Salman Khan: ਸਲਮਾਨ ਖਾਨ ਦੀ 'ਟਾਈਗਰ 3' 'ਚ ਦਮਦਾਰ ਲੁੱਕ 'ਚ ਨਜ਼ਰ ਆਉਣਗੇ ਸ਼ਾਹਰੁਖ ਖਾਨ, ਜਾਣੋ ਕਦੋਂ ਸ਼ੁਰੂ ਹੋਵੇਗੀ ਸ਼ੂਟਿੰਗ
Shah Rukh Khan Will Shoot For Tiger 3: ਸ਼ਾਹਰੁਖ ਖਾਨ ਆਪਣੀ ਹਾਲ ਹੀ 'ਚ ਰਿਲੀਜ਼ ਹੋਈ ਫਿਲਮ 'ਪਠਾਨ' ਨੂੰ ਲੈ ਕੇ ਕਾਫੀ ਚਰਚਾ 'ਚ ਹਨ। ਹੁਣ ਸ਼ਾਹਰੁਖ ਜਲਦ ਹੀ ਸਲਮਾਨ ਖਾਨ ਦੀ ਫਿਲਮ 'ਟਾਈਗਰ 3' ਦੀ ਸ਼ੂਟਿੰਗ ਸ਼ੁਰੂ ਕਰ ਸਕਦੇ ਹਨ।
Shah Rukh Khan Will Shoot For Tiger 3: ਸ਼ਾਹਰੁਖ ਖਾਨ ਆਪਣੀ ਹਾਲ ਹੀ 'ਚ ਰਿਲੀਜ਼ ਹੋਈ ਫਿਲਮ 'ਪਠਾਨ' ਨੂੰ ਲੈ ਕੇ ਕਾਫੀ ਚਰਚਾ 'ਚ ਹਨ। ਫਿਲਮ ਬਾਕਸ ਆਫਿਸ 'ਤੇ ਲਗਾਤਾਰ ਨਵੇਂ ਰਿਕਾਰਡ ਬਣਾ ਰਹੀ ਹੈ ਅਤੇ ਸਲਮਾਨ ਖਾਨ ਦੇ ਕੈਮਿਓ ਦੀ ਵੀ ਕਾਫੀ ਚਰਚਾ ਹੋ ਰਹੀ ਹੈ। ਫਿਲਮ 'ਚ ਸਲਮਾਨ ਖਾਨ ਨੇ ਸ਼ਾਹਰੁਖ ਖਾਨ ਨੂੰ ਵੀ ਇਕ ਮਿਸ਼ਨ 'ਚ ਮਦਦ ਲਈ ਬੁਲਾਇਆ ਹੈ। ਅਜਿਹੇ 'ਚ ਪ੍ਰਸ਼ੰਸਕ ਇਸ ਗੱਲ ਦਾ ਇੰਤਜ਼ਾਰ ਕਰ ਰਹੇ ਹਨ ਕਿ ਕਦੋਂ ਇਹ ਜੋੜੀ ਫਿਰ ਤੋਂ ਵੱਡੇ ਪਰਦੇ 'ਤੇ ਨਜ਼ਰ ਆਵੇਗੀ।
ਸ਼ਾਹਰੁਖ ਜਲਦ ਹੀ ਸ਼ੁਰੂ ਕਰਨਗੇ ਸ਼ੂਟਿੰਗ
ਅਸੀਂ 'ਟਾਈਗਰ' ਨੂੰ 'ਪਠਾਨ' ਨੂੰ ਬਚਾਉਂਦੇ ਦੇਖਿਆ ਅਤੇ ਹੁਣ ਸਲਮਾਨ ਖਾਨ ਦੀ ਐਕਸ਼ਨ ਫ੍ਰੈਂਚਾਇਜ਼ੀ ਦੀ ਤੀਜੀ ਕਿਸ਼ਤ 'ਚ 'ਟਾਈਗਰ' ਦੀ ਮਦਦ ਕਰਨ ਦੀ ਵਾਰੀ 'ਪਠਾਨ' ਦੀ ਹੈ। ਸ਼ਾਹਰੁਖ ਖਾਨ ਨੇ ਅਜੇ 'ਟਾਈਗਰ 3' ਦੀ ਸ਼ੂਟਿੰਗ ਕਰਨੀ ਹੈ, ਕਿਉਂਕਿ ਅਭਿਨੇਤਾ ਨੂੰ ਸਲਮਾਨ ਨਾਲ ਸ਼ੂਟ ਕਰਨ ਦਾ ਸਮਾਂ ਨਹੀਂ ਮਿਲਿਆ ਹੈ। ਫਿਲਮ ਨਾਲ ਜੁੜੇ ਇੱਕ ਸੂਤਰ ਨੇ ਦੱਸਿਆ, "ਸ਼ਾਹਰੁਖ ਫਰਵਰੀ ਜਾਂ ਮਾਰਚ ਵਿੱਚ ਸਲਮਾਨ ਖਾਨ ਨਾਲ ਆਪਣੇ ਹਿੱਸੇ ਦੀ ਸ਼ੂਟਿੰਗ ਕਰਨਗੇ।"
ਇਹ ਵੀ ਪੜ੍ਹੋ: ਰਣਬੀਰ ਕਪੂਰ ਨੇ ਫੋਟੋ ਖਿਚਵਾਉਣ ਗਏ ਫੈਨ ਨਾਲ ਕੀਤੀ ਬਦਸਲੂਕੀ, ਸੁੱਟ ਦਿੱਤਾ ਓਹਦਾ ਫੋਨ, ਵੀਡੀਓ ਵਾਇਰਲ
ਸ਼ਾਹਰੁਖ ਖਾਨ ਦਾ ਲੁੱਕ ਬਣਿਆ ਚੈਲੇਂਜ
ਇਸ ਸੀਨ ਦੀ ਸ਼ੂਟਿੰਗ 'ਚ ਇਕ ਸਮੱਸਿਆ ਇਹ ਵੀ ਹੈ ਕਿ ਹੁਣ ਸ਼ਾਹਰੁਖ ਆਪਣੇ 'ਪਠਾਨ' ਜ਼ੋਨ ਤੋਂ ਬਾਹਰ ਆ ਗਏ ਹਨ। ਅਜਿਹੇ 'ਚ ਪਰਦੇ 'ਤੇ ਇਕ ਸਮਾਨ ਰੂਪ ਬਣਾਉਣਾ ਇਕ ਚੁਣੌਤੀ ਹੈ। ਖਬਰਾਂ ਮੁਤਾਬਕ 'ਟਾਈਗਰ 3' 'ਚ ਸਲਮਾਨ ਖਾਨ ਨਾਲ ਐਕਸ਼ਨ ਸੀਨ ਲਈ ਸ਼ਾਹਰੁਖ ਖਾਨ ਲਈ ਖਾਸ ਵਿੱਗ ਬਣਾਇਆ ਗਿਆ ਹੈ। ਸ਼ਾਹਰੁਖ ਅਤੇ ਸਲਮਾਨ ਖਾਨ ਲਗਭਗ ਛੇ ਮਹੀਨਿਆਂ ਤੋਂ 'ਟਾਈਗਰ 3' ਦੇ ਸੀਨ ਲਈ ਤਰੀਕ ਤੈਅ ਕਰਨ ਦੀ ਕੋਸ਼ਿਸ਼ ਕਰ ਰਹੇ ਹਨ।
ਦੋਵੇਂ ਕਲਾਕਾਰ ਆਪਣੇ-ਆਪਣੇ ਪ੍ਰੋਜੈਕਟਸ ਦੀ ਸ਼ੂਟਿੰਗ ਕਰ ਰਹੇ ਹਨ। ਸਲਮਾਨ 'ਕਿਸੀ ਕਾ ਭਾਈ ਕਿਸੀ ਕੀ ਜਾਨ' 'ਚ ਰੁੱਝੇ ਹੋਏ ਹਨ, ਜੋ ਇਸ ਸਾਲ ਅਪ੍ਰੈਲ 'ਚ ਈਦ ਦੌਰਾਨ ਪਰਦੇ 'ਤੇ ਆਉਣ ਵਾਲੀ ਹੈ। ਜਦਕਿ ਸ਼ਾਹਰੁਖ ਖਾਨ ਅਟਲੀ ਦੀ ਫਿਲਮ 'ਜਵਾਨ' ਅਤੇ ਰਾਜਕੁਮਾਰ ਹਿਰਾਨੀ ਦੀ ਅਗਲੀ ਫਿਲਮ 'ਡੰਕੀ' ਦੀ ਸ਼ੂਟਿੰਗ 'ਚ ਰੁੱਝੇ ਹੋਏ ਹਨ।
ਇਹ ਵੀ ਪੜ੍ਹੋ: ਗਿੱਪੀ ਗਰੇਵਾਲ ਦੀ ਵੈੱਬ ਸੀਰੀਜ਼ 'ਆਊਟਲਾਅ' ਦਾ ਧਮਾਕੇਦਾਰ ਟੀਜ਼ਰ ਰਿਲੀਜ਼, ਪੂਰੀ ਹਾਲੀਵੁੱਡ ਵਾਲੀ ਫੀਲਿੰਗ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
