Shah Rukh Khan: ਸ਼ਾਹਰੁਖ ਖਾਨ ਨੇ ਕੀਤਾ ਅਜਿਹਾ ਟਵੀਟ ਕਿ 'ਮੰਨਤ' ਡਿਨਰ ਲੈਕੇ ਪਹੁੰਚ ਗਈ ਸਵਿਗੀ ਦੀ ਟੀਮ, ਤਸਵੀਰ ਹੋਈ ਵਾਇਰਲ
Shah Rukh Khan Tweet: ਸ਼ਾਹਰੁਖ ਖਾਨ ਨੇ ਆਸਕ SRK ਸੈਸ਼ਨ ਕੀਤਾ। ਜਿਸ 'ਚ ਉਨ੍ਹਾਂ ਨੇ ਆਪਣੇ ਪ੍ਰਸ਼ੰਸਕਾਂ ਦੇ ਸਵਾਲਾਂ ਦੇ ਦਿਲਚਸਪ ਜਵਾਬ ਦਿੱਤੇ। ਇਸ ਦੌਰਾਨ ਸਵਿੱਗੀ ਦਾ ਨਾਂ ਵੀ ਆਇਆ, ਜਿਸ 'ਤੇ ਐਪ ਨੇ ਮੌਕੇ 'ਤੇ ਹੀ ਚੌਕਾ ਮਾਰਿਆ।
Shahrukh Khan AskSrk: ਸ਼ਾਹਰੁਖ ਖਾਨ ਦੇ ਟਵਿੱਟਰ ਹੈਂਡਲ 'ਤੇ ਚਿੱਟ-ਚੈਟ ਸੈਸ਼ਨ ਕਾਫੀ ਦਿਲਚਸਪ ਹਨ। ਸੋਮਵਾਰ ਨੂੰ ਵੀ, SRK ਨੇ ਆਪਣੇ ਪ੍ਰਸ਼ੰਸਕਾਂ ਨਾਲ ਇੱਕ ਚਿਟ-ਚੈਟ ਸੈਸ਼ਨ (AskSRK Session) ਕੀਤਾ। 15 ਮਿੰਟ ਦੇ ਖਾਲੀ ਸਮੇਂ 'ਚ ਸ਼ਾਹਰੁਖ ਨੇ ਆਪਣੇ ਪ੍ਰਸ਼ੰਸਕਾਂ ਦੇ ਕਈ ਸਵਾਲਾਂ ਦੇ ਜਵਾਬ ਦਿੱਤੇ। ਅਜਿਹੇ 'ਚ ਪ੍ਰਸ਼ੰਸਕਾਂ ਨੇ ਉਨ੍ਹਾਂ ਦੇ ਖਾਣ-ਪੀਣ ਤੋਂ ਲੈ ਕੇ ਉਨ੍ਹਾਂ ਦੀ ਨਿੱਜੀ ਜ਼ਿੰਦਗੀ ਤੱਕ ਕਈ ਸਵਾਲ ਪੁੱਛੇ। ਜਿਸ ਦਾ ਸ਼ਾਹਰੁਖ ਨੇ ਬਹੁਤ ਹੀ ਦਿਲਚਸਪ ਤਰੀਕੇ ਨਾਲ ਜਵਾਬ ਦਿੱਤਾ। ਸ਼ਾਹਰੁਖ ਦੀ ਇਕ ਪ੍ਰਸ਼ੰਸਕ ਨਾਲ ਅਜਿਹੀ ਗੱਲਬਾਤ ਹੋਈ ਕਿ ਫੂਡ ਡਿਲੀਵਰੀ ਐਪ ਸਵਿੱਗੀ ਦੀ ਟੀਮ ਸ਼ਾਹਰੁਖ ਲਈ ਡਿਨਰ ਲੈ ਕੇ ਮੰਨਤ ਪਹੁੰਚੀ ਗਈ। ਹੁਣ ਸ਼ਾਹਰੁਖ ਦੇ ਘਰ ਦੇ ਬਾਹਰ 7 ਡਿਲੀਵਰੀ ਬੁਆਏਜ਼ ਦੀ ਤਸਵੀਰ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀ ਹੈ।
ਇਹ ਵੀ ਪੜ੍ਹੋ: ਪਰਮੀਸ਼ ਵਰਮਾ ਨਾਲ ਵੀ ਹੋ ਚੁੱਕਿਆ ਇੰਮੀਗ੍ਰੇਸ਼ਨ ਫਰੌਡ, ਆਸਟਰੇਲੀਆ 'ਚ ਗਾਇਕ ਨੂੰ ਇੰਜ ਕਰਨਾ ਪਿਆ ਸੀ ਸੰਘਰਸ਼
ਸ਼ਾਹਰੁਖ ਨੇ ਫੈਨ ਤੋਂ ਪੁੱਛਿਆ ਕੀ ਤੁਸੀਂ ਸਵਿੱਗੀ ਤੋਂ ਹੋ?
ਸ਼ਾਹਰੁਖ ਖਾਨ ਆਪਣੇ ਪ੍ਰਸ਼ੰਸਕਾਂ ਦੇ ਹਰ ਸਵਾਲ ਦਾ ਜਵਾਬ ਬਹੁਤ ਹੀ ਮਜ਼ਾਕੀਆ ਅੰਦਾਜ਼ ਵਿੱਚ ਦਿੰਦੇ ਹਨ। ਹੁਣ ਜਦੋਂ ਸ਼ਾਹਰੁਖ ਨੇ ਸੋਮਵਾਰ ਨੂੰ 'ਆਸਕ ਮੀ ਐਨੀਥਿੰਗ' ਸੈਸ਼ਨ ਦਾ ਆਯੋਜਨ ਕੀਤਾ ਤਾਂ ਇਕ ਪ੍ਰਸ਼ੰਸਕ ਨੇ ਉਨ੍ਹਾਂ ਨੂੰ ਪੁੱਛਿਆ, 'ਭਾਈ ਖਾਣਾ ਖਾਇਆ ਕਿਆ?' ਇਸ 'ਤੇ ਸ਼ਾਹਰੁਖ ਨੇ ਜਵਾਬ ਦਿੱਤਾ, "ਕਿਊ ਭਾਈ ਆਪ ਸਵਿਗੀ ਸੇ ਹੋ...ਡਿਨਰ ਭੇਜੋਗੇ ਕਿਆ?" ਬੱਸ ਫਿਰ ਕੀ ਸੀ, ਸਵਿਗੀ ਨੇ ਵੀ ਇਸ ਮੌਕੇ ਦਾ ਫਾਇਦਾ ਉਠਾਉਂਦੇ ਹੋਏ ਲਿਖਿਆ, 'ਅਸੀਂ ਸਵਿਗੀ ਦੇ ਭੇਜ ਦਈਏ ਫਿਰ?'
Kyun bhai aap Swiggy se ho….bhej doge kya?? https://t.co/Jskh69QEqc
— Shah Rukh Khan (@iamsrk) June 12, 2023
ਸਵਿੱਗੀ ਦੀ ਟੀਮ ਪਹੁੰਚੀ ਸ਼ਾਹਰੁਖ ਦੇ ਘਰ
ਇਸ ਤੋਂ ਥੋੜ੍ਹੀ ਦੇਰ ਬਾਅਦ ਸਵਿਗੀ ਦੇ ਟਵਿਟਰ ਹੈਂਡਲ 'ਤੇ ਇਕ ਤਸਵੀਰ ਪੋਸਟ ਕੀਤੀ ਗਈ। ਜਿਸ 'ਚ ਸੱਤ ਡਿਲੀਵਰੀ ਬੁਆਏ ਮੰਨਤ ਦੇ ਘਰ ਦੇ ਬਾਹਰ ਖਾਣਾ ਲੈ ਕੇ ਖੜ੍ਹੇ ਦਿਖਾਈ ਦਿੱਤੇ। ਇਸ ਤਸਵੀਰ 'ਤੇ ਕੈਪਸ਼ਨ ਦਿੱਤਾ ਗਿਆ, 'ਹਮ ਸਵਿਗੀ ਵਾਲੇ ਹੈਂ ਹਮ ਡਿਨਰ ਲੈਕਰ ਆ ਗਏ'। ਹੁਣ ਇਹ ਤਸਵੀਰ ਸੋਸ਼ਲ ਮੀਡੀਆ 'ਤੇ ਕਾਫੀ ਵਾਇਰਲ ਹੋ ਰਹੀ ਹੈ।
hum swiggy wale hai aur hum dinner leke aagaye 🥰 https://t.co/iMFJcYjUVm pic.twitter.com/swKvsEZYhC
— Swiggy (@Swiggy) June 12, 2023
ਪ੍ਰਸ਼ੰਸਕਾਂ ਨੂੰ ਦਿੱਤੀ 'ਜਵਾਨ' ਬਾਰੇ ਜਾਣਕਾਰੀ
ਇਸ ਲਾਈਵ ਸੈਸ਼ਨ 'ਚ ਸ਼ਾਹਰੁਖ ਦੇ ਸਾਰੇ ਪ੍ਰਸ਼ੰਸਕ ਉਨ੍ਹਾਂ ਦੀ ਆਉਣ ਵਾਲੀ ਫਿਲਮ 'ਜਵਾਨ' ਨੂੰ ਲੈ ਕੇ ਉਤਸ਼ਾਹਿਤ ਨਜ਼ਰ ਆਏ। ਇਸ ਦੌਰਾਨ ਸ਼ਾਹਰੁਖ ਖਾਨ ਨੇ ਇਹ ਵੀ ਕਿਹਾ ਕਿ ਪ੍ਰਸ਼ੰਸਕ 7 ਸਤੰਬਰ ਨੂੰ ਆਪਣੇ ਨਜ਼ਦੀਕੀ ਸਿਨੇਮਾ ਹਾਲਾਂ 'ਚ 'ਜਵਾਨ' ਨੂੰ ਮਿਲ ਸਕਦੇ ਹਨ। 'ਪਠਾਨ' ਤੋਂ ਬਾਅਦ ਪ੍ਰਸ਼ੰਸਕ ਸ਼ਾਹਰੁਖ ਖਾਨ ਦੀ ਆਉਣ ਵਾਲੀ ਫਿਲਮ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਹਨ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
