Kiara Advani-Sidharth Malhotra: ਕਿਆਰਾ ਅਡਵਾਨੀ ਨਾਲ ਵਿਆਹ ਤੇ ਸਿਧਾਰਥ ਮਲਹੋਤਰਾ ਨੇ ਤੋੜੀ ਚੁੱਪੀ, ਕਿਹਾ- ਕੁੱਝ ਵੀ ਗੁਪਤ ਨਹੀਂ ਰੱਖਿਆ ਜਾਵੇਗਾ
Sidharth Malhotra On Wedding: ਕਿਆਰਾ ਅਡਵਾਨੀ ਨਾਲ ਵਿਆਹ ਨੂੰ ਲੈ ਕੇ ਸਿਧਾਰਥ ਮਲਹੋਤਰਾ ਨੇ ਕਿਹਾ ਕਿ, ਉਨ੍ਹਾਂ ਦਾ ਵਿਆਹ ਗੁਪਤ ਨਹੀਂ ਰਹੇਗਾ, ਉਹ ਸਾਰਿਆਂ ਨੂੰ ਅਪਡੇਟ ਜ਼ਰੂਰ ਦੇਣਗੇ।
Kiara Advani-Sidharth Malhotra Wedding: ਸਿਧਾਰਥ ਮਲਹੋਤਰਾ ਬਾਲੀਵੁੱਡ ਦੇ ਹੌਟ ਸਿਤਾਰਿਆਂ ਵਿੱਚੋਂ ਇੱਕ ਹੈ। ਇਨ੍ਹੀਂ ਦਿਨੀਂ ਉਹ ਆਪਣੀਆਂ ਫਿਲਮਾਂ ਦੇ ਨਾਲ-ਨਾਲ ਅਦਾਕਾਰਾ ਕਿਆਰਾ ਅਡਵਾਨੀ ਨਾਲ ਆਪਣੇ ਪ੍ਰੇਮ ਸਬੰਧਾਂ ਨੂੰ ਲੈ ਕੇ ਸੁਰਖੀਆਂ 'ਚ ਬਣੇ ਹੋਏ ਹਨ।ਬਾਲੀਵੁੱਡ ਦੇ ਗਲਿਆਰਿਆਂ 'ਚ ਉਨ੍ਹਾਂ ਦੇ ਪਿਆਰ ਦੀਆਂ ਚਰਚਾ ਕਾਫੀ ਸਮੇਂ ਤੋਂ ਸੁਣਨ ਨੂੰ ਮਿਲ ਰਹੀਆਂ ਹਨ। ਫੈਨਜ਼ ਨੂੰ ਵੀ ਦੋਵਾਂ ਦੀ ਕੈਮਿਸਟਰੀ ਕਾਫੀ ਪਸੰਦ ਆ ਰਹੀ ਹੈ। ਹਾਲਾਂਕਿ ਦੋਵਾਂ ਨੇ ਕਦੇ ਵੀ ਮੀਡੀਆ ਦੇ ਸਾਹਮਣੇ ਆਪਣੇ ਪਿਆਰ ਦਾ ਇਜ਼ਹਾਰ ਨਹੀਂ ਕੀਤਾ ਹੈ। ਪਰ ਹਾਲ ਹੀ ਵਿੱਚ ਇੱਕ ਇੰਟਰਵਿਊ ਵਿੱਚ ਸਿਧਾਰਥ ਨੇ ਆਪਣੇ ਵਿਆਹ ਨੂੰ ਲੈ ਕੇ ਚੁੱਪੀ ਤੋੜੀ ਹੈ। ਉਨ੍ਹਾਂ ਕਿਹਾ ਕਿ ਇਸ ਵਿੱਚ ਗੁਪਤ ਰੱਖਣ ਵਾਲੀ ਕੋਈ ਗੱਲ ਨਹੀਂ ਹੈ।
ਕਿਆਰਾ ਨਾਲ ਵਿਆਹ ਤੇ ਸਿਧਾਰਥ ਨੇ ਤੋੜੀ ਚੁੱਪੀ
ਦਰਅਸਲ ਹਾਲ ਹੀ 'ਚ ਸਿਧਾਰਥ ਨੇ ਬਾਲੀਵੁੱਡ ਲਾਈਫ ਨੂੰ ਇੰਟਰਵਿਊ ਦਿੱਤਾ ਸੀ। ਜਿਸ 'ਚ ਉਨ੍ਹਾਂ ਨੂੰ ਵਿਆਹ ਬਾਰੇ ਪੁੱਛਿਆ ਗਿਆ ਤਾਂ ਉਨ੍ਹਾਂ ਕਿਹਾ ਕਿ ਅਜੇ ਇਸ ਬਾਰੇ ਕੋਈ ਅਪਡੇਟ ਨਹੀਂ ਹੈ। ਪਰ ਮੈਂ ਆਪਣੇ ਕੈਲੰਡਰ ਦੀ ਜਾਂਚ ਕਰਾਂਗਾ ਅਤੇ ਤੁਹਾਨੂੰ ਦੱਸਾਂਗਾ। ਕਿਉਂਕਿ ਇਸ ਵਿੱਚ ਲੁਕਾਉਣ ਲਈ ਕੁਝ ਨਹੀਂ ਹੈ। ਹਰ ਕੋਈ ਜੀਵਨ ਵਿੱਚ ਵਿਆਹ ਕਰਦਾ ਹੈ, ਇਸ ਕਰਕੇ ਮੈਂ ਕੋਸ਼ਿਸ਼ ਕਰਾਂਗਾ ਕਿ ਇਸ ਬਾਰੇ ਜਲਦ ਹੀ ਤੁਹਾਨੂੰ ਕੋਈ ਅਪਡੇਟ ਦਵਾਂ। ਦੂਜੇ ਪਾਸੇ ਜਦੋਂ ਕਿਆਰਾ ਨਾਲ ਫਿਲਮ ਦਾ ਸਵਾਲ ਆਇਆ ਤਾਂ ਅਦਾਕਾਰ ਨੇ ਕਿਹਾ ਕਿ ਇਸ ਸਮੇਂ ਕਈ ਫਿਲਮਾਂ ਪਾਈਪਲਾਈਨ 'ਚ ਹਨ। ਜਦੋਂ ਵੀ ਦੋਵਾਂ ਦਾ ਵਿਆਹ ਦਾ ਪਲਾਨ ਹੋਇਆ ਤਾਂ ਸਭ ਨੂੰ ਜਨਤਕ ਤੌਰ ਤੇ ਐਲਾਨ ਕੀਤਾ ਜਾਵੇਗਾ।
ਕਿਆਰਾ ਨਾਲ ਵਿਆਹ ਕਰਨ ਲਈ ਤਿਆਰ ਸਿਧਾਰਥ
ਇਸ ਦੇ ਨਾਲ ਹੀ 'ਕੌਫ਼ੀ ਵਿਦ ਕਰਨ' ਪਹੁੰਚੇ ਸਿਧਾਰਥ ਨੇ ਆਪਣੇ ਵਿਆਹ ਦੇ ਬਾਰੇ ਕਿਹਾ ਸੀ ਕਿ ਜੇ ਕਿਆਰਾ ਨਾਲ ਉਨ੍ਹਾਂ ਦਾ ਵਿਆਹ ਹੋਵੇਗਾ ਤਾਂ ਉਹ ਬਹੁਤ ਖੁਸ਼ ਹੋਣਗੇ। ਦਰਅਸਲ, ਕਰਨ ਦੇ ਸ਼ੋਅ ਤੇ ਉਨ੍ਹਾਂ ਨੂੰ ਕਿਆਰਾ ਨਾਲ ਵਿਆਹ ਬਾਰੇ ਪੁੱਛਿਆ ਗਿਆ ਸੀ ਤਾਂ ਇਸ ਤੇ ਐਕਟਰ ਨੇ ਕਿਹਾ ਕਿ ਇੱਕ ਬ੍ਰਾਈਟ ਤੇ ਹੈੱਪੀ ਫ਼ਿਊਚਰ। ਇਸ ਤੇ ਕਰਨ ਤੁਰੰਤ ਬੋਲੇ- ਕਿਆਰਾ ਅਡਵਾਨੀ ਨਾਲ? ਤਾਂ ਸਿਧਾਰਥ ਨੇ ਕਿਹਾ, "ਜੇ ਕਿਆਰਾ ਹੋਵੇਗੀ ਤਾਂ ਬਹੁਤ ਹੀ ਵਧੀਆ ਰਹੇਗਾ। ਹਾਲੇ ਤਾਂ ਮੈਂ ਐਲਾਨ ਕਰ ਰਿਹਾ ਹਾਂ, ਬਾਕੀ ਅੱਗੇ ਦੇਖਦੇ ਹਾਂ ਕੀ ਹੁੰਦਾ ਹੈ।"
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
