱਤਰ ਇਮਤਿਆਜ਼ ਔਲਖ ਦੇ ਨਾਲ ਨਜ਼ਰ ਆ ਰਿਹਾ ਹੈ। ਦੋਵੇਂ ਪਿਓ ਪੁੱਤਰ ਗੌਗਲਜ਼ ਯਾਨਿ ਐਨਕਾਂ ਪਾ ਕੇ ਸੋਫੇ 'ਤੇ ਬੈਠੇ ਹਨ। ਪਿਓ-ਪੁੱਤਰ ਦਾ ਇਹ ਸ਼ਾਹੀ ਅੰਦਾਜ਼ ਫੈਨਜ਼ ਦਾ ਮਨ ਮੋਹ ਰਿਹਾ ਹੈ। ਫੈਨਜ਼ ਮਨਕੀਰਤ-ਇਮਤਿਆਜ਼ ਦੀਆਂ ਤਸਵੀਰਾਂ 'ਤੇ ਕਮੈਂਟ ਕਰ ਖੂਬ ਪਿਆਰ ਦੀ ਬਰਸਾਤ ਕਰ ਰਹੇ ਹਨ। ਦੇਖੋ ਇਹ ਤਸਵੀਰਾਂ:
ਕਾਬਿਲੇਗ਼ੌਰ ਹੈ ਕਿ ਮਨਕੀਰਤ ਔਲਖ ਦੇ ਘਰ ਪਿਛਲੇ ਸਾਲ ਪੁੱਤਰ ਇਮਤਿਆਜ਼ ਸਿੰਘ ਨੇ ਜਨਮ ਲਿਆ ਸੀ। ਜੂਨ 'ਚ ਮਨਕੀਰਤ ਨੇ ਇਮਤਿਆਜ਼ ਦਾ ਪਹਿਲਾ ਜਨਮਦਿਨ ਮਨਾਇਆ ਸੀ। ਵਰਕਫਰੰਟ ਦੀ ਗੱਲ ਕਰੀਏ ਤਾਂ ਹਾਲ ਹੀ ਮਨਕੀਰਤ ਦਾ ਗਾਣਾ 'ਲੱਕੀ ਨੰਬਰ 7' ਰਿਲੀਜ਼ ਹੋਇਆ ਸੀ। ਇਹ ਗਾਣਾ ਫਿਲਮ 'ਮੈਡਲ' ਦਾ ਸੀ। ਇਸ ਗਾਣੇ ਨੂੰ ਮਨਕੀਰਤ ਦੇ ਨਾਲ ਨਾਲ ਬਾਣੀ ਸੰਧੂ ਨੇ ਵੀ ਆਪਣੀ ਆਵਾਜ਼ ਦਿੱਤੀ ਸੀ। ਇਸ ਦੇ ਨਾਲ ਨਾਲ ਮਨਕੀਰਤ ਦੀ ਫਿਲਮ 'ਬਰਾਊਨ ਬੁਆਏਜ਼' ਵੀ ਜਲਦ ਹੀ ਰਿਲੀਜ਼ ਹੋ ਸਕਦੀ ਹੈ। ਮਨਕੀਰਤ ਨੇ ਹਾਲ ਹੀ 'ਚ ਫਿਲਮ ਦੀ ਸ਼ੂਟਿੰਗ ਪੂਰੀ ਕੀਤੀ ਹੈ ।