ਜੋੜੇ ਖਿਲਾਫ ਪੁਲਿਸ ਕਾਰਵਾਈ 'ਤੇ ਰਵੀਨਾ ਟੰਡਨ ਦੀ ਤਿੱਖੀ ਪ੍ਰਤੀਕਿਿਰਿਆ, ਬੋਲੀ- 'ਸਾਡੇ ਭਗਵਾਨ ਕਦੋਂ ਪਿਆਰ ਦੇ ਖਿਲਾਫ ਹੋ ਗਏ'
Raveena Todnon on Kedarnath Couple Video: ਬਾਲੀਵੁੱਡ ਅਦਾਕਾਰਾ ਰਵੀਨਾ ਟੰਡਨ ਨੇ ਹੁਣ ਕੇਦਾਰਨਾਥ ਥੰਮ ਤੋਂ ਵਾਇਰਲ ਹੋਏ ਜੋੜੇ ਦੇ ਵੀਡੀਓ 'ਤੇ ਪ੍ਰਤੀਕਿਰਿਆ ਦਿੱਤੀ ਹੈ। ਰਵੀਨਾ ਪੁਲਿਸ ਦੀ ਕਾਰਵਾਈ ਤੋਂ ਨਿਰਾਸ਼ ਹੈ।
Raveena Todnon on Kedarnath Couple Video: ਕੇਦਾਰਨਾਥ ਧਾਮ ਦਾ ਇੱਕ ਵੀਡੀਓ (Kedarnath Video) ਇਸ ਸਮੇਂ ਸੋਸ਼ਲ ਮੀਡੀਆ 'ਤੇ ਕਾਫੀ ਵਾਇਰਲ ਹੋ ਰਿਹਾ ਹੈ। ਇਸ ਵੀਡੀਓ 'ਚ ਪੀਲੀ ਸਾੜ੍ਹੀ ਪਹਿਨੀ ਇਕ ਲੜਕੀ ਆਪਣੇ ਬੁਆਏਫ੍ਰੈਂਡ ਨੂੰ ਗੋਡਿਆਂ 'ਤੇ ਬੈਠ ਕੇ ਪ੍ਰਪੋਜ਼ ਕਰ ਰਹੀ ਹੈ ਅਤੇ ਬੁਆਏਫ੍ਰੈਂਡ ਉਸ ਦੇ ਪ੍ਰਪੋਜ਼ਲ ਨੂੰ ਸਵੀਕਾਰ ਕਰਨ ਤੋਂ ਬਾਅਦ ਉਸ ਨੂੰ ਜੱਫੀ ਪਾ ਰਿਹਾ ਹੈ। ਇਸ ਵੀਡੀਓ ਦੇ ਵਾਇਰਲ ਹੋਣ ਤੋਂ ਬਾਅਦ ਲੋਕਾਂ ਦੀਆਂ ਵੱਖ-ਵੱਖ ਪ੍ਰਤੀਕਿਰਿਆਵਾਂ ਸਾਹਮਣੇ ਆ ਰਹੀਆਂ ਹਨ। ਕੁਝ ਲੋਕ ਧਾਰਮਿਕ ਸਥਾਨ 'ਤੇ ਅਜਿਹੇ ਵੀਡੀਓ ਸ਼ੂਟ ਕਰਨ ਨੂੰ ਗਲਤ ਕਹਿ ਰਹੇ ਹਨ, ਜਦਕਿ ਕੁਝ ਇਸ ਨੂੰ ਖੂਬਸੂਰਤ ਦੱਸ ਰਹੇ ਹਨ।
ਇਸ ਦੌਰਾਨ ਮੰਦਰ ਦੀ ਤਰਫੋਂ ਜੋੜੇ ਖਿਲਾਫ ਸ਼ਿਕਾਇਤ ਦਰਜ ਕਰਵਾਈ ਗਈ ਹੈ, ਜਿਸ 'ਤੇ ਪੁਲਿਸ ਨੇ ਕਾਰਵਾਈ ਕਰਨ ਦੀ ਗੱਲ ਕਹੀ ਹੈ। ਪੁਲਿਸ ਦੀ ਇਸ ਕਾਰਵਾਈ ਅਤੇ ਘਟਨਾ 'ਤੇ ਹੁਣ ਬਾਲੀਵੁੱਡ ਅਦਾਕਾਰਾ ਰਵੀਨਾ ਟੰਡਨ ਦੀ ਪ੍ਰਤੀਕਿਰਿਆ ਸਾਹਮਣੇ ਆਈ ਹੈ। ਰਵੀਨਾ ਨੇ ਆਪਣੇ ਟਵਿਟਰ ਅਕਾਊਂਟ 'ਤੇ ਇਕ ਪੋਸਟ ਸ਼ੇਅਰ ਕੀਤੀ ਹੈ, ਜਿਸ 'ਚ ਉਸ ਨੇ ਜੋੜੇ ਦਾ ਸਮਰਥਨ ਕਰਦੇ ਹੋਏ ਪੁਲਿਸ ਦੀ ਕਾਰਵਾਈ 'ਤੇ ਸਵਾਲ ਚੁੱਕੇ ਹਨ ਅਤੇ ਇਸ ਨੂੰ ਦੁਖਦਾਈ ਦੱਸਿਆ ਹੈ।
ਰਵੀਨਾ ਨੇ ਆਪਣੀ ਪੋਸਟ 'ਚ ਲਿਖਿਆ, 'ਸਾਡੇ ਭਗਵਾਨ ਕਦੋਂ ਪਿਆਰ ਦੇ ਜਾਂ ਉਨ੍ਹਾਂ ਦੇ ਭਗਤਾਂ ਦੇ ਖਿਲਾਫ ਹੋ ਗਏ, ਜੋ ਇਸ ਪਲ ਨੂੰ ਉਨ੍ਹਾਂ ਦਾ ਆਸ਼ੀਰਵਾਦ ਲੈਕੇ ਪਵਿੱਤਰ ਬਣਾਉਣਾ ਚਾਹੁੰਦੇ ਹਨ। ਸ਼ਾਇਦ ਵੈਸਟਰਨ ਤਰੀਕੇ ਤੇ ਉਨ੍ਹਾਂ ਦੇ ਕਲਚਰ ਦੇ ਹਿਸਾਬ ਨਾਲ ਪ੍ਰਪੋਜ਼ ਕਰਨਾ ਹੁਣ ਸੇਫ ਹੈ। ਫੁੱਲ, ਮੋਮਬੱਤੀ ਅਤੇ ਚਾਕਲੁੇਟ। ਬਹੁਤ ਦੁੱਖਦਾਈ ਹੈ। ਇਹ ਐਕਸ਼ਨ ਉਨ੍ਹਾਂ ਦੇ ਖਿਲਾਫ ਲਿਆ ਜਾ ਰਿਹਾ ਹੈ, ਜੋ ਆਪਣੇ ਰਿਸ਼ਤੇ ਲਈ ਸਿਰਫ ਆਸ਼ੀਰਵਾਦ ਲੈਣਾ ਚਾਹੁੰਦੇ ਸੀ।'
ਕੀ ਹੈ ਮਾਮਲਾ?
ਦਰਅਸਲ, ਇਨ੍ਹੀਂ ਦਿਨੀਂ ਕੇਦਾਰਨਾਥ ਧਾਮ ਦੇ ਸ਼ਰਧਾਲੂਆਂ ਦੀ ਭੀੜ ਇਕੱਠੀ ਹੋਈ ਹੈ। ਇਸ ਦੌਰਾਨ ਉਥੋਂ ਵੱਖ-ਵੱਖ ਤਰ੍ਹਾਂ ਦੀਆਂ ਵੀਡੀਓਜ਼ ਸਾਹਮਣੇ ਆ ਰਹੀਆਂ ਹਨ। ਇਨ੍ਹਾਂ 'ਚੋਂ ਇਕ ਵੀਡੀਓ ਵਾਇਰਲ ਹੋਇਆ ਹੈ, ਜਿਸ 'ਚ ਇਕ ਲੜਕੀ ਗੋਡਿਆਂ ਭਾਰ ਬੈਠੀ ਇਕ ਲੜਕੇ ਨੂੰ ਪ੍ਰਪੋਜ਼ ਕਰਦੀ ਨਜ਼ਰ ਆ ਰਹੀ ਹੈ। ਇਸ ਵੀਡੀਓ ਦੇ ਸਾਹਮਣੇ ਆਉਣ ਤੋਂ ਬਾਅਦ ਸਵਾਲ ਉੱਠਣੇ ਸ਼ੁਰੂ ਹੋ ਗਏ ਹਨ ਕਿ ਕੇਦਾਰਨਾਥ ਧਾਮ ਧਾਰਮਿਕ ਸਥਾਨ ਹੈ ਨਾ ਕਿ ਪਿਕਨਿਕ ਸਪਾਟ। ਮਾਮਲਾ ਵਧਦਾ ਦੇਖ ਕੇ ਮੰਦਰ ਕਮੇਟੀ ਨੇ ਇਸ 'ਤੇ ਕਾਰਵਾਈ ਕੀਤੀ ਅਤੇ ਪੁਲਿਸ ਨੂੰ ਪੱਤਰ ਲਿਖ ਕੇ ਵੀਡੀਓ ਬਣਾਉਣ ਵਾਲਿਆਂ ਖਿਲਾਫ ਕਾਰਵਾਈ ਦੀ ਮੰਗ ਕੀਤੀ। ਜਿਸ 'ਤੇ ਪੁਲਿਸ ਨੇ ਕਿਹਾ ਹੈ ਕਿ ਜੋੜੇ ਖਿਲਾਫ ਕਾਰਵਾਈ ਕੀਤੀ ਜਾਵੇਗੀ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
