ਗਾਇਕ ਸ਼ੰਕਰ ਮਹਾਦੇਵਨ ਬਣੇ ਟ੍ਰੈਫਿਕ ਪੁਲਿਸ ਕਰਮੀ, ਸ਼ਿਵਾਜੀ ਚੌਕ 'ਚ ਦਿੱਤੀ ਡਿਊਟੀ

ਬਾਲੀਵੁੱਡ ਦੇ ਮਸ਼ਹੂਰ ਗਾਇਕ ਅਤੇ ਸੰਗੀਤਕਾਰ ਸ਼ੰਕਰ ਮਹਾਦੇਵਨ ਨੇ ਸ਼ੁੱਕਰਵਾਰ ਨੂੰ ਵਾਸ਼ੀ ਦੇ ਸੈਕਟਰ 17 'ਚ ਸ਼ਿਵਾਜੀ ਚੌਕ ਦੇ ਟ੍ਰੈਫਿਕ ਸਿਗਨਲ 'ਤੇ ਟਰੈਫਿਕ ਪੁਲਿਸ ਦੀ ਭੁਮੀਕਾ ਨਿਭਾਈ।ਉਹ ਸੁਰੱਖਿਅਤ ਡਰਾਈਵਿੰਗ ਲਈ ਵਾਹਨ ਚਾਲਕਾਂ ਵਿਚ ਜਾਗਰੂਕਤਾ ਫੈਲਾ ਰਹੇ ਸੀ।

ਮੁੰਬਈ: ਬਾਲੀਵੁੱਡ ਦੇ ਮਸ਼ਹੂਰ ਗਾਇਕ ਅਤੇ ਸੰਗੀਤਕਾਰ ਸ਼ੰਕਰ ਮਹਾਦੇਵਨ ਨੇ ਸ਼ੁੱਕਰਵਾਰ ਨੂੰ ਵਾਸ਼ੀ ਦੇ ਸੈਕਟਰ 17 'ਚ ਸ਼ਿਵਾਜੀ ਚੌਕ ਦੇ ਟ੍ਰੈਫਿਕ ਸਿਗਨਲ 'ਤੇ ਟਰੈਫਿਕ ਪੁਲਿਸ ਦੀ ਭੁਮੀਕਾ ਨਿਭਾਈ।ਉਹ ਸੁਰੱਖਿਅਤ ਡਰਾਈਵਿੰਗ ਲਈ ਵਾਹਨ ਚਾਲਕਾਂ ਵਿਚ ਜਾਗਰੂਕਤਾ ਫੈਲਾ ਰਹੇ ਸੀ। ਉਨ੍ਹਾਂ ਨੇ ਬਿਨਾਂ ਹੈਲਮੇਟ ਦੇ ਵਾਹਨ ਚਲਾਉਣ ਵਾਲੇ ਚਾਲਕ ਨੂੰ ਗੁਲਾਬ ਦੇ ਫੁੱਲ ਭੇਟ ਕੀਤੇ ਅਤੇ ਹੈਲਮੇਟ ਪਾਉਣ ਦੀ ਅਪੀਲ ਕੀਤੀ। ਮਹਾਦੇਵਨ ਨੇ ਸ਼ਿਵਾਜੀ ਚੌਕ ਟ੍ਰੈਫਿਕ ਸਿਗਨਲ, ਜੋ ਕਿ ਵਾਸ਼ੀ ਦੇ ਸਭ ਤੋਂ ਵਿਅਸਤ ਚੌਕਾਂ ਵਿੱਚੋਂ ਇੱਕ ਹੈ, ਤੇ ਆਵਾਜਾਈ ਨੂੰ ਵੀ ਮੈਨੇਜ ਕੀਤਾ। ਪੁਲਿਸ ਕਮਿਸ਼ਨਰ ਬਿਪਿਨ ਕੁਮਾਰ ਸਿੰਘ ਅਤੇ ਡੀਸੀਪੀ ਟ੍ਰੈਫਿਕ ਪੁਰਸ਼ੋਤਮ ਕਰਦ ਵੀ ਇਸ ਦੌਰਾਨ ਮੌਜੂਦ ਸਨ।

Inauguration of 'One day with Police' program was made by the hon. Bipin Kumar Singh, CP Navi Mumbai & Chief guest Shankar Mahadevan at Vashi, also traffic rule followers were honored. pic.twitter.com/O0feWKUMmz

— Navi Mumbai Police (@Navimumpolice) January 22, 2021

ਸੜਕ ਸੁਰੱਖਿਆ ਅਭਿਆਨ ਤਹਿਤ ਨਵੀਂ ਮੁੰਬਈ ਟ੍ਰੈਫਿਕ ਪੁਲਿਸ ਨੇ ਇੱਕ ਨਵੀਂ ਪਹਿਲ ਕੀਤੀ ਹੈ ਜਿਸ ਵਿੱਚ ਨਾਗਰਿਕ ਇੱਕ ਦਿਨ ਲਈ ਟ੍ਰੈਫਿਕ ਪੁਲਿਸ ਬਣ ਸਕਦੇ ਹਨ।ਨਾਗਰਿਕ www.trafficnm.com 'ਤੇ ਰਜਿਸਟਰ ਕਰਕੇ ਜਾਗਰੂਕਤਾ ਮੁਹਿੰਮ ਦਾ ਹਿੱਸਾ ਬਣ ਸਕਦੇ ਹਨ। ਇਸ ਤੋਂ ਬਾਅਦ ਮਹਾਦੇਵਨ ਨੇ ਇਸ ਮੌਕੇ 'ਤੇ ਆਪਣਾ ਮਨਪਸੰਦ ਗਾਣਾ "ਸੁਨੋ ਗੌਰ ਸੇ ਦੁਨੀਆ ਵਾਲੋ" ਵੀ ਗਾਇਆ। ਮਹਾਦੇਵਨ ਆਪਣੇ ਪਰਿਵਾਰ ਨਾਲ ਵਾਸ਼ੀ ਵਿੱਚ ਰਹਿੰਦੇ ਹਨ।