Dharmendra: ਪੋਤੇ ਕਰਨ ਦਿਓਲ ਦੇ ਵਿਆਹ ਦੇ ਫੰਕਸ਼ਨਾਂ 'ਚ ਸ਼ਾਮਲ ਨਹੀਂ ਹੋਣਗੇ ਧਰਮਿੰਦਰ, ਬੋਲੇ- ਮੇਰੇ ਆਲੇ ਦੁਆਲੇ ਹੋਣ ਨਾਲ ਉਹ....
Sunny Deol Son Wedding: ਸੰਨੀ ਦਿਓਲ ਦੇ ਬੇਟੇ ਕਰਨ ਦਿਓਲ ਜਲਦੀ ਹੀ ਵਿਆਹ ਦੇ ਬੰਧਨ ਵਿੱਚ ਬੱਝਣ ਜਾ ਰਹੇ ਹਨ। ਸੰਨੀ ਦੇ ਘਰ 'ਚ ਖੁਸ਼ੀ ਦਾ ਮਾਹੌਲ ਹੈ। ਵਿਆਹ ਦੀਆਂ ਤਿਆਰੀਆਂ ਸ਼ੁਰੂ ਹੋ ਗਈਆਂ ਹਨ।
Sunny Deol Son Wedding: ਐਕਟਰ ਧਰਮਿੰਦਰ ਇਨ੍ਹੀਂ ਦਿਨੀਂ ਕਾਫੀ ਖੁਸ਼ ਹਨ। ਖੁਸ਼ ਹੋਣ ਵਾਲੀ ਗੱਲ ਵੀ ਹੈ। ਧਰਮਿੰਦਰ ਦੇ ਘਰ ਵਿੱਚ ਸ਼ਹਿਨਾਈ ਗੂੰਜਣ ਵਾਲੀ ਹੈ। ਧਰਮਿੰਦਰ ਦੇ ਪੋਤੇ ਕਰਨ ਦਿਓਲ ਦਾ ਵਿਆਹ ਹੋ ਰਿਹਾ ਹੈ। ਕਰਨ ਲਾੜਾ ਬਣਨ ਜਾ ਰਿਹਾ ਹੈ। ਖਬਰਾਂ ਮੁਤਾਬਕ ਸੰਨੀ ਦਿਓਲ ਦਾ ਬੇਟਾ ਕਰਨ ਦਿਓਲ 18 ਜੂਨ ਨੂੰ ਦ੍ਰੀਸ਼ਾ ਆਚਾਰਿਆ ਨਾਲ ਵਿਆਹ ਕਰਨ ਜਾ ਰਿਹਾ ਹੈ। ਵਿਆਹ ਦੀਆਂ ਤਿਆਰੀਆਂ ਸ਼ੁਰੂ ਹੋ ਗਈਆਂ ਹਨ। ਹਾਲਾਂਕਿ ਇਸ ਦੌਰਾਨ ਖਬਰਾਂ ਆ ਰਹੀਆਂ ਹਨ ਕਿ ਧਰਮਿੰਦਰ ਸਿਰਫ ਪੋਤੇ ਕਰਨ ਦੇ ਵਿਆਹ 'ਚ ਸ਼ਾਮਲ ਹੋਣਗੇ। ਉਹ ਵਿਆਹ ਤੋਂ ਪਹਿਲਾਂ ਦੇ ਫੰਕਸ਼ਨਾਂਦਾ ਹਿੱਸਾ ਨਹੀਂ ਬਣਨਗੇ।
ਪੋਤੇ ਦੇ ਪ੍ਰੀ-ਵੈਡਿੰਗ ਫੰਕਸ਼ਨ 'ਚ ਸ਼ਾਮਲ ਨਹੀਂ ਹੋਣਗੇ ਧਰਮਿੰਦਰ
ਟਾਈਮਜ਼ ਆਫ ਇੰਡੀਆ ਦੀ ਖਬਰ ਮੁਤਾਬਕ ਧਰਮਿੰਦਰ ਨੇ ਕਿਹਾ, 'ਬੱਚਿਆਂ ਨੂੰ ਮਸਤੀ ਕਰਨ ਦਿਓ, ਜਦੋਂ ਮੈਂ ਆਲੇ-ਦੁਆਲੇ ਹੋਵਾਂਗਾ ਤਾਂ ਉਹ ਥੋੜਾ ਝਿਜਕਣਗੇ। ਮੈਂ ਨਹੀਂ ਚਾਹੁੰਦਾ ਕਿ ਉਨ੍ਹਾਂ ਦਾ ਮਜ਼ਾ ਖਰਾਬ ਹੋਵੇ। ਮੈਂ ਸਿੱਧਾ ਵਿਆਹ 'ਤੇ ਜਾਵਾਂਗਾ।'
ਦੱਸ ਦਈਏ ਕਿ ਧਰਮਿੰਦਰ ਤੇ ਕਰਨ ਵਿਚਾਲੇ ਬਹੁਤ ਹੀ ਮਜ਼ਬੂਤ ਰਿਸ਼ਤਾ ਤੇ ਗੂੜ੍ਹਾ ਪਿਆਰ ਹੈ। ਜਦੋਂ ਕਰਨ ਨੇ ਆਪਣਾ ਬਾਲੀਵੁੱਡ ਡੈਬਿਊ (2019) ਕੀਤਾ, ਤਾਂ ਇਹ ਧਰਮਿੰਦਰ ਹੀ ਸੀ ਜਿਸ ਨੇ ਫਿਲਮ 'ਪਲ ਪਲ ਦਿਲ ਕੇ ਪਾਸ ਦਾ ਨਾਮ' ਸੁਝਾਇਆ ਸੀ। ਕਰਨ ਅਕਸਰ ਸੋਸ਼ਲ ਮੀਡੀਆ 'ਤੇ ਆਪਣੇ ਦਾਦਾ ਧਰਮਿੰਦਰ ਨਾਲ ਤਸਵੀਰਾਂ ਸ਼ੇਅਰ ਕਰਦੇ ਰਹਿੰਦੇ ਹਨ।
ਦੂਜੇ ਪਾਸੇ, ਸੰਨੀ ਵੀ ਬੇਟੇ ਕਰਨ ਦੇ ਵਿਆਹ ਨੂੰ ਲੈ ਕੇ ਕਾਫੀ ਉਤਸ਼ਾਹਿਤ ਹੈ। ਆਉਣ ਵਾਲੀ ਫਿਲਮ 'ਗਦਰ 2' ਦੇ ਪ੍ਰਮੋਸ਼ਨ ਦੌਰਾਨ, ਸੰਨੀ ਨੇ ਫਿਲਮ ਦੇ ਸਹਿ-ਅਦਾਕਾਰ ਨਾਲ ਪੁੱਤਰ ਦੇ ਵਿਆਹ ਬਾਰੇ ਆਪਣੀ ਖੁਸ਼ੀ ਸਾਂਝੀ ਕੀਤੀ। ਸੰਨੀ ਨੇ ਕਿਹਾ ਸੀ, 'ਲੰਬੇ ਸਮੇਂ ਬਾਅਦ ਸਾਡੇ ਘਰ ਵਿਆਹ ਹੋ ਰਿਹਾ ਹੈ। ਮੈਂ ਕਿਸੇ ਵੀ ਤਰ੍ਹਾਂ ਇਸ ਨੂੰ ਸ਼ਾਨਦਾਰ ਬਣਾਉਣਾ ਚਾਹੁੰਦਾ ਹਾਂ।
ਕਰਨ ਦੇ ਵਿਆਹ 'ਚ ਹੋਣਗੇ ਇਹ ਮਹਿਮਾਨ!
ਕਰਨ ਦੇ ਵਿਆਹ ਦੀ ਗੱਲ ਕਰੀਏ ਤਾਂ ਇਹ ਸ਼ਾਨਦਾਰ ਸਮਾਰੋਹ ਹੋਣ ਜਾ ਰਿਹਾ ਹੈ। ਮਹਿਮਾਨਾਂ ਦੀ ਸੂਚੀ ਵੀ ਬਹੁਤ ਲੰਬੀ ਹੈ। ਖਬਰਾਂ ਮੁਤਾਬਕ ਇਸ ਲਿਸਟ 'ਚ ਬੱਚਨ ਪਰਿਵਾਰ, ਜੈਕੀ ਸ਼ਰਾਫ, ਅਨਿਲ ਕਪੂਰ, ਅੰਮ੍ਰਿਤਾ ਸਿੰਘ, ਪੂਨਮ ਢਿੱਲੋਂ ਵਰਗੇ ਸਿਤਾਰੇ ਹਿੱਸਾ ਲੈਣਗੇ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
