![ABP Premium](https://cdn.abplive.com/imagebank/Premium-ad-Icon.png)
Sidhu Moose Wala: ਸਿੱਧੂ ਮੂਸੇਵਾਲਾ ਦੇ ਕਈ ਗਾਣੇ ਇੰਸਟਾਗ੍ਰਾਮ ਤੋਂ ਹੋਏ ਡਿਲੀਟ? ਜਾਣੋ ਕੀ ਹੈ ਸੱਚਾਈ
SIdhu Moosewala Songs: ਇੰਸਟਾ ਤੋਂ ਮੂਸੇਵਾਲਾ ਦੇ ਗਾਣੇ ਡਿਲੀਟ ਹੋ ਗਏ ਸੀ, ਹੁਣ ਦੁਬਾਰਾ ਫਿਰ ਤੋਂ ਇਹ ਗਾਣੇ ਇੰਸਟਾ ਮਿਊਜ਼ਿਕ 'ਤੇ ਸ਼ੋਅ ਹੋ ਰਹੇ ਹਨ। ਇਨ੍ਹਾਂ ਚ 'ਸੋ ਹਾਈ', 'ਸੈਲੇਬ੍ਰਿਟੀ ਕਿਲਰ', ਮੂਜ਼ਡਰਿਲਾ ਤੇ ਜੀ ਸ਼ਿੱਟ ਵਰਗੇ ਗਾਣੇ ਸ਼ਾਮਲ ਸਨ
![Sidhu Moose Wala: ਸਿੱਧੂ ਮੂਸੇਵਾਲਾ ਦੇ ਕਈ ਗਾਣੇ ਇੰਸਟਾਗ੍ਰਾਮ ਤੋਂ ਹੋਏ ਡਿਲੀਟ? ਜਾਣੋ ਕੀ ਹੈ ਸੱਚਾਈ sidhu moose wala a number of songs deleted from instagram music here is why Sidhu Moose Wala: ਸਿੱਧੂ ਮੂਸੇਵਾਲਾ ਦੇ ਕਈ ਗਾਣੇ ਇੰਸਟਾਗ੍ਰਾਮ ਤੋਂ ਹੋਏ ਡਿਲੀਟ? ਜਾਣੋ ਕੀ ਹੈ ਸੱਚਾਈ](https://feeds.abplive.com/onecms/images/uploaded-images/2023/03/27/048e89e9e0fbf7ef4bd6851ca59e4b231679893855254469_original.jpg?impolicy=abp_cdn&imwidth=1200&height=675)
Sidhu Moose Wala Songs Removed From Instagram: ਸਿੱਧੂ ਮੂਸੇਵਾਲਾ ਦੀ ਮੌਤ ਨੂੰ ਇੱਕ ਸਾਲ ਹੋਣ ਵਾਲਾ ਹੈ। 19 ਮਾਰਚ ਨੂੰ ਉਸ ਦੀ ਪਹਿਲੀ ਬਰਸੀ ਮਨਾਈ ਗਈ ਸੀ। ਇਸ ਦੌਰਾਨ ਭਾਰੀ ਗਿਣਤੀ ਵਿੱਚ ਮੂਸੇਵਾਲਾ ਦੇ ਪ੍ਰਸ਼ੰਸਕ ਉਸ ਦੀ ਬਰਸੀ ਸਮਾਗਮ 'ਚ ਸ਼ਰਧਾਂਜਲੀ ਦੇਣ ਲਈ ਪਹੁੰਚੁ ਸੀ। ਇਹੀ ਨਹੀਂ ਮੂਸੇਵਾਲਾ ਦੇ ਮਰਨ ਤੋਂ ਇਕ ਸਾਲ ਬਾਅਦ ਅੱਜ ਵੀ ਉਸ ਦੇ ਗਾਣੇ ਸੋਸ਼ਲ ਮੀਡੀਆ 'ਤੇ ਟਰੈਂਡ ਕਰਦੇ ਰਹਿੰਦੇ ਹਨ।
ਹੁਣ ਸਿੱਧੂ ਮੂਸੇਵਾਲਾ ਨੂੰ ਲੈਕੇ ਵੱਡੀ ਅਪਡੇਟ ਸਾਹਮਣੇ ਆ ਰਹੀ ਹੈ। ਇੰਸਟਾਗ੍ਰਾਮ ਮਿਊਜ਼ਿਕ ਤੋਂ ਮੂਸੇਵਾਲਾ ਦੇ ਕਈ ਗਾਣੇ ਡਿਲੀਟ ਕਰ ਦਿੱਤੇ ਗਏ ਸੀ। ਹੁਣ ਦੁਬਾਰਾ ਫਿਰ ਤੋਂ ਇਹ ਗਾਣੇ ਇੰਸਟਾ ਮਿਊਜ਼ਿਕ 'ਤੇ ਸ਼ੋਅ ਹੋ ਰਹੇ ਹਨ। ਇਨ੍ਹਾਂ ਵਿੱਚ ਮੂਸੇਵਾਲਾ ਦੇ 'ਸੋ ਹਾਈ', 'ਸੈਲੇਬ੍ਰਿਟੀ ਕਿੱਲਰ', ਮੂਜ਼ਡਰਿਲਾ ਤੇ ਜੀ ਸ਼ਿੱਟ ਵਰਗੇ ਗਾਣੇ ਹੁਣ ਇੰਸਟਾਗ੍ਰਾਮ 'ਤੇ ਮੌਜੂਦ ਨਹੀਂ ਸਨ। ਇਨ੍ਹਾਂ ਸਾਰੀਆਂ ਗੱਲਾਂ 'ਤੇ ਫੈਨਜ਼ ਹੈਰਾਨ ਪਰੇਸ਼ਾਨ ਹੋ ਰਹੇ ਸਨ ਕਿ ਆਖਰ ਕਿਉਂ ਮੂਸੇਵਾਲਾ ਦੇ ਕਈ ਗਾਣੇ ਇੰਸਟਾ ਤੋਂ ਗਾਇਬ ਹੋ ਗਏ। ਲੋਕ ਇਸ ਦੇ ਪਿੱਛੇ ਦਾ ਕਾਰਨ ਜਾਣਨਾ ਚਾਹੁੰਦੇ ਹਨ।
ਰੁਪਿੰਦਰ ਹਾਂਡਾ ਨੇ ਪਾਈ ਇਹ ਪੋਸਟ:
ਗਾਇਕਾ ਰੁਪਿੰਦਰ ਹਾਂਡਾ ਨੇ ਵੀ ਸੋਸ਼ਲ ਮੀਡੀਆ 'ਤੇ ਇਕ ਪੋਸਟ ਸ਼ੇਅਰ ਕੀਤੀ, ਜਿਸ ਵਿੱਚ ਉਸ ਨੇ ਫੈਨਜ਼ ਤੋਂ ਸਵਾਲ ਪੁੱਛਿਆ ਹੈ ਕਿ 'ਕੀ ਸਿੱਧੂ ਮੂਸੇਵਾਲਾ ਦੇ ਗਾਣੇ ਇੰਸਟਾ ਮਿਊਜ਼ਿਕ ਤੋਂ ਡਿਲੀਟ ਹੋ ਗਏ ਹਨ?'
ਕਿਉਂ ਅਚਾਨਕ ਡਿਲੀਟ ਹੋ ਜਾਂਦੇ ਹਨ ਗਾਣੇ?
ਪਿਛਲੇ ਦਿਨੀਂ ਮੂਸੇਵਾਲਾ ਦਾ ਗਾਣਾ 'ਸੋ ਹਾਈ' ਸਪੌਟੀਫਾਈ ਤੋਂ ਵੀ ਡਿਲੀਟ ਹੋਇਆ ਸੀ। ਇਸ ਦੇ ਪਿੱਛੇ ਇਹ ਵਜ੍ਹਾ ਸਾਹਮਣੇ ਆਈ ਸੀ ਕਿ ਗਾਣੇ ਦਾ ਡਿਸਟ੍ਰਿਿਬਊਟਰ ਬਦਲ ਗਿਆ ਸੀ। ਗਾਣੇ ਨੂੰ ਨਵੀਂ ਕੰਪਨੀ ਨੇ ਆਪਣੇ ਲੇਬਲ 'ਤੇ ਸਪੌਟੀਫਾਈ 'ਤੇ ਰਿਲੀਜ਼ ਕੀਤਾ ਸੀ। ਇਹੀ ਕਾਰਨ ਇੰਸਟਾ ਮਿਊਜ਼ਿਕ 'ਤੇ ਵੀ ਹੋ ਸਕਦਾ ਹੈ। ਕਈ ਵਾਰ ਕਈ ਗਾਇਕਾਂ ਦੇ ਗਾਣੇ ਕਾਪੀਰਾਈਟ ਮਸਲੇ ਕਰਕੇ ਵੀ ਹਟ ਜਾਂਦੇ ਹਨ। ਕਿਉਂਕਿ ਡਿਸਟ੍ਰਿਿਬਊਟਰ ਬਦਲ ਜਾਂਦਾ ਹੈ ਜਾਂ ਫਿਰ ਗਾਣੇ 'ਤੇ ਕਾਪੀਰਾਈਟ ਕਲੇਮ ਪਾਇਆ ਜਾਂਦਾ ਹੈ।
ਕਾਬਿਲੇਗ਼ੌਰ ਹੈ ਕਿ ਮੂਸੇਵਾਲਾ ਦੇ ਗਾਣਿਆਂ 'ਤੇ ਇੰਸਟਾਗ੍ਰਾਮ 'ਤੇ ਕਰੋੜਾਂ ਲੋਕਾਂ ਨੇ ਰੀਲਾਂ ਬਣਾਈਆਂ ਹਨ। ਇਨ੍ਹਾਂ ਵਿੱਚੋਂ ਸਭ ਤੋਂ ਜ਼ਿਆਦਾ 'ਸੋ ਹਾਈ' ਗਾਣੇ 'ਤੇ ਰੀਲਾਂ ਬਣੀਆਂ ਸੀ। ਇਸ ਗਾਣੇ 'ਤੇ 3 ਮਿਲੀਅਨ ਤੋਂ ਜ਼ਿਆਦਾ ਲੋਕਾਂ ਨੇ ਰੀਲਾਂ ਬਣਾਈਆਂ ਸੀ। ਇਹ ਮੂਸੇਵਾਲਾ ਦਾ ਪਹਿਲਾ ਗਾਣਾ ਸੀ, ਜਿਸ ਨੂੰ ਉਸ ਨੇ ਖੁਦ ਗਾਇਆ ਸੀ। ਇਹ ਗਾਣਾ 2017 'ਚ ਰਿਲੀਜ਼ ਹੋਇਆ ਸੀ।
ਇਹ ਵੀ ਪੜ੍ਹੋ: ਪਾਕਿਸਤਾਨ ਦੇ ਮਸ਼ਹੂਰ ਰੇਤ ਕਲਾਕਾਰ ਨੇ ਬਣਾਇਆ ਸ਼ਾਹਰੁਖ ਖਾਨ ਦਾ ਸਕੈੱਚ, ਸੋਸ਼ਲ ਮੀਡੀਆ 'ਤੇ ਤਸਵੀਰ ਵਾਇਰਲ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
![ABP Premium](https://cdn.abplive.com/imagebank/metaverse-mid.png)